یاد رہے کہ گزشتہ روز اے آروائی نیوز کے خصوصی پروگرام گرینڈ ڈیبیٹ میں پیپلزپارٹی کے رہنما سینیٹر مرتضیٰ وہاب کا کہنا تھا کہ نوازشریف لیڈر نہیں ڈیلر ہیں کیونکہ انہوں نے ماضی میں اپنے مفاد کی خاطر متعدد بار معاہدے کیے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔
لاڑکانہ : پیپلزپارٹی کے مرکزی رہنما نثار کھوڑو نے کہا ہے کہ پیپلز پارٹی کبھی ختم نہیں ہوسکتی، ہمیں سازشوں کا مقابلہ کرنا آتا ہے۔
یہ بات انھوں نے لاڑکانہ میں میڈیا سے بات کرتے ہوئے کہی۔ ان کا کہنا تھا کہ محترمہ بے نظیر بھٹو کی دسویں برسی کے موقع پر ہونے والی تقریب میں ایک بیٹے نے اپنی ماں سے بات کی۔
انھوں نے عمران خان کو بھی کڑی تنقید کا نشانہ بنایا۔ ان کا کہنا تھا کہ عمران خان پیپلزپارٹی کو ڈرا نہیں سکتے۔
نثار کھوڑو کا کہنا تھا کہ ہم نواز شریف کی طرح فقط طعنے نہیں دیتے، جس نے محترمہ بے نظیر بھٹو کو ہم سے چھینا، بلاول نے بلاخوف و خطر اس کا نام لیا۔
انھوں نے کہا کہ بےنظیر بھٹو کے قتل میں پرویزمشرف ملوث ہیں، وہ یہاں سے طبی بنیادوں پر جاتے ہیں اور باہر جا کر تقریبات میں رقص کرتے ہیں۔
ان کا کہنا تھا کہ جائے وقوعہ دھلوانے کی معافی کافی نہیں، پرویزمشرف نے کل کے بیان میں اعترافی بیان دے دیا ہے، عدالتیں پرویزمشرف کا نوٹس لے۔
انھوں نے تسلیم کیا کہ سندھ 60 فیصد علاقوں میں زیر زمین پانی مضرصحت ہے اور حکومت اس مسئلے پر کام کر رہی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاڑکانہ : چیئرمین پیپلزپارٹی بلاول بھٹو زرداری کا کہنا ہے کہ شہید محترمہ بینظیربھٹو نے مظلوم عوام کے حقوق کے لیے جدوجہد کی۔
تفصیلات کے مطابق پیپلزپارٹی کے سربراہ بلاول بھٹوزرداری نے شہید بینظیربھٹوکوخراج عقیدت پیش کرتے ہوئے کہا کہ آج 27 دسمبرشہید بی بی کوخراج عقیدت پیش کرنےکا دن ہے۔
بلاول بھٹوزرداری نے کہا کہ شہید بی بی کے قاتلوں نے پوری قوم کے قتل کی سازش کی تھی، آصف زرداری نے پاکستان کھپے کا نعرا لگا کر ملک بچایا۔
چیئرمین پیپلزپارٹی نے کہا کہ شہید محترمہ نے مظلوم عوام کے حقوق کے لیے جدوجہد کی، بی بی نے جان کی قربانی دی،مقصد سے دستبردار نہ ہوئیں۔
بلاول بھٹو زرداری نے کہا کہ شہید محترمہ کےمقصد کے حصول کی جدوجہد جاری رہےگی، پاکستان کومساوات پر مبنی، جمہوری، پرامن، ترقی پسند بنائیں گے۔
واضح رہے کہ سابق وزیراعظم شہید محترمہ بینظیر بھٹو کی دسویں برسی آج منائی جارہی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
کراچی : ترجمان پیپلزپارٹی چوہدری منظور کا کہنا ہے کہ نوازشریف قوم کےساتھ مذاق بندکردیں، نوازشریف ذاتی عدل کیلئےنظام کوتباہ کرنے پر تلے ہیں۔
تفصیلات کے مطابق پیپلزپارٹی کے ترجمان چوہدری منظور نے نواز شریف کے بیان پر ردعمل کا اظہار کرتے ہوئے کہا کہ نوازشریف کےبیان سےلگتاہےکوئی نیالاڈلہ آگیا ہے، نواز شریف کاعدل اورانصاف کےساتھ کوئی تعلق نہیں۔
چوہدری منظور کا کہنا تھا کہ نوازشریف قوم کےساتھ مذاق بندکردیں، نوازشریف ذاتی عدل کیلئےنظام کوتباہ کرنےپرتلےہیں، نوازشریف پیپلزپارٹی کےخلاف سازش،انتقام میں شریک رہے۔
ترجمان پیپلزپارٹی نے کہا کہ پی ٹی آئی اورن لیگ آدھاآدھا اوراپنی مرضی کاسچ بول رہی ہے، پیپلزپارٹی حدیبیہ،نیازی سروسز جیسے فیصلوں سے مطمئن نہیں، نوازشریف کو تو ابھی کچھ بھی نہیں کہا گیا۔
یاد رہے آج صبح احتساب عدالت میں پیشی پر نواز شریف نے میڈیا سے گفتگو کرتے ہوئے عدلیہ کو شدید تنقید کا نشانہ بنایا اور کہا تھا کہ ہم بھیڑبکریاں نہیں جو آنکھیں بند کر کے فیصلہ تسلیم کرلیں، میں ،پارٹی اور قوم اس فیصلے کو قبول نہیں کرینگے، ، ہم اس فیصلے کے خلاف تحریک چلائیں گے۔
نواز شریف کا کہنا تھا کہ سپریم کورٹ فیصلے میں دہرا معیار اپنایا گیا ، مجھے خیالی تنخواہ پرنکالا گیا، خیالی تنخواہ کومیرا اثاثہ بتایا گیا، وزیراعظم کوشک کا فائدہ نہیں دیا جاتا اورنکال دیا جاتا ہے ، اس طرح کی سکہ شاہی نہیں چلے گی ، نوازشریف کا 50 سال پرانا احتساب لیا گیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
کراچی : پیپلزپارٹی کےچیئرمین بلاول بھٹو زرداری نے کہا ہے کہ بی بی شہید نے خطرات کے باوجود اپنے عوام کے درمیان رہنے کو ترجیح دی، پیپلزپارٹی کی مقبولیت نے مخالفین کی نیندیں حرام کردیں۔
ان خیالات کا اظہار انہوں نے ملک کے مختلف بارہ شہروں میں ہولوگرام کے ذریعے خطاب اور پارٹی اجلاس میں کیا، بلاول بھٹو زرداری کا اپنے خطاب میں ان کا کہنا تھا کہ شہید بے نظیر بھٹو خطرات کے باوجود اپنے ملک واپس آئیں۔
بی بی شہید نےہمیشہ اپنے وطن مٹی کی خوشبو کو یاد رکھا، بلاول بھٹو زرداری کا مزید کہنا تھا کہ ان کی جنگ اس ملک کے غریب اور مظلوم عوام کےلیے تھی۔
بلاول بھٹو زرداری نے کارکنان کو مخاطب کررتے ہوئے کہا کہ بی بی شہید کےغم کو طاقت میں تبدیل کرکے آگے بڑھ رہےہیں، کارکنان تیار رہیں، پیپلزپارٹی آئندہ الیکشن میں سب کو حیران کردے گی۔
علاوہ ازیں بلاول ہاؤس کراچی میں پی پی چیئرمین بلاول بھٹو زرداری ک یزیرصدارت اجلاس منعقد ہوا، اجلاس میں خورشیدشاہ، فریال تالپور، نثارکھوڑو، وزیراعلیٰ سندھ مراد علی شاہ اور دیگر موجود تھے۔
اجلاس سے خطاب میں بلاول بھٹو کا کہنا تھا کہ پیپلزپارٹی کی مقبولیت نے مخالفین کی نیندیں حرام کردیں،مخالفین اب اوچھے ہتھکنڈوں پراترآئے ہیں، پیپلزپارٹی انتخابات میں ملک بھرسے کامیاب ہوگی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
ملتان: میاں صاحب، آپ کو اللہ نے نکالا، ججز وسیلہ بنے، غلط پالیسیوں کی وجہ سے حکومت اور اسٹیبلشمنٹ ایک صفحے پر نہیں، ان خیالات کا اظہار آصف علی زرداری نے ملتان میں پیپلزپارٹی کے جلسہ عام سے خطاب کرتے ہوئے کیا۔
انھوں نے ملتان کے قاسم باغ میں منعقدہ جلسے میں سابق وزیر اعظم میاں نواز شریف پر کڑی تنقید کرتے ہوئے کہا کہ پرویزمشرف کو لانے والے میاں نوازشریف تھے، ہم نےعوام کی طاقت سے پرویز مشرف کو باہر نکالا۔
اس موقع پر ان کا کہنا تھا کہ بے نظیر بھٹو کی شہادت کے بعد ہمیں ملک ٹکڑوں میں ملا تھا، ہم نے جمہوریت کو دوبارہ اپنے پیروں پر کھڑا کیا، ہم سے جب بھی شہادتیں مانگی گئیں، ہم نے کلمہ پڑھ کر شہادتیں پیش کیں۔
آصف علی زرداری کا کہنا تھا کہ نواز شریف پوچھتے پھر رہے ہیں کہ مجھے کیوں نکالا، میاں صاحب آپ کو اللہ نے نکالا، وسیلہ ججز بنے۔ انھوں نے اسپیکر ایاز صادق کو مخاطب کرتے ہوئے کہا، اسپیکر صاحب آپ کی حکومت جاری ہے۔
ان کا کہنا تھا کہ ن لیگ نے سی پیک کو کولون ایجینسی سمجھ رکھا ہے، ہمیں سی پیک کا اصل مطلب پتا ہے، ان کو تو سی پیک کی تشریح بھی نہیں آتی۔
یہ بھی پڑھیں: نواز شریف اپنی ذات کے لیے ملکی سلامتی داؤ پر لگارہے ہیں، آصف زرداری
اس موقع پر انھوں نے سابق وزیر اعظم یوسف رضا گیلانی کی تعریف کی اور کہا کہ اگر عوام ان کا ساتھ دیں، توجنوبی پنجاب بھی ترقی کی راہ پر گامزن ہوسکتا ہے۔
انھوں نے اہل ملتان کو خراج تحسین پیش کرتے ہوئے کہ ملتان کے عوام نے مجھے اور بلاول کو شہید بی بی کی یاد دلادی۔
جلسے سے یوسف رضا گیلانی سمیت دیگر سنیئر راہ نماؤں نے خطاب کیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور:پیپلزپارٹی کے رہنما قمر زمان کائرہ کا کہنا ہے کہ پیپلزپارٹی آج ملتان میں جلسہ کرے گی، پیپلزپارٹی کچھ عرصے سے بحران میں تھی، ریاست کی کچھ قوتیں ہمیشہ پیپلزپارٹی کی مخالف رہیں۔
تفصیلات کے مطابق ملتان جلسے میں شرکت کیلئے روانگی سے پہلے لاہور میں میڈیا سے گفتگو کرتے ہوئے پیپلز پارٹی وسطی پنجاب کے صدر قمر زمان کائرہ کا کہنا تھا کہ پیپلزپارٹی آج ملتان میں جلسہ کرے گی، آصف زرداری اور بلاول بھٹو خطاب کریں گے۔
قمر زمان کائرہ کا کہنا تھا کہ پیپلزپارٹی کچھ عرصے سے بحران میں تھی، ریاست کی کچھ قوتیں ہمیشہ پیپلزپارٹی کی مخالف رہیں ، فاٹا کے معاملے پر حکومت اور فضل الرحمان پھنس گئے ہیں۔
پی پی رہنما نے کہا کہ آنے والے دن عجیب و غریب ہوں گے، ایم ایم اےکی بیل آسانی سے منڈھے نہیں چڑھے گی، ایم ایم اے کی تین جماعتیں مختلف اتحادی حکومتوں میں ہیں، جماعت اسلامی تحریک انصاف کی اتحادی ہے، فضل الرحمن اور ساجد میر مسلم لیگ ن کے ساتھ ہیں۔
انکا کہنا تھا کہ قبل از وقت الیکشن غیرآئینی نہیں ہوتے، بروقت الیکشن سے جمہوری نظام پر عوام کا اعتماد بڑھتا ہے۔
انکا کہنا تھا کہ پیپلز پارٹی نےپی ٹی آئی سےتعاون کی کبھی درخواست نہیں کی، کرپٹ لوگ عمران خان کے دائیں بائیں کھڑے ہیں۔
قمر زمان کائرہ نے کہا کہ اسپیکرصاحب اپنے منصب کے مطابق کام نہیں کر رہے، خدشہ ہے تواسپیکرکو ایوان میں اپنی بات واضح کرنی چاہیے، وزیراعظم کو خود ہی یقین نہیں کہ وہ وزیراعظم ہیں، وزیر اعظم کہتے ہیں میرے وزیر اعظم نواز شریف ہیں۔
طاہر القادری کے حوالے سے انکا کہنا تھا کہ طاہرالقادری احتجاج کی طرف گئے تو ہم ساتھ ہوں گے، طاہر القادری کے سیاسی اتحادی نہیں بن رہے، سانحہ ماڈل ٹاؤن پر ہمیشہ طاہر القادری کا ساتھ دیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئرکریں۔
لاہور : پاکستان پیپلزپارٹی پنجاب کے رہنما قمر زمان کائرہ نے کہا ہے کہ صوبائی حقوق اوّلین ترجیح ہے، عام انتخابات میں تاخیر کسی صورت برداشت نہیں کریں گے، مردم شماری پر تمام جماعتوں کو اعتراض ہے۔
ان خیالات کا اظہار انہوں نے لاہور میں میڈیا سے گفتگو کرتے ہوئے کیا، انہوں نے کہا کہ وزیراعلیٰ پنجاب کی غضب کہانیوں کے قصےنہیں بتانا چاہتے، شہبازشریف اور راناثنااللہ مستعفی ہوکر سانحہ ماڈل ٹاؤن کیس کی تحقیقات کا سامنا کریں۔
پیپلز پارٹی کے رہنما نے کہا کہ نوازشریف کی لوٹ مار اور شہبازشریف کا قتل اہم عام ایشو ہے، وزیرداخلہ احسن اقبال نئے افلاطون بنے ہوئے ہیں۔
قمر زمان کائرہ نے کہا کہ ہمارے خلاف پی اےٹی کےدھرنے کو کسی نے غیرآئینی نہیں کہا تھا، پی پی کے دور میں پی اے ٹی کے جائزمطالبات کو تسلیم کیا گیا۔ ہم ملک میں جمہوریت کی گاڑی خراب نہیں ہونےدینگے۔
انہوں نے کہا کہ ہمیں جمہوری ہونے کیلئے کسی سے سر ٹیفکیٹ لینے کی ضرورت نہیں، ہم نے جانیں دے کر اپنی شناخت کرائی ہے لیکن جمہوریت جب بھی ڈی ریل ہوئی تو مسلم لیگ ن نے فائدے اٹھائے۔
ان کا مزید کہنا تھا کہ مردم شماری پرسب پارٹیوں نے اعتراض کیا ہے، اجلاس میں حکومت نے4،5بلاک چیک کرنے کا وعدہ کیا ہے، مردم شماری کی بنیاد پر وسائل اور نوکریاں تقسیم ہوتی ہیں۔
صوبائی حقوق پیپلزپارٹی کی اولین ترجیح ہے، الیکشن میں کسی قسم کی تاخیربرداشت نہیں کریں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
لاہور : ترجمان پیپلزپارٹی کا کہنا ہے کہ گالی کی سیاست کی بانی مسلم لیگ ن ہے، پیپلزپارٹی نے کبھی گالی کی سیاست کی نہ اب کرے گی۔
تفصیلات کے مطابق ترجمان پیپلزپارٹی چوہدری منظور نے وزیرریلوے سعدرفیق کے بیان پر ردعمل دیتے ہوئے کہا کہ مسلم لیگ ن بتائے انہوں نے آئین کے لیے کیا کیا۔
چوہدری منظور نے کہا کہ نوازشریف نے میموگیٹ میں کالا کوٹ کس آئین کی بالادستی کے لیے پہنا تھا، انہوں نے کہا کہ پیپلزپارٹی نےکبھی گالی کی سیاست کی نہ اب کرے گی۔
ترجمان پیپلزپارٹی کا کہنا تھا کہ سعدرفیق شہبازشریف کی گالیوں کا توپہلے قوم کوجواب دیں۔ ان کا کہنا تھا کہ نوازشریف کی پیپلزپارٹی کے خلاف ہرزہ سرائی سعد رفیق جھٹلاسکتےہیں؟۔
چوہدری منظورنے کہا کہ گالی کی سیاست کی بانی مسلم لیگ ن ہے، پیپلزپارٹی کل بھی وفاق کی جماعت تھی اورآج بھی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
کراچی : قومی اسمبلی میں اپوزیشن لیڈر اور پیپلز پارٹی کے رہنما سید خورشید شاہ نے کہا ہے کہ نوازشریف نے نیب کو پیپلزپارٹی کےخلاف بنایا تھا، عمران خان کی زبان ان کی سب سے بڑی دشمن ہے، پاکستان میں دہشت گردی افغان جنگ کے بعد آئی۔
ان خیالات کا اظہار انہوں نے اے آر وائی نیوز کے پروگرام’’ اعتراض ہے‘‘ میں خصوصی گفتگو کرتے ہوئے کیا۔ خورشید شاہ نے کہا کہ پیپلزپارٹی اپوزیشن میں بھی کسی سازش کاحصہ نہیں بنی لیکن نواز شریف میمو کیس میں کالاکوٹ اورلال ٹائی پہن کرعدالت گئے۔
میاں صاحب ماضی میں خود پی پی کیخلاف سازشوں میں مصروف رہےہیں، نوازشریف نے نیب کا ادارہ پیپلزپارٹی کےخلاف کارروائی کیلئے ہی بنایا تھا۔
ایک سوال کے جواب میں انہوں نے کہا کہ ہر بار میاں صاحب کی حکومت کو بچانے کاہم نے ٹھیکہ نہیں لے رکھا، عدالتوں نے نوازشریف کے خلاف درست فیصلہ دیا، میاں صاحب سپریم کورٹ کا فیصلہ قبول کریں اور آگے بڑھیں، وہ آج اپنا بویا ہوا بیج کاٹ رہے ہیں۔
ان کا مزید کہنا تھا کہ شرجیل میمن کوپکڑا جاتا ہے، مریم نواز اور کیپٹن صفدر کیلئے بھی ایک ہی قانون ہونا چاہئے، عدلیہ کو کہتا ہوں کہ ڈبل اسٹینڈرڈ بند کرو، کرپشن کوسیاست کی نظرکیاجارہاہے۔
پی ٹی آئی چیئرمین عمران خان کے حوالے سے انہوں نے کہا کہ ان کی زبان ان کی سب سے بڑی دشمن ہے، ملک میں گالم گلوچ کی سیاست نہیں چلےگی، ٹکراؤ کی سیاست ملکی مفاد میں نہیں ہے۔
عمران خان جو آج کہہ رہے ہیں کل ان کو اس کا نقصان ہوگا، عمران خان نے اب تک عوام کیلئے کیا کیاہے؟ ہم نے ہمیشہ ایشوز کی سیاست کی ہے، گالم گلوچ کی نہیں، عوام اورجمہوریت کی بات کرنے والےگالم گلوچ کرتے رہتے ہیں۔
خورشیدشاہ نے کہا کہ ہماری حکومت ہوتی تو فیض آباد دھرنا ہوتا ہی نہیں، ختم نبوت کے قانون کے نام پرسیاست کی گئی، فیض آباد دھرنے والوں نے نبی کے نام پر سیاست کی جو قابل مذمت ہے۔
پاکستان پردنیاکی نظریں ہیں اس پر رحم کیا جائے، یہ سب کرکے ہم دنیا کو کیا پیغام دینا چاہتےہیں، ختم نبوت کےمعاملےپرمنافقت ہوئی ہے، ختم نبوت قانون میں تکنیکی غلطی تھی۔
انہوں نے کہا کہ فیض آباد آپریشن کے وقت ٹی وی چینلز بند کرنے سے عوام میں اور خوف بڑھ گیا تھا، حکومت کو ٹی وی چینلز کو نہیں بند کرنا چاہئے تھا، ٹی وی چینلزاور سوشل میڈیا کو بند کرنےسے کوئی فرق نہیں پڑا، غلط چیزوں سے سیکھ کر آگے بڑھنا چاہئے۔
