Tag: پیپلزپارٹی

اسلام آباد: پیپلزپارٹی کو بلوچستان سے بڑی سیاسی کامیابی مل گئی، سابق وزیر داخلہ سرفراز بگٹی نے پیپلزپارٹی میں شمولیت کا فیصلہ کرلیا۔

تفصیلات کے مطابق سابق وزیر داخلہ سرفراز بگٹی نے پیپلزپارٹی میں شمولیت کا فیصلہ کرلیا، وہ آج پیپلزپارٹی میں شمولیت کا باضابطہ اعلان کریں گے۔

ذرائع کا بتانا ہے کہ سابق وزیر داخلہ سرفراز بگٹی تربت کیلئے روانہ ہوگئےجہاں وہ  آصف زرداری سے ملاقات کریں گے۔

واضح رہے کہ آصف زرداری آج ایک روزہ دورے پر تربت پہنچ رہے ہیں جہاں وہ پارٹی کی صوبائی تنظیم، کارکنان سے ملاقاتیں کریں گے اور پیپلزپارٹی ورکرز کنونشن سے خطاب کریں گے۔

کراچی کے علاقے ناظم آباد میں نامعلوم افراد کی کار سوار افراد پر فائرنگ کے نتیجے میں دو افراد جاں بحق اور خاتون زخمی ہوگئی۔

تفصیلات کے مطابق کراچی کے علاقے ناظم آباد میں چلتی کار پر فائرنگ سے دو افراد جاں بحق اور خاتون زخمی ہوگئی، موٹر سائیکل سوار حملہ آوروں نے کار کا تعاقب کیا اور فائرنگ کرکے فرار ہوگئے۔

 ریسکیو ذرائع کے مطابق کار پر فائرنگ سے خاتون سمیت تین افراد زخمی ہوئے تھے، زخمیوں کو اسپتال پہنچایا جارہا تھا کہ اس دوران دو زخمی چل بسے۔

پولیس کے مطابق جاں بحق افراد میں طارق اور آن لائن کار ڈرائیور شامل ہیں جبکہ زخمی خاتون کی شناخت طارق کی اہلیہ بینش کے نام سے ہوئی ہے۔

پولیس کا کہنا ہے کہ  طارق اور اس کی اہلیہ نارتھ ناظم آباد میں شادی سے واپس آرہے تھے،  جاں بحق آن لائن کار ڈرائیور کی تاحال شناخت نہیں ہوسکی جبکہ کار ڈرائیور کا موبائل فون موقع بھی سے نہیں ملا۔

پولیس کا کہنا ہے کہ مقتول طارق پیپلزپارٹی کے علاقائی عہدیدار کا رشتہ دار ہے، طارق کو 9  اور کار ڈرائیور کو 4 گولیاں ماری گئیں ہے جبکہ مقتول کی بیوی کو ایک گولی لگی ہے۔

پولیس کا کہنا ہے کہ مقتول طارق کی میت ورثا کے حوالے کردی گئی، طارق کی میت لائنز ایریا میں تھانوی مسجد کے سرد خانے منتقل کردی گئی جبکہ جاں بحق  آن لائن کار ڈرائیور کی میت ریسکیو کے سرد خانے منتقل  کی جارہی  ہے۔

  عینی شاہد کا کہنا ہے کہ ہم دوست بیٹھے ہوئے تھے کہ فائرنگ کی آواز سنی،  فائرنگ کی آواز سن کر دیکھا تو موٹر سائیکل سوار ملزمان کار پر مسلسل فائرنگ کررہے تھے۔

عینی شاہد کا کہنا تھا کہ فائرنگ کے بعد کار بے قابو ہو کر دیوار سے جا ٹکرائی، ہم نے نہیں دیکھا کہ موٹرسائیکل سوار کون تھے، 2 موٹر سائیکلوں پر 3 سے 4 ملزمان سوار تھے،

عینی شاہد نے بتایا کہ فائرنگ کا واقعہ دیکھنے میں ڈکیتی مزاحمت کا نہیں لگ رہا تھا، موٹر سائیکل سوار ملزمان نے کار میں کوئی لوٹ مار نہیں کی۔

اسلام آباد: سابق وزیر خزانہ مفتاح اسماعیل کا پیپلزپارٹی میں شمولیت کا امکان ہے۔

تفصیلات کے مطابق پیپلزپارٹی (پی پی) کے ذرائع نے دعوی کیا ہے کہ انکی جماعت کے سابق ن لیگی رہنما اور وفاقی وزیر خزانہ رہنے والے مفتاح اسماعیل سے معاملات طے پانے والے ہیں، مفتاح اسماعیل جلد پیپلزپارٹی میں شمولیت کا باضابطہ اعلان کریں گے۔

ذرائع کا کہنا ہے کہ مفتاح اسماعیل کی ممکنہ شمولیت کے معاملے پر پیپلزپارٹی قیادت کو اعتماد میں لیا گیا، پارٹی قیادت کی منظوری کے بعد مفتاح اسماعیل سے رابطوں کا آغاز کیا گیا۔

ذرائع کے مطابق پیپلزپارٹی کے سینئر رہنماؤں کا وفد گذشتہ ڈیڑھ ماہ سے مفتاح اسماعیل سے رابطے میں ہے۔

مفتاح اسماعیل ن لیگ کی گذشتہ حکومت کے دوران شاہد خاقان عباسی کی کابینہ میں بطور وزیر خزانہ کام کر چکے ہیں، مفتاح اسماعیل کو 2022 میں دوبارہ وزیر خزانہ مقرر کیا گیا تھا تاہم سینیٹر اسحاق ڈار کی لندن سے آمد سے قبل مفتاح اسماعیل وزیر خزانہ کے عہدے سے مستعفی ہو گئے تھے۔

مفتاح اسماعیل جون 2023 میں مسلم لیگ ن کے پارٹی عہدوں سے مستعفی ہوتے ہوئے سیاست کو خیرباد کہنے کا اعلان کیا تھا۔

اسلام آباد: پیپلزپارٹی نے الیکشن میں ن لیگ سے سیٹ ایڈجسٹمنٹ نہ کرنے کا فیصلہ کرلیا اور کہا کہ ن لیگ سے سیٹ ایڈجسٹمنٹ میں فائدہ کم نقصان زیادہ ہے۔

تفصیلات کے مطابق پیپلزپارٹی نے الیکشن میں ن لیگ سے سیٹ ایڈجسٹمنٹ نہ کرنے کا فیصلہ کرلیا ، ذرائع نے بتایا کہ ملک بھر میں کسی حلقہ پر ن لیگ سے سیٹ ایڈجسٹمنٹ نہیں ہو گی۔

ذرائع کا کہنا تھا کہ بعض رہنماؤں نے ن لیگ سے ایڈجسٹمنٹ کی تجویز دی تھی، جس کے بعد پی پی قیادت نے ن لیگ سے سیٹ ایڈجسٹمنٹ پر پارٹی کی رائے لی تاہم صوبائی پارٹی رہنماؤں نے ن لیگ سے سیٹ ایڈجسٹمنٹ تجویزمسترد کردی۔

پی پی ذرائع نے کہا کہ ن لیگ سے سیٹ ایڈجسٹمنٹ میں فائدہ کم نقصان زیادہ ہے، الیکشن میں ن لیگ سے سیٹ ایڈجسٹمنٹ گھاٹے کا سودا ہے کیونکہ پی ڈی ایم حکومت کانزلہ آئندہ الیکشن میں ن لیگ پرگرے گا۔

ذرائع نے بتایا کہ ن لیگ وسطی پنجاب میں پی پی سے سیٹ ایڈجسٹمنٹ پر رضامند نہیں، ن لیگ پنجاب سے زیادہ سے زیادہ قومی، صوبائی نشستیں چاہتی ہے اور پنجاب میں ایڈجسٹمنٹ ہونے پرن لیگ سندھ میں سیٹیں مانگےگی۔

ذرائع کا کہنا تھا کہ ن لیگ ایڈجسٹمنٹ پر سندھ میں 10سے زائد سیٹیں مانگ سکتی ہے لیکن پیپلزپارٹی سندھ سے ایک سیٹ چھوڑنے کی پوزیشن میں نہیں ہے، پیپلزپارٹی سندھ حکومت کی کارکردگی کی بنیاد پر ماضی سے زیادہ سیٹیں لے گی۔

پی پی ذرائع کے مطابق کراچی سے قومی اسمبلی کی 6سیٹیں جیتناپیپلزپارٹی کا ہدف ہے۔

اسلام آباد : پیپلزپارٹی نے آئندہ عام انتخابات میں وفاق اور صوبوں میں کسی جماعت سے اتحاد نہ کرنے کا فیصلہ کرلیا۔

تفصیلات کے مطابق پیپلزپارٹی نےآئندہ عام انتخابات میں سولو فلائٹ لینے کا فیصلہ کرلیا، ذرائع نے کہا ہے کہ پیپلزپارٹی کسی سیاسی جماعت سے انتخابی اتحاد نہیں کرے گی۔

ذرائع کا کہنا ہے کہ پیپلزپارٹی کا وفاق ،صوبوں میں کسی جماعت سے اتحاد نہیں ہو گا، پیپلزپارٹی الیکشن کے بعد حکومت سازی میں اتحاد پر غور کر سکتی ہے۔

ذرائع نے کہا ہے کہ پیپلزپارٹی وفاق، صوبوں میں سیٹ ایڈجسٹمنٹ کر غور کر سکتی ہے، اے این پی کے ساتھ کے پی اور کراچی میں سیٹ ایڈجسٹمنٹ ہو سکتی یے جبکہ کے پی میں آزاد امیدوار اور پی ٹی آئی سے سیٹ ایڈجسٹمنٹ ہو سکتی ہے۔

پارٹی ذرائع کا کہنا تھا کہ پیپلزپارٹی کا ماضی میں انتخابی اتحاد کا تجربہ خوشگوار نہیں رہا اور ماضی میں انتخابی اتحاد کا خمیازہ الیکشن میں بھگتا ہے اور اتحاد کی صورت پی پی کو الیکشن میں شدید نقصان اٹھانا پڑتا ہے۔

ذرائع کے مطابق انتخابی اتحاد کرنے پر پی پی کا ووٹرز متنفر اور ٹوٹ جاتا ہے، پی پی ووٹر انتخابی اتحاد ہونے پر مشترکہ امیدوار کو ووٹ نہیں دیتا، پنجاب میں ن لیگی ووٹر پی پی کے مشترکہ امیدوار کو ووٹ نہیں دیتا۔

پنجاب میں پی ٹی آئی ووٹر ن لیگ، پی پی کو ووٹ نہیں دے گا، کے پی میں پی ٹی آئی ووٹر جے یو آئی، پی پی کو ووٹ نہیں دے گا۔

نوابشاہ : سابق صدرآصف زرداری کا کہنا ہے کہ ملک میں  اگلی حکومت پیپلزپارٹی بنائے گی، جیالوں نے ہر دور میں چیلنجز کو قبول کیا ہے۔

تفصیلات کے مطابق سابق صدرآصف علی زرداری کی نواب شاہ میں سکرنڈ اور قاضی احمد سے تعلق رکھنے والے پارٹی کارکنان اور معززین سے ملاقات ہوئی ، جس میں سیاسی حکمت عملی پر مشاورت اور گفتگوکی گئی۔

اس موقع پر سابق صد رآصف زرداری نےکہا کہ پاکستان پیپلزپارٹی کا ہرکارکن ملک میں عوامی حکومت کے قیام کےلیے پرعزم ہے، جیالوں نے ہردورمیں چیلنجزکوقبول کیا، پاکستان پیپلز پارٹی ملک میں اگلی حکومت بنائے گی۔

یاد رہے پاکستان پیپلز پارٹی کے شریک چیئرمین آصف زرداری نے پیپلزپارٹی شعبہ خواتین کے وفد سے ملاقات میں کارکنان کو انتخابات کی تیاری کی پدایت کرتے ہوئے کہا کہ پریشان ہونےکی ضرورت نہیں میں بیٹھا ہوں۔

انھوں نے بتایا تھا کہ میں نے ملتان میں بھی اپنا گھر لے لیا ہے، جنوبی پنجاب کے دوستوں اور کارکنان سے خود ملاقاتیں کروں گا، نوابشاہ میں بھی تمام کارکنوں اور جیالوں سے خود ملاقاتیں کررہا ہوں کیونکہ کارکنان کا اصرار تھا، وہ براہ است مجھ سے بات کرنا چاہتے تھے، پیپلزپارٹی کے کارکنان انتخابات کی تیاری کریں۔

سابق صدر کا کہنا تھا کہ پیپلزپارٹی عوامی سیاست کرتی ہے، ہماری طاقت عوام کا ہم پراعتماد ہے ، ملک کے ہر ضلع ، تحصیل سے یی پی کے جیالے بھٹو ازم کے نظریے سے جڑے ہیں، پیپلزپارٹی بھرپور تیاریوں کے ساتھ آئندہ عام انتخابات میں حصہ لے گی۔

پاکستان پیپلزپارٹی نواز شریف کے خطاب میں انتخابات کا مطالبہ نہ کرنے پر حیران ہے، قائد ن لیگ کو دی جانے والی سہولت پر تشویش کا اظہار کیا گیا ہے۔

تفصیلات کے مطابق نوازشریف کو وطن واپسی پر ملنے والی سہولت نے پیپلزپارٹی کے حلقوں میں تشویش کی لہر دوڑا دی ہے۔ انتخابات کے فوری انعقاد کے لیے پیپلز پارٹی نے رابطہ عوام مہم شروع کرنے کا فیصلہ کیا ہے۔

ذرائع کا کہنا ہے کہ پیپلزپارٹی اس بات پر کافی حیران ہے کہ نواز شریف کے خطاب میں انتخابات کا مطالبہ نہیں کیا گیا۔

پیپلزپارٹی کے ذارئع نے کہا کہ پنجاب میں ڈویژنل ہیڈ کوارٹرز پر جلسے کیے جائیں گے، 30 نومبر کو یوم تاسیس کا جلسہ مینار پاکستان گراؤنڈ میں کرنے کی تجویز دی گئی ہے۔

ذرائع کا اس حوالے سے مزید کہنا تھا کہ پاکستان پیپلز پارٹی ہر سال ایک بڑا جلسہ کرتی ہے، اس بار لاہور میں کرنے کا امکان ہے۔