Tag: پیپلزپارٹی

کراچی : پیپلزپارٹی نے ایم کیو ایم کےمطالبات ماننے کیلئے گرین سگنل دےدیا ، گورنر سندھ پیپلز پارٹی کا پیغام لیکر بہادر آباد جائیں گے۔

تفصیلات کے مطابق پیپلز پارٹی ایم کیو ایم کے مطالبات ماننے کو تیار ہوگئی، ذرائع نے بتایا ہے کہ گورنرسندھ آج پیپلز پارٹی کا پیغام لیکر بہادرآباد جائیں گے۔

ذرائع کا کہنا ہے کہ گورنر ایم کیو ایم قیادت سے دھرنا موخرکرنے کی درخواست کریں گے۔

خالدمقبول صدیقی اورکامران ٹیسوری کےدرمیان رابطہ ہوا، گورنر سندھ ایم کیو ایم قیادت سے ملاقات میں تحفظات سنیں گے اور گزشتہ روزپیپلز پارٹی سےہونےوالی ملاقات پربات چیت کریں گے۔

دوسری جانب کنوینر ایم کیو ایم خالدمقبول صدیقی نے صحافیوں سے غیر رسمی گفتگو میں کہا کہ ایم کیو ایم کل کا دھرنا مؤخر کرنے کے فیصلے پر غور کررہی ہے ، امن مشقوں کے پیش نظر فیصلے پر نظر ثانی کی جاسکتی ہے۔

خالد مقبول صدیقی کا کہنا تھا کہ دھرنے کی تاریخ تبدیل کی جاسکتی ہے تاہم حتمی فیصلہ گورنر سندھ سے ملاقات کے بعد کیا جائےگا۔

انھوں نے کہا کہ پیپلزپارٹی نے مطالبات تسلیم کرنے کی یقین دہانی کرائی ہے، دھرنا موخر تو کر سکتے ہیں لیکن دھرنا ختم عملی اقدامات پر کیا جائے گا۔

اسلام آباد : پیپلزپارٹی نے سینئر رہنماؤں کی انتخابات میں تاخیر کی مخالفت کے بعد دو صوبوں میں انتخابات کا معاملہ پی ڈی ایم پر چھوڑدیا۔

تفصیلات کے مطابق پیپلزپارٹی نے2صوبوں میں انتخابات میں تاخیر کامعاملہ پی ڈی ایم پرچھوڑدیا۔

ذرائع نے بتایا ہے کہ پیپلزپارٹی کی اکثریت نے پنجاب اور خیبرپختونخوا کے ضمنی انتخابات میں ممکنہ تاخیر کی مخالفت کردی، پی پی پارلیمانی بورڈمیٹنگ میں سینئر رہنماؤں نے انتخابات میں تاخیر کی مخالفت کی۔

ذرائع کا کہنا ہے کہ پیپلزپارٹی کا پیغام پی ڈی ایم کی جماعتوں تک پہنچا دیا گیا ہے۔

پی پی رہنما نے کہا انتخابات میں تاخیر کی کھل کرمخالفت نہیں کررہےمگرحمایت بھی نہیں کرسکتے، ن لیگ یا پی ڈی ایم تاخیر کا کوئی قانونی راستہ نکالیں تو یہ ان کا معاملہ ہے۔

یاد رہے پاکستان پیپلز پارٹی کے سینیٹر تاج حیدر نے کہا تھا کہ ان کی جماعت پنجاب اور خیبرپختونخوا (کے پی) میں انتخابات میں تاخیر کے فیصلے کی مخالفت کرے گی۔

اے آر وائی نیوز کے ساتھ ایک خصوصی انٹرویو میں پی پی پی کے ایک سینئر قانون ساز نے کہا تھا کہ آئین کے مطابق اسمبلی تحلیل ہونے کے بعد انتخابات میں ایک دن کی بھی تاخیر نہیں ہو سکتی۔

تاج حیدر کا کہنا تھا کہ پیپلز پارٹی اپنے موقف میں واضح ہے کہ وہ کے پی اور پنجاب کے ضمنی انتخابات میں حصہ لے گی۔

کراچی : مسلم لیگ ن نے کراچی کی میئرشپ کیلئے پیپلزپارٹی کی حمایت کا اعلان کردیا، صدر ن لیگ سندھ نے کہا کہ کراچی کا میئرمیرٹ پرلائیں گے۔

تفصیلات کے مطابق کراچی کی میئرشپ کیلئے سیاسی جماعتوں کے رابطے جاری ہے ، پیپلز پارٹی کے وفد نے مسلم لیگ ن کے صدر سے ملاقات کی۔

ملاقات کے بعد صدر ن لیگ سندھ اور صوبائی وزیر سعید غنی نے پریس کانفرنس کی ، جس میں مسلم لیگ ن نے کراچی کی میئرشپ کیلئےپیپلزپارٹی کی حمایت کااعلان کیا، صدر ن لیگ سندھ نے کہا کہ کراچی کا میئرمیرٹ پرلائیں گے۔

صوبائی وزیر سعیدغنی کا کہنا تھا کہ میئرکراچی کےانتخاب کیلئے ن لیگ نےہمیں اپنےتعاون کایقین دلایاہے، ن لیگ اورپیپلزپارٹی وفاق میں اتحادی ہیں، دیگرجماعتوں سے بھی میئر کیلئے سپورٹ لینےکی کوشش کریں گے۔

سعید غنی نے کہا کہ ہمارےپاس موجودنمبرزکے مطابق ہماری نشستیں 96 اور جماعت اسلامی کی 82 ہیں، ہمارے پاس موجود نمبر کے مطابق پی ٹی آئی کی 43سیٹیں ہیں، خواہش ہے کہ جماعت اسلامی کو ساتھ لیکر چلنا چاہتے ہیں۔

ان کا کہنا تھا کہ کراچی کو بہترطریقے سے چلانے کیلئے سیاسی جماعتیں ساتھ بیٹھیں ، اکثریتی جماعت کوشہرکوچلانے کا حق ہوناچاہیے ، پی پی کو حق حاصل ہے کہ اپنا میئرلانے کیلئےتمام جماعتوں سے رابطہ کرے۔

صوبائی وزیر نے کہا کہ جماعت اسلامی اس معاملے پر مذاکرات کرے،خوش اسلوبی سے کوئی نہ کوئی راستہ نکلے گا، ہماری پہلی ترجیح جماعت اسلامی کے ساتھ مل کر میئر منتخب کرنا ہے، اگر راستہ نہیں بچے گا تو تب جاکر مقابلہ کرنے کے پوزیشن میں آجائیں گے۔

سعید غنی کا کہنا تھا کہ اختیارات قانون میں موجودہوتے ہیں ہمارے جیب میں نہیں، قانون میں جو اختیارات ہیں وہ میئر کے ہیں، کراچی نے مینڈیٹ جماعت اسلامی اور پیپلزپارٹی کو دیا ہے۔

کراچی: ایم کیو ایم پاکستان نے سیاسی میدان کسی بھی طرح پی پی، دیگر جماعتوں کے لیے خالی نہ چھوڑنے کا فیصلہ کرلیا۔

اے آر وائی نیوز کے مطابق ایم کیو ایم رابطہ کمیٹی اجلاس میں سیاسی صورت حال، بلدیاتی انتخابات، پی پی کے معاملات پر گفتگو کی گئی۔

ایم کیو ایم ذرائع کا بتانا ہے کہ حلقہ بندیوں، ووٹر لسٹ، دیگر تحفظات ہیں لیکن سیاسی میدان سے بھاگنے والے نہیں، ایم کیو ایم دھاندلی کے خلاف اپنی احتجاجی تحریک بھی جاری رکھے گی۔

ذرائع کا بتانا ہے کہ ایم کیو ایم پاکستان نے الیکشن کمیشن سندھ کے باہر احتجاج کی تاریخ بھی تبدیل کردی ہے ایم کیو ایم اب 9 کے بجائے 11 جنوری کو حلقہ بندیوں اور پیپلزپارٹی کے خلاف احتجاج کرے گی۔

واضح رہے کہ ایم کیو ایم نے الیکشن کمیشن کے سامنے احتجاج کی کال بھی دے رکھی ہے جبکہ احتجاج کے لیے دیگر جماعتوں کو بھی شرکت کی دعوت دی گئی ہے۔

واضح رہے کہ گزشتہ دنوں ایم کیوایم کنوینر خالد مقبول نےمصطفی کمال کوباضابطہ احتجاج میں شرکت کی دعوت دی تھی۔

ان کا کہنا تھا کہ پیپلزپارٹی نے اپنے مفاد اور شہری سندھ پر قبضہ کرنےکیلئےحلقہ بندیاں کی پیپلزپارٹی اور غیرمنصفانہ حلقہ بندیوں کےخلاف مل کر آواز اٹھانا ہو گی۔

پی ایس پی چیئرمین مصطفی کمال کا کہنا تھا کہ قوم کے وسیع تر مفاد میں سب کو  یکجا ہو کرنا انصافی پر اٹھنا ہوگا شہر، صوبے کیلئےکسی کیساتھ بھی جدوجہدکرنےکیلئےتیارہوں۔