کراچی : وزیراعلیٰ سندھ مراد علی شاہ کا کہنا ہے کہ بجلی کی قلت کے باعث پلانٹس شمسی توانائی پرمنتقل کیے جا رہے ہیں۔
تفصیلات کے مطابق کراچی میں وزیراعلیٰ سندھ کی زیرصدارت پبلک ہیلتھ انجینئرنگ کا اجلاس جاری ہے جس میں وزیر بلدیات، چیف سیکریٹری، چیئرمین پی اینڈ ڈی، سیکریٹری بلدیات شریک ہیں۔
مراد علی شاہ کو اجلاس کے دوران بریفنگ دی گئی کہ پی ایچ ای کے تحت 2873 آبی فراہمی ونکاسی کی اسکیمیں جاری ہیں، اسکیموں میں2109 پانی کے فلٹریشن کے پلانٹس ہیں۔
وزیراعلیٰ سندھ کو بتایا گیا کہ 1620آراو پلانٹس اور 242 یو ایف پلانٹس ہیں، 247 آر او یونٹس لگائے جا رہے ہیں، 1044 آراوپلانٹس فعال، 800 کے قریب غیرفعال ہیں۔
اس موقع پرمراد علی شاہ نے کہا کہ چاہتا ہوں پانی کی تمام اسکیمیں فعال کی جائیں، آر او پلانٹس کو بجلی مہیا کرنے میں کچھ مشکلات کا سامنا ہے، بجلی کی قلت کے باعث پلانٹس شمسی توانائی پرمنتقل کیے جا رہے ہیں۔
عمران خان ملک سےباہرلےجایا گیا پیسہ واپس لائیں گےتوویلکم کریں گے‘مرادعلی شاہ
یاد رہے کہ گزشتہ ہفتے لاہور میں میڈیا سے گفتگو کرتے ہوئے وزیراعلیٰ سندھ کا کہنا تھا کہ پہلے کے تجربات تلخ رہے، امید ہے اب بہتری آئے گی۔
مراد علی شاہ کا کہنا تھا کہ ن لیگ نے سندھ کے مسائل کے حل کے لیے تعاون نہیں کیا تھا، نوازشریف، شاہدخاقان اپنے وعدے وفا نہ کرسکے۔
