Tag: پی ٹی آئی

اسلام آباد : سابق اسپیکرقومی اسمبلی اسد قیصر اور جے یو آئی ف کے سربراہ مولانا فضل الرحمان کے درمیان دو سے تین خفیہ ملاقاتوں کا انکشاف سامنے آیا۔

تفصیلات کے مطابق حکومت مخالف تحریک کیلئے پی ٹی آئی اور جے یو آئی ف کے درمیان رابطے جاری ہیں۔

ذرائع نے بتایا کہ سابق اسپیکرقومی اسمبلی اسد قیصر کی مولانا فضل الرحمان سے دو سے تین خفیہ ملاقاتوں کا انکشاف ہوا ہے۔

ذرائع کا کہنا تھا کہ ملاقاتوں میں اسد قیصر نے مولانا فضل الرحمان کو ساتھ چلنے کی دعوت دی، بانی پی ٹی آئی کی خصوصی ہدایت پر اسد قیصر نے مولانا فضل الرحمان سے ملاقات بھی کی۔

اسد قیصر اور مولانا فضل الرحمان کے درمیان ملاقات کو آف دی ریکارڈ رکھا گیا جبکہ پی ٹی آئی اور اور اپوزیشن رہنماؤں کی فضل الرحمان سے آن ریکارڈ ملاقات بھی شیڈول ہیں

آئندہ 3سے 4روز میں پی ٹی آئی ،اپوزیشن وفد فضل الرحمان سے انکی رہائشگاہ پر ملےگا، ملاقات میں حکومت مخالف تحریک کا ایجنڈا اور مل کر تحریک چلانے پر غور ہوگا۔

حکومت مخالف تحریک پی ٹی آئی پلیٹ فارم گرینڈ الائنس یا نئے پلیٹ فارم سے چلانے کا فیصلہ کیا جائے گا، پی ٹی آئی اور جے یوآئی کے درمیان مختلف تجاویز پر اتفاق رائے بھی قائم ہوچکا ہے۔

چیئرمین پی ٹی آئی بیرسٹر گوہر کہتے ہیں کہ مولانا فضل الرحمان کےساتھ گفتگوجاری ہےامیدہےمولانافضل الرحمان جلد ہمارے اتحاد کاحصہ بن جائیں گے۔

اسلام آباد: سنی اتحاد کونسل کے سربراہ صاحبزادہ حامد رضا نے پی ٹی آئی کو پھر اسمبلیوں سے استعفے دینے اور سڑکوں پرآنے کا مشورہ دے دیا۔

تفصیلات کے مطابق سنی اتحاد کونسل کے سربراہ صاحبزادہ حامد رضا نے پی ٹی آئی کوپھراسمبلیوں سے استعفے دینے کا مشورہ دے دیا۔

حامد رضا نے کہا کہ پی ٹی آئی قیادت کو اسمبلیوں سے استعفے اور سڑکوں پر آنے پر غور کرنے کی ضرورت ہے۔

سنی اتحاد کونسل کے سربراہ کا کہنا تھا کہ آنے والے ہفتوں میں بانی پی ٹی آئی کوانصاف نہ ملاتوہم اسمبلیوں میں نہیں بیٹھیں گے، میں بانی پی ٹی آئی کے لیے قومی اسمبلی سے مستعفی ہونے والا پہلا شخص ہوں گا۔

یاد رہے سربراہ سنی اتحاد کونسل کے سربراہ حامد رضا نے اے آر وائی نیوز کے پروگرام اعتراض ہے میں گفتگو کرتے ہوئے کہا پی اےسی کےعہدے کےلیے میں نے کوئی مطالبہ نہیں کیا اور نہ میں نے کسی کمیٹی کے ممبر بننے کے لیے اپنا نام دیا۔

صاحبزادہ حامدرضا کا کہنا تھا کہ اسپیکر سے بھی میں نےاپنے عہدے کےلیے کوئی بات نہیں کی، اگر مجھے پی اےسی کا عہدہ چاہیے ہو تو خود بانی پی ٹی آئی سےمانگ سکتا ہوں، بانی پی ٹی آئی سے چیئرمین پی اےسی کا عہدہ مانگتا تو وہ انکار نہ کرتے۔

حکومت کی جانب سے مذکرات کی پیشکش پر سربراہ سنی اتحاد کونسل نے کہا کہ میں مذاکرات کا حامی نہیں ہوں، کارکنان جیلوں میں ، لوگوں کی چادرچاردیواری کاتقدس مذاکرات کیلئےپامال نہیں ہوا، پی ٹی آئی کے کارکنوں نے مذاکرات کےلیے اپنی جانیں قربان نہیں کیں، پی ٹی آئی کا موقف اتنا مضبوط ہے اس لیے حکومت مذاکرات کی بات کرتی ہے۔

کراچی : پاکستان تحریک انصاف (پی ٹی آئی) کو کراچی میں باغ جناح میں جلسے کی اجازت نہ مل سکی۔

تفصیلات کے مطابق کراچی میں انتظامیہ نے پی ٹی آئی کو باغ جناح میں جلسے کی اجازت دینے سے انکار کردیا۔

ذرائع نے کہا کہ 28 اپریل کے جلسے کی اجازت سے انکار پولیس رپورٹ کی روشنی میں کیا گیا۔

پولیس نے ڈپٹی کمشنر کو رپورٹ میں کہا کہ شہرمیں دہشت گردی کی واردات ہوچکی ہے ، دہشت گردی کے مزیدالرٹس ہیں، عوامی اجتماعات کی اجازت نہ دی جائے، پولیس کی ڈپٹی کمشنرکورپورٹ

پاکستان تحریک انصاف نے 28 اپریل کوباغ جناح میں جلسے کی اجازت کیلئے درخواست دی تھی۔

سندھ ہائیکورٹ میں جلسے کی اجازت کیلئے پاکستان تحریک انصاف کی درخواست پر آج سماعت بھی ہوگی۔

اسلام آباد : پی ٹی آئی نے چیئرمین اور ڈپٹی چیئرمین سینیٹ کا انتخاب ہائیکورٹ میں چیلنج کردیا، جس میں انتخاب روکنے کی استدعا کی گئی ہے۔

تفصیلات کے مطابق پی ٹی آئی کے5سینیٹرزنےچیئرمین،ڈپٹی چیئرمین سینیٹ کےانتخاب کیخلاف درخواست دائرکردی۔

جس میں مؤقف اختیار کیا گیا کہ کے پی سینیٹ نشستوں کے انتخاب تک چیئرمین اور ڈپٹی چیئرمین سینیٹ کاانتخاب روکاجائے۔

پی ٹی آئی کی چیئرمین اورڈپٹی چیئرمین کے انتخاب کیخلاف آئینی درخواست پر اعتراض عائد کردیا گیا، اسلام آبادہائیکورٹ کےرجسٹرارآفس نےپی ٹی آئی سینیٹرزکی درخواست پراعتراض عائد کیا۔

اعتراض میں کہا گیا کہ کےپی کی سینیٹ نشستوں کاکیس پشاورہائیکورٹ میں زیرسماعت ہے، کے پی سینیٹ نشستوں کےالیکشن کیلئے پشاورہائیکورٹ سے ہی رجوع کیا جائے۔

ڈپٹی کمشنراسلام آباد کی جانب سے پاکستان تحریک انصاف کو جلسے کی اجازت دینے سے انکار کردیا گیا۔

پی ٹی آئی کے ریجنل صدر عامر مسعود مغل نے جلسے کی درخواست دی تھی، تاہم ڈپٹی کمشنراسلام آباد نے تحریک انصاف کو 30 مارچ کو جلسے کی اجازت دینے سے انکار کردیا۔

اسلام آباد ہائیکورٹ نے درخواست پر ڈی سی اسلام آباد کو فیصلہ کرنے کا حکم دیا تھا۔ ڈپٹی کمشنر اسلام آباد نے امن و امان کی صورتحال کو جواز بناکر درخواست مسترد کی۔

ضلعی انتظامیہ کا اس حوالے سے کہنا ہے کہ ڈی چوک سمیت کسی بھی جگہ احتجاج کی اجازت نہیں دی جاسکتی۔