کراچی: پی آئی اے ملازمین کے خلاف انضباطی کارروائیوں کا سلسلہ جاری ہے ،پی آئی اے ملازمین کی احتجاجی تحریک میں فعال ملازمین کی برطرفی کا سلسلہ شروع کردیا گیا ۔
ذرائع کے مطابق شوکاز نوٹسز کے بعد6انجینئرز اور ملازمین کی برطرفی کے خطوط ارسال کردیے گئے،برطرف کیے جانے والے ملازمین کا تعلق شعبہ انجینئرنگ سے ہے، برطرف کیے جانے والوں میں اسسٹنٹ انجینئرز شعیب نور، امجدانصاری شامل ہیں، ٹرینی انجینئرز شعیب سلیم، اسد مفتی، نعیم اقبال اور سینئرٹیکنیشن راوٴ نعیم بھی برطرف ہونے والوں میں شامل ہیں۔
ذرائع کے مطابق برطرف ملازمین نے جاری کردہ شوکاز نوٹس کا جواب بھی نہیں دیا تھا۔ ملازمین کے خلاف کارروائی پی آئی اے رولز اور لازمی سروسز ایکٹ کے تحت کی گئی۔ مزید درجنوں ملازمین کی برطرفی کے خطوط پر کارروائی جاری ہے۔
