Tag: پیپلزپارٹی

اسلام آباد: پیپلزپارٹی کے چیئرمین بلاول بھٹو زرداری نے کارکنان کو قبائلی علاقوں کی انتخابی مہم بھرپور طریقے سے چلانے کی ہدایت کردی۔

تفصیلات کے مطابق پیپلزپارٹی کے چیئرمین بلاول بھٹو زرداری سے پیپلز یوتھ آرگنائزیشن کے پی کے صدر نے وفد کے ہمراہ ملاقات کی جس میں فرحت اللہ بابر، پرویز اشرف، ہمایوں خان، فیصل کریم کنڈی ودیگر موجود تھے۔

ملاقات میں کے پی کے قبائلی علاقوں میں انتخابات اور انضمام کے بعد کی صورت حال پر گفتگو کی گئی۔

بلاول بھٹو نے کہا کہ پاکستان کا مستقبل نوجوانوں کے ہاتھوں میں ہے، نوجوان زیادہ سیاسی سرگرمیوں میں حصہ لیں۔

اس سے قبل بلاول بھٹو سے پیپلزپارٹی جنوبی پنجاب کے صدر مخدوم احمد محمود نے ملاقات کی، جس میں مرتضیٰ محمود، مصطفی محمود اور ممبر فیڈرل کونسل عبدالقادر شاہین شریک تھے۔

ملاقات میں جنوبی پنجاب صوبے، سینیٹ میں بل کے معاملات پر تبادلہ خیال کیا گیا۔

بلاول بھٹو زرداری نے کہا کہ جنوبی پنجاب صوبے سے متعلق پیپلزپارٹی کا بل موجود ہے، صوبے سے متعلق ملٹی پارٹی پارلیمانی کمیشن کی سفارشات موجود ہیں۔

انہوں نے کہا کہ سینیٹ میں وہ بل پیش کیا جو 2013 میں اکثریت سے منظور کیا گیا، حکومت 100 دن میں جنوبی پنجاب صوبہ بنانے کا وعدہ پورا نہ کرسکی۔

بلاول بھٹو نے رہنماؤں کو جنوبی پنجاب صوبے کے لیے سیاسی جماعتوں سے رابطوں کی ہدایت کردی۔

دیامر: چیئرمین پیپلزپارٹی بلاول بھٹو زرداری نے کہا ہے کہ عمران خان کی حکومت ملک چلانے میں ناکام ہوچکی ہے۔

تفصیلات کے مطابق چیئرمین پیپلزپارٹی بلاول بھٹو سے گلگت بلتستان کے پارٹی رہنماؤں اور کارکنان نے ملاقات کی، جس میں معاشی صورت حال، گلگت بلتستان کے سیاسی حالات زیر بحث آئے۔

چیئرمین پیپلزپارٹی بلاول بھٹو کو دیامر کے کارکنان نے اپنے علاقے کے دورے کی دعوت دی، بلاول بھٹو نے دورے کی دعوت قبول کرلی۔

بلاول بھٹو زرداری نے کہا کہ پیپلزپارٹی کارکنان مجھے دل و جان سے عزیز ہیں، سب سے متحرک کارکنان پیپلزپارٹی کے پاس ہیں، جیالوں کی سیاسی پختگی، قربانیاں ناقابل فراموش ہیں۔

چیئرمین پاکستان پیپلزپارٹی بلاول بھٹو زرداری سے گلگت بلتستان کے پارٹی راہنما و کارکنان کی ملاقات

چیئرمین بلاول بھٹو زرداری سے ضلع دیامر کے نائب صدر حاجی دلبر خان کی سربراہی میں پانچ رکنی وفد نے ملاقات کی pic.twitter.com/Fz9PzrmFPv

— PPP (@MediaCellPPP) May 21, 2019

چیئرمین پیپلزپارٹی نے کہا کہ جیالے ملک بھر میں سیاسی طور پر مزید متحرک ہوجائیں۔

بلاول بھٹو نے وفاقی وزیر علی محمد خان مہر کے انتقال پر افسوس کا اظہار کرتے ہوئے کہا کہ دعاگو ہوں اللہ تعالیٰ مرحوم کی مغفرت اور لواحقین کو صبر جمیل عطا فرمائے۔

اپوزیشن جماعتوں کا عید کے بعد علیحدہ علیحدہ احتجاج کا فیصلہ

واضح رہے کہ دو روز قبل بلاول بھٹو کی جانب سے دئیے جانے والے افطار ڈنر میں اپوزیشن جماعتوں نے عید الفطر کے بعد پارلیمنٹ کے اندر اور باہر حکومت کے خلاف علیحدہ علیحدہ احتجاج کرنے کا فیصلہ کیا تھا۔

بلاول کا کہنا تھا کہ احتجاج سے قبل مولانافضل الرحمان کی سربراہی میں آل پارٹیز کانفرنس ہوگی جس میں لائحہ عمل طے کیا جائے گا، ملک کے مسائل کےحل کے لیے اپوزیشن اپنا کردار ادا کرتی رہے گی۔

اسلام آباد: پیپلزپارٹی کے سینیٹر رضا ربانی نے کہا ہے کہ ریاست کو اب ایک ماں کی طرح بننا پڑے گا، ریاست اعتراف کرے کہ غلطیاں ہوئی ہیں۔

تفصیلات کے مطابق پاکستان پیپلزپارٹی کے سینیٹر رضا ربانی نے کہا ہے کہ 18ویں ترمیم سے صوبائی خود مختاری کے نظام کو آگے بڑھایا، جو مائنڈ سیٹ ہے وہ صوبائی خود مختاری کو قبول نہیں کررہا ہے، 73 کا آئین موجود ہے لیکن آج صدارتی طرز حکومت چل رہا ہے۔

انہوں نے کہا کہ میں ان کو کابینہ کا حصہ نہیں سمجھتا جو پارلیمان کو جواب دہ نہ ہو، آج 22 لوگ جو خود کو ٹیکنوکریٹس کہتے ہیں حکومت چلا رہے ہیں، آج عام شہری اور ریاست کے درمیان شراکت داری نہیں ہے۔

رضا ربانی نے کہا کہ ریاست عوام کی ضرورت پوری نہیں کرتی تو ترقی رک جاتی ہے، جمہوریت، ملکی سالمیت کے لیے تمام جماعتوں کو اکٹھا ہونا پڑے گا، ریاست کے جاری کردہ بیانیے کو بدلنا پڑے گا۔

مزید پڑھیں: رضا ربانی نے سندھ میں گورنر راج کا امکان رد کر دیا

انہوں نے کہا کہ 2010 میں وفاق اور اکائیوں میں ایک سیاسی اتفاق رائے پیدا ہوا، جب تک اتفاق رائے پیدا نہیں ہوتا ریاست کا چلنا ممکن نہیں ہے۔

سینیٹر رضا ربانی کا کہنا تھا کہ آج مہنگائی آسمان کو چھو رہی ہے، حالاں کہ حکمرانوں نے مہنگائی ختم کرنے کا دعویٰ کیا تھا.

پیپلز پارٹی کے رہنما نے کہا کہ آئی ایم ایف کے کہنے پر بجلی اور گیس کی قیمتیں بڑھائیں، ایک بار پھر پیٹرول کی قیمتیں بڑھانے کی باتیں ہو رہی ہیں. آج وزیر اعظم کی کابینہ میں باہر سے آئے ہوئے لوگ ہیں.

اسلام آباد: پیپلزپارٹی کے چیئرمین بلاول بھٹو زرداری نے کہا ہے کہ یہ نیب مشرف کا بنایا ہوا کالا قانون اور جمہوریت ساتھ نہیں چل سکتی، کالا قانون آمر کا قانون ہوگا، انصاف کا قانون نہیں ہوگا تو کیسے چلے گا، آئی ایم ایف ڈیل پارلیمنٹ میں لائے بغیر نہیں مانیں گے۔

تفصیلات کے مطابق پیپلزپارٹی کے چیئرمین بلاول بھٹو زرداری نے اسلام آباد میں نیوز کانفرنس کرتے ہوئے کہا کہ اسمبلی میں پہلے دن سے پاکستانی معیشت پر سوالات کیے گئے، ہم نے انہیں سمجھایا آپ کی معاشی پالیسی عوام دشمن ہے، حکومت نے عام آدمی کا جینا مشکل کردیا ہے، اب تو حکومت نے اپنی ناکامی اور نااہلی مان لی ہے۔

انہوں نے کہا کہ 20 لاکھ پاکستانی ٹیکس دے رہے ہیں تو کیا باقی چور، ڈاکو ہیں؟ ، پی ٹی آئی حکومت نے 9 ماہ تک ملک اور عوام کا وقت ضائع کیا، حکومت نے اتنا قرضہ لیا ہے جو تاریخ میں کبھی نہیں لیا گیا، غریب، کسان، مزدور پر بوجھ ڈالیں گے تو ہم کیوں خوش رہیں۔

بلاول بھٹو زرداری نے کہا کہ جس طریقے سے یہ ملک چلا رہے ہیں عوام باہر نکلیں گے، حیران ہوں حکومت نے مان لیا ہے کہ ناکام ہوچکی ہے، کسی پر بوجھ ڈالنا ہے تو امیروں پر ڈالیں، اگر آپ آئی ایم ایف سے ڈیل کرتے ہو تو عوام نہیں مانیں گے، امیروں اور غریبوں کے لیے الگ الگ معاشی پالیسی برداشت نہیں، نیا معاشی مشیر ایوان میں آکر بتائئے کیا پلان ہے۔

چیئرمین پیپلزپارٹی نے کہا کہ حکومت کو ایک بار پھر دیکھنا ہوگا کہاں کہاں بوجھ ڈالا جارہا ہے، مشیر خزانہ ایوان میں بتائیں معیشت کے استحکام کے لیے کیا منصوبہ ہے، خود آپ کہتے ہو پاکستان کی تاریخ کا سب سے کم گروتھ ریٹ تھا۔

انہوں نے کہا کہ 2008 سے 2013 تک ہم نے سب سے زیادہ روزگار دیا، ہم نے تنخواہوں میں 100 فی صد سے زائد اضافہ کیا، ہماری حکومت سے جو ہوسکا ہم نے غریبوں کے لیے کیا۔

بلاول بھٹو نے کہا کہ آصف زرداری نے کہا تھا نیب چلے گا یا معیشت چلے گی، یہ ناانصافی اور دوغلہ نظام نہیں چلے گا، حکومت کرنی ہے تو عوامی خدمت کی حکومت کریں، پیپلزپارٹی حکومت سے جواب طلبی کرتی رہے گی۔