ARYNews.tv | Urdu – Har Lamha Bakhabar

Tag: پیپلز پارٹی

  • پی ٹی آئی کا وزیر اعلیٰ سندھ کے خلاف الیکشن کمیشن سے رجوع کا فیصلہ

    پی ٹی آئی کا وزیر اعلیٰ سندھ کے خلاف الیکشن کمیشن سے رجوع کا فیصلہ

    اسلام آباد: پی ٹی آئی رہنما پارلیمانی لیڈر حلیم عادل شیخ نے قانونی ماہرین سے مشاورت مکمل کر لی، پی ٹی آئی وزیر اعلیٰ سندھ کے خلاف الیکشن کمیشن سے رجوع کرے گی۔

    تفصیلات کے مطابق گھوٹکی میں سندھ حکومت کی انتخابی قوانین کی خلاف ورزی کے معاملے پر حلیم عادل شیخ نے قانونی ماہرین سے مشاورت مکمل کر لی، حلیم عادل شیخ نے اس سلسلے میں ڈاکٹر بابر اعوان سے بھی ملاقات کی جس میں سندھ حکومت کے خلاف کارروائی کی درخواست پر مشاورت کی گئی۔

    پی ٹی آئی قیادت نے وزیر اعلیٰ سندھ مراد علی شاہ کے خلاف الیکشن کمیشن سے رجوع کا فیصلہ کیا، صوبائی وزرا مرتضیٰ وہاب اور سعید غنی کے خلاف بھی الیکشن کمیشن سے رجوع کیا جائے گا۔

    حلیم عادل شیخ کا کہنا تھا کہ وزیر اعلی سندھ اور کابینہ ارکان جام سیف اللہ دھاریجو کے پاس جا کر الیکشن کمیشن کے ضابطے کی خلاف ورزی کے مر تکب ہوئے، ضمنی انتخابات کے شیڈول کے بعد دونوں کا جام سیف کے گھر جانا الیکش پر اثر انداز ہوا ہے۔

    یہ بھی پڑھیں:  لاڑکانہ میں ایڈز: پی ٹی آئی کا وزیر صحت سندھ سے استعفے کا مطالبہ

    خیال رہے کہ پی ٹی آئی رہنما حلیم عادل شیخ الیکشن کمیشن میں درخواست دینے تک اسلام آباد میں رہیں گے۔

    یاد رہے کہ گزشتہ ہفتے پاکستان تحریک انصاف سندھ کے رہنما خرم شیر زمان نے مطالبہ کر دیا تھا کہ وزیر صحت سندھ عذرا پیچوہو مستعفی ہو جائیں، لاڑکانہ میں ایڈز کے لیے ذمہ دار پیپلز پارٹی اور وزیر صحت ہیں، کیوں کہ سندھ میں پابندی کے باوجود غیر معیاری انتقال خون جاری ہے۔

  • بلاول بھٹو کی عوامی رابطہ مہم حکمرانوں کے ہوش اڑا دے گی، نیئر بخاری

    بلاول بھٹو کی عوامی رابطہ مہم حکمرانوں کے ہوش اڑا دے گی، نیئر بخاری

    کراچی : پیپلز پارٹی کے سیکرٹری جنرل نیئر بخاری نے کہا بلاول بھٹو کی عوامی رابطہ مہم حکمرانوں کے ہوش اڑا دے گی ، کامیاب اے پی سی اور اہم فیصلوں کے بعد حکمران جماعت پریشانی میں ہے۔

    تفصیلات کے مطابق پیپلز پارٹی کے سیکرٹری جنرل نیئر بخاری نے میڈیا سے گفتگو میں کہا کامیاب اے پی سی نے سیاست کا رخ متعین کر دیا ہے، کامیاب اور اہم فیصلوں کے بعد حکمران جماعت پریشانی میں ہے۔

    نیئر  بخاری کا کہنا تھا بلاول بھٹو کی عوامی رابطہ مہم حکمرانوں کے ہوش اڑا دے گی، عوام کو مصائب میں مبتلا کرنے والے کامیابی پر واویلا کر رہے ہیں، آئینی  جمہوری انسانی معاشی حقوق پر ڈاکہ ڈالنے والوں کی راہ روکیں گے۔

    پی پی رہنما نے کہا ملک کے لیےخطرہ بننے والے حکمرانوں کے دن گنے جا چکےہیں۔

    دوسری جانب پیپلز پارٹی کے رہنما عاجزدھامرا نے کہا آئینی منظوری کےلیے2تہائی اکثریت کی ضرورت ہوگی، چیئرمین سینیٹ کی تبدیلی کے حوالے اے پی سی کمیٹی میں غور ہوگا۔

    عاجزدھامرا کا کہنا تھا یہ بات طےہوچکی ہےکہ چیئرمین سینیٹ کوہٹاناہے، سینیٹ میں زرداری صاحب کےدستخط سےجاری ٹکٹ پرپی ٹی آئی نےووٹ دیے، یہ پی ٹی آئی کا دہرا معیار ہے۔

    واضح رہے کہ اے پی سی کے بعد اپوزیشن رہنماﺅں کے ساتھ مشترکہ پریس کانفرنس کرتے ہوئے مولانا فضل الرحمان نے کہا تھا کہ25جولائی کو یوم سیاہ منایا جائے گا، عوامی رابطہ مہم شروع کرنے کا اعلان کیا گیا، اے پی سی کے فیصلوں پر عمل در آمد کیلئے رہبر کمیٹی تشکیل دیدی گئی ہے، اس کے علاوہ چیئرمین سینیٹ کو ہٹانے کا فیصلہ کیا گیا۔

  • ہم جمہوریت، آئین اور قانون کے لیے کھڑے ہیں: بلاول بھٹو

    ہم جمہوریت، آئین اور قانون کے لیے کھڑے ہیں: بلاول بھٹو

    اسلام آباد: پیپلز پارٹی کے چیئرمین بلاول بھٹو کا کہنا ہے کہ ہم جمہوریت، آئین اور قانون کے لیے کھڑے ہیں۔ ہر جمہوریت پسند پروڈکشن آرڈر کے لیے ساتھ دے۔

    تفصیلات کے مطابق پیپلز پارٹی کے چیئرمین بلاول بھٹو نے قومی اسمبلی کے بجٹ اجلاس سے اظہار خیال کرتے ہوئے کہا کہ 2 ارکان کے پروڈکشن آرڈر جاری کیے جائیں تاکہ کورم مکمل ہو۔ ہم نہیں چاہتے کہ تاریخ میں نہیں لکھا جائے کہ پروڈکشن آرڈر نہیں نکلے۔

    بلاول بھٹو کا کہنا تھا کہ اسپیکر کی کرسی نے ہمیشہ جمہوریت کا ساتھ دیا چاہے حکومت کسی کی ہو، 2 ارکان کا ایوان میں ہونا ضروری ہے۔ دونوں ارکان ایوان میں نہ ہوئے تو پیغام جائے گا ایوان آزاد نہیں۔

    انہوں نے کہا کہ میں جانتا ہوں کہ معاملے پر انسانی حقوق کی وزیر ساتھ کھڑی ہوں گی، ہر جمہوریت پسند پروڈکشن آرڈر کے لیے ساتھ دے۔ ہم جمہوریت، آئین اور قانون کے لیے کھڑے ہیں۔

    بعد ازاں قومی اسمبلی کے باہر میڈیا سے گفتگو کرتے ہوئے ان کا کہنا تھا کہ پیپلز پارٹی اپنا بھر پور کردار ادا کرے گی، بجٹ دھاندلی کے ذریعے منظور کیا جا رہا ہے۔ کسی آمر نے بھی ایسا نہیں کیا یہ پہلی بار ہو رہا ہے۔

    انہوں نے کہا کہ پروڈکشن آرڈر پر آدھے ارکان اسمبلی میرے ساتھ ہیں، فلور پر کہا ہے کہ اسمبلی مکمل نہیں ہے۔ حکمران بننے سے پہلے انسان بننا ضروری ہے۔ پورے ملک کی نظریں اے پی سی پر ہیں۔ امید رکھیں اے پی سی سے اچھی چیز سامنے آئے گی۔ میرا خیال ہے کہ اختر مینگل کے نکات قابل غور ہیں۔

    اس سے 2 دن قبل قومی اسمبلی اجلاس میں بلاول بھٹو نے مطالبہ کیا تھا کہ عوام دشمن بجٹ اور نیا پاکستان واپس لیا جائے، حکومت کو جمہوری راستے پر چلنا ہوگا ورنہ گھر جانا ہوگا۔

    انہوں نے کہا تھا کہ پارلیمنٹ میں قوم کی تقدیر اور معاشی مستقبل کے فیصلے ہوتے ہیں، وزرا کے غیر سنجیدہ رویے پر قوم سے پارلیمنٹ کی طرف سے معافی مانگتا ہوں، ہم پارلیمنٹ کا تقدس جانتے ہیں۔

    بلاول نے کہا تھا کہ پاکستانی عوام نے جمہوریت کے لیے عظیم قربانیاں دیں، جدوجہد کر کے آمروں کو تاریخ کے ڈسٹ بن کا حصہ بنایا۔ نیب گردی اور معیشت ساتھ ساتھ نہیں چل سکتے، ظالمانہ اقدام اور خوف سے معیشت نہیں چل سکتی۔

  • مولانا کا اے پی سی کی تاریخ تبدیل کرنے سے انکار، اپوزیشن کو استعفوں کی تجویز

    مولانا کا اے پی سی کی تاریخ تبدیل کرنے سے انکار، اپوزیشن کو استعفوں کی تجویز

    اسلام آباد: مولانا فضل الرحمان نے ایک بار پھر اپوزیشن کو اسمبلیوں سے استعفوں کی تجویز دے دی، ادھر اپوزیشن جماعتوں نے انھیں اے پی سی کی تاریخ تبدیل کرنے کا مشورہ دے دیا۔

    تفصیلات کے مطابق پرانی خواہش مولانا فضل الرحمان کی زبان پر پھر آ گئی، ذرایع کا کہنا ہے کہ اپوزیشن قیادت سے ملاقاتوں میں انھوں نے اسمبلی سے استعفوں کی تجویز دی۔

    دوسری طرف اپوزیشن جماعتوں نے مولانا فضل الرحمان کو اے پی سی کی تاریخ تبدیل کرنے کا مشورہ دیا تاہم انھوں نے اے پی سی کی تاریخ تبدیل کرنے سے انکار کر دیا۔

    ذرایع کا کہنا ہے کہ تاریخ میں تبدیلی کی تجویز ن لیگ، پیپلز پارٹی اور اے این پی نے دی، تاہم مولانا نے کہا کہ اراکین کو دعوت نامے ارسال کر دیے گئے ہیں اس لیے اب یہ ممکن نہیں۔

    مولانا فضل الرحمان کا مؤقف ہے کہ اے پی سی 26 جون ہی کو صبح 11 بجے ہوگی، جب کہ اپوزیشن جماعتیں بجٹ اجلاس میں بحث کے باعث تاریخ کی تبدیلی چاہتی تھیں۔

    ادھر مولانا نے تجویز دی کہ اپوزیشن جماعتیں ارکان سے استعفے جمع کر لیں، اپوزیشن ارکان سے استعفے لے کر حکومت پر دباؤ ڈالا جا سکتا ہے۔ انھوں نے یہ بھی کہا کہ استعفوں کے آپشن کو آخری ہتھیار کے طور پر استعمال کیا جا سکتا ہے۔

    اپوزیشن قیادت نے فضل الرحمان کو پارٹیوں میں مشاورت کی یقین دہانی کرائی، ذرایع نے بتایا کہ اپوزیشن کی اے پی سی میں استعفوں کی تجویز پر بھی غور کیا جائے گا۔

  • مراد سعید کی پیپلز پارٹی پر کڑی تنقید، اوباما اور کونڈولیزا رائس کی کتابیں‌ بہ طور ثبوت پیش کر دیں

    مراد سعید کی پیپلز پارٹی پر کڑی تنقید، اوباما اور کونڈولیزا رائس کی کتابیں‌ بہ طور ثبوت پیش کر دیں

    اسلام آباد: وفاقی وزیر برائے مواصلات مراد سعید نے قومی اسمبلی میں دھواں دار تقریر کرتے پیپلز پارٹی کو شدید تنقید کا نشانہ بنایا.

    تفصیلات کے مطابق مراد سعید نے اپنے موقف کے ثبوت میں سابق صدر باراک اوباما اور سابق امریکی وزیر خارجہ کونڈو لیزا رائس کی کتاب پیش کر دی.

    مراد سعید نے کہا کہ پیپلز پارٹی والے تو این آراو کے لئے امریکا کے بھی پاؤں پڑے گئے. بے نظیربھٹونے امریکی حکام سےکہا کرپشن کے چارجز سے نجات دلائیں اور ہمیں دوبارہ وزیراعظم بنا دیں.

    انھوں نے دونوں کتابوں سے حوالے دیتے ہوئے کہا کہ جب یہ ڈیل کرلیتے ہیں تو پھرانھیں امریکا کی بات بھی ماننا پڑتی ہے۔

    مزید پڑھیں:ؒ مولانا نوکری کی تلاش میں زرداری کے فرزند کے پاس گئے: مراد سعید کا پریس کانفرنس پر ردِ عمل

    زرداری صاحب نےسی آئی اےکے ڈائریکٹرسےملاقاتیں کیں، جن میں حسین حقانی بھی ساتھ تھا، جو آج بھی پاکستان کے خلاف زہراگل رہاہے۔

    مراد سعید نے الزام لگایا کہ آصف علی زرداری نے امریکی سفیرسے کہا، آپ ڈرون گراتے جائیں، ہم تشویش کر کے سوجائیں گے۔

    انھوں نے کہا کہ نوازشریف بیمارہوتے ہیں توسرکاری خزانے سے تین لاکھ ستائیس ہزارڈالرخرچ ہوتے ہیں‌، خصوصی طیارے نوازشریف کا انتظار کرتے ہیں، اس پر بھی عوام کا پیسہ ہی خرچ ہوتا تھا.

  • ایم کیو ایم کی سندھ کے بجٹ پر کڑی تنقید

    ایم کیو ایم کی سندھ کے بجٹ پر کڑی تنقید

    کراچی: ایم کیو ایم نے پیپلز پارٹی کے پیش کردہ سندھ بجٹ پر کڑی تنقید کی ہے. فسادات کا خدشہ ظاہر کر دیا۔

    تفصیلات کے مطابق آج سندھ اسمبلی میں تقریر کرتے ہوئے خواجہ اظہارالحسن نے سندھ کے بجٹ کو آڑے ہاتھ لیا. انھوں نے کہا کہ تمام آن لائن بزنس پر30 فیصد ٹیکس لگا دیا گیا.

    خواجہ اظہارالحسن  نے کہا کہ یہاں تودرزی پربھی ٹیکس لگا دیا ہے، کچر اٹھانے والوں پرٹیکس لگایا، آخر سندھ حکومت نے کیساعوام دوست بجٹ دیا؟

    انھوں نے بجٹ تقاریرمیں سارش چھپی ہے، یہ بجٹ تقاریرتوجہ ہٹاؤ تقاریر تھیں، اشتعال انگیز جملے بازی کی گئی، تاکہ بجٹ پرسیاسی تقاریرکریں، بدترین طرزحکومت چھپانےکے لئے اپوزیشن پرجملے بازی کرتے ہیں.

    خواجہ اظہار نے یاد دہانی کروائی کہ انھوں‌ نے پہلے بھی کہا، کسی کی شناخت پرانگلی نہیں اٹھائیں، کیا آپ سندھ میں ہونے والے فسادات کو بھول گئے؟

    مزید پڑھیں: سندھی اورمہاجرکوالگ کرنا اشتعال انگیزی ہے، فاروق ستار

    انھوں نے کہا کہ ہم نے پہلے ہی کہا تھا کہ چراغ سب کے بجھیں گے، اب احتساب چل رہا ہے اور آپ اس کا رخ موڑنا چاہتے ہیں، کراچی کے لئے 150ارب روپےکا اعلان کیا گیا تھا. میں استعفیٰ دےدوں گا اگر بجٹ میں 150 ارب روپے مجھے دکھا دیے جائیں.

    تقریر کے دوران احتجاج پر انھوں نے کہا کہ مجھے تقریر نہیں کرنے دی گئی، تو ہمارے ممبران چلیں جائیں گے.

  • نوابشاہ کو بجٹ کے عمل میں نمائندگی سے محروم رکھا جا رہا ہے: بلاول بھٹو

    نوابشاہ کو بجٹ کے عمل میں نمائندگی سے محروم رکھا جا رہا ہے: بلاول بھٹو

    اسلام آباد: پیپلز پارٹی کے چیئرمین بلاول بھٹو زرداری کا کہنا ہے کہ نوابشاہ کے عوام کو بجٹ کے عمل میں نمائندگی سے محروم رکھا جا رہا ہے، تاریخ میں پہلی بار 4 گرفتار ارکان کو قومی اسمبلی میں پیش نہیں کیا گیا۔

    تفصیلات کے مطابق پاکستان پیپلز پارٹی کے چیئرمین بلاول بھٹو زرداری نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ایک سال تک تعاون اور بغیر سزا آصف زرداری کو گرفتار کیا گیا، اقدام بجٹ کو رگ کرنے کے لیے تھا۔

     

    بلاول بھٹو کا کہنا تھا کہ گزشتہ روز ایوان میں آصف زرداری کے پروڈکشن آرڈر کا مطالبہ کیا گیا، جرم ثابت ہونے تک بے قصور ہونا حق ہے مراعت نہیں۔

    انہوں نے کہا کہ نوابشاہ کے عوام کو بجٹ کے عمل میں نمائندگی سے محروم رکھا جا رہا ہے، تاریخ میں پہلی بار 4 گرفتار ارکان کو قومی اسمبلی میں پیش نہیں کیا گیا۔

    خیال رہے کہ گزشتہ روز بلاول بھٹو نے اعلان کیا تھا کہ بجٹ کو منظوری سے روکنے کے لیے اپوزیشن کمیٹی بنائے گی۔ حکومت دھاندلی سے بجٹ منظور کروانے کی کوشش کر رہی ہے۔

    انہوں نے کہا تھا کہ آصف زرداری سمیت دیگر کے پروڈکشن آرڈر جاری نہیں کیے جا رہے، پروڈکشن آرڈر کے لیے لکھے گئے دوسرے خط میں حکومتی اتحادیوں کے بھی دستخط ہیں۔

  • آصف زرداری کی ممکنہ گرفتاری، پیپلز پارٹی کا اہم مشاورتی اجلاس جاری

    آصف زرداری کی ممکنہ گرفتاری، پیپلز پارٹی کا اہم مشاورتی اجلاس جاری

    اسلام آباد: سابق صدر آصف علی زرداری اور فریال تالپور کی درخواست ضمانت خارج ہونے پر پیپلزپارٹی نے اہم مشاورتی اجلاس طلب کرلیا۔

    تفصیلات کے مطابق جعلی اکاؤنٹس کیس میں پیپلز پارٹی کے شریک چیئر مین اورسابق صدر آصف علی زرداری اور فریال تالپور کی درخواست ضمانت خارج ہونے سے متعلق مشاورتی اجلاس میں قانونی ٹیم کو بھی طلب کرلیا گیا ہے۔

    ذرائع کا کہنا ہے کہ پیپلز پارٹی اسلام آباد ہائی کورٹ کا فیصلہ سپریم کورٹ میں چیلنج کرنے کے لیے مشاورت جاری ہے۔ مشاورت کے لیے مصطفی نواز کھوکھر،فرحت اللہ بابر،قمر زمان کائرہ، سحر کامران اورچوہدری منظور بھی زرداری ہاؤس پہنچ گئے۔ اجلاس میں معاملے کے تمام قانونی پہلوؤں کا جائزہ لیا جارہا ہے۔

    پیپلز پارٹی کی قیادت نے سا بق صدر اور فریال تالپور کی درخواست ضمانت خارج ہونے اور ممکنہ گرفتاری پر کارکنان سے پر امن رہنے کی اپیل کی ہے۔

    اسلام آبادہائی کورٹ نے آصف زرداری کی درخواست ضمانت مسترد کردی

    دوسری جانب درخواست ضمانت خارج ہونے کے بعد نیب کی ٹیم زرداری ہاؤس پہنچ چکی ہے تاکہ سابق صدر کو حراست میں لیا جاسکے، تاحال نیب کی ٹیم کو زرداری ہاؤس سے کوئی جواب موصول نہیں ہوا ہے اور وہ زرداری ہاؤس پہنچ گئی ہے۔

    یادرہے کہ آج صبحجعلی بینک اکاؤنٹس کیس میں سابق صدر آصف زرداری اور فریال تالپور کی عبوری ضمانت کی درخواستوں پر سماعت ہوئی ، اسلام آباد ہائی کورٹ کے جسٹس عامر فاروق اور جسٹس محسن اختر کیانی پر مشتمل ڈویژن بینچ نے درخواستوں پر سماعت کی تھی ۔

    ڈپٹی پراسیکیوٹرنیب سردارمظفر اور اسپشل پراسیکیوٹرجہانزیب بروانا پیش ہوئے جبکہ آصف زرداری کی جانب سے فاروق ایچ نائیک عدالت میں پیش ہوئے تھے اور دونوں جانب کے دلائل سننے کے بعد عدالت نے اپنا فیصلہ سناتے ہوئے درخواست ضمانت خارج کردی تھی۔

  • پیپلز پارٹی انسانی حقوق کے لیے قانون سازی کی راہ میں رکاوٹ بن رہی ہے: شیریں مزاری

    پیپلز پارٹی انسانی حقوق کے لیے قانون سازی کی راہ میں رکاوٹ بن رہی ہے: شیریں مزاری

    اسلام آباد: وفاقی وزیر برائے انسانی حقوق ڈاکٹر شیریں مزاری نے کہا ہے کہ پیپلز پارٹی انسانی حقوق کے لیے قانون سازی کی راہ میں رکاوٹ بنی ہوئی ہے۔

    تفصیلات کے مطابق پی ٹی آئی وزیر شیریں مزاری نے کہا کہ قائمہ کمیٹی برائے انسانی حقوق میں 2 بل التوا کا شکار ہیں، جب کہ بلاول بھٹو اس قائمہ کمیٹی کے چیئرمین ہیں۔

    شیریں مزاری کا کہنا تھا کہ پی پی انسانی حقوق کے سلسلے میں قانون سازی کی راہ میں رکاوٹ بننے لگی ہے، معذوروں سے متعلق بل ایک ماہ سے زائد عرصے سے زیر التوا ہے، زینب الرٹ بل کمیٹی میں موجود ہے لیکن چیئرمین کمیٹی کو پرواہ نہیں۔

    انھوں نے کہا کہ انسانی حقوق اور بچوں کے معاملے پر سیاست کرنا افسوس ناک ہے، بلاول بھٹو بلوں کی منظوری میں تاخیری حربے استعمال کر رہے ہیں۔

    یہ بھی پڑھیں:  آج پاکستان جمود کے دور میں داخل ہو چکا ہے: سابق وزیر اعظم شاہد خاقان

    شیریں مزاری کا کہنا تھا کہ بل منظوری کی بجائے پی پی رکن کی سربراہی میں ذیلی کمیٹی بنا دی گئی ہے، ذیلی کمیٹی کی سربراہ نے بل میں زینب کا نام ہونے پر اعتراض اٹھایا، بے نظیر انکم سپورٹ پروگرام میں بھی توبے نظیر کا نام ہے۔

    وفاقی وزیر نے کہا کہ چاہے کوئی بھی ہو بل کو روک نہیں سکتا، انتظار کر لیا، اب عید کے بعد دونوں بل اسمبلی میں لائیں گے۔

  • کرپشن مٹاؤ پیپلز پارٹی ہٹاؤ، پی ٹی آئی کا سندھ میں تحریک کا اعلان

    کرپشن مٹاؤ پیپلز پارٹی ہٹاؤ، پی ٹی آئی کا سندھ میں تحریک کا اعلان

    کراچی: پاکستان تحریک انصاف سندھ نے صوبے میں کرپشن مٹاؤ پیپلز پارٹی ہٹاؤ تحریک کا اعلان کر دیا، خرم شیر زمان نے کہا کہ چیف جسٹس آڈیٹر جنرل کی رپورٹ کا نوٹس لیں، مختلف محکموں میں اربوں کی بے ضابطگیاں کی گئیں۔

    تفصیلات کے مطابق ایم پی اے خرم شیر زمان، حلیم عادل شیخ، سیما ضیا اور عمر عماری نے سندھ اسمبلی میں پیپلز پارٹی کی کرپشن کی داستانوں پر اہم پریس کانفرنس کی۔

    پی ٹی آئی رہنما خرم شیر زمان نے مطالبہ کیا کہ 18 ویں ترمیم کو واپس لیا جائے، چیف جسٹس آڈیٹر جنرل کی رپورٹ کا نوٹس لیں، محکموں میں اربوں کی بے ضابطگیاں کی گئیں۔

    انھوں نے کہا کہ پی پی کی بد عنوانیوں کے خلاف اینٹی کرپشن اور نیب جانے کا اعلان کرتا ہوں، ہم نے اس سلسلے میں ایک کتاب تیار کی ہے، اسپیکر اسمبلی سے گزارش ہے کتاب پر بحث کے لیے وقت دیں، ہم بتائیں گے کہ عوام کے پیسوں کو کیسے لوٹا گیا۔

    خرم شیر زمان نے کہا کہ صوبے میں بنیادی حقوق، پینے کا پانی، سیوریج، ہیلتھ، پارکس کا حال بتائیں گے، ایک سال میں 292.84 ارب روپے کی کرپشن کی گئی، یہ چیزیں ہم نے بتانی ہے عوام کو، رپورٹ تیار کر رہے ہیں۔

    یہ بھی پڑھیں:  پی ٹی آئی کا بلاول بھٹو کے خلاف پانی نہ ملنے پر تحریک چلانے کا اعلان، واٹر بورڈ دفتر کے باہر دھرنا

    پی ٹی آئی رہنما نے کہا کہ ہم وہ باتیں کر رہے جو اس کتاب میں لکھی ہیں، ہم سرٹیفائیڈ صادق اور امین ہیں، ہم ان کے سامنے دیوار بن کر کھڑے ہوں گے۔

    دریں اثنا، پی ٹی آئی رہنما حلیم عادل شیخ نے کہا کہ پیپلز پارٹی کو شرم آنی چاہیے اسلام آباد جانے سے پہلے، لاڑکانہ میں 500 سے زائد بچے ایچ آئی وی سے متاثر ہیں، یہ گندم کی 40 لاکھ بوریاں کھا گئے، کراچی سمیت سندھ پانی کو ترس رہا ہے، تھر میں بچے مر رہے ہیں، یہ کیا تحریک چلائیں گے۔

    حلیم عادل شیخ نے کہا کہ ہم ان کے خلاف کرپشن مٹاؤ، سندھ بچاؤ تحریک چلائیں گے، پی ٹی آئی اپنے اتحادیوں کے ساتھ مل کر تحریک چلائے گی۔