Tag: پیٹ کمنز

چیمپئنز ٹرافی سے قبل آسٹریلیا کو کپتان پیٹ کمنز کی انجری کے باعث بڑا دھچکا لگ گیا۔

غیرملکی میڈیا رپورٹ کے مطابق آسٹریلوی چیف سلیکٹر جارج بیلی نے انکشاف کیا ہے کہ بارڈر، گواسکر ٹرافی کے پانچویں ٹیسٹ میچ میں آسٹریلوی کپتان پیٹ کمنز ٹخنے کی انجری کا شکار ہوئے تھے تاہم ان کا اسکین کروایا گیا تھا۔

پیٹ کمنز کی انجری کے سبب ان کی چیمپئنز ٹرافی کے اسکواڈ میں شمولیت پر بھی سوالیہ نشان لگ گیا ہے۔

جارج بیلی نے بتایا ہے کہ پیٹ کمنز پیرنٹل چھٹیوں پر ہے تاہم انہوں نے حتمی طور پر نہیں بتایا کہ کمنز چیمپئنز ٹرافی کے لیے اسکواڈ کا حصہ ہوں گے یا نہیں۔

چیف سلیکٹر کے مطابق پیٹ کمنز کے تخنے میں تھوڑا سا زخم ہے اس لیے مجھے لگتا ہے کہ اگلے ہفتے یا اس کے بعد اس کا اسکین ہوگا اور ہمیں اس کے بارے میں معلومات مل سکیں گی۔

واضح رہے کہ آسٹریلیا نے سری لنکا کے خلاف دو ٹیسٹ میچوں کی سیریز کے لیے اسکواڈ کا اعلان کیا ہے جس میں کمنز سمیت کئی اسٹار کھلاڑی موجود نہیں، ٹیم میں زیادہ تر نئے چہروں کو شامل کیا گیا ہے اور کپتانی اسٹیو اسمتھ کو سونپی گئی ہے۔

بھارتی بیٹر رشبھ پنت کو آؤٹ کرنے کے بعد ٹریوس ہیڈ نے ایسا جشن کیوں منایا، اس حوالے سے آسٹریلوی کپتان پیٹ کمنز نے لب کشائی کردی۔

میلبرن ٹیسٹ کے اختتام کے بعد میڈیا سے گفتگو کے دوران ان سے ٹریوس ہیڈ کے متنازع جشن منانے کے انداز کے حوالے سے سوال کیا گیا جس پر کینگرو کپتان کا کہنا تھا کہ میں آپ کو یہ سمجھتا ہوں کہ ان کی انگلی کافی گرم ہوگئی تھی جسے وہ ٹھنڈا کررہے تھے۔

پیٹ کمنز نے کہا کہ انھوں نے اپنی انگلی کو برف کے کپ میں ڈبونے کا اشارہ کیا تھا اور یہ مذاق آج کل چل رہا ہے اسی وجہ سے ٹریوس ہیڈ نے ایسا اشارہ کیا۔

جب صحافی نے نیوز کانفرنس کے دوران آسٹریلوی کپتان سے سوال کیا تو وہ پہلے اس سے لاعلم تھے، پیـٹ کمنز نے پہلے تو کہا کہ میں نے ٹریوس ہیڈ کے جشن منانے کا انداز نہیں دیکھا۔

اس دوران انھوں نے میڈیا منیجر سے پوچھا کہ وہ کیا انداز تھا، جس پر اس شخص نے کہا کہ میں آپ کو وہ نہیں دکھا سکتا جس پر سب ہنسنے لگے۔

کمنز نے سوال کیا کہ کیا وہ درست نہیں تھا جس پر میڈیا منیجر نے کہا کہ نہیں وہ انداز ٹھیک تھا، اس کے بعد منیجر نے انھیں ساری تفصیل بتادی جس کے بعد کمنز نے ان کے اشارے کی وضاحت کی کہ وہ مذاق میں کیا گیا تھا۔

اس سے قبل کمنٹیٹر جیمز بریشا نے اس اشارے کی حقیقت بیان کی تھی، انھوں نے بتایا تھا کہ جب 2022 میں سری لنکا کے خلاف ٹریوس ہیڈ نے 10 رنز دے کر 4 وکٹیں حاصل کی تھیں تو انھوں نے مذاق کرتے ہوئے کہا تھا کہ اب انھیں اپنی انگلیوں کو برف میں رکھنے کی ضرورت ہے۔

یہ اس بات کی طرف اشارہ تھا کہ ان کی انگلیوں نے کافی محنت کی ہے، اس لیے تھکن کی وجہ سے انگلی کو برف کی سیکائی کی ضروت ہے، اس بار بھی ہیڈ کے جشن منانے کا انداز کچھ اسی طرح کا تھا، جس پر بھارتی حلقوں نے اعتراض کیا۔

آسٹریلوی کپتان نے چوتھے ٹیسٹ میں نئی مثال قائم کی انھوں نے تھرڈ امپائر کے فیصلے پر بھی اعتراض جڑتے ہوئے ڈی آر ایس مانگ لیا۔

بھارت اور آسٹریلیا کے درمیان ملیبرن میں جاری باکسنگ ڈے ٹیسٹ کے چوتھے دن دلچسپ صورتحال دیکھنے میں آئی، پیٹ کمنز تھرڈ امپائر کے فیصلے سے ناخوش اور غیرمطمئن نظر آئے اور انھوں نے اس فیصلے کو ریورس کرنے کے لیے ڈی آر ایس کا اشارہ کردیا۔

پہلی اننگز کے 119 ویں اوور میں بھارت کی طرف سے محمد سراج بیٹنگ کررہے تھے، اس دوران انھوں نے آف سائیڈ پر جاتی ایک بال کے ساتھ چھیڑ چھاڑ کی۔

بال سیدھی سلپ میں اسٹیون اسمتھ کے ہاتھ میں گئی، اس دوران امپائر نے انھیں آؤٹ نہیں دیا بلکہ اسے تھرڈ امپائر کی طرف فیصلے کےلیے بھیجا۔

تھرڈ امپائر نے محمد سراج کو ناٹ آؤٹ قرار دیا، اس فیصلے ر آسٹریلوی کپتان پیٹ کمنز ناخوش نظر آئے اور امپائر سے ڈی آر ایس لینے کے لیے اصرار کرتے نظر آئے، تاہم امپائر نے انھیں سمجھایا کہ ایسا نہیں ہوسکتا ہے۔

خیال رہے کہ میلبرن ٹیسٹ کے آخر روز آسٹریلیا کو بھارت کے خلاف دوسری اننگز میں 333 رنز کی برتری حاصل ہوچکی ہے اور اگر کمنز اننگز ڈیکلیئر کرتے ہیں تو بھی بھارت کو میچ جیتنے کے لیے یہ اتنا ہدف حاصل کرنا ہوگا۔

ٹی ٹوئنٹی ورلڈ کپ میں آسٹریلیا کا سفر تمام ہوگیا، ایسے میں پیٹ کمنز کو ان کی ماضی کی بات یاد دلاتے ہوئے افغان کرکٹر نے طنز کے نشتر چلادیے۔

آئی سی سی میگا ایونٹ کے سپرایٹ مرحلے میں آسٹریلوی ٹیم افغانستان کے خلاف بنگلہ دیش کی جیت کی منتطر تھی پر ایسا نہ ہوسکا، افغانستان کے کرکٹر نجیب اللہ زدران نے بنگال ٹائیگرز کے خلاف فتح اور کینگروز کے باہر ہونے کے بعد آسٹریلیا کے ون ڈے اور ٹیسٹ کپتان پیٹ کمنز پر زبردست تنقید کی۔

زدران، جو اس میچ کے لیے کریم جنت کی جگہ افغانستان الیون کا حصہ بنے تھے انھوں نے پیٹ کمنز کو ٹرول کرتے ہوئے ایک سوشل میڈیا پوسٹ کی۔

انھوں نے اپنی پوسٹ میں لکھا کہ ’’ٹاپ 4 سیمی فائنلسٹ ٹیمیں کونسی ہیں؟ یقینی طور پر آسٹریلیا تو ہوگی اس کے علاوہ دیگر 3 ٹیمیں آپ خود منتخب کرلیں، ساتھ ہی انھوں نے ہوائی جہاز اور خاموش رہنے کی ایموجی بھی شیئر کی۔

نجیب نے یہیں پر بس نہیں کی بلکہ انھوں نے اپنی اس ایکس پوسٹ میں پیٹ کمنز، کرکٹ آسٹریلیا اور افغانستان کرکٹ بورڈ کو بھی ٹیگ کیا۔

ٹی ٹوئنٹی ورلڈکپ 2024 سے قبل ایک انٹرویو کے دوران دعویٰ کرتے ہوئے پیٹ کمنز کا کہنا تھا کہ یقینی طور پر آسٹریلیا ٹی ٹوئنٹی ورلڈکپ کی سیمی فائنلسٹ ٹیموں میں ہوگی۔

میزبان نے ان سے بارہا پوچھا کہ آپ دیگر سیمی فائنلسٹ ٹیموں کا نام بھی بتائیں مگر کمنز کا کہنا تھا کہ آسٹریلیا کے علاوہ آپ جس 3 ٹیم کو چاہیں منتخب کرلیں، ساتھ میں کمنز نے یہ بھی کہا تھا کہ ٹی ٹوئنٹی ورلڈ کپ 2024 کی ٹاپ چار ٹیموں آسٹریلیا کے علاوہ کوئی بھی آئے ہمیں پروا نہیں۔

خیال رہے کہ آسٹریلوی پیسر پیٹ کمنز نے ٹی ٹوئنٹی ورلڈ کپ کی تاریخ میں لگاتار دو میچز میں ہیٹ ٹرک کر کے نئی تاریخ بنائی تھی.

آئی سی سی ٹی ٹوئنٹی ورلڈ کپ کے سپر ایٹ مرحلے میں آسٹریلیا افغانستان سے میچ تو ہار گیا تھا مگر اسی میچ میں پیٹ کمنز نے ہیٹ ٹرک کر کے ایک میگا ایونٹ میں دو ہیٹ کرنے والے پہلے بولر کا اعزاز حاصل کیا تھا۔

پیٹ کمنز نے اس سے قبل ٹی ٹوئنٹی ورلڈکپ میں بنگلہ دیش کے خلاف ہیٹ ٹرک کی تھی جبکہ کینگروز نے وہ میچ ڈک ورتھ لوئس قانون کے تحت جیتا تھا۔