Tag: پی ٹی آئی کی خبریں

وزیرِ اعظم سے شاہ محمود اور ممتاز سیاست دان ملک ظفر راں کی ملاقات، پی ٹی آئی میں شمولیت

اسلام آباد: وزیرِ اعظم عمران خان سے وزیرِ خارجہ شاہ محمود اور ممتاز سیاست دان ملک ظفر راں نے بنی گالہ میں ملاقات کی، ملک ظفر راں نے پی ٹی آئی میں شمولیت اختیار کر لی۔

تفصیلات کے مطابق صوبائی اسمبلی پنجاب کے حلقے 218 سے تعلق رکھنے والے ممتاز سیاست دان ملک ظفر راں نے پاکستان تحریکِ انصاف میں شمولیت اختیار کر لی۔

[bs-quote quote=”جنوبی پنجاب کے عوام کا احساسِ محرومی دور کرنا حکومتی ترجیح ہے۔” style=”style-8″ align=”left”][/bs-quote]

ملک ظفر راں نے وزیرِ اعظم عمران خان کی قیادت اور وژن پر اپنے بھرپور اعتماد کا اظہار کیا۔

اس موقع پر وزیرِ اعظم عمران خان نے کہا کہ جنوبی پنجاب کے عوام کا احساسِ محرومی دور کرنا حکومتی ترجیح ہے، حکومت نیا بلدیاتی نظام لا کر عوام کو صحیح معنوں میں با اختیار بنائے گی۔

وزیرِ اعظم کا کہنا تھا کہ عوام کی ضرورتوں کے مطابق ترقیاتی عمل میں بھی کردار ادا کیا جائے گا۔ انھوں نے امید ظاہر کی کہ ملک ظفر راں پارٹی منشور کے تحت اپنا کردار ادا کریں گے۔

یہ بھی پڑھیں: وزیر خارجہ کا سری لنکن اور نیپالی ہم منصب سے رابطہ

ملک ظفر راں نے کہا کہ سابقہ حکمرانوں نے جنوبی پنجاب کو نظر انداز کرنے کی پالیسی اپنائی، یہ سابقہ حکمران تھے جنھوں نے پس ماندگی، غربت اور محرویوں کو جنم دیا۔

انھوں نے اعتراف کیا کہ پی ٹی آئی نے 2 پارٹیوں کے تسلط کو ختم کر کے جنوبی پنجاب کے عوام کو نئی سوچ دی۔

فروری 23, 2019
حکیم سعید جیسے لوگ ہمارے ہیرو ہیں: صدرِ مملکت عارف علوی

کراچی: صدرِ مملکت ڈاکٹر عارف علوی نے حکیم محمد سعید کو خراجِ تحسین پیش کرتے ہوئے کہا ہے کہ ان جیسے لوگ ہمارے ہیرو ہیں۔

تفصیلات کے مطابق کراچی میں صدرِ پاکستان عارف علوی نے ہمدرد یونی ورسٹی کے کانووکیشن سے خطاب کیا، انھوں نے کہا کہ طب کے شعبے میں حکیم محمد سعید کی خدمات قابل تحسین ہیں۔

[bs-quote quote=”حکیم سعید نے بہ طور گورنر ہمیشہ اکانومی کلاس میں سفر کیا۔” style=”style-8″ align=”left” author_name=”صدر مملکت”][/bs-quote]

عارف علوی نے کہا کہ انسانی خدمت کا جذبہ حکیم محمد سعید میں کوٹ کوٹ کر بھرا ہوا تھا۔

ان کا کہنا تھا کہ حکیم سعید نے بہ طور گورنر ہمیشہ اکانومی کلاس میں سفر کیا، ان جیسے لوگ ہمارے ہیرو ہیں، ان کی تقلید کی ضرورت ہے۔

صدرِ مملکت نے مزید کہا کہ تعلیم مکمل ہونے کے بعد طلبہ پر بھاری ذمہ داری عائد ہوتی ہے، نوجوان نسل ہمارا قیمتی اثاثہ ہے، نوجوان ملکی تقدیر بدل سکتے ہیں۔

ڈاکٹر عارف علوی نے پی ٹی آئی حکومت کے حوالے سے کہا کہ کفایت شعاری مہم کے تحت قوم کے کروڑوں روپے کی بچت کی گئی ہے۔

یہ بھی پڑھیں: پاکستان میں امراض قلب کے سدباب کیلئے ٹھوس اقدامات کی ضرورت ہے، عارف علوی

یاد رہے کہ 15 فروری کو صدرِ مملکت نے آرمڈ فورسز انسٹی ٹیوٹ آف کارڈیالوجی (اے ایف آئی سی) راولپنڈی میں بھی بین الاقوامی الیکٹرو فزیولوجی کی سالانہ کانفرنس کی افتتاحی تقریب سے خطاب کیا تھا۔

انھوں نے کہا تھا کہ پاکستان میں دل کی بیماریاں تیزی سے پھیل رہی ہیں، امراضِ قلب کے سدباب کے لیے ٹھوس اقدامات کی ضرورت ہے۔

فروری 23, 2019
آصف زرداری کا بیان عوامی مینڈیٹ کی توہین کے مترادف ہے: شاہ محمود قریشی

اسلام آباد: وزیرِ خارجہ شاہ محمود قریشی نے پی پی چیئرمین آصف علی زرداری کے بیان پر تنقید کرتے ہوئے اسے عوامی مینڈیٹ کی توہین قرار دیا، کہا سندھ کے عوام ایک بار پھر ان پر بھروسا کر کے قیمت چکا رہے ہیں۔

اے آر وائی نیوز کے پروگرام دی رپورٹرز میں گفتگو کرتے ہوئے شاہ محمود نے کہا کہ سندھ کے علاوہ دیگر صوبوں نے پیپلز پارٹی کو مسترد کیا ہے، عمران خان نے عوام کے اعتماد پر 2 جماعتی سسٹم کو اکھاڑ پھینکا۔

[bs-quote quote=”پنجاب کی نئی حکومت آہستہ آہستہ اپنے قدم جما رہی ہے، ان کو موقع ملنا چاہیے۔” style=”style-8″ align=”left” color=”#dd3333″ author_job=”شاہ محمود قریشی”][/bs-quote]

شاہ محمود قریشی کا کہنا تھا کہ پاکستان کا نوجوان طبقہ پیپلز پارٹی اور ن لیگ سے لا تعلق ہو گیا ہے، پی پی کے ارادے اچھے ہوتے تو پی ٹی آئی کی حکومت ہی نہ آتی، آنے والے دنوں میں پی ٹی آئی سندھ میں بھی اپنا مقام رکھے گی، پی ٹی آئی کے آنے کی پیپلز پارٹی تیاری کرے۔

وزیر خارجہ نے کہا سندھ کے لوگ پیپلز پارٹی کی کارکردگی سے مطمئن نہیں ہیں لیکن وہ مختلف بہانوں سے عوام کو بے وقوف بنانے کی کوشش کر رہی ہے۔

ان کا کہنا تھا کہ بیوروکریسی کے بڑے طبقے کو یقین تھا کہ پنجاب میں ن لیگ کی حکومت رہے گی، لیکن اب پنجاب کی نئی حکومت آہستہ آہستہ اپنے قدم جما رہی ہے، ان کو موقع ملنا چاہیے۔

یہ بھی پڑھیں: پاک بھارت کشیدگی، اقوام متحدہ نے ثالثی کردار کی پیش کش کردی

وزیر خارجہ نے پاک بھارت کشیدگی کے حوالے سے بتایا کہ اقوام متحدہ کے سیکریٹری جنرل کا میرے خط کے جواب میں مثبت جواب آیا ہے، انھوں نے بھی کہا ہم کشیدگی ختم کرنے کے لیے کردار ادا کرنے کو تیار ہیں، اب کسی کو تیار ہونا ہے تو وہ بھارت ہے جسے بات چیت کے لیے آگے آنا ہوگا۔

شاہ محمود نے کہا کہ فاروق عبداللہ نے بھی کہا الزام لگانا آسان ہے مگر حالات اس طرح ٹھیک نہیں ہوں گے، بھارت کے اندر سے آوازیں اٹھنا شروع ہو گئی ہیں، آوازیں اٹھ رہی ہیں کہ پلوامہ حملہ بھارتی حکومت کی نا کام پالیسی کا ثبوت ہے۔

فروری 20, 2019
لوگوں کے حق حلال کا پیسا قوم کی فلاح کے لیے استعمال ہونا چاہیے: اسد عمر

اسلام آباد: وزیرِ خزانہ اسد عمر نے کہا ہے کہ انھوں نے فیصلہ کیا ہے آج سے ٹیکس نہ دینے والوں کو صرف ڈاکو نہیں بلکہ مسٹر ڈاکو کہیں گے، ٹیکس نظام سے حکومتی امور چلتے ہیں، عوام ٹیکس ادا کرتے ہیں تو اس کی بہ دولت نظام چلتا ہے۔

ان خیالات کا اظہار وزیرِ خزانہ نے اسلام آباد میں صفِ اول کے ٹیکس دہندگان کے اعزاز میں ایوارڈز کی تقریب سے خطاب کرتے ہوئے کیا، انھوں نے کہا کہ جو ٹیکس دینا چاہتا ہے اس کے لیے آسانی پیدا کرنا چاہتے ہیں۔

[bs-quote quote=”آج سے ٹیکس نہ دینے والوں کو صرف ڈاکو نہیں مسٹر ڈاکو کہوں گا۔” style=”style-8″ align=”left” color=”#c4153b” author_name=”اسد عمر”][/bs-quote]

وزیرِ خزانہ کا کہنا تھا کہ حکومت ٹیکس کے دائرہ کار کو وسیع کرنے کے لیے ٹیکس نظام میں آسانیاں پیدا کر رہی ہے، اس وقت صورتِ حال یہ ہے کہ بیٹی کا رشتہ دینے میں اتنے سوال نہیں پوچھے جاتے جتنے ایف بی آر پوچھتی ہے۔

انھوں نے کہا کہ قومی خزانہ لوٹنے والوں کو ڈاکو نہ کہیں تو اور کیا کہیں، ہم چاہتے ہیں جو چوری کر رہے ہیں وہ پکڑے جائیں، اس میں کوئی سیاست نہیں، بڑے لوگوں کو پکڑیں تو خود بہ خود پیغام پہنچ جائے گا، پیغام جائے گا تو جو ٹیکس نہیں دیتے وہ بھی دینا شروع ہو جائیں گے۔

اسد عمر نے اپوزیشن کی طرف اشارہ کرتے ہوئے کہا کہ یہ لوگ قومی اسمبلی میں گالیاں دینے آتے ہیں، ان کے ٹیکس ریٹرنز دیکھیں تو کوئی سوال پوچھنے کی ضرورت نہیں رہتی، عوام اور غریبوں کا پیسا جائیدادیں بنانے کے لیے استعمال نہیں ہو سکتا۔

یہ بھی پڑھیں: وزیر اعظم کی ٹیکس چوری میں سہولت دینے والے عناصر کے خلاف کارروائی کی ہدایت

انھوں نے اپوزیشن کو مشورہ دیا کہ ان کو اگر مغل اعظم بننے کا شوق ہے تو کوئی اور کام کر لیں، بڑی بڑی گاڑیاں چلائیں جا کر مجھے کوئی اعتراض نہیں، لیکن ٹیکس کے پیسے سے سوئٹزرلینڈ اور دبئی میں جائیدادیں بنانے نہیں دیں گے، لوگوں کا حق حلال کا پیسا قوم کی فلاح کے لیے استعمال ہونا چاہیے۔

خیال رہے کہ وزیرِ اعظم عمران خان بھی واضح کر چکے ہیں کہ ٹیکس چور ملک اور قوم کے دشمن ہیں جن کے ساتھ اب کوئی رعایت نہیں برتی جائے گی، ٹیکس چوروں کو عوام کے سامنے بے نقاب کیا جائے گا۔

فروری 20, 2019
وفاقی کابینہ نے سعودی عرب کے ساتھ 8 معاہدوں کی منظوری دے دی

اسلام آباد: وزیرِ اعظم عمران خان کی زیرِ صدارت منعقد ہونے والے وفاقی کابینہ کے اجلاس میں سعودی عرب کے ساتھ 8 معاہدوں کی منظوری دی گئی ہے۔

تفصیلات کے مطابق وفاقی کابینہ کا اجلاس وزیرِ اعظم کی زیرِ صدارت 5 گھنٹے تک جاری رہا، طویل اجلاس میں 20 نکاتی ایجنڈے پر غور کیا گیا۔

[bs-quote quote=”سعودی ولی عہد محمد بن سلمان کے دورۂ پاکستان سے متعلق معاملات کا جائزہ لیا گیا۔” style=”style-7″ align=”left” color=”#dd3333″][/bs-quote]

اجلاس میں وفاقی کابینہ نے سعودی عرب کے ساتھ 8 معاہدوں کی منظوری دے دی۔

سعودی ولی عہد محمد بن سلمان کے دورۂ پاکستان سے متعلق معاملات کا جائزہ لیا گیا، کابینہ کو پاکستان اور سعودی عرب کے درمیان ہونے والے معاہدوں پر بھی بریفنگ دی گئی۔

اجلاس میں مختلف وزارتوں نے پاک سعودی منصوبوں کے 8 مفاہمتی یادداشتوں (ایم او یوز) پر بریفنگ دی۔

خیال رہے کہ گزشتہ روز مشیرِ تجارت عبد الرزاق داؤد نے کہا تھا کہ سعودی عرب کا پاکستان میں دو سال میں 7 ارب ڈالر سرمایہ کاری کا پروگرام ہے۔

یہ بھی پڑھیں: سعودی عرب کا دو سال میں 7 ارب ڈالر سرمایہ کاری کا پروگرام ہے: رزاق داؤد

مشیرِ تجارت کا کہنا تھا کہ سعودی سرمایہ کار پنجاب کے آر ایل این جی شعبے میں سرمایہ کاری چاہتے ہیں، سعودی عرب سے سب سے بڑی سرمایہ کاری آئل ریفائنری میں ہوگی، وہ خوراک اور زراعت کے شعبوں میں 2 ارب ڈالر کی سرمایہ کاری کریں گے۔

چیئرمین سرمایہ کاری بورڈ ہارون شریف نے کہا تھا کہ سعودی عرب سے مفاہمتی یادداشتوں (ایم او یوز) پر دستخط کے بعد ٹیکنکل اور فزیبلٹی رپورٹس پر فوری کام شروع کیا جائے گا۔

فروری 14, 2019
وزیرِ اعلیٰ ہاؤس کے دروازے پر سیوریج کا پانی کیوں پھینکا؟ پی ٹی آئی رکن اسمبلی کے خلاف مقدمہ

کراچی: وزیرِ اعلیٰ ہاؤس سندھ کے دروازے پر سیوریج کا گندا پانی پھینکنا فکس اٹ کو مہنگا پڑ گیا، کراچی پولیس نے تحریک انصاف کے رکن قومی اسمبلی عالمگیر خان کے خلاف مقدمہ درج کر لیا۔

تفصیلات کے مطابق سندھ کے وزیرِ اعلیٰ ہاؤس کے دروازے پر چند دن قبل فکس اِٹ کے کارکنوں نے سیوریج کا پانی پھینکا تھا، جس پر پولیس نے کئی کارکنوں کو گرفتار کر لیا تھا۔

[bs-quote quote=”مسئلے کا حل گرفتاریاں ہیں تو سب سے پہلے گرفتاری دینے کو تیار ہوں، جیل بھرو تحریک شروع کر دیں گے۔” style=”style-7″ align=”left” color=”#dd3333″ author_name=”عالمگیر خان” author_job=”رکن قومی اسمبلی”][/bs-quote]

آج پولیس نے فکس اٹ کے کارکنوں کو ضمانت پر رہا کر دیا، تاہم رکن قومی اسمبلی عالمگیر خان اور ساتھیوں کے خلاف مقدمہ درج کر دیا گیا ہے۔

عالمگیر خان نے کہا کہ اگر مسئلے کا حل گرفتاریاں ہیں تو سب سے پہلے گرفتاری دینے کو تیار ہوں، جیل بھرو تحریک شروع کر دیں گے، شاید اس طرح مسائل حل ہوجائیں۔

خیال رہے کہ چند دن قبل عالمگیر خان نے فکس اٹ کے کارکنوں کے ساتھ مل کر کراچی کی سڑکوں پر موجود گندے پانی کو لے جا کر سی ایم ہاؤس کے باہر پھینک دیا تھا۔

if sewerage dirty water is flowing outside our homes then CM House should also face the same pain and realise responsibility. Our intention was not to disrespect/target any personality, it was a sybolic way to bring this overlooked issue of AamAadmi into mainstream #Fixit

— Alamgir Khan (@AKFixit) February 13, 2019

سماجی رابطوں کی ویب سائٹ ٹویٹر پر عالمگیر نے کہا کہ اس احتجاج کا مقصد سندھ کے نا اہل حکمرانوں کو احساس دلانا ہے کہ کراچی کے لوگ کس گندگی میں زندگی گزار رہے ہیں۔

یہ بھی پڑھیں: کراچی کے لیے 200 ارب کی سفارشات وزیراعظم کو ارسال

عالمگیر خان نے ایک اور ٹویٹ میں کہا کہ اگر سیوریج کا گندا پانی ہمارے گھروں کے باہر بہتا رہتا ہے تو پھر سی ایم ہاؤس کو بھی اسی تکلیف سے گزرنا چاہیے تاکہ وزیرِ اعلیٰ اپنی ذمہ داری کا احساس کر سکیں۔

#Fixit – When injustice becomes law, Resistance becomes duty
عالمگیر خان نے کراچی کی سڑکوں پر موجود گندے پانی کو لے جاکر سی ایم ہاؤس کے باہر پھینک دیا.

اس احتجاج کا مقصد سندھ کے نااہل حکمرانوں کو احساس دلانا ہے کہ کراچی کے لوگ کس گندگی میں زندگی گزار رہے ہیں. pic.twitter.com/thzt9avAW2

— Alamgir Khan (@AKFixit) February 11, 2019

انھوں نے کہا کہ ان کا مقصد کسی شخصیت کی بے عزتی اور اسے نشانہ بنانا نہیں تھا، بلکہ علامتی انداز میں عام آدمی کے اس نظر انداز شدہ مسئلے کو سامنے لانا تھا۔

فروری 13, 2019
سعودی عرب کا دو سال میں 7 ارب ڈالر سرمایہ کاری کا پروگرام ہے: رزاق داؤد

اسلام آباد: مشیرِ تجارت رزاق داؤد نے کہا ہے کہ سعودی عرب سے ولیٔ عہد کے وفد کے ساتھ 20 بڑے سرمایہ کار بھی پاکستان آ رہے ہیں جو مختلف شعبہ جات میں سرمایہ کاری کریں گے۔

تفصیلات کے مطابق اسلام آباد میں پریس کانفرنس کرتے ہوئے مشیرِ تجارت نے کہا کہ سعودی وفد کی آمد کے موقع پر پاکستانی اور سعودی سرمایہ کاروں میں ملاقاتیں کرائی جائیں گی۔

[bs-quote quote=”ایم او یوز پر دستخط کے بعد ٹیکنکل اور فزیبلٹی رپورٹس پر فوری کام شروع کیا جائے گا۔” style=”style-7″ align=”left” color=”#dd3333″ author_name=”ہارون شریف” author_job=”چیئرمین سرمایہ کاری بورڈ”][/bs-quote]

رزاق داؤد نے کہا ’سعودی سرمایہ کار معدنیات اور کان کنی کے شعبوں میں دل چسپی رکھتے ہیں۔‘

انھوں نے بتایا کہ سعودی عرب کا پاکستان میں دو سال میں 7 ارب ڈالر سرمایہ کاری کا پروگرام ہے۔

مشیرِ تجارت کا کہنا تھا کہ سعودی سرمایہ کار پنجاب کے آر ایل این جی شعبے میں سرمایہ کاری چاہتے ہیں، سعودی عرب سے سب سے بڑی سرمایہ کاری آئل ریفائنری میں ہوگی، وہ خوراک اور زراعت کے شعبوں میں 2 ارب ڈالر کی سرمایہ کاری کریں گے۔

پریس کانفرنس سے خطاب کرتے ہوئے چیئرمین سرمایہ کاری بورڈ نے کہا کہ سعودی عرب سے مفاہمتی یادداشتوں (ایم او یوز) پر دستخط کے بعد ٹیکنکل اور فزیبلٹی رپورٹس پر فوری کام شروع کیا جائے گا۔

یہ بھی پڑھیں: وزیراعظم کی کاوشوں سے سعودی عرب پاکستان تعلقات نئے دور میں داخل ہو رہے ہیں: وزیر خارجہ

ہارون شریف کا کہنا تھا کہ سعودی عرب سے توانائی کے شعبے میں 3 بڑے معاہدے ہوں گے، ان معاہدوں سے ٹیکنالوجی کی منتقلی اور صنعتوں کو فروغ ملے گا۔

انویسٹمنٹ بورڈ کے چیئرمین نے کہا ’سعودی عرب کے ساتھ معاشی معاہدوں سے روزگار بڑھے گا، تمام منصوبے کھلے عام بولی کے ذریعے دیے جائیں گے۔‘

فروری 13, 2019
وزیرِ اعظم کا گیس چوری کے خلاف ملک گیر کریک ڈاؤن کا حکم

اسلام آباد: وزیرِ اعظم عمران خان نے گیس بحران کے تناظرمیں گیس چوری کے خلاف ملک گیر کریک ڈاؤن کا حکم جاری کر دیا۔

تفصیلات کے مطابق وزیرِ اعظم عمران خان کی زیرِ صدارت اجلاس منعقد ہوا جس میں گیس کی قلت کی وجوہ کا جائزہ لیا گیا، اجلاس میں وزیرِ اعظم نے گیس کی چوری کے خلاف کریک ڈاؤن کا حکم دے دیا۔

[bs-quote quote=”گیس چوری کی وجہ سے ہونے والے نقصانات کا بوجھ بھی صارفین پر ڈالا جا رہا ہے۔” style=”style-7″ align=”left” color=”#dd3333″ author_name=”وزیرِ اعظم کو بریفنگ”][/bs-quote]

اجلاس میں وزیرِ اعظم عمران خان کو ملک میں گیس فراہمی کی موجودہ صورتِ حال پر بریفنگ دی گئی۔

اجلاس میں فوری طور پر 200 ایم ایم سی ایف ڈی گیس مزید منگوانے کا فیصلہ کیا گیا۔

وزیرِ اعظم کو اجلاس میں گیس کی سپلائی اور ڈیمانڈ میں فرق سے بھی تفصیلی طور پر آگاہ کیا گیا، اجلاس میں اسد عمر، غلام سرور، فواد چوہدری اور دیگر شریک ہوئے۔

سوئی گیس کمپنیوں کے سربراہان اور مشیروں نے بھی اجلاس میں شرکت کی، بریفنگ میں کہا گیا کہ 91 فی صد صارفین کو گیس مد میں 100 فی صد سبسڈی دی جا رہی ہے۔

وزیرِ اعظم کو دی جانے والی بریفنگ میں یہ بھی کہا گیا گیس چوری کی وجہ سے ہونے والے نقصانات کا بوجھ بھی صارفین پر ڈالا جا رہا ہے۔

وزیرِ اعظم کو گیس بلوں میں اضافے کی شکایت پر بھی بریفنگ دی گئی، بریفنگ میں کہا گیا کہ امپورٹڈ گیس کی مہنگی خرید کے معاہدوں کے باعث قیمتوں میں اضافہ ہوا، گیس بلوں میں بارہ سے پینتیس فی صد تک کا اضافہ کیا گیا، بلوں میں اضافے کا بوجھ دس فی صد سے کم صارفین پر ڈالا گیا۔

یہ بھی پڑھیں: تحریک انصاف کا سندھ میں گیس بحران ایک ہفتے میں حل کرنے کا دعویٰ

چند روز قبل وزیراعظم نے گھریلو صارفین کے گیس بلوں میں اضافے کا نوٹس لیتے ہوئے وزیر پیٹرولیم کو فوری طور پر انکوائری کی ہدایت کی تھی اور کہا تھا کہ عوام پرگیس کی قیمتوں کا اضافی بوجھ ڈالنا غیر مناسب ہے۔

یاد رہے سندھ اور بالخصوص کراچی میں گیس کی قلت کے باعث سی این جی اسٹیشنز بند ہیں جب کہ گھروں میں بھی سپلائی فراہم نہیں کی جارہی ہے، گیس کی قلت کے باعث مکین ایل پی جی سلینڈر اور لکڑیوں پر کھانے پکانے پر مجبور ہیں۔

فروری 12, 2019
سعودی عرب میں بھی حج اخراجات میں 35 فی صد اضافہ ہوا: وزیرِ اعظم

اسلام آباد: وزیرِ اعظم عمران خان نے قومی اسمبلی کے اراکین سے ملاقات میں حج اخراجات میں اضافے کو حکومتی مجبوری قرار دے دیا۔

تفصیلات کے مطابق وزیرِ اعظم عمران خان سے راولپنڈی ڈویژن کے ایم این ایز نے ملاقات کی، ذرایع کا کہنا ہے کہ ملاقات میں وزیرِ اعظم نے حج اخراجات میں اضافے کو حکومتی مجبوری قرار دیا۔

[bs-quote quote=”جانتا ہوں حج کے لیے لوگ سارا سال پیسے جمع کرتے ہیں۔” style=”style-7″ align=”left” color=”#dd3333″ author_job=”وزیرِ اعظم”][/bs-quote]

ذرایع نے بتایا کہ ملاقات میں حج سبسڈی، ترقیاتی فنڈز کی فراہمی پر بھی بات چیت ہوئی۔

وزیرِ اعظم عمران خان نے کہا کہ سعودی عرب میں بھی حج اخراجات میں 35 فی صد اضافہ ہوا، جانتا ہوں حج کے لیے لوگ سارا سال پیسے جمع کرتے ہیں، لیکن حکومت کو ہر روز قرضوں پر 6 ارب روپے سود ادا کرنا پڑتا ہے۔

ذرایع کے مطابق وزیرِ اعظم نے ایم این ایز اور ایم پی ایز کو فنڈز کی یقین دہانی کرائی، تاہم انھوں نے کہا کہ مقامی حکومتوں کے فعال ہونے پر ترقیاتی فنڈز نہیں ملیں گے۔

یہ بھی پڑھیں: قومی حج پالیسی 2019 منظور، سبسڈی نہ دینے کا فیصلہ

وفاقی وزیرِ ریلوے شیخ رشید نے ملاقات میں وزیرِ اعظم کو نالہ لئی ایکسپریس وے اور اسپتالوں کے مسائل سے آگاہ کیا، وزیرِ اعظم نے راولپنڈی میں مدر اینڈ چائلڈ اسپتال کے قیام کی منظوری دی۔

خیال رہے کہ حکومت کی جانب سے رواں سال حج پر سبسڈی نہ دینے کے فیصلے کے بعد حاجیوں کے لیے حج اخراجات میں اضافہ ہوا ہے۔

فروری 12, 2019
حکومت آئی ایم ایف کے پاس عوام کی خاطر جا رہی ہے: افتخار درانی

لاہور: وزیرِ اعظم کے معاونِ خصوصی افتخار درانی نے کہا ہے کہ حکومت آئی ایم ایف کے پاس عوام کی خاطر جا رہی ہے۔

تفصیلات کے مطابق افتخار درانی اے آر وائی نیوز کے پروگرام الیونتھ آور میں گفتگو کر رہے تھے، انھوں نے کہا کہ آئی ایم ایف کے پاس عمران خان اپنی ذات کے لیے نہیں جا رہے، حکومت آئی ایم ایف کے پاس عوام کی خاطر جا رہی ہے۔

[bs-quote quote=”عمران خان نے عوام کے لیے کمپرومائز کیا اور آئی ایم ایف کے پاس گئے۔” style=”style-7″ align=”left” color=”#dd3333″ author_job=”افتخار درانی”][/bs-quote]

معاونِ خصوصی نے کہا کہ آئی ایم ایف کے ساتھ جو بھی معاہدہ ہوگا وہ عوام کو بتایا جائے گا۔

افتخار درانی کا کہنا تھا کہ ن لیگ کی حکومت اداروں میں بلین ڈالرز کے خسارے میں چھوڑ کر گئی، ملک کو اس نہج تک پہنچانے میں ماضی کی حکومت کا ہاتھ ہے، اسی لیے حکومت آئی ایم ایف کے پاس جا رہی ہے۔

معاونِ خصوصی نے مزید کہا کہ وزیرِ اعظم عمران خان نے عوام کے لیے کمپرومائز کیا اور آئی ایم ایف کے پاس گئے۔

یہ بھی پڑھیں: آئی ایم ایف پاکستان کو 6 ارب ڈالرفراہم کرنےکیلئے تیار، معاہدہ اپریل میں متوقع

انھوں نے کہا ’ہم نے جو وعدے کیے ہیں انھیں پورا کریں گے، ہم نواز شریف کو جانے نہیں دے رہے، جیل سے بھی نہیں نکلنے دیں گے۔‘

افتخار درانی کا کہنا تھا کہ پنجاب میں پی اے سی کا فیصلہ وزیرِ اعلیٰ عثمان بزدار کے آنے کے بعد ہوگا، چاہے کتنی بھی کوشش کر لیں کسی کو این آر او نہیں دیا جائے گا۔

فروری 12, 2019