Tag: پیپلزپارٹی

کراچی: مشیر اطلاعات سندھ مرتضیٰ وہاب نے کہا ہے کہ بلاول بھٹو کو فواد چوہدری سے ڈکٹیشن لینے کی ضرورت نہیں ہے، بلاول بھٹو پاکستان کا روشن چہرہ ہیں۔

تفصیلات کے مطابق مشیر اطلاعات سندھ مرتضیٰ وہاب نے فواد چوہدری کی پریس کانفرنس پر ردعمل دیتے ہوئے کہا ہے کہ فواد چوہدری حکومت کے ترجمان ہیں یا نیب کے ترجمان ہیں، ماضی میں الزامات لگانے والوں کو بھی منہ کی کھانا پڑی تھی۔

مرتضیٰ وہاب نے کہا کہ پیپلزپارٹی قیادت پر الزام عائد کرکے فواد چوہدری کسے خوش کرنا چاہتے ہیں، دو کروڑ نوکریوں کا جھانسہ دینے والے قرعہ اندازی کا سرکس لگائیں گے۔

مشیر اطلاعات سندھ نے کہا کہ آپ عوام کے ووٹوں سے منتخب ہوتے تو عوامی مسائل کا ادراک بھی ہوتا، پی ٹی آئی عوام کو اپنی نااہلی کی سزا دے رہی ہے۔

مزید پڑھیں:  آصف زرداری نے منی لانڈرنگ کے لیے اپنا ہی بینک خرید لیا، فواد چوہدری

واضح رہے کہ وزیر اطلاعات فواد چوہدری کا کہنا تھا کہ منی لانڈرنگ سے متعلق قانون اپنا راستہ خود بنائے گا، ماضی میں آصف زرداری اور شریف فیملی نے منی لانڈرنگ کی، شریف فیملی کی منی لانڈرنگ سے متعلق ثبوت سامنے آ رہے ہیں، اسحٰق ڈار کا کیس بھی سب کے سامنے ہے۔

ان کا کہنا تھا کہ سب نے دیکھا حمزہ شہباز منی لانڈرنگ پر کوئی جواب نہیں دے سکے، آصف زرداری نے منی لانڈرنگ کے لیے اپنا ہی بینک خرید لیا، آصف زرداری نے کہا کسی اور کیا جمع کروائیں گے اپنا ہی بینک خرید لیتے ہیں۔

فواد چوہدری کا کہنا تھا کہ ماضی کی تحقیقات عوام نے دیکھی، ہمارے دور کی تحقیقات بھی دیکھ لیں گے۔ عوام کے سامنے ہوشربا انکشاف آئیں گے۔

کراچی: وزیر ٹرانسپورٹ سندھ اویس شاہ نے کراچی میں پیپلز بس سروس بند ہونے کی خبروں کی تردید کردی۔

تفصیلات کے مطابق وزیر ٹرانسپورٹ سندھ اویس شاہ نے کراچی میں پیپلز بس سروس بند ہونے کی خبروں کی تردید کرتے ہوئے کہا ہے کہ پیپلز بس سروس بند نہیں ہوئی ہے۔

اویس شاہ نے کہا کہ ٹیکنیکل مسائل کے باعث بس آج سڑکوں سے غائب ہوئیں، 2 گھنٹے کے اندر تمام پیپلز بس سروس کی بسیں شاہراہوں پر ہوں گی۔

وزیر ٹرانسپورٹ سندھ نے وفاقی حکومت پر تنقید کرتے ہوئے کہا کہ عوام کی خدمت پر یقین رکھتے ہیں، یو ٹرن نہیں لیتے ہیں۔

قبل ازیں انتظامیہ کی جانب سے بس سروس بند کرنے کا اعلان کیا گیا تھا، بس سروس انتظامیہ کا کہنا تھا کہ ہر ماہ ساڑھے تین سے چار لاکھ روپے کا نقصان برداشت کررہے تھے، ڈیزل کے پیسے بڑھنے کے باوجود ہمارے کرائے کو نہیں بڑھایا گیا۔

مزید پڑھیں: سندھ حکومت کے تعاون سے چلنے والی بس سروس ایک سال بعد ہی بند

بس سروس انتظامیہ کا کہنا تھا کہ سندھ حکومت نے ہمارے ساتھ کیے معاہدے میں توسیع نہیں کی، 40 کلو میٹر کے فاصلے پر روزانہ سروس مسافروں کو دی جاتی تھی۔

انتظامیہ کا کہنا تھا کہ اسٹاف سے لے کر تمام تر خرچے کی ذمہ داری ڈائیوو پر تھی، بس سروس بند کرنے پر ہم عوام سے معذرت خواہ ہیں۔

یاد رہے کہ سندھ حکومت کی جانب سے پیپلزبس سروس کےتحت چلنے والی بسوں کی تعداد10 ہے، جس کا کرایہ 20، 30اور40 روپے ہے۔

پیپلزبس سروس صبح7سے رات10بجے تک چلتی ہے، بس میں تیس افراد کے بیٹھنے کی گنجائش ہے تاہم رش کے اوقات میں شہری کھڑے ہو کر بھی سفر کرتے ہیں۔

اسلام آباد: پیپلزپارٹی کے شریک چیئرمین اور سابق صدر آصف علی زرداری نے کہا ہے کہ پیپلزپارٹی مزدوروں کے حقوق کا تحفظ کرتی رہے گی، محنت کشوں کے حقوق کے لیے آخری سانس تک لڑیں گے۔

تفصیلات کے مطابق پیپلزپارٹی کے شریک چیئرمین آصف زرداری نے پورٹ قاسم اتھارٹی میں ریفرنڈم جیتنے پر پیپلز لیبر یونین کے کارکنان کو مبارکباد دیتے ہوئے کہا کہ محنت کش پارٹی کی روح اور پیپلزپارٹی محنت کشوں کی طاقت ہے۔

آصف زرداری نے کہا کہ پیپلزپارٹی نے صنعتی اداروں میں مزدوروں کو حصہ دار بنایا، آج پھر ثابت ہوا مزدوروں کے دل میں صرف بھٹو بس رہا ہے، موجودہ حکومت نے محنت کشوں کے 28 ارب روپے لوٹ لیے ہیں۔

دوسری جانب چیئرمین پیپلزپارٹی بلاول بھٹو نے پورٹ قاسم سی بی اے ریفرنڈم میں کامیابی پر پیپلز لیبر یونین کے کارکنان کو مبارکباد دی ہے۔

بلاول بھٹو نے اپنے ٹویٹ میں لکھا کہ پورٹ قاسم کی پیپلز لیبر یونین نے ایم کیو ایم، پی ٹی آئی اتحاد کو شکست دی ہے، انہوں نے ٹویٹ میں ہیش ٹیگ استعمال کیا کہ کراچی نے پی ٹی آئی اور ایم کیو ایم کو مسترد کردیا ہے۔

Congratulations to Peoples Labour Union for winning the Port Qasim CBA referendum. Defeating PTI & MQM alliance in Karachi. #MazdoorKaBhutto #KarachiRejectsMQMPTI #MehngaPakistanNaKhappy

— BilawalBhuttoZardari (@BBhuttoZardari) April 15, 2019

بلاول بھٹو نے ٹویٹ سے منسلک ہیش ٹیگ میں لکھا کہ مہنگا پاکستان نہ کھپے۔

واضح رہے کہ پورٹ قاسم ریفرنڈم میں پیپلز لیبر یونین نے 204 ووٹوں سے کامیابی حاصل کی، پیپلزپارٹی کو 469 اور ایم کیو ایم، پی ٹی آئی کو 445 ووٹ ملے۔

سکھر: پیپلزپارٹی کے رہنما خورشید شاہ نے کہا ہے کہ آج ڈالر کہیں نظر ہی نہیں آرہا، جو زیادہ قیمت دے رہا ہے اس کو ڈالر ملتا ہے، ان کو اچھی معیشت ملی جھوٹ بول بول کر تباہ کردی، میں وزیراعظم ہوتا تو استعفیٰ دے کر گھر چلا جاتا۔

تفصیلات کے مطابق پیپلزپارٹی کے رہنما خورشید شاہ نے میڈیا سے گفتگو کرتے ہوئے کہا کہ ورلڈ بینک، آئی ایم ایف سب کی رپورٹیں آنا شروع ہوگئی ہیں، ورلڈ بینک، آئی ایم ایف نے ایسی باتیں کیں جس سے خوف آنے لگا ہے، ہم نے حکومت کو وقت دیا کہ وہ سمت درست کرلے، 65 فیصد لوگ اپوزیشن کے ساتھ ہیں۔

انہوں نے کہا کہ حکومت ریاست پاکستان کے بارے میں سوچنے کو تیار نہیں ہے، ایک وزیر کہتے ہیں 6 ماہ میں معیشت ٹھیک نہ ہو تو میری تکہ بوٹی بنادو، حکومت کے دوسرے وزیر کہتے ہیں بھارت حملہ کرنے والا ہے۔

مزید پڑھیں: بی آئی ایس پی کا نام تبدیل کرنے کے خلاف مزاحمت کریں گے: خورشید شاہ

پیپلزپارٹی رہنما نے کہا کہ 18ویں ترمیم نہیں بلکہ انہیں این ایف سی ایوارڈ سے مسئلہ ہے، 18ویں ترمیم میں صوبوں کو بااختیار بنایا گیا یہ ان سے ہضم نہیں ہوتا ہے، جو لوگ وفاق، اداروں کو مضبوط نہیں دیکھنا چاہتے وہ ایسی باتیں کرتے ہیں۔

خورشید شاہ نے کہا کہ حکومت میں آنے والے اب کہتے ہیں کہ خزانے خالی تھے، کیا اب دودھ اور شہد کی ندیاں بہہ رہی ہیں، 2008 اور 2013 کا موازنا کیا جائے تو سب پتا چل جائے گا۔

انہوں نے کہا کہ ایگری کلچر گروتھ 2012 میں 9 فیصد پر چھوڑی تھی، نواز شریف حکومت نے ایگری کلچر گروتھ 5.8 پر چھوڑی تھی، ان کی حکومت کی کارکردگی سب کے سامنے ہے۔

کراچی: ایم کیو ایم پاکستان کے رہنما فیصل سبزواری نے کہا ہے کہ صوبے کو اختیارات ملیں اور اس پر حکومت ناگ بن کر بیٹھ جائے ایسا نہیں ہونا چاہئے، گیارہ سال سے پیپلزپارٹی فنڈز فراہم نہیں کررہی، جان بوجھ کر شہر تباہ کیا جارہا ہے۔

تفصیلات کے مطابق ایم کیو ایم پاکستان کے رہنما فیصل سبزواری نے اے آر وائی نیوز سے خصوصی گفتگو کرتے ہوئے کہا کہ حکومتوں کو جانچا جانا چاہئے کہ ان کے پاس اختیارات کتنے ہیں، یہ بھی جانچنا چاہئے کہ حکومتوں کی نیت کیسی ہے۔

فیصل سبزواری نے کہا کہ 90 فیصد مسائل مقامی ہوتے ہیں، کچرا، پینے کے پانی اور سڑکوں کے مسائل ہوتے ہیں، صوبائی، وفاقی اور مقامی حکومت جو کوشش کررہی ہیں اس پر شہر نہیں چل سکتا، کراچی کو 6 ڈسٹرکٹس میں تقسیم کردیا گیا ہے۔

انہوں نے کہا کہ کراچی کی آدھی سڑکیں پانی کے رساؤ سے ٹوٹی ہوئی ہیں، جب مصطفی کمال ناظم تھے تب 43 ارب کا بجٹ تھا اب ایسا نہیں ہے، نعمت اللہ خان، مصطفی کمال کے دور میں نظام میں وسائل تھے۔

ایم کیو ایم پاکستان کے رہنما نے کہا کہ پہلے اختیارات تھے اب تو یہ بھی نہیں دئیے جارہے، واٹر اینڈ سیوریج بورڈ کا نظام بھی میئر کے پاس نہیں ہے، پیپلزپارٹی کی نااہلی نہیں بلکہ بدعنوانی ہے، جان بوجھ کر شہر تباہ کیا جارہا ہے۔

فیصل سبزواری نے کہا کہ کے ایم سی کا ترقیاتی بجٹ سڑکوں پر لگتا نظر آنا چاہئے، پیپلزپارٹی کو برا لگتا ہے سندھ میں دوسرا انتظامی یونٹ نہ بنے۔