کراچی (30 جولائی 2025) لیاری کی رہائشی 40 سالہ خاتون کی کامیاب سرجری کر کے ڈاکٹروں نے ان کے پیٹ سے 10 کلو وزنی ٹیومر نکال لیا۔
اے آر وائی نیوز کے مطابق کراچی کے علاقے لیاری کی رہائشی خاتون 6 سال سے پیٹ کے شدید درد میں مبتلا تھیں۔ انہوں نے کئی اسپتالوں کے چکر لگائے لیکن متعدد اسپتالوں میں ان کے ٹیومر کے آپریشن سے انکار کر دیا گیا۔
بالآخر لیاری جنرل اسپتال میں تین ماہر ڈاکٹروں کی ٹیم نے بیک وقت طویل اور پیچیدہ آپریشن میں حصہ لیا اور خاتون کا کامیاب آپریشن کر کے انہیں اذیت سے نجات دلائی اور پیٹ سے 10 کلو وزنی ٹیومر کی کامیاب سرجری کی۔
