ARYNews.tv | Urdu – Har Lamha Bakhabar

Tag: پیپلزپارٹی

  • پیپلزپارٹی نے سندھ کابینہ اور پبلک سروس کمیشن میں میں ایم کیوایم کو نمائندگی دینے توثیق کردی

    پیپلزپارٹی نے سندھ کابینہ اور پبلک سروس کمیشن میں میں ایم کیوایم کو نمائندگی دینے توثیق کردی

    کراچی : پیپلزپارٹی نے سندھ کابینہ اور پبلک سروس کمیشن میں میں ایم کیو ایم کو نمائندگی دینے کی توثیق کردی، ایم کیوایم سے معاہدے سے متعلق اعلامیہ جاری کیا جائے گا۔

    تفصیلات کے مطابق متحدہ اپوزیشن اور ایم کیو ایم کے درمیان معاہدے پر علمدرآمد کا آغاز کردیا گیا ، پیپلزپارٹی نے سندھ میں ایم کیوایم کو پبلک سروس کمیشن میں نمائندگی دینے کی توثیق کردی۔

    معاہدے کے تحت پیپلزپارٹی کی جانب سے سندھ کابینہ میں ایم کیوایم کو نمائندگی دینے ، کراچی اور حیدرآباد کے ایڈمنسٹریٹر ایم کیوایم مشاورت سے لگانے کی بھی توثیق کی گئی۔

    پیپلزپارٹی نے بلدیاتی نظام میں ترمیم اور میئر کے اختیارات میں اضافے سمیت صوبےکےشہری معاملات میں مشاورت سے اتفاق رائے پیدا کرنے سے متعلق بھی توثیق کردی۔

    اس سے قبل پاکستان پیپلزپارٹی کے سینٹرل ایگزیکٹو کمیٹی کے اراکین کو ایم کیوایم سے معاہدے کی توثیق کے لئے دستاویزات کی نقول بھجوائی گئیں تھیں۔

    ذرائع کے مطابق پاکستان پیپلزپارٹی کے سینٹرل ایگزیکٹو کمیٹی کے اراکین سے ایم کیوایم سے ہونے والے معاہدے سے متعلق تجاویز اور آراء بھی مانگ لی گئیں۔

    پاکستان پیپلزپارٹی کے سینٹرل ایگزیکٹو کمیٹی کے اراکین کی جانب سے توثیق کے بعد ایم کیوایم سے معاہدے سے متعلق اعلامیہ جاری کیا جائے گا۔

  • پیپلز پارٹی کا پی ڈی ایم جلسے میں شرکت  کا  فیصلہ

    پیپلز پارٹی کا پی ڈی ایم جلسے میں شرکت  کا  فیصلہ

    اسلام آباد : پیپلزپارٹی نے پی ڈی ایم جلسے میں شرکت  کا  فیصلہ کرلیا، نمائندہ وفد پی ڈی ایم جلسے میں شرکت کرے گا۔

    تفصیلات کے مطابق پیپلزپارٹی کی پی ڈی ایم میں واپسی کا فیصلہ نہ ہو سکا، ذرائع کا کہنا ہے کہ پیپلزپارٹی نے پشاورموڑپرپی ڈی ایم جلسے میں محدود شرکت کا فیصلہ کرلیا ہے۔

    ذرائع نے بتایا کہ پیپلزپارٹی کے چیئرمین بلاول بھٹو زرداری اور سابق صدر آصف علی زرداری سمیت مرکزی رہنما پی ڈی ایم جلسے میں شریک نہیں ہوں گے، پیپلزپارٹی کا نمائندہ وفد پی ڈی ایم جلسے میں شرکت کرے گا۔

    ذرائع نے کہا کہ پارٹی کارکنوں کو پی ڈی ایم کے عوامی اجلاسوں میں شرکت کے لیے نہیں بلایا جائے گا، کیونکہ پی پی پی اسٹریٹ شو پر توجہ مرکوز کرنے کے بجائے جنگ کو پارلیمنٹ تک محدود رکھنا چاہتی ہے۔

    ذرائع کے مطابق پی پی کے ڈی چوک جلسے میں پی ڈی ایم مرکزی قیادت شریک نہیں ہوئی تھی ، جس پر پیپلزپارٹی ڈی چوک جلسے میں پی ڈی ایم قیادت کی عدم شرکت پرنالاں ہے۔

    ذرائع کا کہنا تھا کہ پیپلزپارٹی پی ڈی ایم کے نمائندہ وفد کے درجے کی قیادت بھجوائے گی تاہم جلسے کےلیےتاحال وفد کےناموں کو حتمی شکل نہ دی جا سکی۔

  • وزیراعظم کیخلاف عدم اعتماد کی تحریک، کیا پیپلزپارٹی کو اپنے ہی ارکان پراعتماد نہیں؟

    وزیراعظم کیخلاف عدم اعتماد کی تحریک، کیا پیپلزپارٹی کو اپنے ہی ارکان پراعتماد نہیں؟

    کراچی : پیپلزپارٹی نے اپنے ارکان پارلیمنٹرینز کی قومی اسمبلی اجلاس میں شرکت لازمی قرار دیتے ہوئے غیر حاضر رکن اور پارٹی پالیسی کے خلاف ووٹ پر آرٹیکل 63 اے تحت کارروائی کا انتباہ جاری کردیا۔

    تفصیلات کے مطابق پیپلزپارٹی قیادت نے پارٹی کے اراکین قومی اسمبلی کے نام اجلاس میں لازمی شریک ہونے کے لیے مراسلہ جاری کردیا ہے، پاکستان پیپلزپارٹی پارلیمنٹیرینز کے صدر آصف زرداری کی جانب سے ارسال کردہ خط پارٹی کے تمام اراکین قومی اسمبلی کو موصول ہو گیا ہے۔

    جس میں تحریک عدم اعتماد کے موقع پر ایوان میں حاضری یقینی بنانے اور ووٹنگ میں حصہ لینے کی ہدایت کی ہے۔

    مراسلے کے متن میں کہا ہے کہ وزیر اعظم کے خلاف تحریک عدم اعتماد جمع کرائی جا چکی ہے ۔ پیپلزپارٹی کے ایم این ایز تحریک عدم اعتماد پیش کرنے کے دن ایوان میں حاضری یقینی بنائیں اور ووٹنگ میں حصہ لیں۔

    مراسلے میں خبردار کیا گیا ہے کہ پارٹی کی ہدایت کے برخلاف ووٹ کرنے یا ووٹنگ میں حصہ نہ لینے پر رکن کے خلاف آئین آرٹیکل 63 اے کے تحت کارروائی کی جائے گی۔

    دوسری جانب وزیر مملکت فرخ حبیب کا کہنا ہے کہ ان کے اپنے اراکین ان کےساتھ نہیں ، پی پی کس منہ سے تریسٹھ اےکےتحت خط لکھ رہی ہے، عمران خان نے آئندہ پانچ سال بھی وزیراعظم رہنا ہے۔

  • ‘چوہدری صاحب کی شیروانی تیار ہے ، صرف پہننے کا فیصلہ ہونا باقی ہے’

    ‘چوہدری صاحب کی شیروانی تیار ہے ، صرف پہننے کا فیصلہ ہونا باقی ہے’

    لاہور : پیپلزپارٹی کے جنرل سیکرٹری وسطی پنجاب سید حسن مرتضی کا کہنا ہے کہ چوہدری صاحب کی شیروانی تیارہے ، صرف پہننے کا فیصلہ ہوناباقی ہے۔

    تفصیلات کے مطابق پیپلزپارٹی کے جنرل سیکرٹری وسطی پنجاب سیدحسن مرتضی نے پریس کانفرنس کرتے ہوئے کہا چوہدری صاحب کی شیروانی بن گئی ہے،صرف پہننے کا فیصلہ ہونا باقی ہے۔

    حسن مرتضیٰ کا کہنا تھا کہ پرویزالٰہی کی شیروانی تیار ہے، آصف زرداری آئیں گے توفیصلہ کریں گے، عوامی مارچ وسطی پنجاب میں داخل ہورہاہے اور عوام کا سمندربلاول بھٹوزرداری کے ساتھ آ رہ اہے۔

    پیپلزپارٹی کے جنرل سیکرٹری نے مزید کہا چیچہ وطنی سے خان کی الٹی گنتی شروع ہو جائے گی ، حکومتی اتحادی ہمارے رابطے میں ہیں۔

    ان کا مزید کہنا تھا کہ آپ کی بھول ایک آدھ دن میں نکل جائے گی ، آپ کوبہت بڑاڈینٹ پڑنےوالاہے، آپ کے بوجھ تلے کئی لوگ سسک رہے ہیں۔

  • عوامی مارچ : پیپلزپارٹی کا فیض آباد کی بجائے ڈی چوک پر پڑاؤ ڈالنے کا فیصلہ

    عوامی مارچ : پیپلزپارٹی کا فیض آباد کی بجائے ڈی چوک پر پڑاؤ ڈالنے کا فیصلہ

    لاہور : پیپلزپارٹی نے فیض آباد کی بجائے ڈی چوک پر پڑاؤ ڈالنے کا فیصلہ کرلیا ، اس سلسلے میں پیپلزپارٹی نے انتظامیہ سےڈی چوک پر جلسےکی اجازت مانگ لی۔

    تفصیلات کے مطابق پیپلزپارٹی نےعوامی مارچ کا رخ ڈی چوک کی طرف موڑنے کا فیصلہ کرلیا،ذرائع کا کہنا ہے کہ پیپلزپارٹی نے فیض آباد کی بجائے ڈی چوک پر پڑاو ڈالنے کا فیصلہ کیا ہے۔

    ذرائع نے بتایا کہ پیپلزپارٹی نےخط لکھ کرانتظامیہ سےڈی چوک پرجلسےکی اجازت مانگ لی جبکہ اس حوالے سے چیف کمشنر اسلام آباد کو بھی خط لکھ دیا ہے۔

    ذرائع کے مطابق پیپلزپارٹی نے خط میں کہا ہے کہ پیپلزپارٹی کاعوامی مارچ 8 مارچ کو اسلام آباد پہنچے گا، 8 مارچ کو ڈی چوک پرجلسہ کرنے کی اجازت دی جائے۔

    اس سےقبل پیپلزپارٹی نے فیض آباد پر جلسے کیلئے 3 دن کی اجازت مانگی تھی، جس پر انتظامیہ نے3 دن کی بجائےایک دن جلسہ کرنےکی اجازت دی تھی۔

    خیال رہے چیئرمین پیپلزپارٹی بلاول بھٹو کا لودھراں اور ملتان میں والہانہ استقبال کیا گیا ،  بلاول بھٹو نے خطاب میں وزیراعظم کو استعفے کے لیےپانچ دن کی ڈیڈ لائن دے دی۔

    پی پی چیئرمین نے کہا پانچ دن میں استعفی نہ دیا تو اسلام آباد پہنچ کرعدم اعتماد سے گھربھیجیں گے، عوام حکومت کے ساتھ نہیں، وقت آگیا کہ پارلیمان کا بھی اعتماد اٹھ جائے۔

    ان کا کہنا تھا کہ عدم اعتماد ہمارا جمہوری ہتھیار ہے، یہ ہماری کامیابی ہے کہ ساری اپوزیشن ایک پیج پرآچکی ہے۔

  • وزیراعظم کیخلاف عدم اعتماد، پیپلزپارٹی کا پی ٹی آئی کے5 ایم این ایز کی حمایت حاصل کرنے کا دعویٰ

    وزیراعظم کیخلاف عدم اعتماد، پیپلزپارٹی کا پی ٹی آئی کے5 ایم این ایز کی حمایت حاصل کرنے کا دعویٰ

    کراچی : پاکستان پیپلز پارٹی نے تحریک عدم اعتماد کے معاملے پر حکمران جماعت کے پانچ ایم این ایز کی حمایت حاصل کرنے کا دعویٰ کردیا۔

    تفصیلات کے مطابق وزیراعظم عمران خان کے خلاف تحریک عدم اعتماد کے معاملے پر اہم پیش رفت سامنے آئی ، پاکستان پیپلز پارٹی نے دعویٰ کیا ہے کہ حکمران جماعت کے پانچ ایم این ایز نے حمایت کی یقین دہانی کرادی ہے۔

    ذرائع کا کہنا ہے کہ پاکستان تحریک انصاف کے پانچ ایم این ایز کے نام صیغہ راز میں رکھے گئے ہیں۔

    ذرائع کے مطابق 5 حکومتی ایم این ایز نے بلاول کو استعفیٰ جمع کرادیا ہے ، بلاول بھٹواہم مرحلے پر5 حکومتی ایم این ایز کے نام سامنے لائیں گے۔

    یاد رہے کہ پاکستان پیپلز پارٹی اور پاکستان مسلم لیگ نواز (پی ایم ایل این) سمیت اپوزیشن جماعتیں وزیراعظم عمران خان کے خلاف عدم اعتماد کے اقدام کی حمایت حاصل کرنے کے لیے حکومتی اتحادیوں سے ملاقاتیں کر رہی ہیں۔

    گذشتہ روز یہ بات سامنے آئی تھی کہ حکمران جماعت پاکستان تحریک انصاف سے تعلق رکھنے والے قومی اسمبلی کے 8 ارکان (ایم این اے) پارٹی چھوڑنے کے لیے تیار ہیں۔

    ذرائع نے بتایا تھا کہ یہ ایم این ایز پاکستان مسلم لیگ نواز (پی ایم ایل این) کے ٹکٹ پر اگلا الیکشن لڑیں گے۔

    ذرائع نے بتایا تھا کہ اراکین میں نصراللہ گھمن، عاصم نذیر، نواب شیر وسان، راجہ ریاض، ریاض فتیانہ، خرم شہزاد، غلام بی بی بھروانہ اور غلام محمد لالی شامل تھے۔

  • پیکا آرڈیننس سے متعلق ن لیگ اور پیپلزپارٹی کی درخواستیں مسترد

    پیکا آرڈیننس سے متعلق ن لیگ اور پیپلزپارٹی کی درخواستیں مسترد

    اسلام آباد : اسلام آباد ہائی کورٹ نے پیکا آرڈیننس سے متعلق ن لیگ اور پیپلزپارٹی کی درخواستیں مسترد کردیں، چیف جسٹس نے ریمارکس دئیے سیاسی جماعتوں کوعدالتوں میں آنےکے بجائے پارلیمنٹ جانا چاہیے۔

    تفصیلات کے مطابق اسلام آباد ہائیکورٹ میں ن لیگ اور پیپلزپارٹی کی پیکا آرڈیننس سے متعلق درخواستوں پر سماعت ہوئی ، سماعت اسلام آباد ہائی کورٹ کے چیف جسٹس اطہرمن اللہ نے کی۔

    چیف جسٹس نے ریمارکس میں کہا سیاسی پارٹیوں کوپارلیمنٹ میں جاناچاہیے، عدالت نے پہلے ہی پیکا کیس میں نوٹس جاری کردیاہے، عدالتوں کو پارلیمنٹ کےمعاملات میں جاناہی نہیں چاہیے۔

    چیف جسٹس کا کہنا تھا کہ پارلیمنٹ کی اپنی اہمیت ہے، سیاسی پارٹی کوعدالت آناہی نہیں چاہیے اور پارلیمنٹ کومضبوط بنانا چاہیے۔

    جس پر وکیل نے کہا ہم عدالت کی معاونت کرناچاہتےہیں تو چیف جسٹس اطہر من اللہ کا کہنا تھا کہ آپ کوعدالت کی معاونت کی ضرورت نہیں ہے۔

    چیف جسٹس نے کہا سیاسی جماعت عدالت کی بجائےپارلیمنٹ جائے، عدالت مسلم لیگ ن کی درخواست کونہیں سنےگی۔

    اسلام آباد ہائی کورٹ نے پپکا ترمیمی آرڈیننس کے خلاف مسلم لیگ ن کی درخواست ناقابل سماعت قرار دیتے ہوئے خارج کردی۔

    دوسری جانب پیپلز پارٹی نےبھی پیکاقانون کواسلام آباد ہائیکورٹ میں چیلنج کیا ، پیپلز پارٹی کی درخواست پرآفس اعتراضات کےساتھ چیف جسٹس نےسماعت کی ، عدالت نے پیپلز پارٹی کی درخواست پرآفس اعتراضات برقرار رکھے۔

  • پیپلزپارٹی کی پی ڈی ایم میں واپسی کا امکان

    پیپلزپارٹی کی پی ڈی ایم میں واپسی کا امکان

    کراچی : چیرمین پیپلز پارٹی بلاول بھٹو آج مولانا فضل الرحمان سے ملاقات کریں گے ، جس کے بعد پیپلزپارٹی کی پی ڈی ایم میں واپسی کا امکان ہے۔

    تفصیلات کے مطابق پی ڈی ایم اور پی پی بیک ڈور رابطے کام آ گئے اور پیپلزپارٹی کی پی ڈی ایم میں واپسی کا امکان پیدا ہوگیا ، چیرمین پیپلز پارٹی بلاول بھٹو نے مولانا فضل الرحمان سے رابطہ کیا۔

    ملاقات میں بلاول بھٹو اورمولانا فضل الرحمان میں آج ملاقات کا وقت طے ہوگیا ، دونوں رہنماؤں کےدریان آج سہ پہر ملاقات ہو گی۔

    ملاقات میں سیاسی صورتحال اور حکومت مخالف تحریک پربات ہوگی اور ملک میں مہنگائی کےبعدپیدا صورتحال پر بھی گفتگو کی جائے گی۔

    دوسری جانب وزیر اطلاعات سندھ سعید غنی نے میڈیا سے گفتگو کرتے ہوئے کہا تھا کہ پی ڈی ایم سے ہم الگ ہونا نہیں چاہتے تھے، ہمارا ایک مشورہ تھا کہ ابھی استعفے نہیں دینے چاہئیں ، ہمارامشورہ تھا بعد میں استعفے دینا پڑے تو دے دیں گے۔

    سعیدغنی کا کہنا تھا کہ پی ڈی ایم میں ہماری یہ بات نہیں مانی گئی تھی ہم الگ ہوگئے، استعفے اور لانگ مارچ کاکہنےوالی جماعتوں نےآج تک نہیں دیا، کیا ان لوگوں نےوہی کیا جو پیپلزپارٹی کہہ رہی تھی، ہماری ضد نہیں ، فیصلے اتفاق رائے سےہو ں توہم شامل ہوجائیں گے۔

  • پیپلزپارٹی مہنگائی کے خلاف آج ملک گیر احتجاج کرے گی

    پیپلزپارٹی مہنگائی کے خلاف آج ملک گیر احتجاج کرے گی

    کراچی : پیپلزپارٹی مہنگائی کے خلاف آج ملک گیراحتجاج کرے گی، نمازِ جمعہ کے بعد ملک بھر میں مظاہرے کیے جائیں گے، لاڑکانہ میں احتجاج کےشرکا سے بلاول بھٹوزرداری کا خطاب متوقع ہے۔

    تفصیلات کے مطابق پیپلزپارٹی آج مہنگائی کے خلاف ملک گیراحتجاج کرے گی، نمازِ جمعہ کے بعد ملک بھر میں مظاہرے کیے جائیں گے ، کراچی کے 6 اضلاع میں مظاہرے ہوں گے جبکہ لاڑکانہ میں احتجاج کےشرکا سے بلاول بھٹوزرداری کا خطاب متوقع ہے۔

    کراچی کے ضلع جنوبی میں مظاہرہ ریگل چوک پر ہوگا ، قیادت شیری رحمان اور وقار مہدی کریں گے ، پریس کلب پرضلع ملیرکےمظاہرےکی قیادت قائم علی شاہ کریں گے۔

    ضلع شرقی میں مظاہرہ الآصف اسکوائر پر ہوگا ، جس کی قیادت سلیم مانڈوی والا جبکہ ضلع غربی میں مظاہرہ بنارس چوک پر ہوگا ، جس کی قیادت مرتضی وہاب کریں گے۔

    اسی طرح ضلع وسطی میں مظاہرہ لیاقت آباد 10 نمبر پر ہوگا ، جس کی قیادت شہلا رضا اور ضلع کورنگی میں سنگر چورنگی پر مظاہرے کی قیادت تاج حیدر کریں گے۔

    پیپلزپارٹی کی کال پر آج خیرپورمیں مہنگائی کے خلاف احتجاج کیاجائےگا، شہرمیں الگ الگ احتجاجی مظاہرےاور ریلیاں نکالی جائیں گی۔

    دوسری جانب پیپلز پارٹی کے مہنگائی کے خلاف احتجاج پر ایم کیو ایم رہنما خواجہ اظہار الحسن نے ردعمل دیتے ہوئے کہا ہےکہ کیا پی پی پی دودھ ، مرغی ، گوشت ، سبزی کی کمشنر ریٹ لسٹ کے برخلاف قیمتوں پر احتجاج کررہی ہے ، کیا پیپلز پارٹی گندم اور چینی کے ذخیرہ اندوزوں کے خلاف احتجاج کرے گی ، کیا پیپلز پارٹی مہنگائی میں براہ راست ملوث ڈپٹی کمشنرز اور افسران سے مستعفی ہونے کی اپیل کرے گی۔

  • آنے والی وفاقی حکومت پیپلزپارٹی کی ہوگی،سابق گورنرپنجاب کا بڑا دعویٰ

    آنے والی وفاقی حکومت پیپلزپارٹی کی ہوگی،سابق گورنرپنجاب کا بڑا دعویٰ

    سکھر : سابق گورنرپنجاب سردارلطیف کھوسہ نے دعویٰ کیا ہے کہ آنے والی وفاقی حکومت پیپلزپارٹی کی ہوگی اور دیگر صوبوں سمیت پنجاب میں پیپلزپارٹی حکومت بنائے گی۔

    تفصیلات کے مطابق سابق گورنرپنجاب سردارلطیف کھوسہ نے سکھرمیں اےآروائی نیوزسےخصوصی گفتگو کرتے ہوئے کہا ہے کہ آنے والی وفاقی حکومت پیپلزپارٹی کی ہوگی جبکہ دیگر صوبوں سمیت پنجاب میں پیپلزپارٹی حکومت بنائے گی۔

    لطیف کھوسہ کا کہنا تھا کہ آصف زرداری کے لاہور میں قیام سے پنجاب میں پارٹی مستحکم ہوگی، پنجاب میں پارٹی میں شامل ہونے کے لیے قطاریں لگ گئیں ہیں۔

    قومی اسمبلی میں ہنگامہ آرائی کے حوالے سے سابق گورنرپنجاب نے کہا کہ پارلیمنٹیرینزکےرویےسےہماری بین الاقوامی طور پربدنامی ہوئی ، ایسےعمل سے ہمارے نوجوانوں کواچھا پیغام نہیں گیا۔

    ان کا مزید کہنا تھا کہ ہم سب کو ملکر ملک اور قوم کی ترقی کے لیے کام کرناچاہیے اور مہنگائی سےنجات حاصل کرنے کے لیے سوچنا چاہیے۔