Tag: پیپلزپارٹی

پیپلزپارٹی اور تحریک انصاف کے درمیان رابطےہوئےہیں، جن میں کراچی میں بلدیاتی انتخابات کے حوالے سے بات چیت کی گئی۔

کراچی میں نئی سیاسی تبدیلی کا امکان پیدا ہو گیا ہے ، پیپلز پارٹی اور تحریک انصاف آئندہ بلدیاتی انتخابات میں مشترکہ امیدوار لانے یا سیٹ ایڈجسٹمنٹ پر معاہدے کے قریب پہنچ گئیں، پیپلزپارٹی کے تین رکنی وفد نے تحریک انصاف کے رہنما عمران اسمٰعیل سے ان کی رہائش گاہ پرملاقات کی ،اس ملاقات میں بلدیاتی انتخابات میں سیٹ ایڈجسٹمنٹ اورمشترکہ امیدوار لانے پرغور کیاگیا۔

ذرائع کے مطابق دونوں جماعتوں کے درمیان باہمی رابطے فعال اورمزید مضبوط بنانے پراتفاق کیاگیا ،دونوں جماعتوں میں آئندہ چند روز میں ایک اور ملاقات کرنے پر بھی اتفاق ہوا ہے۔ اگر دونوں سیاسی قوتیں ایک پلیٹ فارم پر بلدیاتی انتخابات میں حصہ لیتی ہین تو اس سے کراچی کی سیاست نیا رخ اختیار کر سکتی ہے ۔

وزیراعظم نواز شریف، شہبازشریف، بلاول بھٹو زرداری، الطاف حسین، عمران خان اورڈاکٹر طاہرالقادری  سمیت سیاسی و مذہبی جماعتوں کے رہنماؤں نے کراچی دھماکے کی شدید الفاظ میں مذمت کی ہے۔

وزیراعظم نوازشریف نے کراچی بم دھماکے کی مذمت کرتے ہوئے کہا کہ چوہدری اسلم دلیر پولیس افسر تھے ان کی قربانی رائیگاں نہیں جائے گی،دہشتگردوں کی بزدلانہ کارروائیوں سےقوم کاعزم متاثر نہیں ہوگا، وزیر اعلیٰ پنجاب شہباز شریف نے بھی کراچی عیسی نگری دھماکے کی شدید مذمت کرتے ہوئے پولیس افسر اور دیگر اہلکاروں کی ہلاکت پر اظہار افسوس کا اظہار کیا، سابق صدر آصف زرداری نے بھی چوہدری اسلم پرحملے کی شدید مذمت کی۔

پیپلزپارٹی کے چیئرمین بلاول بھٹو زرداری نے دھماکے کی مذمت کرتے ہوئے اپنے ٹوئٹر پیغام میں کہا کہ کالعدم تحریک طالبان نے میرے ایس پی پر حملہ کیا،چوہدری اسلم نے بہادروں کی طرح جان دی،چوہدری اسلم کو پہلے بھی دھمکیاں ملیں اور حملے ہوئے۔

صوبائی وزیراطلاعات شرجیل میمن کا کہناتھا کہ سندھ پولیس دلیر افسر سے محروم ہوگئی، ہم سب کو چوہدری اسلم کو سلیوٹ کرنا چاہئے، چوہدری اسلم کا نام بہادر افسروں میں لکھا جائے گا،ایس پی چوہدری اسلم کی بہادری کی قدر کرنی چاہئے،ایم کیوایم کے قائد الطاف حسین نے چوہدری اسلم کو خراج عقیدت پیش کرتے ہوئے دلی اظہار افسوس کیا۔انہوں نے مطالبہ کیا کہ واقعے میں ملوث دہشت گردوں کو فوری گرفتار کیا جائے۔

الطاف حسین کا کہناتھا کہ کراچی جیسے شہر میں دہشت گردوں کی آزادانہ کارروائیاں لحمہ فکریہ ہیں ،چئیرمین تحریک انصاف عمران خان نے دھماکے کی مذمت کی اور مطالبہ کیا کہ صوبائی حکومت واقعہ کی تحقیقات اور ملزمان کو کیفر کردار تک پہنچائے، گورنر سندھ ڈاکٹر عشرت العباد کا کہناتھا کہ چوہدری اسلم پر حملہ دہشت گردانہ اور بزدلانہ کارروائی ہے۔

چوہدری اسلم نے اپنے عزم،حوصلے اور بہادری سے سندھ پولیس کا نام روشن کیا۔ پاکستان عوامی تحریک کے قائد ڈاکٹر محمد طاہر القادری نے بم دھماکے کی شدید مذمت کرتے ہوئے جانی نقصان پر گہرے دکھ اور افسوس کا اظہار کیا اور کہا کہ حکومت دہشتگردی کی روک تھام میں مکمل طور پر ناکام دکھائی دیتی ہے، قومی شعور سے ہی دہشتگردی کے فتنے کا سر کچلا جاسکتا ہے۔

مجلس وحدت المسلمین کے علامہ راجہ ناصر عباس کا کہناہے کہ کراچی حسن سکوائر دھماکے کی شدید مذمت کرتے ہیں،دہشت گردوں کے ہاتھوں سیکیورٹی ادارے محفوظ ہیں نہ عوام، ظالمان مائنڈ سیٹ اسلام اور پاکستان کا سب سے بڑا دشمن ہے، حکمران ہوش کے ناخن لیں اور دہشت گردوں کیخلاف فوری اور بھر پور کارروائی کا اعلان کریں۔

سنی ا تحاد کونسل نے بھی واقعے کی مذمت کی ،حامدرضا کا کہناہے کہ چوہدری اسلم کی شہادت افسوس ناک ہے ، دلیر اور جرات مند انسان تھے ۔شہادت قومی سانحہ ہے ، سوگوار خاندان سے اظہار یکجہتی کرتے ہیں ۔
   

پیپلزپارٹی نے حکومت کی نجکاری پالیسی پر شدید تحفظات کا اظہار کرتے ہوئے پارلیمنٹ اور اس کے باہر جارحانہ رویہ اختیار کرنے کا فیصلہ کیا ہے، اس موقع پر آصف علی زرداری کا کہنا تھا کہ انہیں جب بھی عدالت بلائیگی وہ پیش ہونگے

اسلام آباد میں سابق صدر آصف علی زرداری کی زیر صدارت پیپلزپارٹی کا اجلاس ہوا، جس میں نجکاری کے عمل کے خلاف پارلیمنٹ اور باہر جارحانہ رویہ اختیار کرنے کا فیصلہ کیا گیا۔

اجلاس میں آصف زرداری کے عدالت میں پیش ہونے پر پارٹی کے رہنماؤں نے خراج تحسین پیش کیا، اجلاس میں یہ فیصلہ بھی کیا گیا کہ سرکاری اداروں کی نجکاری پر نظر رکھنے کے لئے مانیٹرنگ کمیٹی بنائی جائیگی۔
       

رحمان ملک کا کہنا ہے کہ پیپلزپارٹی نے ہمیشہ عدالتوں کا احترام کیا ہے، سابق صدر زرداری نے آج عدالت میں پیش ہو کر مثال قائم کی، مقدمے میں کچھ بھی نہیں ہے، سابق صدر ملزم ہیں مجرم نہیں، سابق صدر کو ملزم کس نے بنایا یہ سب جانتے ہیں۔

پیپلزپارٹی کے رہنما قمرالزمان کائرہ کا کہنا ہے کہ سابق صدر آصف علی زرداری تمام کیسز میں بری ہو چکے ہیں، مقدمات سے نہیں گھبراتے، پوائنٹ اسکورنگ نہیں کی، انھوں نے کہا کہ عدالت نے بلانے پر سابق صدر پیش ہوئے، مشرف کو بھی کیسز کا سامنا کرنا چاہیئے۔
      

سجاول ڈسٹرکٹ کونسل کی چھتیس میں سے اکیس نشستوں پر پیپلزپارٹی کے امیدوار بلامقابلہ کامیاب ہوگئے ہیں، جس کے بعد پیپلزپارٹی کا امیدوار چئیرمین ضلع کونسل منتخب ہونے کا امکان ہے۔

پیپلز پارٹی کے رہنما سید اویس مظفر نے نو منتخب کونسل کے ارکان کو مبارک باد دیتے ہوئے اسے پیپلز پارٹی پر عوام کا اعتماد قرار دیا ہے، سید اویس مظفر کا کہنا ہے کہ شہید محترمہ بینظیر بھٹو کے مشن کو جس طرح شریک چیرمین آصف علی زرداری اور سرپرست اعلی بلاول بھٹو زرداری لے کر چل رہے ہیں۔

انھوں نے کہا کہ جلد ملک بھر میں پیپلز پارٹی بلدیاتی انتخابات میں میدان مارے گی اور ہر طرف پیپلز پارٹی کے نمائندے کامیاب ہوں گے، پیپلز پارٹی کے کارکنوں نے اس کامیابی پر خوشی کا اظہار کرتے ہوئے اسے پیپلز پارٹی کے رہنما سید اویس مظفر کی انتھک محنت کا نتیجہ قرار دیا ہے اور ضلع سجاول میں جشن کا اعلان کیا ہے۔