اسلام آباد: بلاول بھٹوزرداری کے اعزاز میں سینٹ میں تقریب ہوئی،بلاول کا کہنا تھا ماضی میں سیاست دانوں سے غلطیاں ہوئیں،لیکن جمہوریت غلط نہیں، پارلیمنٹ کو مضبوط بنانا ہوگا۔
پیپلزپارٹی کے چیئرمین بلاول بھٹو زرداری سینٹ پہنچے توان کا پرجوش استقبال کیا گیا، پارٹی رہنماشیری رحمان ان کے آگے آگے تھیں، ایک موقع پرانہوں نے صحافیوں کو بلاول سے بات کرنے سے روک دیا۔
بلاول نے پارلیمنٹ موجود تمام جماعتوں کے نمائندوں سے فرد فردا ہاتھ ملایا، اعتزازاحسن نے بلاول کے اعزاز میں استقبالیہ دیا تھا۔ بلاول نے استقبالیےسے خطاب میں کہا کہ مسائل کا حل جمہوریت میں ہی ہے،سیاست دانوں سے ماضی میں غلطیاں ہوئیں،اس کا یہ مطلب نہیں کہ جمہوریت ہی غلط ہے۔
بلاول کا کہنا تھا کہ پارلیمینٹ اور جمہوریت کو مضبوط بنانا ہوگا ماضی کی غلطیاں نہیں دہرانی چاہئیں، پارلیمنٹ کو دہشتگردی کے خلاف حکومت کے ہاتھ مضبوط کرنا چاہیے۔
