Tag: پی آئی اے ملازمین

کراچی: پی آئی اے کے ملازمین نے قومی ایئرلائن کی نجکاری اور آؤٹ سورسنگ کے خلاف احتجاجی مظاہرہ کیا اور کہا پی آئی اے قومی ادارہ ہے اسے اونے پونے بیچنے نہیں دیں دے۔

تفصیلات کے مطابق پی آئی اے کی نجکاری اور فلائٹ کچن کو ٹھیکے پر دینے کے خلاف ملازمین سڑکوں پر آگئے۔

سی بی اے یونین نے احتجاج کیا اور ملازمین نے پی آئی اے کی نجکاری پر حکام کے خلاف شدید نعرے بازی کی، ملازمین کا کہنا ہے کہ پی آئی اے قومی ادارہ ہے اسے اونے پونے بیچنے نہیں دیں دے۔

سی بی اے یونین پیپلز یونٹی کے صدر ہدایت اللہ خان کا کہنا تھا کہ پی آئی اے کو ٹکڑوں میں بیچنے کی سازش ہو رہی ہے۔

اسلام آباد فلائٹ کچن کی آؤٹ سورسنگ سے متعلق انہوں نے مزید کہا کہ فلائٹ کچن کے موجودہ اخراجات 600 ملین روپے ہیں اور انتظامیہ آؤٹ سورس کرنے کی کوشش کر رہی ہے۔ یہ 1.80 بلین روپے ہے۔

ہدایت اللہ خان نے پی آئی اے کے بااثر افراد بشمول فواد حسن فواد اور سی ای او پی آئی اے حکام پر نجکاری اور آؤٹ سورسنگ کا الزام لگایا۔

کراچی: مالی بحران کے باعث پی آئی اے ملازمین کو ماہ نومبر کی تنخواہ ادا نہیں کی جاسکیں، جس سے دس ہزار سے زائد ملازمین کو پریشانی کا سامنا ہے۔

تفصیلات کے مطابق پی آئی اے کا مالی بحران شدت اختیار کر گیا اور فنڈز نہ ہونے سے ملازمین تنخواہوں سے محروم ہوگئے ہیں۔

ملک بھر میں پی آئی اے ملازمین کو ماہ نومبر کی تنخواہ ادا نہیں کی جاسکیں، تنخواہیں نہ ملنے سے دس ہزار سے زائد ملازمین کو پریشانی کا سامنا ہے۔

پی آئی اے حکام کو ملازمین کی تنخواہوں کی مد میں تین ارب دینا مشکل ہو گیا، لاہور ،کراچی ،اسلام آباد سمیت ملک دیگر اسٹیشن پر تنخواہوں کی عدم ادائیگی کے باعث افسران، پائلٹس، کریو، ائیرہوسٹس، ٹیکنیکل اسٹاف، گراونڈ اسٹاف اور ڈیلی ویجز کے ملازمین پریشان ہیں۔

کراچی : سی ای او پی آئی اے عامرحیات نے ڈیوٹی ٹائمنگ میں ملازمین کے دفاتر سے غیر حاضر ہونے کا نوٹس لیتے ہوئے کہا کہ ایسے ملازمین غیر قانونی سرگرمیوں میں ملوث پائے گئے۔

تفصیلات کے مطابق قومی ائیر لائن کے سی ای او نے ملازمین کی ڈیوٹی ٹائمنگ میں غیرقانونی سرگرمیوں کا نوٹس لیتے ہوئے تمام متعلقہ شعبوں کے چیفس اورجی ایمزسے 5ستمبر تک رپورٹ طلب کرلی۔

سی ای او پی آئی اے عامرحیات نے تمام شعبوں کےسربراہان کوخط لکھ دیا ، جس میں کہا ہے کہ مشاہدےمیں آیاملازمین ڈیوٹی ٹائمنگ میں دفاتر سے غیر حاضر ہوتے ہیں، پی آئی اے کے مستقل اورکنٹریکٹ ملازمین بغیراجازت دفاترسےغائب رہتے ہیں۔

خط میں کہا گیا کہ ایسے ملازمین غیرقانونی سرگرمیوں میں ملوث پائے گئے اور ایسے ملازمین کمپنی ضابطہ اخلاق کی خلاف ورزی کررہےہیں۔

سی ای او کا کہنا تھا کہ ملازمین کا طرز عمل ادارےکی بدنامی کاباعث بن رہاہے، یہ پاکستان انٹرنیشنل ایئرلائن کےقوانین اورپالسیوں کی خلاف ورزی ہے، تمام شعبوں کےانچارج ایسے ملازمین کی نشاندہی کرکے5ستمبر تک رپورٹ دیں۔

عامرحیات نے خبردار کیا کہ ناکامی کی صورت میں متعلقہ شعبوں کےسربراہان ذمہ دار ہوں گے۔