Tag: پیپلزپارٹی

کراچی: پیپلزپارٹی کے چیئرمین بلاول بھٹو زرداری نے کہا ہے کہ عوام کو سندھ حکومت سے بہت زیادہ توقعات ہیں، صوبائی وزراء کو توقعات پر پورا اترنے کے لیے دن رات کام کرنا ہوگا۔

تفصیلات کے مطابق پیپلزپارٹی کے چیئرمین بلاول بھٹو سے سندھ کابینہ میں شامل وزراء اور معاونین نے ملاقات کی، بلاول ہاؤس کراچی میں ملاقات کے دوران وزیراعلیٰ سندھ سید مراد علی شاہ بھی موجود تھے۔

[bs-quote quote=” پیپلزپارٹی کی حکومت کی کارکردگی دوسرے صوبوں کے لیے مثال ہونی چاہئے” style=”style-6″ align=”left” author_name=”بلاول بھٹو”][/bs-quote]

بلاول بھٹو سے ملاقات میں صوبائی وزراء اویس شاہ، تیمور تالپور، عبدالباری پتافی، مرتضیٰ بلوچ موجود تھے جبکہ وقار مہدی، راشد ربانی، اشفاق میمن، قاسم نوید، نواب وسان نے بھی پیپلزپارٹی چیئرمین سے ملاقات کی۔

بلاول بھٹو نے کہا کہ پارٹی منشور کے تحت کابینہ کے لیے ٹارگٹس مقرر ہیں، کابینہ اراکین ٹارگٹس مکمل کرنے کے لیے پالیسی بنائیں۔

انہوں نے کہا کہ سندھ حکومت کی کارکردگی کو سب دیکھ رہے ہیں، جو کابینہ ممبر عوام کی امنگوں پر پورا نہیں اترے گا اسے تبدیل کیا جائے گا، پیپلزپارٹی کی حکومت کی کارکردگی دوسرے صوبوں کے لیے مثال ہونی چاہئے۔

پیپلزپارٹی چیئرمین کا کہنا تھا کہ ملک میں جمہوریت کو مضبوط کرنے کے لیے ہمارا سفر جاری رہے گا، غریب عوام عمران خان سے مایوس ہورہے ہیں، جس طرح اپوزیشن لیڈر کو گرفتار کیا گیا اس سے شک پیدا ہوتا ہے، شہباز شریف کا دفاع نہیں کررہا لیکن انتقامی سیاست ہم نے دفن کردی تھی۔

ان کا کہنا تھا کہ اس میں شک نہیں کہ مسلم لیگ ن کی حکومت نے ملکی تاریخ کا بڑا قرض لیا تھا۔

مٹیاری: اسپیکر سندھ اسمبلی آغا سراج درانی نے کہا ہے کہ دوسروں پر کیس ہوئے تو فرار ہوگئے ہم بھاگنے والے نہیں ہیں جبکہ شہباز شریف کو مقدمات کا سامنا کرنا پڑے گا۔

ان خیالات کا اظہار انہوں نے مٹیاری میں میڈیا سے گفتگو کرتے ہوئے کیا، اسپیکر سندھ اسمبلی آغا سراج درانی نے کہا کہ آصف زرداری سمیت پیپلزپارٹی پر تیس سال سے کیس چل رہے ہیں، سارے کیس ختم ہوگئے تھے نیا کیس بنایا گیا جس کا سامنا کریں گے۔

اسپیکر سندھ اسمبلی نے کہا کہ پہلے بھی مقدمات کا سامنا کیا اب بھی کریں گے دوسروں پر کیس ہوئے تو وہ فرار ہوگئے ہم بھاگنے والے نہیں ہیں، میں بھی گرفتار ہوا اور باعزت بری ہوا۔

یہ کیس ہے یا احتساب، صحافی کے سوال کا جواب دیتے ہوئے آغا سراج درانی نے کہا کہ یہ تو انہیں کو پتا ہے جو کیس کررہے ہیں، کسی کو ٹارگٹ نہیں کرنا چاہئے۔

واضح رہے کہ آغا سراج درانی کا کہنا تھا کہ جمہوری نظام آگے بڑھنے سے ہی مضبوط ہوگا، ایوان قوانین کے مطابق ہی چلے گا کوئی کارروائی چھپائی نہیں جاسکتی سب کچھ ریکارڈ پر ہوتا ہے۔

مزید پڑھیں: ڈی جی نیب کا آغا سراج درانی اور وسیم اختر کے خلاف تحقیقات کا حکم

خیال رہے کہ اسپیکر سندھ اسمبلی آغا سراج درانی کے خلاف نیب نے تحقیقات کا حکم دیا تھا، ان کے خلاف آمدن سے زائد اثاثوں، غیر قانونی بھرتیوں اور ایم پی اے ہاسٹل، سندھ اسمبلی بلڈنگ کی تعمیر میں کرپشن کی تحقیقات ہوں گی۔

کراچی: پیپلزپارٹی اور ایم کیو ایم نے سی این جی گیس کی قیمتوں میں اضافے کو ظالمانہ قرار دیتے ہوئے اسے فوری واپس لینے کا مطالبہ کردیا۔

تفصیلات کے مطابق پیپلزپارٹی کی رہنما ڈاکٹر نفیسہ شاہ نے سی این جی قیمت میں اضافے کو ظالمانہ قرار دے کر پارلیمنٹ کا احتجاج کا عندیہ دیتے ہوئے کہا ہے کہ سی این جی کی قیمت میں اضافے سے مہنگائی بڑھے گی۔

نفیسہ شاہ نے کہا کہ سی این جی گیس کی قیمتوں میں اضافے سے پبلک ٹرانسپورٹ کے کرائے میں اضافہ ہوگا، حکومت نے پچاس دن میں قوم کو دن میں تارے دکھا دئیے، اسلام آباد میں پارلیمنٹ میں سخت احتجاج کریں گے۔

دوسری جانب ایم کیو ایم نے بھی سی این جی قیمتوں میں اضافہ فوری واپس لینے کا مطالبہ کیا ہے، ایم کیو ایم اراکین نے کہا کہ عوام کی کمر توڑنے والے اقدامات سے گریز کیا جائے، سی این جی ڈیلرز نے پہلی بار قیمت پیٹرول سے 10 روپے زیادہ کردی، اقدام عوام کے لیے افسوسناک اور سوچ کے خلاف ہے۔

مزید پڑھیں: حکومت نے گیس کی قیمتوں میں ہوش ربا اضافہ کردیا

واضح رہے کہ حکومت کی جانب سے سی این جی صارفین کے لیے بھی گیس 40 فیصد مہنگی کردی گئی ہے، کے پی، بلوچستان میں سی این جی 20 روپے فی کلو تک مہنگی ہوگی، کمرشل اور تندور کنکشن ہر گیس 40 فیصد تک مہنگی دی جائے گی۔

گیس کی قیمتوں میں اضافے پر سی این جی ایسوسی ایشن کا ردعمل سامنے آیا تھا، غیاث پراچہ نے کہا تھا کہ سی این جی کے لیے گیس کی قیمت بڑھا کر غریب عوام سے زیادتی کی گئی ہے، حکومت فیصلے پر نظرثانی کرکے سی این جی کی قیمتوں میں کمی کرے۔