ARYNews.tv | Urdu – Har Lamha Bakhabar

Tag: پیپلزپارٹی

  • پرتشدد حربے ظاہرکرتے ہیں، پیپلزپارٹی ہماری مقبولیت سےخوفزدہ ہے،عمران خان

    پرتشدد حربے ظاہرکرتے ہیں، پیپلزپارٹی ہماری مقبولیت سےخوفزدہ ہے،عمران خان

    اسلام آباد : پاکستان تحریک انصاف کے سربراہ عمران خان کا کہنا ہے کہ پرتشدد حربے ظاہرکرتے ہیں، پیپلزپارٹی ہماری مقبولیت سےخوفزدہ ہے، سندھ حکومت کارکنان پرتشددکرنے والوں کیخلاف کارروائی کرے۔

    تفصیلات کے مطابق پی ٹی آئی چیئرمین عمران خان نے سماجی رابطے کی ویب سائٹ ٹوئٹر پر کراچی میں کارکنان پر پیپلزپارٹی کے تشدد کی مذمت کرتے ہوئے کہا مطالبہ کیا کہ سندھ حکومت کارکنان پرتشددکرنے والوں کیخلاف کارروائی کرے۔

    عمران خان کا کہنا تھا کہ پرتشدد حربے ظاہرکرتے ہیں پیپلزپارٹی سندھ میں تحریک انصاف کی تیزی سے بڑھتی ہوئی مقبولیت سےخوفزدہ ہے۔

    یاد رہے کہ پیپلزپارٹی اورپی ٹی آئی کےدرمیان حکیم سعید گراؤنڈ گلشن اقبال کراچی میں بارہ مئی کےجلسہ پرشروع ہونا والا لفظی جھگڑا رات گئے تصادم میں تبدیل ہوگیا تھا ، جس کے نتیجے میں درجنوں کارکنان زخمی ہوئے جبکہ مشتعل کارکنان نے استقبالی کیمپ موٹر سائیکلوں، گاڑیوں کو آگ لگا دی تھی۔

    ہنگامہ آرائی کے باعث علاقے میں کاروبار بند ہوگیا اوریونیورسٹی روڈ پر ٹریفک معطل رہا ، پولیس اور رینجرز نے علاقے میں پہنچ کر صورتحال پرقابو پایا۔

    فیصل واڈا کا کہنا تھاکہ اس آگ کونہ بجھایا گیا تو یہ پورے پاکستان میں پھیل جائے گی۔

    خیال رہے کہ بارہ مئی کو دونوں جماعتوں نے گلشن اقبال کے حکیم سعید گراؤنڈ میں جلسے کا اعلان کررکھا ہے، تحریک انصاف بضد ہے کہ جلسہ کریں گے  اور  پیپلز پارٹی بھی پیچھےہٹنےکو تیار نہیں جبکہ انتظامیہ نےپی پی کوجلسےکی اجازت دےدی ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • یونیورسٹی روڈ پر جلاؤ گھیراؤ، تشدد، امن عامہ کو نقصان پہنچا‘ فیصل سبزواری

    یونیورسٹی روڈ پر جلاؤ گھیراؤ، تشدد، امن عامہ کو نقصان پہنچا‘ فیصل سبزواری

    کراچی : ایم کیو ایم پاکستان کے رہنما فیصل سبزواری کا کہنا ہے کہ موجودہ وزیر اب بھی گینگ وارکے مجرمان کو استعمال کرتے ہیں۔

    تفصیلات کے مطابق ایم کیو ایم پاکستان کے رہنما فیصل سبزواری نے سماجی رابطے کی ویب سائٹ ٹویٹر پراپنے پیغام میں کہا کہ یونیورسٹی روڈ پر جلاؤ گھیراؤ، تشدد، امن عامہ کو نقصان پہنچا، کس کس کے نام پرایف آئی آر درج کی گئی؟ کس کوگرفتارکیا گیا؟۔

    فیصل سبزواری نے کہا کہ لیاری گینگ وار کے مقامی سرپرستوں میں سے ایک موجود تھے، موجودہ وزیر اب بھی گینگ وارکے مجرمان کو استعمال کرتے ہیں۔

    ایم کیو ایم پاکستان کے رہنما نے اپنے پیغام میں مزید کہا کہ الزام ایم کیو ایم کو دے رہے ہیں؟ واہ صاحب، کیمرے نہ ہوتے تو’لبرلز‘ نے جھٹ مان لینا تھا۔

    کراچی، پی ٹی آئی اور پی پی کارکنان میں تصادم، تین گاڑیاں نذرآتش

    خیال رہے کہ گزشتہ رات کراچی کے علاقے گلشن اقبال حکیم سعید گراؤنڈ میں پی ٹی آئی اور پی پی کارکنان کے درمیان تصادم کے نتیجے میں متعدد افراد زخمی ہوگئے تھے۔

    وزیر اعلیٰ سندھ سید مراد علیٰ شاہ نے گلشن اقبال حکیم سعید گراؤنڈ میں پی ٹی آئی اور پی پی کارکنان میں تصادم کا نوٹس لیتے ہوئے صوبائی وزیر داخلہ سہیل انور سیال کو شفاف تحقیقات کا حکم دے دیا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک’پہنچانے کے لیے سوشل میڈیا پر شیئر کریں۔

  • پی ٹی آئی نے کراچی میں فسادات کا خدشہ ظاہر کردیا، رینجرز سے مدد مانگ لی

    پی ٹی آئی نے کراچی میں فسادات کا خدشہ ظاہر کردیا، رینجرز سے مدد مانگ لی

    کراچی: پاکستان تحریک انصاف نے کراچی میں فسادات کا خطرہ ظاہر کرتے ہوئے رینجرز سے مدد کی درخواست کر دی.

    تفصیلات کے مطابق پی ٹی آئی کے رہنماؤں نے کراچی میں پریس کانفرنس کرتے ہوئے 12 مئی کو جلسے کے موقع پر شہر میں فسادات کا خطرہ ظاہر کر دیا۔

    یاد رہے کہ پیپلزپارٹی اور پی ٹی آئی نے 12 مئی کو ایک ہی مقام (حکیم سعید گراؤنڈ) پر جلسے کرنے کا اعلان کیا ہے، جس کے باعث دونوں جماعتوں کے قائدین اور کارکنوں میں تناؤ میں نظر آرہا ہے۔

    پریس کانفرنس میں عارف علوی نے کہا کہ کراچی کے شہری پرامن ہیں اور رہیں گے، کراچی کا امن برقراررکھنے کے لئے رینجرز سے درخواست کریں گے، حکیم سعید گراؤنڈ میں جلسہ نہیں کرسکے، توسڑک پر جلسہ ہوگا۔

    عارف علوی نے کہا کہ انتظامیہ فیصلہ کرے، کون پہلےآیا تھا، کس نے پہلے درخواست کی، پیپلزپارٹی کےرہنما سعید غنی سے بھی فون پر رابطہ ہوا تھا، البتہ کسی کی غنڈہ گردی برداشت نہیں کی جائےگی۔ کسی کارکن کوکچھ ہوا، تو ذمہ دار وزیراعلیٰ سندھ ہوں گے، کراچی والوں کو فیملیزکے ساتھ جلسے کی دعوت دیتا ہوں۔

    اس موقع پر علی زیدی نے کہا کہ پاکستان تحریک انصاف پرامن جماعت ہے، پی ٹی آئی میں نہ تو کوئی صولت مرزا ہے، نہ ہی کوئی عزیر بلوچ، ہم 12 مئی کوامن کی بات کرنےآرہےہیں۔

    انھوں نے کہا کہ کسی سے محاذ آرائی نہیں چاہتے، مگر کوئی دھکے دے کر ہمیں باہرنہیں نکال سکتا، پیپلزپارٹی کے پی میں آتی ہے، تو ان کے ساتھ تعاون کیا جاتا ہے۔

    پی ٹی آئی رہنما حلیم عادل شیخ کا اس موقع پر کہنا تھا کہ انتظامیہ بتائے، جلسےکی درخواست لےکر پہلے کون آیا ہے، کراچی شہر میں بہت ظلم ہوچکا، پی ٹی آئی پرامن جماعت ہے، جلسہ کون کرے گا فیصلہ میرٹ پر ہونا چاہیے۔

    پی ٹی آئی نے 11 مئی کو وزیرستان اور 12 مئی کو کراچی میں جلسے کا اعلان کردیا

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • نوازشریف اورعمران خان کا مسئلہ صرف اقتدار ہے، بلاول بھٹو

    نوازشریف اورعمران خان کا مسئلہ صرف اقتدار ہے، بلاول بھٹو

    کوئٹہ : پاکستان پیپلزپارٹی کے چیئرمین بلاول بھٹو زرداری نے کہا ہے کہ نواز شریف اور عمران خان کا مسئلہ صرف اقتدار ہے، نیشنل ایکشن پلان پرعملدرآمد تک ہم آواز بلند کرتے رہیں گے، جنوبی پنجاب کے نام پر سیاست کی جارہی ہے۔

    ان خیالات کا اظہار انہوں نے پیپلز پارٹی کے زیر اہتمام کوئٹہ کے ہاکی گراؤنڈ میں جلسے سے خطاب کرتے ہوئے کہی، بلاول بھٹو نے کہا کہ وہ مظلوم خاندان کے بیٹےہیں، ہمیں طعنہ دیا جاتا ہے کہ لاشوں پر سیاست کرتے ہیں، بلوچستان والے اچھی طرح جانتے ہیں کہ اپنے پیاروں کو بھلایا نہیں جاسکتا۔

    کارساز کی مٹی میں مل جانے والوں کو ہم نہیں بھولیں گے، پاکستان کے مظلوم طبقے کی ماں کو خون میں نہلادیا گیا، ہم فاٹا اور اے پی ایس کے معصوم بچوں کا غم کیسے بھولیں؟ جب لوگوں کا کوئی گیا نہیں وہ کیا جانے درد کیا ہوتا ہے، پاکستان کے نام نہاد سیاست دان اقتدار کی سیاست کر رہے ہیں، عمران خان نوازشریف کا دوسرا روپ ہے، ان دونوں کا مسئلہ صرف اقتدار حاصل کرنا ہے۔

    انہوں نے کہا کہ کہا گیا کہ ہم نے کسی کے اشارے پر بلوچستان کی حکومت گرائی، ہمیں کہا گیا سینیٹ چیئرمین کے لئے ووٹ خریدے گئے، جو لوگ ڈائیلاگ کی طاقت سے واقف نہ ہوں انہیں کیا معلوم سیاست کیا ہوتی ہے، بلوچستان حکومت سے لے کر سینیٹ الیکشن تک پیپلزپارٹی نے یہی کیا۔

    بلاول بھٹو کا مزید کہنا تھا کہ نام نہاد سیاستدانوں کو نیشنل ایکشن پلان پرعملدرآمد کی کیا فکر ہوگی، سندھ، خیبرپختونخوا، جنوبی پنجاب اور بلوچستان کو دیوارسے لگایا جارہا ہے۔

    کراچی سے گلگت تک ہم نے لاشیں اٹھائی ہیں، نیشنل ایکشن پلان پرعملدرآمد تک ہم آوازبلند کرتے رہیں گے، بلوچستان کے لوگوں کو انسانی حقوق سے محروم ،اپنوں کو قتل کیا گیا، دعویٰ کیا جاتا ہے ملک سے دہشت گردی کا خاتمہ ہوگیا ہے، ہزارہ کے لوگ مر رہے ہیں کیا یہ دہشت گردی کاخاتمہ ہے؟خضدار اور مستونگ سے مسخ شدہ لاشیں ملتی ہیں، جب تک ہزارہ کی بیٹیاں دھرنا نہ دیں تب تک کوئی دیکھنے والا نہیں۔

    ان کا کہنا تھا کہ ن لیگ والے 18ویں ترمیم کو نظرانداز اور این ایف سی ایوارڈ نہیں دیتے، وہ ہمارے وسائل پر قبضہ اور ہماری محرومی کا مذاق اڑاتے ہیں، تعلیم سے دور اور پسماندہ، غریب رکھ کر طعنے دیئے جاتے ہیں، عوام ان سیاستدانوں کے طعنے اب نہیں سنیں گے۔

    بلاول بھٹو نے کہا کہ وفاق میں اقتدار ملا تو بلوچستان ہماری پہلی ترجیح تھی، کوئی ہے جو کہہ سکے کہ پیپلزپارٹی نے وفاق میں رہ کرصوبوں سے زیادتی کی، پیپلزپارٹی کی حکومت کے بعد صوبوں کو این ایف سی ایوارڈ نہیں دیا گیا،18ویں ترمیم کے بعد صوبوں کو این ایف سی ایوارڈ دینا ضروری ہوگیا ہے۔

    پیپلز پارٹی نے این ایف ایس ایوارڈ سے لے کرآغاز حقوق بلوچستان تک محرومیاں دورکرنے کی کوشش کی، جبکہ بلوچستان کی نام نہاد سیاسی جماعتیں نوازشریف کے ساتھ اقتدار کے مزے لوٹ رہی ہیں۔

  • پیپلزپارٹی کا کراچی میں چھ بڑے جلسے کرنے کا اعلان، بلاول بھٹو خطاب کریں گے

    پیپلزپارٹی کا کراچی میں چھ بڑے جلسے کرنے کا اعلان، بلاول بھٹو خطاب کریں گے

    کراچی: پاکستان پیپلزپارٹی نے کراچی میں‌ چھ بڑے جلسوں کا اعلان کر دیا، بلاول بھٹو ان جلسوں میں خطاب کریں گے.

    تفصیلات کے مطابق پیپلزپارٹی نے ٹنکی گرائونڈ جلسے کے بعد کراچی پر اپنی نظریں مرکوز کر لیں، 12 مئی کو بڑے جلسے کا اعلان کر دیا۔ 

    [bs-quote quote=”ایم کیو ایم کے تمام دھڑے اکٹھے ہوجائیں، پھربھی پیپلزپارٹی ہی کراچی سے جیتے گی” style=”style-2″ align=”left” author_name=”سعید غنی”][/bs-quote]

    پاکستان پیپلزپارٹی کے سینئر رہنما سعید غنی نے کہا ہے کہ لیاقت آباد کے جلسے نے ایم کیوایم کو حواس باختہ کر دیا، اردو بولنے والے بھائی ایم کیوایم کو مسترد کر چکے ہیں، ایم کیوایم نے مہاجر کے نام پر ووٹ لیا اور مینڈیٹ کو بیچا.

    پاکستان پیپلزپارٹی کے سینئر رہنما نے کہا کہ ایم کیوایم کی خوف و بدمعاشی کی سیاست ختم ہو چکی ہے، اردو بولنے والوں کو سندھی، پٹھانوں، بلوچوں سے لڑایا گیا.

    سعیدغنی کا کہنا تھا کہ لیاقت آباد جلسے میں مقامی لوگوں نے شرکت کی، ایم کیو ایم کے تمام دھڑے اکٹھے ہوجائیں، پھربھی پیپلزپارٹی کراچی سے جیتے گی۔

    موصولہ اطلاعات کے مطابق پیپلزپارٹی نے بلدیہ ٹائون جلسے کی تیاری شروع کر دی ہے، بلدیہ فیکٹری متاثرین کوجلسے میں شرکت کی دعوت دی جائے گی. پیپلزپارٹی دوسرا جلسہ نیو کراچی، تیسرانارتھ ناظم آباد میں کرے گی.

    بعد ازاں گلستان جوہر اور ضلع ملیر میں جلسے منعقد کیے جائیں گے.

    ایم کیو ایم کو ڈر ہے کہ کراچی سے اس کا صفایا نہ ہوجائے، بلاول بھٹو

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • لیاقت آباد میں پی پی نےجونفرت پھیلائی اس کا جواب دیں گے‘ خالد مقبول صدیقی

    لیاقت آباد میں پی پی نےجونفرت پھیلائی اس کا جواب دیں گے‘ خالد مقبول صدیقی

    کراچی : ایم کیو ایم پاکستان بہادرآباد گروپ کے سربراہ خالد مقبول صدیقی کا کہنا ہے کہ امید تھی پیپلزپارٹی لوگوں کا دل جیتنے کی باتیں کرے گی لیکن پیپلزپارٹی نے لیاقت آباد میں دل جلانے والی باتیں کیں۔

    تفصیلات کے مطابق کراچی میں ایم کیو ایم بہادرآباد کے سربراہ خالد مقبول صدیقی نے نیوز کانفرنس کرتے ہوئے کہا کہ امید تھی شاید لیاقت آبادمیں پیپلزپارٹی اپنا دل بڑا کرے گی اور ماضی کو بھلائے گی۔

    خالدمقبول صدیقی کا کہنا تھا کہ لیاقت آباد میں پی پی نے جونفرت پھیلائی اس کا جواب دیں گے، پیپلزپارٹی کے نفرت کے نعرے سے ملک کو دولخت کیا،آج تک پی پی کے اس نعرے سےعوام دکھی ہیں۔

    ایم کیو ایم بہادرآباد کے سربراہ خالد مقبول صدیقی کا کہنا تھا کہ ایم کیوایم پیپلزپارٹی کوان کے ارادوں میں کامیاب نہیں ہونے دے گی۔

    خالد مقبول صدیقی کا کہنا تھا کہ پی پی کرپشن معیشت اورلوٹی دولت کو طاقت کا سرچشمہ سمجھتی ہے، پیپلزپارٹی نے روٹی کپڑا اورمکان کی جگہ گولی کفن اورقبرستان دیا۔

    ایم کیو ایم بہادرآباد کے سربراہ کا کہنا تھا کہ پیپلزپارٹی کوسندھ کے شہری علاقوں سے کبھی مینڈیٹ نہیں ملا، پیپلزپارٹی نے دیہی علاقوں سے مہاجروں کو بے دخل کیا۔

    خالد مقبول صدیقی کا کہنا تھا کہ وہ کون سا خوف ہے جوآپ کولیاری میں جلسہ نہیں کرنے دے رہا، پیپلزپارٹی جواب دے لیاری کیوں نہیں جا رہی۔

    ایم کیو ایم بہادرآباد کے سربراہ کا کہنا تھا کہ ہم نہیں بھول سکتے مئی1990میں پیپلزپارٹی نے کیا کیا تھا، 1994سے 1996 تک کراچی کے واقعات ہمیں یاد ہیں۔

    ایم کیو ایم کو ڈر ہے کہ کراچی سے اس کا صفایا نہ ہوجائے‘ بلاول بھٹو

    یاد رہے کہ گزشتہ روز لیاقت آباد میں جلسے سے خطاب کرتے ہوئے پیپلزپارٹی کے چیئرمین بلاول بھٹو زرداری کا کہنا تھا کہ جو کراچی کے مسائل کے حل کے لیے ایک ساتھ نہیں بیٹھ سکتے، وہ بھلا کراچی کے مسائل حل کیسے کریں گے، ایم کیو ایم کو ڈر ہے کہ اس کا صفایا نہ ہوجائے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • پیپلزپارٹی آج ایم کیوایم کےگڑھ لیاقت آباد میں عوامی طاقت کا مظاہرہ کرے گی

    پیپلزپارٹی آج ایم کیوایم کےگڑھ لیاقت آباد میں عوامی طاقت کا مظاہرہ کرے گی

    کراچی : پاکستان پیپلزپارٹی کراچی کے علاقے ایف سی ایریا لیاقت آباد میں آج سیاسی قوت کا مظاہرہ کرے گی، چیئرمین بلاول بھٹو زرداری جلسے سے خطاب کریں گے۔

    تفصیلات کے مطابق پاکستان پیپلزپارٹی آج ایف سی ایریا لیاقت آباد کے ٹنکی گراؤنڈ میں جلسہ کرے گی، چیئرمین پیپلزپارٹی بلاول بھٹو سمیت دیگرپارٹی رہنما جلسے سے خطاب کریں گے۔

    جلسے کے حوالے سے انتظامات کو حتمی شکل دے دی گئی ہے، جلسہ گاہ میں 120 فٹ لمبا اور 40 فٹ چوڑا اسٹیج تیار کیا گیا ہے جبکہ شرکاء کے بیٹھنے کے لیے کرسیاں لگائی گئی ہیں۔

    ٹنکی گراؤنڈ میں ہونے والے جلسے میں شرکت کے لیے پیپلزپارٹی کے 6 اضلاع سے کارکن ریلیوں کی شکل میں جلسہ گاہ پہنچیں گے جبکہ جلسہ گاہ میں داخلے کے لیے 3 دروازے بنائے گئے ہیں۔

    جلسے کی سیکورٹی کے لیے پنڈال کے اندر ایس ایس یو کے اہلکارتعینات ہوں گے جبکہ 1400 پولیس اہلکاروافسران بھی سیکورٹی کے فرائض انجام دیں گے۔

    پیپلزپارٹی کے جلسے میں شرکت کے لیے ایف سی گراؤنڈ سمیت 6 مختلف مقامات کو پارکنگ کے لیے مختص کیا گیا ہے۔

    خیال رہے کہ گزشتہ روز وزیراعلیٰ سندھ مراد علی شاہ، شیری رحمان، نثار کھوڑو، وقار مہدی، سعید غنی ، جاوید ناگوری، نفیسہ شاہ سمیت دیگر رہنماؤں نے جلسہ گاہ پہنچ کر انتظامات کا جائزہ لیا۔ اس موقع پرکارکنان کا جوش وخروش قابل دید تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • وزراء کو دوسرے ممالک میں نوکری کرنے پر شرم آنی چاہیے، مولا بخش چانڈیو

    وزراء کو دوسرے ممالک میں نوکری کرنے پر شرم آنی چاہیے، مولا بخش چانڈیو

    کراچی : پیپلزپارٹی کے مرکزی رہنما مولا بخش چانڈیو نے کہا ہے کہ ہمارے وزراء کو دوسرے ممالک میں نوکری کرنے پر شرم آنی چاہیے، قانونی محاذ میں شکست کے بعد ن لیگ تصادم کی طرف جارہی ہے۔

    ان خیالات کا اظہار انہوں نے اے آر وائی نیوز کے پروگرام اعتراض ہے میں میزبان عادل عباسی سے خصوصی گفتگو کرتے ہوئے کیا، انہوں نے کہا کہ نوازشریف خود اداروں کےخلاف باتیں کررہے ہیں، جب حکومت کی رٹ ہی نہیں ہے تو اقتدار میں کیوں بیٹھے ہیں؟

    کیوں اب تک اپنے وزراء بٹھا رکھے ہیں، بہتر ہوتا نوازشریف اداروں کو تنقید کے بجائے خاموشی سے گھر لوٹ جاتے اگر نواز شریف قبل از وقت انتخابات کرا دیتے تو ان کی رسوائی کم ہوجاتی۔

    ایک سوال کے جواب میں ان کا کہنا تھا کہ پیپلزپارٹی غریبوں کی جماعت ہے، پنجاب سے بڑے بڑے نام چلے جانے سے فرق نہیں پڑتا، ندیم افضل چن سیٹ کیلئے پیپلزپارٹی کو چھوڑ کرگئے، پیپلزپارٹی کے خلاف بہت سازشیں کی گئیں، جان بوجھ کر پیچھے دھکیلا گیا۔

    وفاقی بجٹ سے متعلق ان کا کہنا تھا کہ حکومت کو بجٹ پیش کرنے کی کیا جلدی تھی؟ حکومت نے چند گھنٹے پہلے ایک غیرمنتخب شخص کو وزیرخزانہ بنایا، آئندہ آنے والی حکومت کا حق مارا گیا، قانونی محاذ میں شکست کے بعد ن لیگ تصادم کی طرف جارہی ہے، ہمارے وزراء دوسرے ملکوں میں نوکریاں کرنے پرشرم آنی چاہئے۔

  • وفاقی بجٹ کی کوئی قانونی، اخلاقی اور سیاسی حیثیت نہیں: آصف علی زرداری

    وفاقی بجٹ کی کوئی قانونی، اخلاقی اور سیاسی حیثیت نہیں: آصف علی زرداری

    لاہور/اسلام ٓباد: پاکستان پیپلزپارٹی کے شریک چیئرمین آصف علی زرداری نے کہا ہے کہ پیپلزپارٹی آئندہ الیکشن جیت کر جنوبی پنجاب کا صوبہ بنائے گی.

    ان خیالات کا اظہار انھوں نے بلاول ہاؤس لاہور میں سابق وزیراعظم یوسف رضا گیلانی سے ملاقات کے موقع پر کیا، ان کا کہنا تھا کہ جاتی امرا کے سوا پورے پنجاب میں ترقی کہیں نظرنہیں آتی.

    [bs-quote quote=” آراو الیکشن سے آنے والی حکومت نے عوام کو مشکلات کے سوا کچھ نہیں دیا، بھوک، بے روزگاری اور معاشی بدحالی کی وجہ سے عوام سخت پریشان ہیں” style=”style-2″ align=”left” author_name=”آصف علی زرداری” author_avatar=”https://arynewsudweb.wpengine.com/wp-content/uploads/2018/04/ZARDARI60.jpg”][/bs-quote]

    آصف علی زرداری نے کہا کہ وسطی پنجاب میں بسنے والوں کو ریاست کے ثمرات دلائیں گے، پیپلزپارٹی کو جنوبی پنجاب کی مشکلات اورمحرومیوں کا احساس ہے، عوام کو صوبہ دلا کرمحرومی کا ازالہ کریں گے.

    سابق صدر نے کہا کہ پیپلزپارٹی جب بھی اقتدارمیں آئی، صوبوں کے ساتھ انصاف ہوا، پیپلز پارٹی نے صوبوں کو خود مختاری، این ایف سی ایوارڈ دیا.

    انھوں نے کہا کہ آر او الیکشن سے آنے والی حکومت نے عوام کو مشکلات کے سوا کچھ نہیں دیا، بھوک، بے روزگاری اور معاشی بدحالی کی وجہ سے عوام سخت پریشان ہیں.

    آصف زرداری کا کہنا تھا کہ پاکستان پیپلزپارٹی کا منشور آخری مراحل میں ہے، الیکشن 2018 جیت کر پیپلزپارٹی بھرپور قوت سے منشور پرعمل کرے گی.

    بعد ازاں اپنے ایک بیان میں آصف علی زرداری نے حکومتی بجٹ سے متعلق کہا کہ وفاقی بجٹ کی کوئی قانونی، اخلاقی اور سیاسی حیثیت نہیں، اس بجٹ کا محرک صرف لالچ اور سیاسی عزائم ہیں۔

    ان کا کہنا تھا کہ آخر وفاقی حکومت سال کا بجٹ کیوں پیش کر رہی ہے، اس حکومت کا دو ماہ سے بھی کم وقت باقی رہ گیا ہے، کیا حکومت اسی کمیشن کیلئے پورے سال کابجٹ پیش کر رہی ہے؟

    سابق صدر کا کہنا تھا کہ سندھ حکومت فقط تین ماہ کا بجٹ پیش کرے گی، وفاقی حکومت کا رویہ افسوس ناک ہے، کسی وفاقی حکومت نے صوبوں کے خدشات پراتنی بے حسی نہیں دکھائی۔

    مریم نواز نے عمران خان اور آصف زرداری کو بھائی بھائی قرار دے دیا

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  •  نواز شریف کا مسئلہ ووٹ کی عزت نہیں، ذاتی اقتدار ہے: مولابخش چانڈیو

     نواز شریف کا مسئلہ ووٹ کی عزت نہیں، ذاتی اقتدار ہے: مولابخش چانڈیو

    کراچی: پیپلزپارٹی کے سینئر رہنما مولانا بخش چانڈیو نے کہا ہے کہ  نوازشریف کا مسئلہ ووٹ کی عزت نہیں، ذاتی اقتدار ہے.

    تفصیلات کے مطابق پیپلزپارٹی کے سینئر رہنما نے سابق وزیر اعظم میاں نواز شریف کے حالیہ تقریر پر ردعمل دیتے ہوئے کہا کہ  نوازشریف کا مسئلہ ذاتی اقتدار ہے، انھوں نے ووٹ کی بے توقیری کا ذکرکیا، مگر اپنا منفی کردار بھول گئے.

    [bs-quote quote=”سابق وزیراعظم نے پارلیمنٹ کو ربڑ اسٹیمپ بنا دیا تھا، محلات میں بیٹھ کر فیصلے کرتے رہے، انھوں‌ نے جمہوری عمل کو خاندانی اقتدار میں بدل دیا” style=”style-2″ align=”left” author_name=”مولانا بخش چانڈیو”][/bs-quote]

    انھوں‌ نے کہا کہ نواز شریف 35 سال تک اپنی جمہوریت مخالف سازشوں پرمعافی مانگیں، نوازشریف نے ہر وزیراعظم کے خلاف سازش کی، وہ اپنے کردار پر پشیمانی کا اظہار کرتے، تب شاید یہ لگتا کہ انھیں‌ پچھتاوا ہے.

    سینیٹرمولابخش چانڈیو کا کہنا تھا کہ نواز شریف جتنی چاہے تقریریں کریں، کوئی سنجیدہ نہیں لے گا، نوازشریف کی زبان سےووٹ کوعزت دوکی بات اچھی نہیں لگتی.

    انھوں نے کہا کہ نوازشریف پارلیمنٹ کوعزت دیتے، تو ملک اس حال سے نہ گزر رہا ہوتا، آئین عملی معطل رکھ کر نوازشریف نے صوبوں کے حقوق غصب کئے.

    ان کا کہنا تھا کہ سابق وزیراعظم نے پارلیمنٹ کو ربڑ اسٹیمپ بنا دیا تھا، محلات میں بیٹھ کر فیصلے کرتے رہے، انھوں‌ نے جمہوری عمل کو خاندانی اقتدار میں بدل دیا.

    یاد رہے کہ آج ایک سیمینار سے خطاب کرتے ہوئے سابق وزیر اعظم نے کہا تھا کہ ووٹ کی عزت بحال نہ ہوئی توملک خدانخواستہ اسی طرح مسائل میں گھرا رہے گا، میرے ساتھ جو رویہ رکھا گیا، اس سے یہی لگتا ہے کہ ووٹ کو عزت نہیں دی جائے گی۔

    ان لوگوں نے کیا تبدیلی لانی ہےجن کی سوچ غلامانہ ہے‘ نوازشریف

     خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔