Tag: پیپلزپارٹی

کراچی: چیئرمین پاکستان پیپلزپارٹی بلاول بھٹو زرداری نے کرونا وبا پر سی ای سی اجلاس ویڈیو لنک کے ذریعے بلانے کا اعلان کر دیا۔

تفصیلات کے مطابق سماجی رابطے کی ویب سائٹ ٹویٹر پر بلاول بھٹو زرداری نے اپنے پیغام میں کہا کہ کرونا وبا پر سی ای سی اجلاس ویڈیو لنک کے ذریعے کل دوپہر ڈھائی بجے ہوگا۔

چیئرمین پیپلزپارٹی نے کہا کہ اجلاس میں آل پارٹیز ویڈیو لنک کانفرنس کی تجویز دی جائے گی، قومی بیانیے کے لیے تمام سیاسی جماعتوں کو ایک پیج پر لایا جائے گا۔

The Pakistan Peoples Party will be holding its first video link CEC meeting on #CoronavirusPandemic . Will propose to the party to call an all parties conference over video link to bring political parties on same page in our national response to the pandemic. #PakistanVsCorona

— BilawalBhuttoZardari (@BBhuttoZardari) March 21, 2020

سندھ میں 357 کرونا وائرس کے مریض ہیں، وزیر صحت سندھ

دوسری جانب وزیر صحت سندھ عذرا پیچوہو کا کہنا ہے کہ اب تک سندھ میں 357 کرونا وائرس کے مریض موجود ہیں۔

واضح رہے کہ پاکستان میں کرونا وائرس کے کیسز کی تعداد 666 ہو گئی ہے، وائرس سے مجموعی طور پر 3 افراد جاں بحق جبکہ 13 مریض صحت یاب ہو چکے ہیں۔

کراچی: چیئرمین پاکستان پیلزپارٹی بلاول بھٹو زرداری کا کہنا ہے کہ غریب طبقے کو یقین دلاتا ہوں حکومت سندھ آپ کو سنبھالےگی، کھانا پہنچائیں گے۔

تفصیلات کے مطابق کراچی میں میڈیا سے گفتگو کرتے ہوئے سربراہ پاکستان پیپلزپارٹی بلاول بھٹو زرداری نے کہا کہ ہم نے اس مشکل وقت میں ایس او پیز کو فالو کرنا ہے، ہم کرونا سے مقابلہ کرنے کے لیے پوری کوشش کر رہے ہیں۔

انہوں نے کہا کہ متاثرہ ممالک نے وائرس کے خلاف بروقت اقدامات کیے، ہماری کوشش تھی کہ معاشرے میں اس کے پھیلاؤ کو روکیں، کرونا وائرس ان میں ہے جو باہر سے آئے یا ان سے ملنے والوں میں ہے۔

بلاول بھٹو زرداری کا کہنا تھا کہ حکومت سندھ نے اپنے طور پر10 ہزار کٹس کا بندوبست کیا ہے، وفاقی حکومت سے درخواست ہے کٹس پر صوبوں کی مدد کرے۔

انہوں نے کہا کہ وزیراعلیٰ سندھ اور ٹیم نے فیصلہ کیا کہ ایکسپو سینٹر میں قرنطینہ بنایا جائے گا، ہم نے ایکسپو سینٹرمیں ایک بڑا اسپتال بنانے کا فیصلہ کیا ہے، فوج سمیت دیگر اداروں کی مدد سے بڑے فیلڈ اسپتال پر کام کیا جائے گا۔

چیئرمین پیپلزپارٹی کا کہنا تھا کہ غریب طبقے کو یقین دلاتا ہوں حکومت سندھ آپ کو سنبھالے گی،کھاناپہنچائیں گے،اگر ہم کہہ رہے ہیں 15 دن آپ کوگھرمیں رہنا پڑےگا تو ذمےداری نبھائیں گے۔

بلاول بھٹو زرداری نے کہا کہ یومیہ اجرت کے ملازمین کو ہر صورت تنخواہ دینی ہوگی، ہماری ذمے داری ہے کہ متاثرہ افراد کو پوری تنخواہ دیں،اگر لوگ کام پر نہیں آ رہے تو بھی پوری تنخواہ دینی ہوگی۔

جامشورو: وزیراعلیٰ سندھ مراد علی شاہ کا کہنا ہے کہ پیپلزپارٹی کی حکومت میں صحافیوں کےساتھ ناانصافی نہیں ہوگی۔

تفصیلات کے مطابق سیہون میں میڈیا سے گفتگو کرتے ہوئے وزیراعلیٰ سندھ مراد علی شاہ نے کہا کہ صحافی عزیز میمن کے قتل پر پیپلزپارٹی نے سخت مؤقف رکھا ہے، سعید غنی اور سہیل سیال کو عزیز میمن کے ورثا کے پاس بھیجا تھا۔

مراد علی شاہ کا کہنا تھا کہ عزیز میمن کے بھائی نے اپنی مرضی سے مقدمہ درج کرایا ہے، عزیز میمن کی فیملی کے ساتھ مکمل انصاف کریں گے۔انہوں نے کہا کہ صحافت کی آزادی پر ہم یقین رکھتے ہیں، پیپلزپارٹی کی حکومت میں صحافیوں کے ساتھ ناانصافی نہیں ہوگی۔

آئی جی سندھ کے تبادلے سے متعلق وزیراعلیٰ سندھ کا کہنا تھا کہ آئی جی کے تبادلے پر وزیراعظم کو کہا ہے ابھی تک نہیں ہوا، وزیراعظم نے وعدہ بھی کیا ابھی تک آئی جی سندھ تبدیل نہیں ہوا۔

مراد علی شاہ نے کہا کہ سیہون کوماڈل سٹی بنانے کا کام جاری ہے، وفاق نے پیسےکم دیےاس لیے ترقیاتی منصوبے تعطل کا شکار ہیں۔ انہوں نے مزید کہا کہ بلاول بھٹو غریبوں کے لیے آواز بلندکر رہے ہیں، چیئرمین پیپلزپارٹی مارچ میں احتجاجی تحریک چلا رہے ہیں۔

اسلام آباد: تحریک انصاف کے رہنما ندیم افضل چن کا کہنا ہے کہ احتساب بلا امتیاز ہوگا تو کسی بھی بےگناہ کوسزا نہیں ہوگی۔

تفصیلات کے مطابق اے آروائی نیوز کے پروگرام آف دی ریکارڈ میں گفتگو کرتے ہوئے پی ٹی آئی کے رہنما ندیم افضل چن نے کہا کہ تحقیقات میں عدل ہوگا تو ہی لوگ تسلیم کریں گے، عدل نہیں ہوگا توگناہ گار بھی چھوٹ جائیں گے۔

تحریک انصاف کے رہنما کا کہنا تھا کہ احتساب بلا امتیاز ہوگا تو کسی بھی بےگناہ کوسزا نہیں ہوگی،مسائل کوحل کرنا ہے، قانون سازی بھی کرنی ہے، پی پی کو ن لیگ اور ن لیگ کو پی پی قانون سازی نہیں کرنے دیتی تھی۔

ندیم افضل چن نے کہا کہ پی ٹی آئی کو ایک خاص بیانیہ قانون سازی سے روک رہا ہے، ریفارمز سے روکنے کی کوشش، قانون سازی نہیں ہونے دی جاتی، اسمبلی میں جنگ وجدل کے دوران اصلاحات نہیں ہوسکتی۔

تحریک انصاف کے رہنما کا کہنا تھا کہ پاکستان میں سب سے زیادہ حکومت مسلم لیگ ن کی رہی، احتساب قوانین سے مسئلہ تھا تو ن لیگ نے درست کیوں نہیں کیا۔

انہوں نے مزید کہا کہ چینی کے کاروبار سے متعلق لوگ تمام سیاسی جماعتوں میں ہیں، دیکھنا یہ ہے چینی کے کاروبار سے متعلق لوگ کرپٹ ہیں بھی یا نہیں، جہانگیرترین کاروبار قانون کے مطابق کرتے ہیں ٹیکس دیتے ہیں۔

اسلام آباد: چیئرمین پیپلزپارٹی بلاول بھٹو زرداری نے کہا کہ عوام کو ریلیف پہنچانے کے لیے اچھے فیصلے کرنا ہوں گے، حکومت آئی ایم ایف کے پاس جا کر دوبارہ مذاکرات کرے۔

تفصیلات کے مطابق قومی اسمبلی کے باہر میڈیا سے گفتگو کرتے ہوئے بلاول بھٹو نے کہا کہ کل اسمبلی میں اپنی تقریر میں حقائق پر بات کی، کل حکومتی اداروں کے اعدادوشمار ہی حکمرانو ں کے سامنے رکھے۔

چیئرمین پیپلزپارٹی کا کہنا تھا کہ حکومت کے وزرا ہمیشہ ماضی کی باتیں کرتے ہیں، موجودہ حکومت نے جو قرض ایک سال میں لیا اتنا پہلے نہیں لیاگیا، ایف بی آر بھی کہہ رہا ہے ٹیکس اہداف کا شارٹ فال 400 ارب ہے۔

بلاول بھٹو نے کہا کہ حکومت آئی ایم ایف کے پاس جا کر دوبارہ مذاکرات کرے، آئی ایم ایف جائیں مگر معاشی خودمختاری پر سودے بازی نہ کریں۔

موجودہ حکومت بی آئی ایس پی کو سبوتاژ کررہی ہے، بلاول بھٹو

یاد رہے کہ گزشتہ روز چیئرمین پیپلزپارٹی نے قومی اسمبلی میں اظہار خیال کرتے ہوئے کہا تھا کہ بی آئی ایس پی پاکستان کا کامیاب پروگرام ہے جس کی دنیا میں پہچان ہے، بی آئی ایس پی سے 9 لاکھ لوگوں کو نکالا گیا تاریخ یاد رکھے گی۔ بلاول بھٹو زرداری کا کہنا تھا کہ موجودہ حکومت بی آئی ایس پی کو سبوتاژ کر رہی ہے۔

اسلام آباد: وفاقی وزیر برائے اقتصادی امور حماد اظہر کا کہنا ہے کہ پیپلزپارٹی اور ن لیگ کے خسارے ہم پورے کر رہے ہیں۔

تفصیلات کے مطابق وفاقی وزیر حماد اظہر نے قومی اسمبلی میں اظہار خیال کرتے ہوئے کہا کہ ملکی خسارے ہم پورے کر رہے ہیں، 2018 میں مارچ میں آئی ایم ایف کی رپورٹ آئی ، ملکی معیشت کا بیڑہ ن لیگ کے دور میں غرق کیاگیا۔

حماد اظہر کا کہنا تھا کہ بجلی گیس کے بحرانوں کی وجہ ن لیگی دور کے غیرمستحکم منصوبے تھے، ن لیگ دور میں معیشت اچھی جا رہی تھی تو آئی ایم ایف کے پاس کیوں گئے۔

انہوں نے کہا کہ گزشتہ سال جولائی سے اب تک فارن ریزرو میں 50 فیصد اضافہ ہوا، رواں سال دسمبر تک گردشی قرضے ختم کرنے ہیں، حکومت کے لیے بجلی کے بل بڑھانے کا فیصلہ مشکل ہوتا ہے۔

وفاقی وزیر کا کہنا تھا کہ مشکل فیصلےکوئی بھی حکومت خوشی سے نہیں کرتی، معیشت پر بات ہوتی ہے اور ہمیں احساس ہےمہنگائی میں اضاٖفہ ہوا، اس میں کوئی شک نہیں کہ مہنگائی میں اضافہ ہوا ہے۔

حماد اظہر نے کہا کہ کوئی مجبوری ہوتی ہے جس کے تحت مشکل فیصلے کیے جاتے ہیں، پیپلزپارٹی اور ن لیگ کے خسارے ہم پورے کر رہے ہیں،کرنٹ اکاؤنٹ کا خسارہ آج 84فیصد سے نیچے آچکا ہے۔

انہوں نے کہا کہ ہم نے معیشت کو آئی سی یو سے نکالا ہے، کرنسی بہت زیادہ دباؤ میں تھی، پی ٹی آئی نے روپے کو ڈی ویلیو نہیں کیا،
پاکستان 3.6 ارب ڈالر واپس کرچکا ہے۔

شکرگڑھ: پیپلزپارٹی کے رہنما قمر زمان کائرہ نے کہا ہے کہ پی پی غیر سیاسی تبدیلی کے خلاف ہے، جمہوری طریقےسے حکومت جائے گی۔

شکر گڑھ میں میڈیا سے بات کرتے ہوئے انہوں نے کہا کہ 190 دن سے کشمیری محصورہیں، ہم کشمیریوں کی قربانیوں کو خراج تحسین پیش کرتےہیں لیکن سعودی عرب سمیت کشمیر پر دنیا کا کوئی ملک ہمارے ساتھ نہیں ہے۔

یہ بھی پڑھیں: جماعت اسلامی کا ان ہاؤس تبدیلی کیخلاف بھرپور مزاحمت کا اعلان

قمر زمان کائرہ نے کہا کہ عمران خان نے قوم کو جھوٹ کا ٹیکہ لگا رکھا ہے، عمران خان میں حکومت چلانےکی اہلیت نہیں تاہم پیپلز پارٹی غیر سیاسی تبدیلی کے خلاف ہے ہم چاہتے ہیں حکومت جمہوری طریقے سے جائے۔

پی پی رہنما کا کہنا تھا کہ عمران خان حکومت میں بیٹھ کر اپوزیشن کی تقریریں کرتےہیں، حکومت کے اتحادی ٹوٹ رہےہیں حکومت فرسٹریشن کا شکار ہے اگر حکومت ڈوبنے لگتی ہے تو سہارے کام نہیں کرتے۔

ان کا کہنا تھا کہ پنجاب میں 5 آئی جی تبدیل ہوئے لیکن سندھ کیلئے دہرا معیار ہے، یہ جعلی تبدیلی ہے جو اپنی موت آپ مرے گی، عثمان بزدار کی تبدیلی اہم نہیں عمران خان کی تبدیلی اہم ہے۔

کراچی: چیئرمین پیپلزپارٹی بلاول بھٹو زرداری نے مہنگائی کے خلاف مارچ سے تحریک شروع کرنے کا اعلان کر دیا۔

تفصیلات کے مطابق کراچی میں تقریب سے خطاب کرتے ہوئے بلاول بھٹو زرداری نے کہا کہ ہماری جمہوری جدوجہد میں لیاری کا بڑا کردار ہے، اربن فاریسٹ کےنام سے منصوبہ شروع کر رہے ہیں۔

پیپلزپارٹی کے سربراہ کا کہنا تھا کہ جلد ہی ملیر ندی پربھی اس طرح کا منصوبہ شروع ہوگا، جہاں زیادہ آلودگی ہوگی وہاں بھی ایسا منصوبہ شروع کریں گے، کم وسائل،سازشوں کے باوجود پوری توجہ ترقیاتی منصوبوں پر ہے۔

بلاول بھٹو کا کہنا تھا کہ زیادہ محنت کرکے صوبے کو وسائل دلائیں گے، سندھ حکومت دیگرصوبوں کے مقابلے زیادہ کام کر رہی ہے، یہ حکومت معاشی حقوق چھیننے کی کوشش کر رہی ہے۔

انہوں نے تقریب سے خطاب کرتے ہوئے کہا کہ اس سال بھی140 بلین روپے این ایف سی کے تحت کم ملے، 140بلین روپے ملتے تو غریبوں کے لیے گھر بناسکتے تھے۔

چیئرمین پیپلزپارٹی کا کہنا تھا کہ وفاق حکومت آئی ایم ایف کے ساتھ دوبارہ بات کرے، عوام کے حقوق پر سودے بازی نہیں ہونی چاہیے۔ انہوں نے مزید کہا کہ مارچ سے پورے ملک میں ایک جدوجہدشروع کریں گے۔

لیاری ایکسپریس وے کے دونوں اطراف ایک ملین درخت لگائیں گے، وزیراعلیٰ سندھ

اس سے قبل وزیراعلیٰ سندھ مراد علی شاہ کا کہنا تھا کہ لیاری ایکسپریس وے کے دونوں اطراف ایک ملین درخت لگائیں گے۔

کراچی: میئر کراچی وسیم اختر کا کہنا ہے کہ پیپلزپارٹی کی صوبائی حکومت نے بلدیاتی اداروں کومفلوج بنا دیا ہے۔

تفصیلات کے مطابق میئر کراچی وسیم اختر نے کہا کہ پیپلزپارٹی نے بلدیاتی اداروں کو مفلوج بنا دیا ہے، بیانات سے بری ہوا جاسکتا ہے نہ ہی ذمے داریوں سے آزاد ہوا جا سکتا ہے۔

وسیم اختر کا کہنا تھا کہ عوام تمام باتوں کاحساب لیں گے، پی ایف سی ایوارڈ جاری کیا جائے، یقین ہے وزیراعلیٰ سندھ ہماری تجاویز پر مثبت انداز میں سوچیں گے۔

میئر کراچی نے مزید کہا کہ ہم سمجھتے ہیں یہ سیاست نہیں خدمت کا نظریہ ہے، ان اقدامات سے ملک میں جمہوریت مضبوط ہوگی۔

سازش کے تحت کراچی کو تباہی کے دہانے پر پہنچا دیا گیا، وسیم اختر

یاد رہے کہ گزشتہ ماہ میئر کراچی وسیم اختر نے میڈیا سے گفتگو کرتے ہوئے کہا تھا کہ شہر کے مسائل حل نہیں ہو رہے ہیں ہمارے لوگ مشکل میں ہیں، سندھ حکومت نے بلدیاتی اختیارات اپنے پاس رکھے ہوئے ہیں۔

وسیم اختر کا کہنا تھا کہ مسائل تیزی سے بڑھ رہے ہیں، بلدیاتی اداروں کے پاس وسائل نہیں، کورنگی کے ایریا میں 2 کروڑ کی لاگت سے ڈیڑھ کلو میٹر سڑک کئی سال بعد تعمیر ہورہی ہے۔

کراچی: وزیر اطلاعات سندھ سعید غنی نے ایس ایس پی ڈاکٹر رضوان کی جانب سے رپورٹ میں لگائے جانے والے تمام الزمات کو بے بنیاد قرار دیتے ہوئے کہا کہ جرم ثابت ہوا تو سیاست چھوڑ دوں گا، سخت سزا کے لیے تیار ہوں۔

تفصیلات کے مطابق کراچی میں میڈیا سے گفتگو کرتے ہوئے صوبائی وزیر سعید غنی نے کہا کہ جرائم پیشہ لوگوں کی سیاسی سرپرستی پر رپورٹ میں کسی کا نام نہیں تھا، جب یہ رپورٹ آئی تو اے ڈی خواجہ آئی جی سندھ تھے۔

وزیر اطلاعات سندھ نے کہا کہ چنیسر گوٹھ میں جرائم پیشہ عناصر کی سرپرستی کے معاملے پر آئی جی کو خط بھیجا، خط پر اے ڈی خواجہ کی طرف سے کوئی جواب نہیں آیا تھا۔

انہوں نے کہا کہ چنیسرگوٹھ میں منشیات کا کاروبار کرنے والوں کو سب جانتے ہیں، منشیات کا کاروبار کرنے والوں کے خلاف ایف آئی آر بھی درج ہیں، جو 4 سے 5 معروف لوگ منشیات میں ملوث ہیں ان کا نام تک نہیں۔

سعید غنی نے کہا کہ جس لڑکے کا ذکر ہے وہ معذور اور یو سی دفتر میں چپڑاسی ہے، رپورٹ میں میرے بھائی کا حوالہ بھی موبائل میں صرف نمبر کی بنیاد پر ڈالا گیا، رپورٹ ثابت ہوگئی تو سیاست،عہدے چھوڑوں گا اور سخت سزا کے لیے بھی تیار ہوں۔

وزیر اطلاعات سعیدغنی کے بھائی کا جرائم پیشہ افراد سے روابط کا انکشاف

واضح رہے کہ ایس ایس پی جمشید ٹاؤن ڈاکٹر رضوان نے رپورٹ میں انکشاف کیا کہ سعید غنی کے بھائی فرحان غنی اجرتی قاتل، منشیات فروشوں کے سہولت کار ہیں۔