Tag: پی آئی اے کا فلائٹ آپریشن

کراچی : قومی ایئر لائن (پی آئی اے) کو فیول کی فراہمی بند ہونے کے باعث آج آپریٹ ہونے والی 14 پروازیں منسوخ کردی گئیں ، معاملہ حل نہ ہوا تو پی آئی اے کا فلائٹ آپریشن مکمل بند ہونے کا خدشہ ہے۔

تفصیلات کے مطابق قومی ایئر لائن (پی آئی اے) اور پی ایس اوتنازعہ شدت اختیارکرگیا، جس کے باعث پی آئی اے کی پروازیں بری طرح متاثر ہے اور فلائٹ آپریشن بند ہونے کا خدشہ ہے۔

ایئرلائن ذرائع نے بتایا ہے کہ واجبات عدم ادائیگی پرملتان ، سکھر،گلگت ایئرپورٹ پر پی آئی اےکوفیول کی فراہمی بند ہے، جس کے باعث پی آئی اے نے آج آپریٹ ہونے والی 14 پروازیں منسوخ کردیں۔

ذرائع کا کہنا تھا کہ پی آئی اے ترجمان نے پروازیں منسوخ کرنےکی تصدیق کردی اور بتایا کہ ملتان سے کراچی، ملتان سے اسلام آباد، گلگت سے اسلام آباد کی دو طرفہ پروازیں ، اسلام آبادسےسکھرکی بھی دوطرفہ پروازوں کو منسوخ کیا گیا۔

ذرائع نے کہا کہ پی آئی اے نے پی ایس اوکوشیڈول کےمطابق 65کروڑ روپےاداکرنےہیں، پی آئی اے انتظامیہ نے مالی بحران سے نکلنے کیلئے حکومت سے مدد مانگی ہے۔

ذرائع کے مطابق پی آئی اے کی پروازوں میں منسوخی سے مسافروں کو شدید پریشانی کا سامنا ہے، پی آئی اے کی پروازیں نہ چلنے سے نجی ایئرلائنز نے اندرون ملک کرایوں میں کئی گنا اضافہ کر دیا ہے۔

ایئرلائن ذرائع کا کہنا ہے کہ پی ایس اوسے معاملہ حل نہ ہوا تو پی آئی اے کا فلائٹ آپریشن مکمل بند ہونے کا خدشہ ہے، پی آئی اےکوفوری طورپر7ارب روپے کی ضرورت ہے، پی آئی اے نے وزارت ہوا بازی کو متعدد خطوط لکھے ہیں مگر کوئی شنوائی نہیں ہوئی۔

کراچی : پی آئی اے کی اندورن وبیرون ملک جانیوالی پروازوں کا کئی کئی گھنٹےتاخیر سے روانہ ہونا معمول بن گیا، جس کے باعث مسافروں کو مشکلات کا سامنا ہیں۔

تفصیلات کے مطابق طیاروں کی کمی کے باعث پی آئی اے کا فلائٹ آپریشن شدید بدنظمی کا شکار ہے ، اندورن وبیرون ملک جانیوالی پروازوں کا کئی کئی گھنٹےتاخیر سے روانہ ہونا معمول بن گیا۔

کراچی، لاہور، اسلام آباداور ملتان سے بیرون ملک جانے اور آنیوالی پروازیں کئی گھنٹے تاخیرکاشکار ہے ، ذرائع کا کہنا ہے کہ لاہور سے مدینہ جانے والی پرواز پی کے 747چار گھنٹے تاخیر کا شکار ہے ، پرواز دوپہر 3 بجے لاہور سے مدینہ روانہ ہو گی۔

ذرائع نے بتایا کہ ریاض سے لاہور آنے والی پرواز پی کے 726 چار گھنٹے ، مدینہ سےلاہور آنے والی پرواز پی کے 714 ساڑھے تین گھنٹے اور دبئی سے آنے والی پرواز پی کے 204 ایک گھنٹہ تاخیر کا شکار ہے۔

اسی طرح شارجہ سے لاہور آنے والی پرواز پی کے 186 ڈھائی گھنٹے ، لاہور سے جدہ جانے والی پرواز پی کے 839 ، لاہور سے کراچی جانے والی پرواز پی کے 307 بھی دو گھنٹے تاخیر کا شکار ہے۔

کراچی سے جدہ جانیوالی پی آئی اے کی پی کے731آٹھ گھنٹے تاخیر کا شکار ہے ، پرواز نے صبح 8 بجے روانہ ہونا تھا تاہم اب شام 4 بجے روانگی متوقع ہے۔

ایئرپورٹ ذرائع کے مطابق مدینہ سے ملتان آنیوالی پرواز بھی کئی گھنٹے تاخیر کا شکاررہی جبکہ دبئی سے کراچی آنیوالی پرواز پی کے214چار گھنٹے تاخیر کا شکار ہے، کراچی سےدبئی جانیوالی پرواز کا شیڈول تبدیل کردیا گیا ، پرواز کی شام 4 کے بجائے ساڑھے5بجے روانگی متوقع ہے۔