Tag: پیپلز پارٹی

کراچی: پیپلز پارٹی کے رہنما ساتھی اسحاق ایڈوکیٹ بھی ایم کیو ایم میں شامل ہو گئے،عامر خان نے کہا کہ محب وطن ہیں، را سے نہ ماضی میں تعلق تھا نہ ہوگا، خوش ہیں کہ پارٹی خود گندے انڈوں سے صاف ہو رہی ہے۔

پیپلز پارٹی کے سینئیر رہنما اور پیپلز پارٹی سندھ کے سیکریٹری اطلاعات ساتھی اسحاق ایڈوکیٹ پیپلز پارٹی کا ساتھ چھوڑ کر ایم کیو ایم کے ہوگئے ۔

نائن زیرو آمد پر ساتھی اسحاق کا کارکنان اور رابطہ کمیٹی نے پرتپاک استقبال اور پارٹی میں شمولیت پر مبارکباد پیش کی،اس موقع پر ایم کیو ایم رہنما عامر خان نے کہا کہ ہم محب وطن پاکستانی ہیں، نہ را سے تعلق تھا نہ ہوگا، اچھا ہے گندے انڈے خود پارٹی سے چلے گئے ۔

پیپلز پارٹی کے سابق رہنما ساتھی اسحاق ایڈوکیٹ نے ایم کیوایم میں شمولیت اختیار کرتے ہوئے کہا کہ ایم کیو ایم نے ہمیشہ مظلوموں کے حقوق کی بات کی، ایم کیو ایم پر لگائے جانے والے الزامات بے بنیاد ہیں ۔

متحدہ رہنمائوں نے آرمی چیف اور چیف جسٹس سے مطالبہ کیا کہ ایم کیو ایم کے خلاف زیادتیوں اور دیوار سے لگانے کے عمل کا نوٹس لیا جائے ۔

کراچی: پیپلز پارٹی کے رہنما اعتزاز احسن نے کہا ہے کہ ہم چاہتے ہیں کہ نواز حکومت اپنی مدت پوری کرے مگر چھوٹا بھائی ہی بڑے بھائی کے خلاف سازش کرے تو ہم کیا کر سکتے ہیں ۔

لاہور میں پریس کانفرنس کرتے ہوئے اعتزاز احسن نے کہا کہ ن لیگ کے وزرا میں شدید اختلافات ہیں، اس لیے یہ حکومت اپنی مدت پوری کرتی نظر نہیں آتی ۔انہوں نے کہا را ایجنٹ کی گرفتاری پر حکومت کو دوٹوک موقف اختیار کرنا چاہیے۔

اعتزاز احسن نے کہا کہ حکومت نے ڈیل کے تحت پرویز مشرف کو ملک سے باہر بھجوایا ورنہ کمر درد تو ایک بہانہ تھا، ان کا کہنا تھا حکمرانوں کو عوام کےمسائل سے کوئی غرض نہیں، سانحہ لاہور میں اسی لیے ہلاکتیں زیادہ ہوئیں کہ اسپتالوں میں سہولیات میسر نہیں تھیں ۔

لاہور: پیپلز پارٹی کے چیئرمین بلاول بھٹو زرداری سانحہ گلشن اقبال پارک کے زخمیوں کی عیادت کرنے کیلئے جناح اسپتال لاہور پہنچ گئے۔

پیپلز پارٹی کے چیئرمین بلاول بھٹو زرداری لاہور پہنچے اور جناح اسپتال میں ہونے والے دھماکے کے زخمیوں کی عیادت کی۔ بلاول بھٹو کے ساتھ وزیر اعلیٰ سندھ قائم علی شاہ اور پیپلز پارٹی کے رہنما چوہدری اعتزاز احسن بھی موجود تھے۔

بلاول بھٹو آج دوپہر کراچی سے لاہور پہنچے ہیں، جناح اسپتال کے اطراف اس موقعے پر سخت سیکورٹی انتظامات کیے گئے تھے، پیپلز پارٹی کے چئیرمین بلاول بھٹو زرداری کو پنجاب حکومت کی سیکیورٹی پر اعتماد نہیں تھا جس کے باعث سندھ سے خواتین کمانڈوز سمیت پچیس کمانڈوز کو بھی لے گئے ۔

کراچی: پیپلز پارٹی کے چئیرمین بلاول بھٹو زرداری کاکہنا ہےسیاسی جماعتیں متحد ہو کر دہشت گردی سے نمٹ سکتی ہے، چیلنجز سے نمٹنے کے لئے اتحاد ضروری ہے۔

بلاول بھٹو زرداری نے ان خیالات کا اظہارایشیا کی سیاسی جماعتوں کی بین الاقوامی کانفرنس سے خطاب میں کیا۔

پیپلز پارٹی کےچئیرمین کا مزید کہنا تھا کہ انسانی اسمگلنگ کے لئے دنیا کی تمام قوموں کو مل کر کام کرنا ہوگا۔۔چیلنجز سے نمٹنے کے لئے اتحاد ضروری ہے۔

لاہور: پیپلز پارٹی کے رہنما قمر زمان کائرہ نے کہا ہے کہ وفاقی حکومت کے پاس سندھ حکومت کی سمری مسترد کرنے کا کوئی اختیار نہیں، آئینی مینڈیٹ کے ذریعے اداروں کو کام کرنے دیا جائے۔

لاہور میں میڈیا سے گفتگو کرتے ہوئے قمر زمان کائرہ نے کہا کہ وزیر اعظم خود کو بادشاہ سمجھ رہے ہیں کہ وہ جو چاہیں فیصلہ کرتے پھریں، رینجرز کے سندھ اور دیگر صوبوں کے حوالے سے تضادات پر سب کی نظر ہے، فوج، رینجرز سمیت تمام ادار ے اپنی حدود میں رہ کر کام کریں تو بہتر ہے۔

قمر زمان کائرہ نے کہا کہ آئینی حکومت کو ڈکٹیٹ نہیں کرنا چاہیے، وزیر داخلہ اگر پریس کانفرنس نہ کرتے تو معاملہ اتنا خراب نہ ہوتا۔

انھوں نے کہا آئینی مینڈیٹ کے ذریعے اداروں کو کام کرنے دیا جائے۔۔ماضی میں بھی عدالتوں کو ہمارے خلاف استعمال کیا گیا ہے۔

کراچی: سابق ایم این اے نبیل گبول نے پیپلز پارٹی (بے نظیر بھٹو گروپ ) کے نام سے نئی پارٹی بنانے کا اعلان کردیا۔

کراچی کے علاقے پپری میں مختلف شخصیات سے تعزیتوں کے بعد صحافیوں سے گفتگو کرتے ہوئے نبیل گبول کاکہنا تھا کہ نئی پارٹی میں پیپلز پارٹی کے ناراض رہنماوٴں، کارکنان اور سندھ کی اہم سیاسی سماجی شخصیات کو شامل کیاجائے گا۔

انہوں نے بتایا کہ نئی پارٹی میں ارباب رحیم سمیت پیپلز پارٹی کے نامور رہنما بھی شمولیت کرینگے، نبیل گبول کاکہنا تھا کہ عدالت کی جانب سے مجھے سکیورٹی فراہم نہ کرنے پر دکھ ہوا ہے، عدلیہ نے سندھ حکومت کے دباوٴ میں آکر مجھے سیکیورٹی فراہم نہیں کی، میر ی جان کو خطرہ صرف اور صرف الطاف حسین اور آصف زرداری اور لیاری گینگ وارسے ہے، اگر مجھے قتل کردیا جائے تو یہ تینوں ذمہ دار ہونگے۔

انہوں نے کہا کہ متحدہ کے ایم این اے رشید گوڈیل پر حملہ کرنے میں متحدہ خود ہی ملوث ہے، شاہد بکک نامی کلر کو حملے سے جوڑنے کا مقصد متحدہ اپنے آپ کو کلیئر کروانا چاہتی ہے، شاہد بکک کرائے کا قاتل ہے اصل حقائق سامنے لائے جائیں، اور رشید گوڈیل کی سپاری شاہد بکک کو کس نے دی۔

ان کا کہنا تھا کہ رشید گوڈیل نے مجھے خود کہا تھا کہ متحدہ مجھے مروانا چاہتی ہے اور رشید گوڈیل کے ہسپتال کا بل بھی متحدہ نے ادا نہیں کیا۔ انہوں نے کہا کہ بلدیات انتخابات کے لئے میں نے ملیر، لیاری، کیاماڑی، گڈاپ اور دیگر علاقوں سے اپنے امیدوار کھڑے کیئے ہیں۔