ARYNews.tv | Urdu – Har Lamha Bakhabar

Tag: پیپلز پارٹی

  • نکمی حکومت کاطعنہ دینےوالےچوروں کی ترجمانی کر رہے ہیں ،حلیم عادل شیخ

    نکمی حکومت کاطعنہ دینےوالےچوروں کی ترجمانی کر رہے ہیں ،حلیم عادل شیخ

    کراچی : پاکستان تحریک انصاف کے رہنما حلیم عادل شیخ کا کہنا ہے کہ نکمی حکومت کاطعنہ دینے والے چوروں کی ترجمانی کر رہے ہیں، جی آئی ٹی رپورٹ کہانی نہیں 172 چوروں کی کارکردگی ہے۔

    تٍفصیلات کے مطابق تحریک انصاف کے رہنما حلیم عادل شیخ نے مشیر اطلاعات سندھ مرتضیٰ وھاب کی پریس کانفرنس پررد عمل دیتے ہوئے کہا جی آئی ٹی رپورٹ کہانی نہیں 172 چوروں کی کارکردگی ہے ، اسپتالوں کے نام پر بجٹ زرداری گروپ پر خرچ کیا گیا۔

    [bs-quote quote=”جی آئی ٹی رپورٹ کہانی نہیں 172 چوروں کی کارکردگی ہے ” style=”style-7″ align=”left” author_name=”حلیم عادل شیخ "][/bs-quote]

    حلیم عادل شیخ کا کہنا تھا کہ نکمی حکومت کاطعنہ دینےوالےچوروں کی ترجمانی کر رہے ہیں ، وفاقی حکومت سندھ کی عوام کو حقوق دلانا چاہتی ہے۔

    رہنما پی ٹی آئی نے کہا پیپلزپارٹی سندھ میں عوام کے نام پر کرپشن کر رہی ہے ، اجلاس 172 چوروں کو بچانے کے لیے ہو رہے ہیں۔

    اس سے قبل مشیر اطلاعات سندھ مرتضیٰ وہاب نے پریس کانفرنس کرتے ہوئے کہا تھا کہ پیپلزپارٹی کےپاس سندھ کااقتدارہےخدمت پورےملک کی کرتی ہے، تحریک انصاف کی ناکام حکومت کاکوئی ایجنڈانہیں، حکومت غربت،بھوک،پانی،صحت اوردیگرمسائل حل کرے۔

    مرتضیٰ وہاب کا کہنا تھا کہ  جےآئی ٹی رپورٹ پرسپریم کورٹ کافیصلہ منظرعام پرآیا، سندھ حکومت اپنامقدمہ سپریم کورٹ لےجائےگی،انصاف کی امیدہے، جےآئی ٹی صرف الف لیلیٰ کی کہانی کےسوا کچھ نہیں،جےآئی ٹی سیاسی مقاصدکیلئے بنائی گئی، ہم سازشوں پریقین نہیں رکھتے۔

    مشیر اطلاعات سندھ نے مزید کہا تھا کہ  سندھ کےعوام کاآئینی حق ہےوہ پوراکیاجائے، مرادعلی شاہ نےکام کیاہےجب ہی عوام نےانہیں ووٹ دیا۔

  • پیپلز پارٹی کا مشاورتی اجلاس ختم، عوامی اور پارلیمانی فورم استعمال کرنے کا فیصلہ

    پیپلز پارٹی کا مشاورتی اجلاس ختم، عوامی اور پارلیمانی فورم استعمال کرنے کا فیصلہ

    کراچی: بلاول ہاؤس کراچی میں جاری اجلاس ختم ہو گیا، پیپلز پارٹی نے عوامی اور  پارلیمانی فورم استعمال کرنے کا فیصلہ کیا ہے.

    تفصیلات کے مطابق آج بلاول ہاؤس میں‌ پارٹی چیئرمین بلاول بھٹو اور شریک چیئرمین آصف علی زرداری کی زیر صدارت ہونے والے اجلاس میں اہم فیصلے کیے گئے.

    اجلاس کے بعد سابق صدر آصف زرداری کا کہنا تھا کہ اس طرح سرکار نہیں چل سکتی، مخالفین کے ہتھکنڈوں کے خلاف عوامی، پارلیمانی فورم استعمال کریں گے.

    آصف زرداری نے کہا کہ گرتی ہوئی دیوارکوکوئی اور دھکا نہیں دیتا، وہ خود ہی گر جاتی ہے، سازشیں کرنے والوں کو منطقی انجام تک پہنچائیں گے.

    ان کا کہنا تھا کہ میرا اوربلاول کا نام ای سی ایل میں شامل کرنے والوں کوبتانا چاہتا ہوں، اس طرح کے مسائل پہلے بھی برداشت کر چکے ہیں.

    مزید پڑھیں: وزارتِ داخلہ نے بلاول بھٹو، مراد علی شاہ کا نام ای سی ایل سے نکال دیا

    اجلاس کے بعد بلاول بھٹو  زرداری نے کہا کہ پیپلز  پارٹی کی قیادت کو کچھ بھی ہوا، تو  ذمہ دار حکومت ہوگی. انھوں نے عوامی اور پارلیمانی فورم کے استعمال کا عندیہ دیتے ہوئے وزیر اعظم عمران خان کو  تنقید کا نشانہ بنایا.

    یاد رہے کہ گذشتہ روز وزیر اعظم عمران خان کی زیر صدارت ہونے والے کابینہ اجلاس بلاول بھٹو زرداری اور مراد علی شاہ کا نام ای سی ایل سے نکالنے اک فیصلہ ہوا تھا۔

  • ن لیگ اور پیپلز پارٹی نے اپنے مفاد کے لیے میثاق جمہوریت کیا، ندیم افضل چن

    ن لیگ اور پیپلز پارٹی نے اپنے مفاد کے لیے میثاق جمہوریت کیا، ندیم افضل چن

    اسلام آباد : وزیر اعظم کے ترجمان ندیم افضل چن نے کہا ہے کہ اپنے فائدے کیلئے ن لیگ اور پی پی نے میثاق جمہوریت کیا، ملک کی بدقسمتی ہے کہ اشرافیہ کا احتساب نہیں ہوپاتا۔

    ان خیالات کا اظہار انہوں نے اے آر وائی نیوز کے پروگرام پاور پلے میں میزبان ارشد شریف سے خصوصی گفتگو کرتے ہوئے کیا، ندیم افضل چن نے کہا کہ اپنے فائدے کیلئے ن لیگ اور پی پی نے میثاق جمہوریت کیا، نوازشریف نے تیسری بار وزیراعظم بننے کیلئے پی پی سے ہاتھ ملایا تھا، فواد چوہدری پاکستان کے وفاقی وزیر ہیں وہ کہیں بھی جاسکتے ہیں۔

    ان کا مزید کہنا تھا کہ اپوزیشن اراکین پارلیمنٹ کو نہیں چلنے دے رہی تھے، انہوں نے پارلیمنٹ کو جام کیا ہوا تھا جس پر شہباز شریف کو چیئرمین پی اے سی بنایا گیا، ملک کی بدقسمتی ہے اشرافیہ کا احتساب نہیں ہوپاتا۔

    ایک سوال کے جواب میں ترجمان وزیر اعظم نے کہا کہ قوم کے پیسوں پر ذاتی لڑائی لڑی جارہی ہے، پرانے سیاستدان قوم سے معافی مانگ کر الگ ہوجائیں۔

    سیاست میں نئے لوگوں کو اب آنے دیا جائے، عدل کے ساتھ احتساب پر دونوں جماعتیں متفق ہوجائیں تو حکومت ساتھ دے گی، وزیراعظم عمران خان کی نیت اور عمل 100فیصد ملک کیلئے ہے۔

  • ن لیگ اور پیپلز پارٹی مہمند ڈیم کو متنازع بنا رہی ہیں: فیصل واوڈا

    ن لیگ اور پیپلز پارٹی مہمند ڈیم کو متنازع بنا رہی ہیں: فیصل واوڈا

    اسلام آباد: وفاقی وزیر برائے آبی وسائل فیصل واوڈا نے کہا ہے کہ شہباز شریف نے مہمند ڈیم پر جھوٹا بیانیہ ایوان میں پیش کیا.

    ان خیالات کا اظہار وفاقی وزیر نے قومی اسمبلی میں تقریر کرتےہوئے کیا. اس دوران انھوں‌ نے اپوزیشن لیڈر شہباز شریف کی تقریر کو شدید تنقید کا نشانہ بنایا.

    [bs-quote quote=”پاکستان کی بہتری کے لئے مہمند ڈیم کی تعمیر نہیں رکے گی، مہمند ڈیم کا افتتاح ہوگا، تعمیر ہوگا اور پھر مکمل بھی ہوگا،” style=”style-7″ align=”left” author_name=”فیصل واوڈا”][/bs-quote]

    فیصل واوڈا کا کہنا تھا کہ شہبازشریف نے  پارلیمنٹ میں جھوٹا بیانیہ دیا اور ایوان سے بھاگ گئے، جس بربریت سے ملک کو لوٹا گیا، اسی بربریت سے جھوٹا بیانیہ بنایا گیا، وفاقی وزیر نے کہا کہ اپوزیشن لیڈرنے جو پیپرا رولز بتائے، وہ جھوٹ پر مبنی ہیں، پیپرا رولز انگریزی میں سمجھ نہیں آتے تو اردو میں لاؤں گا.

    فیصل واوڈا نے کہا کہ 54 سال سے مہمند ڈیم تاخیر کا شکار اور فائلوں کی حد تک تھا، مہمند ڈیم پر چیف جسٹس پاکستان کا نوٹس لینے پر شکریہ ادا کرتا ہوں.

    انھوں نے کہا کہ جو اشتہار کے ذریعے ہوں، اُسے سنگل بڈنگ نہیں کہا جا سکتا، سنگل بڈنگ کے لئے وزیراعظم اور کابینہ کی منظوری لازمی ہوتی ہے، وزیراعظم اور کابینہ کسی رشتے دار کو کنٹریکٹ دینے کی مجاز نہیں.

    فیصل واوڈا نے کہا کہ ہمارے مخالفین کو تکلیف ہے کہ مہمند ڈیم کیوں بنایاجارہا ہے، مہمند ڈیم کے معاملے پر عوام کو گمراہ کرنے کی کوشش کی گئی، انھوں‌نے پہلے بھی ملک میں ایسے کام کئے کہ انھیں منہ چھپانا پڑا.

    پاکستان کی بہتری کے لئے مہمند ڈیم کی تعمیر نہیں رکے گی، مہمند ڈیم کا افتتاح ہوگا، تعمیر ہوگا اور پھر مکمل بھی ہوگا.

    مزید پڑھیں: آئندہ نسلوں کو بچانے کے لیے ڈیم کے سوا کوئی راستہ نہیں، چیف جسٹس

    فیصل واوڈا کے مطابق چیف جسٹس نے نوٹس لے کر پاکستان کی سالمیت کی بات کی، مہمند ڈیم کے معاملے پر 5 کمپنیوں نے بڈنگ کے عمل میں حصہ لیا، 2017 نومبر میں ٹینڈرزکو کال ان کیا گیا، جون 2018 میں دستاویز جمع ہوئے، جون 2018 میں پی ٹی آئی حکومت یا عمران خان وزیراعظم نہیں تھے، ٹینڈر کا فیصلہ حکومت نہیں بلکہ ملکی و غیرملکی فورمز کی رپورٹ پر کیا گیا.

    فیصل واوڈا کا کہنا تھا کہ ن لیگ اور پیپلز پارٹی دونوں مہمند ڈیم کو متنازع بنا رہی ہیں، پاکستان کے مسئلے حل ہوگئے تو ان کی سیاست دفن ہوجائی گی.

    ان کا کہنا تھا کہ فوج پر تنقید کرنے والوں نے آج آرمی چیف کی تعریف کی، جس کی خوشی ہوئی.

  • وزیر اعظم جلد پیپلز پارٹی کے گڑھ کا دورہ کریں گے: ذرائع

    وزیر اعظم جلد پیپلز پارٹی کے گڑھ کا دورہ کریں گے: ذرائع

    کراچی: وزیراعظم عمران خان 26 اور27 جنوری کو سندھ کا اہم دورہ کریں گے، اس دوران اہم ملاقاتیں متوقع ہیں۔

    حکومتی ذرائع کے مطابق وزیر  اعظم پاکستان دو روزہ دورے پر سندھ آئیں گے۔

    اپنے اس دورے میں وزیراعظم بدین، گھوٹکی، جیکب آباد اور تھرپارکر جائیں گے، وزیراعظم سندھ کی سیاسی شخصیات سے بھی ملاقاتیں کریں گے.

    ذرائع کا کہنا ہے کہ عمران خان میاں سومرو،علی گوہرمہر، ذوالفقارمرزا کے حلقوں کا دورہ کریں گے، سندھ میں ترقیاتی منصوبوں کی صورت حال کا بھی جائزہ لیا جائے گا.

    واضح رہے کہ سندھ کی سیاست میں پیپلز پارٹی اور پی ٹی آئی ایک دوسرے کے مدمقابل نظر آرہے ہیں، دونوں جماعتوں کے رہنماؤں میں تلخ جملوں کا تبادلہ بھی ہوا.

    اس دوران سندھ میں گورنر راج لگانے کی بازگشت بھی سنائی گئی، جس کی حکومت کی جانب سے تردید کی گئی.

    مزید پڑھیں: آصف زرداری/ فریال تالپور کے خلاف جلد ریفرنسز دائر کیےجانے کا امکان

    مزید پڑھیں: خرم شیرزمان نے آصف زرداری کے خلاف درخواست واپس لے لی

    گذشتہ دنوں پی ٹی آئی رہنما خرم شیر زمان نے آصف علی زرداری کی نا اہلی کے لیے الیکشن کمیشن میں درخواست دائر کی تھی، جو انھوں نے بعد ازاں واپس لے لی.

    توقع کی جارہی ہے کہ وزیر اعظم کے دورے سندھ کے بعد سندھ کی سیاست میں تبدیلی کی ہوائیں چل سکتی ہیں.

  • مسلم لیگ ن سیاسی یتیم بن چکی اب پیپلز پارٹی کی باری ہے، عبدالعلیم خان

    مسلم لیگ ن سیاسی یتیم بن چکی اب پیپلز پارٹی کی باری ہے، عبدالعلیم خان

    لاہور : سینئر صوبائی وزیر عبدالعلیم خان نے کہا ہے کہ نواز لیگ سیاسی یتیم ہوچکی ہے اب پیپلز پارٹی کی باری ہے، آصف زرداری پنجاب کے بجائے جیل یاترا کی تیاری کریں۔

    ان خیالات کا اظہار انہوں نے لاہور میں میڈیا سے گفتگو کرتے ہوئے کیا، عبدالعلیم خان نے کہا کہ وزیر اعظم عمران خان اپوزیشن کے اعصاب پر سوار ہوچکے ہیں، پی ٹی آئی کی کارکردگی نے اپوزیشن کو اکٹھے ہونے پرمجبور کیا۔

    ایک سوال کے جواب میں انہوں نے کہا کہ  آصف زرداری کو پنجاب کے سیاسی دورے کرنے سے مایوسی کے سوا کچھ نہیں ملے گا، آصف زرداری اب پنجاب کے بجائے جیل یاترا کی تیاری کریں، قومی خزانہ لوٹنے والوں کو ایک ایک پائی واپس کرناہوگی۔

    سینئر وزیر پنجاب نے مزید کہا کہ کرپشن پر اپوزیشن کارویہ سوال گندم جواب چنا کے مترادف ہے، نواز شریف اور آصف زرداری کا اتحاد عوام کی آنکھیں کھولنے کیلئے کافی ہے۔

    نواز لیگ اب سیاسی طور پر یتیم ہوچکی ہے اس کے بعد پیپلز پارٹی کی باری ہے، وزیراعظم عمران خان احتساب پر سمجھوتہ نہیں کریں گے، روایتی اورخاندانی سیاست آخری سانسیں لے رہی ہے۔

  • سندھ میں پیپلز پارٹی میں فارورڈ بلاک یقینی ہے: فیصل واوڈا کا دعویٰ

    سندھ میں پیپلز پارٹی میں فارورڈ بلاک یقینی ہے: فیصل واوڈا کا دعویٰ

    کراچی: پی ٹی آئی کے وفاقی وزیر فیصل واوڈا نے دعویٰ کیا ہے کہ سندھ میں پیپلز پارٹی میں فارورڈ بلاک یقینی ہے، پیپلز پارٹی کے فارورڈ بلاک میں 20 سے 26 ارکان جا سکتے ہیں۔

    تفصیلات کے مطابق وفاقی وزیر فیصل واوڈا اور گورنر سندھ کی ائیر پورٹ پر ملاقات ہوئی، فیصل واوڈا نے کہا کہ 20 سے 26 لوگوں کے فارورڈ بلاک کی اطلاعات ہیں۔

    [bs-quote quote=”جو لوگ وزیرِ اعلیٰ بن سکتے ہیں وہ شاہ ہیں اور میرے دوست ہیں۔” style=”style-7″ align=”left” color=”#dd3333″ author_name=”فیصل واوڈا”][/bs-quote]

    فیصل واوڈا نے یہ بھی دعویٰ کیا ہے کہ سندھ حکومت بچ بھی گئی تو نئے وزیرِ اعلیٰ کا نام بھی شاہ ہی ہوگا، جو لوگ وزیرِ اعلیٰ بن سکتے ہیں وہ شاہ ہیں اور میرے دوست ہیں۔

    تحریکِ انصاف کے وفاقی وزیر نے بتایا کہ وہ وزیرِ اعظم عمران خان سے ملاقات کے لیے اسلام آباد جا رہے ہیں، صدرِ مملکت عارف علوی کو بریفنگ دے دی، ان کے گھر پر اہم اجلاس ہو رہا ہے۔

    دریں اثنا پی ٹی آئی کا سندھ کی موجودہ سیاسی صورتِ حال پر ہنگامی اجلاس آج ہو رہا ہے، پی ٹی آئی رہنماؤں کا یہ اجلاس صدرِ پاکستان عارف علوی کی رہائش گاہ پر منعقد ہوگا۔

    یہ بھی پڑھیں:  وزیرِ اعلیٰ سندھ کو نہیں ہٹایا گیا تو ہم شور کریں گے: علی زیدی

    اجلاس میں خرم شیر زمان، حلیم عادل شیخ اور دیگر شرکت کریں گے، اجلاس میں سندھ کے سیاسی منظر نامے پر مشاورت ہوگی، اجلاس میں گرینڈ ڈیموکریٹک الائنس کے ارکان بھی شریک ہوں گے۔

    خیال رہے کہ آج وفاقی وزیر برائے بحری امور علی زیدی نے بھی جے آئی ٹی رپورٹ کے تناظر میں دعویٰ کیا ہے کہ پیپلز پارٹی کے لوگ ان سے رابطے کر رہے ہیں، ایم پی ایز فون کر رہے ہیں کہ ہماری جان چھڑاؤ۔

  • صوبوں کو حقوق دینے میں نقصان نہیں فائدہ ہے: آصف زرداری

    صوبوں کو حقوق دینے میں نقصان نہیں فائدہ ہے: آصف زرداری

    کشمور:سابق صد رآصف علی زرداری کا کہنا ہے کہ ذوالفقاربھٹو اور بے نظیر نہیں ہوتے تو جو آج مقبوضہ کشمیر میں ہورہا ہے وہ ہمارے ساتھ ہورہا ہوتا، میں نے پاکستان کے لیے کام کیے ہیں۔

    تفصیلات کے مطابق سابق صدر آصف علی زرداری کشمور میں جلسہ عام سے خطاب کررہے تھے ، ان کا کہنا تھا کہ ذوالفقار علی بھٹو کو شہید کیا گیا لیکن بے نظیر کا راستہ نہیں روک سکے، میں نے پانچ سال حکومت کرکے دکھائی ہے ۔

    [bs-quote quote=”نیم کے درخت لگا کر سندھ کی بارشیں واپس لانی ہیں” style=”style-6″ align=”left”][/bs-quote]

    ان کا کہنا تھا کہ ’ میں نے پاکستان کے لیے کام کیے ،صوبوں کے اتفاق رائے سے بجٹ تقسیم کیے، صوبوں کو حق دوگے توا س سے نقصان نہیں فائدہ ہے۔

    آٓصف زرداری کا کہنا تھا کہ اپنے دور میں 5 پل تعمیر کر چکے ہیں چھٹا بھی بنا کر دیں گے ، انشاء ایک دن آئےگا کہ سندھ اپنی گیس کمپنی بنائے گااور گیس نکالے گا۔

    ہم زردارہیں اپنےحال میں خوش رہتےہیں،نواز ش کہ عوام نےہمیشہ پارٹی کو سپورٹ اورو ووٹ دیا۔وزیر اعلیٰ کو2 اور مجھے3 اسٹنٹ لگےہیں، ہمیں دردِدل کاہمیں پتہ ہے۔

    انہوں نے کہا کہ سندھ کی بارشیں واپس لانے کے لیے پورے صوبے میں نیم کےدرخت لگانےچاہتےہیں،روہڑی کینال کی لائننگ کرنا چاہتے ہیں اوریہ ہمیں پکڑے ہوئے ہیں کہ باہر نہیں جاؤ۔

    انہوں نے کہا کہ بینظیربھٹونےمیرے لیےفرض چھوڑا تھا پورا کر رہاہوں، میں نے اسی گڑھی خدا بخش میں دفن ہونا ہے اور بے نظیر اور ذوالفقار علی بھٹو کو منھ دکھانا ہے۔

    سابق صدر نے مزید کہا کہ ذوالفقار بھٹو نے ایٹمی پروگرام شروع کیا تھا، بے نظیر اور بھٹو نہیں ہوتے تو آج پاکستان میں بھی وہی ہورہا ہوتا جو مقبوضہ کشمیر میں ہوتا ہے۔ فارن سیکرٹری ملیں تو انہوں نے کہا کہ عالمی سطح پر لی گئی پوزیشن صحیح تھی۔

     آصف زرداری سمیت 172 افراد کے بیرونِ ملک سفر پر پابندی

    یاد رہے کہ سابق صدر آصف علی زرداری سمیت 172 افراد کا نام وفاقی حکومت نے گزشتہ روز ایگزٹ کنٹرول لسٹ میں ڈال دیا تھا۔ یہ 172 نام جعلی اکاؤنٹس کیس میں جے آئی ٹی کی تحقیقاتی رپورٹ کے نتیجے میں سامنے آئے ہیں۔ سپریم کورٹ نے سابق صدر کو 31 دسمبر کو طلب کررکھا ہے۔

    جعلی اکاؤنٹس کے ذریعے میگا منی لانڈرنگ کیس کی جے آئی ٹی میں آصف علی زرداری اور ان کی ہمشیرہ فریال تالپور کے علاوہ بلاول بھٹو ، وزیر اعلیٰ سندھ مرادعلی شاہ، قائم علی شاہ اور پیپلز پارٹی کے کئی اہم رہنماؤں کے نام بھی شامل ہیں۔

  • ہم بھٹو والے ہیں ان کے ای سی ایل سے ڈرنے والے نہیں: بلاول بھٹو

    ہم بھٹو والے ہیں ان کے ای سی ایل سے ڈرنے والے نہیں: بلاول بھٹو

    اسلام آباد: چیئرمین پیپلز پارٹی بلاول بھٹو کا کہنا ہے کہ ہم بھٹو والے ہیں ان کے ای سی ایل سے ڈرنے والے نہیں، پیپلز پارٹی ای سی ایل کی وجہ سے تحریک نہیں عوام کے لیے تحریک چلائے گی۔

    تفصیلات کے مطابق چیئرمین پیپلز پارٹی بلاول بھٹو نے تقریب سے خطاب کرتے ہوئے کہا کہ ہمیں سوسائٹی میں شعور پیدا کرنا پڑے گا، تعلیمی معاملات کو سرفہرست دیکھنا ہوگا۔

    انہوں نے کہا کہ ہم بھٹو والے ہیں ان کے ای سی ایل سے ڈرنے والے نہیں، پیپلز پارٹی ای سی ایل کی وجہ سے تحریک نہیں عوام کے لیے تحریک چلائے گی، بلا تفریق احتساب ہوگا تو نیب ترمیمی بل کی حمایت کریں گے۔

    بلاول کا کہنا تھا کہ ہم نہ این آر او چاہتے ہیں نہ اپوزیشن میں کٹھ پتلی ہوتے ہیں، تحریک صرف عوامی ایشوز اور پیپلز پارٹی کے نظریے پر چلے گی۔

    یاد رہے کہ جعلی اکاؤنٹس کے ذریعے میگا منی لانڈرنگ کیس کی جے آئی ٹی میں بلاول بھٹو، آصف علی زرداری اور ان کی ہمشیرہ فریال تالپور کا نام بھی شامل ہے اور ان سمیت 172 افراد کے نام آج ایگزٹ کنٹرول لسٹ میں ڈال دیے گئے ہیں۔

    گزشتہ روز بلاول نے اپنی والدہ کی گیارہویں برسی کے موقع پر خطاب کرتے ہوئے کہا تھا کہ وفاق کی دیواریں کتنی کمزور ہو چکی ہیں، 2 سال سے کہتا آرہا ہوں کہ نوجوانوں کو دیوارسے مت لگائیں۔

    انہوں نے کہا تھا کہ میرے اوپر اس وقت کے کیس ڈال رہے ہیں جب میں ایک سال کا تھا، اگر میں‌ اتنا تیز بچہ تھا تو مجھے ستارہ امتیاز ملنا چاہیئے تھا اور یہ نوٹسز بھیج رہے ہیں، اس بار بھی ہم پہلے کی طرح باعزت بری ہوں گے.

    اس موقع پر انہوں نے نیب کے کردار پر سوال اٹھاتے ہوئے کہا تھا کہ نیب کی سرگرمیاں صرف اپوزیشن تک محدود کیوں ہیں۔

  • سندھ حکومت وفاق سے اپنا حق لے کررہے گی : مراد علی شاہ

    سندھ حکومت وفاق سے اپنا حق لے کررہے گی : مراد علی شاہ

    گھوٹکی: وزیراعلیٰ سندھ مراد علی شاہ کا کہنا ہے کہ سندھ کے لوگوں کے ساتھ دشمنی کی جارہی ہے، سندھ حکومت وفاق سے اپنا حق لے کر رہے گی۔

    تفصیلات کے مطابق وزیر اعلیٰ سندھ مراد علی شاہ نے گھوٹکی میں جلسہ عام سے خطاب کرتے ہوئے وفاقی حکومت پر الزام عائد کیا ہے کہ سندھ کے وسائل کو چھیننے کی کوشش کی جارہی ہے۔

    جلسے سے خطاب کرتے ہوئے ان کا کہنا تھا کہ اس قسم کےہتھکنڈوں سےگھبرانےوالےنہیں ہیں، ہماری قیادت کوتوالیکشن ہی نہیں لڑنےدیاگیا۔

    انہوں نے مزید کہا کہ ہم سمجھتے تھے کہ نوازشریف کوسندھ پسند نہیں تھا،عمران خان کواس سےزیادہ سندھ پسند نہیں آرہا۔ جولوگ کہتےتھے کہ سندھ پرقبضہ کریں گےوہ سندھ سےبھاگ گئے۔

    مراد علی شاہ کا مزید کہنا تھا کہ پیپلز پارٹی قیادت متحد اور مضبوط ہے، سندھ حکومت اپناحق وفاقی حکومت سے لے کردکھائےگی۔

    تحریک انصاف نے وزیراعلیٰ سندھ سے استعفیٰ مانگ لیا

    اس موقع پر انہوں نے کہا کہ سندھ حکومت نے تھرمیں کوئلےسے توانائی پیدا کرنے کا پلانٹ بنایا تو وہاں کے لوگوں کو اس کا مالک بنایا۔ کول مائننگ سائٹ کے لیے جو دیہات ہٹائے گئے، انہیں پہلے 11 سو اسکوائرفٹ پرگھر بنا کر دیے گئے، وہاں کے عوام کو روزگار دیا گیا۔

    سندھ حکومت ایس ایس جی سی کوگاؤں اور دیہاتوں میں گیس کی فراہمی کے لیے قرضہ دیتی ہے، ایس ایس جی سی کہتی ہے کہ قرضہ واپس نہیں کرسکتے،گرانٹ میں بدل دیں۔ انہوں نے کہا کہ ہم لوگوں کی خاطر یہ بھی کرنےکوتیارہیں، لیکن سندھ کے معدنیات پرآئینی طورپرحق سندھ کاہے، وہ لےکرہی رہیں گے۔

    یاد رہے کہ پاکستان تحریک انصاف کے صوبائی رہنما خرم شیرزمان نےآج صبح وزیراعلیٰ سندھ مراد علی شاہ کا نام ای سی ایل میں شامل ہونے کے بعد ان سے استعفے کا مطالبہ کیا تھا۔ ان کا کہنا تھا کہ پانچ سال پیپلز پارٹی کی حکومت ختم ہونے کا انتظار نہیں کرسکتے، تحریک انصا ف سندھ میں حکومت بنانے جارہی ہے۔

    آج صبح وفاقی حکومت نے جعلی اکاؤنٹس کیس میں نامزد 172 افراد کے نام ای سی ایل میں ڈال دیے تھے، ان افراد میں سابق صدر آصف علی زرداری ، فریال تالپور، بلاول بھٹو زرداری، مراد علی شاہ، قائم علی شاہ سمیت پیپلز پارٹی کے متعدد رہنماؤں کے نام شامل ہیں۔