Tag: پیپلزپارٹی

اسلام آباد: پیپلزپارٹی نے اے پی سی کے معاملے پر مسلم لیگ ن کی خاموشی کے بعد آئندہ کی حکمت عملی پر غور شروع کر دیا۔

تفصیلات کے مطابق پیپلزپارٹی اور ن لیگ میں اے پی سی کے معاملے پر اتفاق رائے نہ ہوسکا۔اپوزیشن کی آل پارٹیز کانفرنس مزید تاخیر کا شکار ہوگئی۔

ذرائع کا کہنا ہے کہ پیپلزپارٹی نے مسلم لیگ ن کی خاموشی کے بعد آئندہ کی حکمت عملی سمیت دیگر جماعتوں سے اہم بیٹھک پر غور شروع کر دیا۔

ذرائع کے مطابق ن لیگ نے اے پی سی سےمتعلق یقین دہانی کرائی تھی،عیدگزرنے کے باوجود ن لیگ تاحال خاموش ہے،پیپلزپارٹی نے اے پی سی بلانے پر غور شروع کر دیا ہے۔

ذرائع کا کہنا ہے کہ پیپلزپارٹی کی جانب سے اے پی سی بلا کر ن لیگ کو دعوت دینے پر غور کیا جا رہا ہے،ن لیگ پر ہے کہ وہ اے پی سی میں شرکت کرتی ہے یا نہیں۔

ذرائع کا مزید کہنا ہے کہ اے پی سی نہیں بلائی گئی تو دیگر اپوزیشن جماعتوں سے اہم بیٹھک ہوگی۔

کراچی: پاکستان پیپلز پارٹی(پی پی پی) نے شہرقائد میں رواں ہفتے ’ملٹی پل‘ پارٹیز کانفرنس کا اعلان کردیا، پی پی کے اہم رہنماؤں نے دیگر سیاسی جماعتوں سے رابطے تیز کردیے۔

تفصلات کے مطابق پیپلزپارٹی کراچی میں ملٹی پل پارٹیز کانفرنس کرنے جارہی ہے جس کا انعقاد رواں ہفتے ممکن ہے۔ محکمہ خوراک سندھ نثار کھوڑ نے ن لیگ، جماعت اسلامی، جے یوآئی اور جے یو پی، اے این پی، نیشنل پارٹی اور پختونخوا عوامی ملی پارٹی سیمت دیگر سیاسی جماعتوں سے رابطے کیے۔

پارٹی ترجمان کا کہنا ہے کہ نثار کھوڑو نے سیاسی رہنماؤں کو بھی ملٹی پل پارٹیز کانفرنس پر اعتماد میں لیا۔

ادھر نثارکھوڑو نے اپنے ایک بیان میں کہا کہ کانفرنس میں 18ویں ترمیم اور این ایف سی معاملات پر بات ہوگی، کانفرنس میں ٹڈی دل اور کرونا پر وفاق کے کردار پر تبادلہ خیال کیا جائے گا، سیاسی جماعتوں کو کانفرنس کے لیے باضابطہ دعوت نامے بھیجے جائیں گے، وفاق 18ویں ترمیم اور این ایف سی میں سندھ پر حملے کررہاہے۔

ان کا کہنا تھا کہ این ایف سی میں صوبوں کا حصہ مرکز سے زیادہ ہونا وفاق کو چبھتا ہے، سندھ کسی صورت این ایف سی میں کٹوتی برداشت نہیں کرے گی، سندھ این ایف سی میں کٹوتی کے فارمولے کو تسلیم نہیں کرے گا۔

صوبائی وزیر نے کہا کہ وفاق 18ویں ترمیم پر راگنی آلاپ کر اپنی ناکامی پر پردہ ڈالنے چاہتا ہے، پیپلز پارٹی 18 ویں ترمیم اور این ایف سی پر کوئی سمجھوتہ نہیں کرے گی، ٹڈی دل نے سندھ کے مختلف اضلاع میں فصلوں کی تباہی کی، وفاق ٹڈی دل کے خاتمے کے لیے کوئی کردار ادا نہیں کر رہا۔

نثار کھوڑو کا مزید کہنا تھا کہ وفاقی حکومت کی نا سمجھ پالیسی سے کرونا کے باعث اموات بڑھیں، مہلک وبا سے بچاؤ پر سندھ کی تجاویز پر عمل ہوتا تو صورت حال یہ نہ ہوتی۔

اسلام آباد: چیئرمین پیپلزپارٹی بلاول بھٹو زرداری کا کہنا ہے کہ ضرورت مندوں کی مدد کے وقت عزت نفس کا خیال رکھا جائے۔

تفصیلات کے مطابق پیپلزپارٹی کے سربراہ بلاول بھٹو زرداری کی زیرصدارت اجلاس ہوا جس میں راجہ پرویزاشرف ، نیئربخاری،فرحت اللہ بابر، مصطفی نواز کھوکھر نے شرکت کی۔ سینیٹر شیری رحمان نے ویڈیو لنک کے ذریعے اجلاس میں شرکت کی۔

اجلاس میں کرونا وائرس پر تفصیلی تبادلہ خیال کیا گیا اور پارلیمنٹ کے آئندہ ہونے والے اجلاس پر بھی غور کیاگیا۔نیئر بخاری نے پارٹی چیئرمین کو ریلیف کے حوالے سے بریفنگ دی۔

اس موقع پر بلاول بھٹو زرداری کا کہنا تھا کہ اس وقت بنیادی ترجیح قوم کو کرونا سے محفوظ رکھنا ہے، مشکلات کا شکار عوام کی مدد کرنا ان کا حق ہے۔چیئرمین پیپلزپارٹی کا مزید کہنا تھا کہ ضرورت مندوں کی مدد کےوقت عزت و نفس کا خیال رکھا جائے۔

ہم معیشت کودوبارہ زندہ کرسکتے ہیں لیکن لوگوں کونہیں کرسکتے،بلاول بھٹو

یاد رہے کہ گزشتہ ہفتے چیئرمین پیپلزپارٹی کا کہنا تھا کہ وبا کی تیزی کا احساس نہ ہونے سے بروقت ضروری اقدامات میں مشکلات ہیں،ماہرین صحت نے تجویز دی تھی ملک میں سخت اقدامات کیے جائیں۔

چیئرمین پیپلزپارٹی بلاول بھٹو زرداری کا مزید کہنا تھا کہ ہم معیشت کودوبارہ زندہ کرسکتے ہیں لیکن لوگوں کونہیں کرسکتے۔

کراچی: ترجمان سندھ حکومت مرتضیٰ وہاب نے کہا ہے کہ سندھ حکومت ایس او پیز دے گی جن پر سختی سے عملدرآمد کرایا جائے گا، جو ایس اوپیز نہیں مانگے گا انہیں کاروبار نہیں کرنے دیں گے۔

تفصیلات کے مطابق ترجمان سندھ حکومت مرتضیٰ وہاب نے اے آر وائی نیوز سے خصوصی گفتگو کرتے ہوئے کہا کہ کاروبار کے کھولنے سے متعلق وفاق کے فیصلے پر تحفظات ہیں، وزیراعلیٰ سندھ نے تجویز دی تھی لاک ڈاؤن مزید 2 ہفتے تک رکھیں تاکہ وبا پر کنٹرول کرسکیں۔

انہوں نے کہا کہ ہم نے تجویز دی تھی کہ فیصلے متفقہ اور مشترکہ طور پر کیے جائیں، ہم نے یہ بھی کہا تھا کہ وزیراعظم کچھ فیصلہ کرتے ہیں تو فالو کریں گے، ہم نے یہ بھی کہا تھا کہ وزیراعظم کچھ فیصلہ کرتے ہیں تو فالو کریں گے، انسانی زندگی سے زیادہ مقدم اور کوئی چیز نہیں، معیشت کو دوبارہ ٹھیک کیا جاسکتا ہے زندگی واپس نہیں آسکتی۔

مزید پڑھیں: کراچی تاجر برادری نے مارکیٹیں کھولنے کا فیصلہ مؤخر کردیا

مرتضیٰ وہاب نے کہا کہ ایس اوپیز پر عمل کرانے کا مقصد ہے قومی اتفاق رائے نظر آئے، جو بزنس مین پروپیگنڈا کررہے تھے ہمیں کاروبار کھولنا چاہئے، ورکرز کی صحت کی ذمہ داری ان بزنس مین پر بھی عائد ہوتی ہے۔

ترجمان سندھ حکومت کا کہنا تھا کہ وفاقی حکومت کو ایسا لگتا ہے کہ کرونا وائرس ملک میں کنٹرول ہے، پاکستان میں ہم نے ابھی جارحانہ ٹیسٹنگ نہیں کی، جارحانہ ٹیسٹنگ کریں گے تو مریضوں کی اصل تعداد سامنے آئے گی۔

انہوں نے کہا کہ ہیلتھ ڈیپارٹمنٹ کی تجویز پر 11 یوسیز کو سیل کرنے کا فیصلہ کیا گیا تھا، ڈپٹی کمشنر کی تجویز پر احتیاط کے طور پر یوسیز کو سیل کیا، تفتان بارڈر بے احتیاطی کی گئی جس کی مثال آپ کے سامنے ہے۔