Tag: پی آئی اے فلائٹ آپریشن

کراچی : قومی ایئرلائن (پی آئی اے ) کا اندرون وبیرون ملک آپریشن 90 فیصد بحال ہوگیا، پی آئی اے آج 61 پروازیں آپریٹ کرے گی، جس مین بیشتر تعداد بین الاقوامی فلائٹس کی ہے۔

تفصیلات کے مطابق قومی ایئرلائن (پی آئی اے ) کا متاثرہ فلائٹ آپریشن ایندھن کی فراہمی کے بعد بحالی کی طرف گامزن ہے ، پی آئی اے کی آج 61 پروازیں آپریٹ کی جا رہی ہیں۔

ترجمان نے بتایا کہ پی آئی اے کا اندرون و بیرون ملک آپریشن90فیصد بحال ہواہے، بدھ کو 51 پروازوں کے ذریعے مسافروں کی آمد وروانگی ہوئی تھی، پروازوں میں بیشتر تعداد بین الاقوامی فلائٹس تھی۔

ترجمان پی آئی اے کے مطابق چھوٹے سیکٹرکی پروازوں کی روانگی بھی ممکن بنائی گئی ہے۔

گذشتہ روز پی آئی اے مجموعی طور پر اندرون و بیرون ملک 51 پروازیں آپریٹ کی گئیں، ترجمان کے مطابق اندرون ملک کے دورافتادہ مقامات گلگت،اسکردو اور کراچی سے کوئٹہ کی پروازیں بھی آپریٹ کی گئی جبکہ پی آئی اے کی کراچی کوئٹہ پروازیں 8 دن بعد بحال ہوئیں تاہم کچھ پروازیں منسوخ کردی گئیں تھیں۔

کراچی : پی آئی اے آج اندرون و بیرون ملک پینتالیس پروازیں آپریٹ کرے گا ، فلائٹ شیڈول میں بہتری کے بعد آج کم فلائٹس منسوخ کی گئیں ہیں۔

تفصیلات کے مطابق پی آئی اے فلائٹ آپریشن جزوی طور پر بحالی کی طرف گامزن ہے، ۔ پی آئی اے آج اندرون و بیرون ملک پینتالیس پروازیں آپریٹ کرے گا، جن میں جدہ، مدینہ، بحرین، دبئی، کوالالمپور کی پروازیں شیڈول ہیں جبکہ پی آئی اے اسلام آباد گلگت اسکردو کے درمیان 6 پروازیں آپریٹ کی جارہی ہے۔

لائٹ شیڈول میں بہتری کے بعد آج کم فلائٹس منسوخ کی گئیں، ترجمان نے منسوخ ہونے والی پروازوں سے متعلق بتایا کہ کراچی اسلام آبادکی4 پروازیں 368، 308، 309، 369، دمام 242 ، کراچی لاہور 304، 305، ملتان 331، دبئی 214 ،سکھر 536 ،537 اور اسلام آباد سکھر کی پروازیں پی کے 631، 632، القسیم 167، دبئی 233 منسوخ کی گئیں ہیں۔

اس کے علاوہ اسلام آباد ابوظہبی کی پروازپی کے 161 اور جدہ پی کے841 ، پشاوردبئی کی پروازیں پی کے 283، 284، شارجہ 257، 258،ابوظہبی217،118، سیالکوٹ دمام کی پروازیں پی کے 243 کویت سٹی 240 اور شارجہ210 اور ملتان دبئی کی پروازیں پی کے 221، 222 اور القسیم 170 منسوخ شیڈول میں شامل ہیں۔

ترجمان کا کہنا تھا کہ اندرون ملک آپریشن بھی بحال ہونا شروع ہوگیا ہے، ایندھن کی صورتحال میں مزید بہتری کے باعث آپریشن معمول پر آجائےگا۔

کراچی : قومی ایئرلائن (پی آئی اے) کا فلائٹ آپریشن آج بھی متاثر ہے، جس کے باعث پی آئی اے کی ڈومیسٹک اور بین الاقوامی پروازیں کئی گھنٹے تاخیر کا شکار ہے۔

تفصیلات کے مطابق پاکستان اسٹیٹ آئل سے کامیاب مذاکرات کے باوجود پی آئی اے کو تاحال بروقت ایندھن فراہمی ممکن نہیں ہوسکی، جس کے باعث پی آئی اے کا فلائٹ آپریشن آج بھی متاثر ہے۔

پی آئی اے کی ڈومیسٹک اور بین الاقوامی پروازیں کئی گھنٹے تاخیر کا شکار ہے، ،پی آئی اے کی کراچی سے تربت جانے والی صبح 7 بجے کی پرواز پی کے 501 تاحال روانہ نہ ہوسکی۔

ایندھن فراہمی میں تاخیر سے تربت کی پرواز 6 گھنٹے تاخیر سے دوپہر ایک بجے شیڈول کردی گئی ہے۔

پی آئی اے کی کراچی سے اسلام آباد جانے والی صبح 7 بجے کی پرواز ساڑھے 3 گھنٹے اور کراچی سے لاہور کی پرواز پی کے 302 ساڑھے چار گھنٹے تاخیر کا شکار ہے۔

پی آئی اے کی اسلام آباد سے دبئی کی پروازیں بھی کئی گھنٹے تاخیر کا شکار ہے، پی آئی اے کی اسلام آباد سے گلگت کی پروازوں کو بھی وقت پر ایندھن فراہمی نہ ہونے سے کئی گھنٹے تاخیر کا شکار ہے۔

پی آئی اے کی لاہور سے جدہ کی صبح 7 بجے کی پرواز پی کے 849 بھی تاخیر سے 12 بجے شیڈول کردی گئی ،ذرائع پی آئی اے نے بتایا کہ کوئٹہ، پشاور، ملتان، سیالکوٹ ائرپورٹ پر بھی قومی ایرلائن کی پروازیں کئی گھنٹے تاخیر کا شکار ہیں۔

خیال رہے پی آئی اے کو پاکستان اسٹیٹ آئل کو فوری طور پر پینسٹھ کروڑ روپے ادا کرنے ہیں، لیکن حکومت کی طرف سے اسے کوئی مالی مدد فراہم نہیں کی جا رہی۔