Tag: پیپلز پارٹی

چوہدری اعتزاز احسن کا کہنا ہے کہ حکومت سینیٹ کو اہمیت نہیں دیتی وزیر اعظم نے ابھی تک ایوان میں قدم نہیں رکھا ہے۔

پیپلز پارٹی کے رہنما اعتزاز احسن نے سینیٹ اجلاس میں اظہار خیال کرتے ہوئے کہا کہ حکومت سینیٹ کو اہمیت نہیں دیتی وزیر اعظم نے اب تک ایوان میں قدم نہیں رکھا ۔

ان کا کہنا تھا کہ جو بھی سوال پوچھا جائے اس پر کہا جاتا ہے جواب آئندہ اجلاس میں دیا جائے گا اگر سوالات کے جوابات نہیں دینے تو ایوان میں بیٹھنے کا کیا فائدہ ہے۔

انہوں نے کہا کہ وزرا کو سکھا یا جائے کہ سوالوں کے جوابات کیسے دینا ہیں اعتزاز احسن نے وضع کیا کہ سوالوں کے صیحیح جواب نہیں دئیے گئے توسینیٹ سے واک آوٹ کرینگے۔

پیپلز پارٹی کے رہنما اعتزاز احسن نے کہا ہے کہ سابق صدر پرویز مشرف عدالت میں پیش ہوکر اپنا موقف بیان کریں، انہیں صفائی کا پورا موقع ملنا چاہیئے۔

سینیٹر اعتزاز احسن کا کہنا ہے کہ سابق صدر پرویز مشرف کو اپنی صفائی پیش کرنے کا پورا موقع ملے گا، مشرف عدالت میں پیش ہوں، اعتزاز احسن کے خیال میں فوج کسی بزدل آرمی چیف کا ساتھ نہیں دے گی، نہ ہی عدالتی کارروائی میں مداخلت کرے گی۔ 

اعتزاز احسن نے کہا کہ فوج نے مداخلت کا سوچا تو اپوزیشن بھی جمہوری حکومت کے ساتھ کھڑٰی ہوگی، اپوزیشن جماعتیں اور حکومت مل کر جمہوریت کو مستحکم کریں گے۔

پیپلز پارٹی کے سرپرست اعلیٰ بلاول بھٹو زرداری کا کہنا ہے کہ چوہدری اسلم سچے پولیس افسر تھے ، جنھوں نے دلیری کے ساتھ دہشتگردوں سے مقابلہ کیا۔

پیپلز پارٹی کے سرپرست اعلیٰ بلاول بھٹو زرداری کراچی میں سی آئی ڈی کے شہید ایس پی چوہدری اسلم کے گھر گئے جہاں انھوں نے چوہدری اسلم شہید کی بیوہ اور بچوں سےتعزیت کااظہارکیا۔

بلاول بھٹو زرداری کاکہنا تھا کہ چوہدری اسلم سچےاوردلیرپولیس افسر تھے، جنھوں نے جان کی پرواہ کیےبغیر جرات اور دلیری کے ساتھ آخری دم تک دہشتگردوں سےمقابلہ کیا، بلاول بھٹو زرداری کا کہنا تھا کہ مشکل گھڑی میں پوری قوم چوہدری اسلم کےاہل خانہ کے ساتھ ہے۔

سابق وزیر داخلہ سینیٹر عبدالرحمان ملک کا کہنا ہے کہ چوہدری اسلم پر حملہ انٹیلی جنس فیلئیر اور وفاق کی غلطی ہے، حکام کو بولا ہے کہ کراچی میں چوہدری اسلم کی یادگار بنائی جائے خرچہ میں اٹھاؤں گا۔

سابق وزیر داخلہ عبدالرحمان ملک نے پارلیمنٹ ہاؤس کے باہر میڈیا سے گفتگو کرتے ہوئے کہا ہے کہ چوہدری اسلم پر حملہ انٹیلی جنس اداروں کی ناکامی ہے، ایجنسیاں وفاق کے زیر نگرانی کام کرتی ہیں لیکن کسی کو خبر نہیں ہوئی کہ شہر میں اتنا باردوی مواد ہے۔

انھوں نے کہا کہ چوہدری اسلم کے بڑے بھائی کی حیثیت سے انھیں شہید کہوں گا اور اگر طالبان پر خلوص ہوکے مذاکرات کرنا چاہیں تو پیپلز پارٹی حمایت کرے گی۔
       

پیپلز پارٹی کے مرکزی رہنما سید نوید قمر نے کہا ہے کہ پارٹی کے شریک چیئرمین آصف زرداری 9سال عدالتوں کا سامنا کرچکے ہیں اور اب بھی وہ عدالت میں پیش ہونے کو تیار ہیں لیکن دوسری جانب ایک کمانڈو عدالت میں پیش ہونے کو تیار نہیں ہے جس کا منفی تاثر جارہا ہے۔

حیدرآباد میں سینیٹر مولابخش چانڈیو کی رہائشگاہ پر میڈیا سے گفتگو کرتے ہوئے سید نوید قمر نے کہا کہ پرویز مشرف کا یہ کہنا کہ فوج ان کے ساتھ ہے تو یہ ان کیلئے بھی بہتر نہیں ہے، بہتر یہی ہے کہ وہ اپنے آپ کو دور رکھیں،انہوں نے کہا کہ قومی اداروں کی نجکاری میرٹ کی بنیاد پر ہونی چاہئے، نجکاری کے عمل میں دوستوں کو نوازنے کا سلسلہ نہیں ہونا چاہئے.

سید نوید قمر کا کہنا تھا کہ ہر جمہوری حکومت کا مفاد اسی میں ہے کہ وہ بلدیاتی انتخابات کرائے اور تمام سیاسی جماعتوں کا بھی یہی مطالبہ ہے لیکن صرف دس دس روز کے دیئے گئے شیڈول کا نتیجہ یہی ہونا تھا جو ہم دیکھ رہے ہیں کیونکہ عام انتخابات کیلئے بھی 90روز کی مدت مقرر ہوتی ہے، انہوں نے کہا کہ دہشت گردوں سے بات چیت کے ذریعے راستہ نکالنا مشکل نظر آرہا ہے، دہشت گردی سے نمٹنے کا واحد حل طاقت کا استعمال نظر آتا ہے اور اس کیلئے فوج کو عوام کی بھرپور مدد درکار ہے۔

پیپلز پارٹی کے رہنما خورشید شاہ نے میڈیا سے گفتگو کرتے ہوئے کہا کہ مشرف کیس میں ایک بندے کو سزا دینا مناسب نہیں اس کو دنیا نہیں مانے گی۔

رحمان ملک نے سینیٹ کے باہر میڈیا کو بتایا کہ مشرف کے ساتھ بادشاہوں والا سلوک کیا جائے گا، ان کے خیال میں جیت ہمیشہ بادشاہ کی ہوتی ہے، انھوں نے  کہا کہ ایم کیوایم اور پیپلز پارٹی کو ساتھ مل کر عوام کی خدمت کرنی چاہیے۔
   

پیپلز پارٹی کے سرپرست اعلیٰ بلاول بھٹو زرداری نے ایم کیو ایم اور قوم پرستوں کے درمیان مفاہمت کو خوش آئند قرار دیا ہے، تو ایم کیو ایم نے بھی قوم پرست جماعتوں سے رابطوں کیلے کمیٹی تشکل دیدی۔

بلاول کا اپنے ٹویٹر پیغام میں کہنا ہے کہ احتجاج کا حق اپنی جگہ درست ہے، لیکن سیاسی محاذ آرائی اور آئے روز ہڑتالوں سے عام آدمی متاثر ہوتا ہے، بلاول بھٹو زرداری نے تحریک انصاف کے چیئرمین عمران خان کو بھی سندھ میں خوش آمدید کہا۔

بلاول نے شاہ محمود قریشی کے ٹویٹ کے جواب میں کہا کہ سندھی عوام ہمیشہ سے کشادہ دل اور مہمان نواز رہے ہیں، ذرائع کا کہنا ہے کہ ایم کیو ایم نے قوم پرست اور سیاسی جماعتوں سے رابطوں کیلئے کمیٹی تشکیل دیدی ہے۔

ان رابطوں میں سندھ اور عوام کے مفادات زیر غور لائے جائیں گے اور سندھ کے جائز حقوق اور مفادات کیلئے کوششیں کی جائیں گی، ذرائع کے مطابق کمیٹی کی تشکیل قوم پرست رہنما ایاز لطیف پلیجو سے ملاقات کے بعد دی گئی۔

سینیٹ میں ایم کیو ایم کے قائد الطاف حسین سے متعلق ریمارکس پر پیپلز پارٹی اور ایم کیو ایم کے ارکان میں سخت الفاظ کا تبادلہ ہوا، جس کے بعد ایم کیو ایم کے ارکان واک آؤٹ کرگئے، اجلاس بدھ کی شام تک ملتوی کردیا گیا۔

سینیٹ اجلاس میں الطاف حسین سے متعلق ریمارکس پر ایم کیو ایم اور پیپلز پارٹی کے ارکان میں جھڑپ نے ماحول گرما دیا، پیپلزپارٹی کے کریم خواجہ کا کہنا تھا کہ برطانوی حکومت بیان کا نوٹس لے اور کاروائی کرے، جس پرمتحدہ قومی موومنٹ کے عبدالحسیب اور دیگر ارکان نے شدید احتجاج کیا اورایوان سے باہرچلے گئے۔

غداری کیس پر بات کرتے ہوئے ن لیگ کے مشاہد اللہ خان کا کہنا تھا کہ آمر کی حمایت نہ کی جائے، حکومت نے فرض پورا کیا اور معاملہ عدالت میں ہے، اسپتال میں زیرعلاج مشرف پراپرٹی ڈیلنگ کررہے ہیں۔

ملک میں امن وامان کی صورتحال پرفرحت اللہ بابرکا کہنا تھا کہ پاک افغان کراس بارڈرعسکریت پسندی کا مسئلہ حل کرنا ہوگا، لاپتہ افراد کے حوالے سے سیکیورٹی اداروں کو پارلیمنٹ کے ماتحت لایا جائے، غیرقانونی اقدام پراحتساب ہونا چاہیے۔
   

سابق صدر پرویز مشرف کی بیماری کے حوالے سے پیپلز پارٹی کے رہنماوں کا کہنا ہے کہ پرویز مشرف اس سے پہلے بھی ملک سے باہر جانے کی کوشش کرتے رہے ہیں۔

سابق صدر پرویز مشرف کی طبیعت نے سیاسی ماحول میں ہلچل مچا دی ہے، پرویز مشرف کی طبیعت کے حوالے سے پیپلز پارٹی کے رہنما آغا سراج درانی کا کہنا ہے کہ صدر مشرف اس سے پہلے بھی ملک سے باہر جانے کی کوششیں کرتے رہے ہیں۔

رکن پنجاب اسمبلی راجہ ریاض احمد کا کہنا ہے کہ سابق صدر پرویز مشرف چھ جنوری کو دبئی روانہ ہو جائیں گے اور ان کی روانگی کے ذمہ دار نواز شریف اور چوہدری نثار ہوں گے۔ 

راجہ ریاض کا مزید کہنا تھا کہ پرویز مشرف کو دل کی تکلیف نہیں ہے وہ ڈرامہ کر رہے ہیں ۔