راولپنڈی: لاہور ہائیکورٹ راولپنڈی بینچ نے قومی ایئر لائن (پی آئی اے) کی نجکاری کے خلاف درخواست مسترد کردی۔

تفصیلات کے مطابق لاہور ہائیکورٹ راولپنڈی بینچ نے قومی ایئر لائن (پی آئی اے) کی نجکاری کے خلاف دائر درخواست پر تحریری فیصلہ جاری کردیا۔

تحریری فیصلے میں کہا گیا ہے کہ پی آئی اے کی نجکاری کا عمل قانون کے مطابق انجام دیا گیا ہے اور اس میں کسی قسم کی بے ضابطگی یا غیر شفافیت ثابت نہیں ہوئی۔

عدالت کے مطابق نجکاری کمیشن آرڈیننس 2000 کی دفعات 23 اور 24 کے تحت کوئی خلاف ورزی سامنے نہیں آئی۔

فیصلے میں مزید کہا گیا کہ درخواست گزار نے نجکاری عمل میں بے ضابطگیوں اور غیر شفافیت کے الزامات لگائے تھے تاہم ان الزامات کو ثابت کرنے کے لیے کوئی ٹھوس شواہد پیش نہیں کیے گئے۔

عدالت نے قرار دیا کہ نجکاری کا عمل آئین کے آرٹیکل 173 اور نجکاری کمیشن آرڈیننس 2000 کے مطابق مکمل کیا گیا۔ حکومت کے پاس قومی ایئرلائن کے 96 فیصد حصص ہیں اور مالی بحران سے نکالنے کے لیے پی آئی اے کی مسابقتی فروخت ناگزیر ہے۔

فیصلے میں کہا گیا نجکاری کمیشن نے اپنے فرائض قانون کے مطابق انجام دیے ہیں جبکہ عدلیہ معاشی پالیسی میں مداخلت کا اختیار نہیں رکھتی۔

عدالت کا کہنا تھا کہ اس نے صرف یہ دیکھنا ہوتا ہے کہ نجکاری کا عمل شفاف اور آئینی تقاضوں کے مطابق ہے یا نہیں، اور کیس میں یہ تقاضے پورے کیے گئے ہیں۔

فیصلے میں مزید کہا گیا کہ پی آئی اے کی نجکاری منصفانہ، شفاف اور قانونی تقاضوں کے مطابق ہے۔

سماعت کے دوران نجکاری کمیشن کی جانب سے بیرسٹر منال طارق عدالت میں پیش ہوئیں۔

کراچی : بولی دینے والی ایک کمپنی آج سے قومی ایئرلائن (پی آئی اے) ہیڈ آفس کا دورہ کرکے طیاروں کامعائنہ کرے گی۔

تفصیلات کے مطابق پی آئی اے کی نجکاری کے عمل میں مزید پیشرفت سامنے آئی ہے، جہاں نجکاری میں شامل چار کمپنیوں کے نمائندے کراچی میں واقع پی آئی اے ہیڈ آفس اور اہم تنصیبات کے دورے کر رہے ہیں۔

ذرائع نے بتایا کہ آج سے ایئر بلو کنسورشیم کے حکام نے پی آئی اے ہیڈ آفس اور اصفہانی ہینگر کا دورہ شروع کر دیا ہے، جہاں وہ طیاروں کا معائنہ کر رہے ہیں۔ اس کے ساتھ ساتھ ایئر بلو کنسورشیم کو اہم ریکارڈ تک رسائی بھی دی جا رہی ہے۔

ایئر بلو کنسورشیم کے حکام کل بھی پی آئی اے کی دیگر اہم تنصیبات کا دورہ کریں گے تاکہ ادارے کی موجودہ صورتحال اور اثاثوں کا تفصیلی جائزہ لیا جا سکے۔

مزید پڑھیں : پی آئی اے نجکاری کا نیا پلان ! خریدار پارٹی کو کتنے ارب کی سرمایہ کاری کرنا ہوگی؟

ذرائع کے مطابق آئندہ ہفتے فوجی فرٹیلائزرز اور لکی کنسورشیم کے حکام کو بھی قومی ایئرلائن کی اہم تنصیبات کا دورہ کرایا جائے گا، جو نجکاری کے اگلے مراحل کی تیاری کا حصہ ہے۔

واضح رہے کہ حکومت کی جانب سے قومی ایئرلائن کی نجکاری کا عمل تیزی سے آگے بڑھایا جا رہا ہے، جس کا مقصد قومی ایئر لائن کو خسارے سے نکال کر ایک مستحکم اور فعال ادارہ بنانا ہے۔

کراچی : قومی ایئرلائن (پی آئی اے) کی نجکاری کے لیے شارٹ لسٹ چاروں کنسورشیم کو آئندہ ہفتے پی آئی اے کے دورے کرائے جائیں گے۔

تفصیلات کے مطابق حکومت کی جانب سے قومی ایئرلائن کی نجکاری کے عمل میں مزید تیزی آگئی ، ذرائع نے کہا کہ شارٹ لسٹ چاروں کنسورشیم کو آئندہ ہفتے پی آئی اے کے دورے کرائے جائیں گے۔

ذرائع کا کہنا تھا کہ نجکاری میں دلچسپی رکھنے والے کنسورشیم کو پی آئی اے ہیڈ کوارٹر کراچی میں بریفنگ دی جائے گی۔

کنسورشیم حکام کو ملازمین،آمدنی ،طیاروں ،ڈومیسٹک ،انٹرنیشنل روٹس پربریفنگ دی جائے گئی۔

قومی ایئرلائن پی آئی اے کے اعلیٰ حکام کو مکمل تیاری رکھنے کی ہدایت کردی گئی ، بولی سےقبل 4سرمایہ کاری گروپس کوپی آئی اے کے آفیشل ریکارڈ تک رسائی دی جائے گی۔

ذرائع کے مطابق چاروں سرمایہ کاری گروپس کوپی آئی اے کابزنس پلان دیکھ کر بولی لگانے میں مدد ملے گی۔

مزید پڑھیں : نجکاری کمیشن بورڈ نے پی آئی اے کے لیے 4 سرمایہ کاروں کو پری کوالیفائی کرلیا

یاد رہے نجکاری کمیشن بورڈ نے پی آئی اے کے لیے 4 سرمایہ کاروں کو پری کوالیفائی کیا تھا۔

نجکاری کمیشن کی جانب سے جاری کردہ اعلامیے کے مطابق مکمل جانچ پڑتال کے بعد 4 سرمایہ کار کمپنیوں کو پہلے سے اہل قرار دیا گیا ہے، پہلے سے کنسورشیم میں لکی سیمنٹ لمیٹڈ، حب پاور ہولڈنگز لمیٹڈ ، کوہاٹ سیمنٹ کمپنی لمیٹڈ اور میٹرو وینچرز لمیٹڈ بھی کنسورشیم میں شامل ہیں۔

دوسرے کنسورشیم میں عارف حبیب کارپوریشن لمیٹڈ، فاطمہ فرٹیلائئزر کمپنی شامل ہے، سٹی اسکولز لمیٹڈ اور لیک سٹی ہولڈنز بھی دوسرے کنسورشیم میں شامل ہیں۔

تیسرے کنسورشیم میں فوجی فرٹیلائزر اور چوتھے میں ایئربلیو شامل ہے، کوالیفائی کرنے والے کنسورشیم اب ڈیوڈیلیجنس مرحلے کی طرف بڑھیں گی۔

کراچی : قومی ایئرلائن (پی آئی اے) کی نجکاری کا عمل نومبر تک مکمل ہونے کا امکان ہے، 50 سے 100 فیصد شیئرز فروخت کرنے کا ارادہ رکھتی ہے۔

تفصیلات کے مطابق قومی ایئرلائن (پی آئی اے) کی نجکاری کا عمل نومبر تک مکمل کرلیا جائے گا۔

ذرائع نے کہا کہ حکومت پی آئی اے کے 50 سے 100 فیصد شیئرزفروخت کرنے کا ارادہ رکھتی ہے، ملکی اور غیر ملکی سرمایہ کاری گروپس نے پی آئی اے کی خریداری میں دلچسپی ظاہر کی۔

یاد رہے قومی ایئرلائن (پی آئی اے) کی نجکاری میں اظہار دلچسپی کی درخواستوں میں پندرہ دن کی توسیع کر دی گئی ہے۔

اعلامیہ میں کہا گیا تھا کہ پی آئی اے کی نجکاری کے لیے درخواست اب 3 جون کے بجائے انیس جون تک طلب کی جائیں گی، عید الاضحی کی چھٹیوں کی وجہ سے اظہار دلچسپی جمع کرانے والوں کو مشکلات کا سامنا تھا۔

اظہار دلچسپی جمع کرانے کی تاریخ میں پندرہ دن کی توسیع سرمایہ کاروں کی سہولت کے لیے ہے۔

ذرائع کا کہنا تھا کہ نجکاری میں کوئی صوبائی حکومت حصہ نہیں لے سکتی اور نہ ہی کسی ملک کی حکومت کے ساتھ بات چیت ہو رہی ہے، نجکاری کے لیے مڈل ایسٹ میں روڈشوز بھی کیا جائے گا۔

اسلام آباد : قومی ایئرلائن (پی آئی اے) کی نجکاری میں اظہار دلچسپی کی درخواستیں جمع کرانے میں 2 ہفتے کی توسیع کردی۔

تفصیلات کے مطابق قومی ایئرلائن (پی آئی اے) کی نجکاری میں اظہار دلچسپی کی درخواستوں میں پندرہ دن کی توسیع کر دی گئی۔

اعلامیہ میں کہا گیا پی آئی اے کی نجکاری کے لیے درخواست اب 3 جون کے بجائے انیس جون تک طلب کی جائیں گی، عیدالاضحی کی چھٹیوں کی وجہ سے اظہار دلچسپی جمع کرانے والوں کو مشکلات کا سامنا تھا۔

اظہار دلچسپی جمع کرانے کی تاریخ میں پندرہ دن کی توسیع سرمایہ کاروں کی سہولت کے لیے ہے۔

ذرائع کا کہنا ہے نجکاری میں کوئی صوبائی حکومت حصہ نہیں لے سکتی اور نہ ہی کسی ملک کی حکومت کے ساتھ بات چیت ہو رہی ہے، نجکاری کے لیے مڈل ایسٹ میں روڈشوز بھی کیا جائے گا۔

مزید پڑھیں : پی آئی اے کی نجکاری کی دوسری بار کوششیں تیز

ذرائع نے کہا کہ نجکاری ایئرلائن اور معیشت دونوں کے لیے بہتر ہے، نجکاری سے قبل لندن کا روٹ بحال کیا جائے گا۔

ذرائع کے مطابق قومی ایئرلائن میں اب پہلے سے زیادہ منافع کی گنجائش ہے اور کئی ماہ سے مسلسل منافع میں ہے جبکہ اس وقت انجن، مرمت اور جہازوں کی ادائیگی خود کررہا ہے۔

ذرائع کا مزید کہنا تھا کہ ایئرلائن خریدنے والوں کو اسی فیصد سے زیادہ حصص بھی دے سکتے ہیں۔

کراچی : قومی ایئر لائن (پی آئی اے) کی نجکاری کے لئے سرمایہ کاروں کو درخواست 3 جون تک نجکاری کمیشن کو ارسال کرنے کی ہدایت کردی۔

تفصیلات کے مطابق قومی ایئر لائن (پی آئی اے) کی نجکاری کی دوسری بار کوششیں تیز کردی گئیں، ذرائع نے بتایا کہ نجکاری کمیشن نے کراچی کےنجی ہوٹل میں سرمایہ کاروں کو بریفنگ دی۔

ذرائع کا کہنا تھا کہ اسلام آباد، لاہور کے بعد کراچی میں سرمایہ کاروں کو روڈ شو میں بریفنگ دی گئی جبکہ روٹس، اثاثہ جات، ملازمین اور آمدنی سمیت دیگر اہم امور پر بھی بریفنگ دی۔

قومی ایئر لائن کی نجکاری کے لئے درخواست 3 جون تک نجکاری کمیشن کو ارسال کرنے کی ہدایت کردی۔

مزید پڑھیں : آئی ایم ایف کا پی آئی اے سمیت سرکاری اداروں کی نجکاری تیز کرنے پر زور

گذشتہ روز آئی ایم ایف نے سرکاری اداروں کی نجکاری تیز کرنے پر زور دیا تھا، مذاکرات کے دوران بریفنگ میں بتایا تھا کہ رائٹ سائزنگ کا عمل دسمبر 2025 تک مکمل کر لیا جائے گا۔

حکام کا کہنا تھا کہ قومی ایئر لائن کی نجکاری رواں سال مکمل ہونے کی امید ہے، قومی ایئر لائن کی نجکاری کی راہ میں حائل رکاوٹیں دورکر دیں۔

بریفنگ میں کہا گیا تھا کہ ٹیکس واجبات، منفی ایکویٹی سے متعلق سرمایہ کاروں کے تحفظات دور کردیئے ہیں ، یورپی یونین کی جانب سے قومی ایئر لائن کی فلائٹس پر پابندی کا خاتمہ شامل ہیں۔

اسلام آباد : مشیر نجکاری محمد علی نے کہا پی آئی اے کی نجکاری رواں سال کی آخری سہہ ماہی میں کر دی جائے گی تاہم 6900 ملازمین کا مستقبل محفوظ ہے۔

تفصیلات کے مطابق مشیر نجکاری محمد علی نے میڈیا سے غیر رسمی گفتگو کرتے ہوئے کہا کہ پی آئی اے کی نجکاری رواں سال کی آخری سہہ ماہی میں کر دی جائے گی، نجکاری میں کوئی صوبائی حکومت حصہ نہیں لے سکتی۔

محمد علی کا کہنا تھا کہ نجکاری کے لیے کسی بھی ملک کی حکومت کے ساتھ بات چیت نہیں ہورہی، نجکاری گورنمنٹ ٹو گورنمنٹ خریداری ممکن نہیں ہوگی، نجکاری کے لیے مڈل ایسٹ میں روڈشوز بھی کریں گے۔

مشیر نجکاری نے کہا کہ پی آئی اے کی نجکاری ایئرلائن اور معیشت دونوں کے لیے بہتر ہے، نجکاری سے قبل لندن کا روٹ بھی بحال کرلیں ، جس سے قومی ایئر لائن کی خریدار کمپنی پہلے سے بہت زیادہ فائدے میں رہے گی، پی آئی اے میں اب پہلے سے زیادہ منافع کی بڑی گنجائش ہے۔

مزید پڑھیں : پی آئی اے کی نجکاری کا اشتہار جاری

انھوں نے بتایا کہ پی آئی اے انجن، مرمت اور جہازوں کی ادائیگی خود کر رہا ہے، قومی ایئر لائن خریدنے والوں کو 80 فیصد سے زیادہ حصص بھی دے سکتے ہیں، خریدنے والے کو آئندہ 5 سال تک ٹیکس کی رعایتوں کا فائدہ ہوگا۔

وفاقی مشیر کا کہنا تھا کہ پی آئی اے کا خریدار کنسورشیم اپنا لیڈر ایک دفعہ تبدیل بھی کر سکتا ہے، حکومتی ری اسٹرکچرنگ سے پی آئی اے کی مالیاتی حیثیت روز بہتر ہو رہی ہے، روٹس کی تعداد میں اضافے خسارے میں کمی سے بولی کی رقم بڑھنے کا امکان ہے۔

محمد علی نے مزید کہا کہ پی آئی اے کے 6900 ملازمین کا مستقبل محفوظ ہے، بولی دینے والوں کوحسابات کی جانچ پڑتال کے لیے 60 دن کا وقت دیں گے۔

ان کا کہنا تھا کہ پی آئی اے کی نجکاری میں ماضی کی غلطیوں سے سیکھا ہے، ایئرلائنز کے علاوہ دیگر پارٹیوں کے لیے کچھ سال کے ریونیو کی شرط نافذ ہوگی۔

وفاقی مشیر نے کہا کہ پی آئی اے کی بولی دہندہ کمپنی کا 2 سال میں 200 ارب ریونیو ہونا ضروری ہے اور 3 سال پہلے 100 ارب کا ریونیو ہونا ضروری ہے، بولی میں حصہ لینے والی کمپنیوں کے پاس 30 ارب روپے کا کیش یا شیئرز ہونے چاہئیں جبکہ بولی دہندہ کمپنی کے آڈٹ انٹرنیشنل یا اسٹیٹ بینک کی منظور آڈٹ فرم سے ہونا ضروری ہے۔

انھوں نے بتایا کہ پی آئی اے نجکاری سے متعلق شرائط میں ترمیم کی گئی ہے، سرمایہ کاروں کے تمام مطالبات کو تسلیم کیا ہے، جہازوں کی لیز یا خریداری پر عائد 18 جی ایس ٹی ختم کر دیا گیا۔

اسلام آباد : حکومت نے پی آئی اے کی نجکاری کے حوالے سے اہم فیصلہ کرلیا ، وزیر نجکاری نے کہا کہ اگلے 3 ماہ میں تمام مراحل طے کرلیں گے۔

تفصیلات کے مطابق وزیر نجکاری ، سرمایہ کاری بورڈ و مواصلات عبدالعلیم خان نے گفتگو کرتے ہوئے کہا کہ اگلے 3 ماہ میں پی آئی اے نجکاری کےتمام مراحل طے کرلیں گے۔

وفاقی وزیر کا کہنا تھا کہ ایئرلاین نجکاری میں دلچسپی رکھنے والوں کے تحفظات دور کر دیے ہیں اور حکومت نے خواہشمند پارٹیوں کے مطابق تبدیلیاں لانے کا فیصلہ کر لیا۔

انھوں نے بتایا کہ نجکاری کو زیادہ سے زیادہ پر کشش بنانے کیلئے نیالائحہ عمل دے رہے ہیں، نجکاری میں سرمایہ کاروں سے بہت بہتر اظہار دلچسپی آنے کی توقع ہے۔

علیم خان نے کہا کہ یورپ کیلئے قومی ایئرلائن فلائٹس کے آغاز سے نجکاری کا ماحول مزید سازگار ہوگا، حالیہ اقدامات کے باعث پی آئی اے دوبارہ منافع بخش ہو رہا ہے۔

انھوں نے خوشخبری سناتے ہوئے کہا کہ آئندہ 3 ماہ میں برطانیہ کیلئے بھی فلائٹس شروع ہونے جارہی ہیں، یورپ اور برطانیہ کے بعد امریکا اور مشرق بعید کیلئے فلائٹس کھولنی ہیں۔

اسلام آباد : حکومت نے پی آئی اے کی نجکاری کا عمل دوبارہ شروع کرنے کا فیصلہ کرلیا ، نجکاری کیلئے رواں ماہ اظہار دلچسپی طلب کی جائے گی۔

تفصیلات کے مطابق فاروق ستار کی زیر صدارت قومی اسمبلی کی قائمہ کمیٹی نجکاری کا اجلاس ہوا، جس میں نجکاری کمیشن حکام نے بریفنگ دیتے ہوئے کہا کہ پی آئی اے کی نجکاری کیلئے رواں ماہ ایکسپریشن آف انٹرسٹ جاری کیا جائے گا، اتحاد اور قطر کی ائیرلائنز پی آئی اے خریداری میں دلچسپی نہیں رکھتیں۔

سیکرٹری عثمان باجوہ کا کہنا تھا کہ پی آئی اے کی فنانشل ایڈوائزر کو 45 لاکھ ڈالر کی ادائیگیاں کی جا چکی ہیں اور پی آئی اے کی نجکاری کیلئے نیگٹوایکویٹی ختم اور سیلز ٹیکس چھوٹ مل چکی ہے۔

سیکرٹری نے بتایا کہ پی آئی اے نے 26 ارب روپے ایف بی آر، 10 ارب سول ایوی ایشن کے دینے ہیں، ائیر لائن ریٹائرڈ ملازمین کو پنشن حکومت کیجانب سے ہی ادا کی جائے گی۔

آئی ایم ایف کیساتھ پی آئی اے کے علاوہ باقی ائیرلائنز کیلئے سیلز ٹیکس چھوٹ دینے پر اتفاق ہوا ہے، آئی ایم ایف نےپی آئی اے کے علاوہ دیگرائیرلائنزکوبھی نئے فلیٹس خریدنے پر ٹیکس چھوٹ دی۔

سیکرٹری نجکاری کمیشن کا کہنا تھا کہ دیگر ایئرلائنز کو بھی نئے جہاز خریدنےپرسیلز ٹیکس چھوٹ دی جائے گی، نجکاری کے بعد قومی ائیر لائن کو 15 سے 20 نئےفلیٹس خریدناہوں گے۔

تمام ائیر لائنز نئےفلیٹس خریدیں توتقریباً 60 سے 70 ارب ٹیکس چھوٹ ہو گی، سیلزٹیکس چھوٹ ملنےسےائیرلائنز خطے کی دیگرائیرلائنز کیساتھ مقابلہ کر سکیں گی۔

چیئرمین کمیٹی فاروق ستار نے کہا کمیٹی کی خواہش ہے 5 سال تک ملازمین کو نہ چھیڑا جائے، جس پر سیکریٹری نجکاری کمیشن نے کہا پی آئی اے پر کنسلٹنٹ کی فیس کے دو حصے تھے، ایک حصہ فیس 6.269 ملین ڈالر کی مد میں تھا، دوسرا حصہ دیگر اخراجات کی مد میں 69 ڈالر تھا، کنسلٹنٹ کو 4.3 ملین ڈالر کی ادائیگی ہو گئی ہے۔

کمیٹی کو بریفنگ میں بتایاگیا کہ پچھلی بولی میں شامل پارٹیاں اس بولی میں دوبارہ آنے کو تیار ہیں اور ملائیشیا کی ایک ائیر لائن نے ایک کنسورشیئم کے ساتھ مل کر بولی میں حصہ لیا، پچھلی بار 60 فیصدشیئرز بیچنے کی شرط رکھی تھی۔

سیکریٹری نجکاری کمیشن نے کہا آئی ایم ایف نے پی آئی اے کی نیگٹو ایکوئٹی کلیئر کرنے کی اجازت دی، ہماری خواہش ہےد قومی ائیر لائن کے 45 ارب کے بقایا جات حکومت اپنے پاس رکھ لے، قومی ائیر لائن کی نجکاری میں 45 ارب بقایا جات اور 18 فیصد جی ایس ٹی رکاوٹ بنا۔

چیئرمین کمیٹی فاروق ستار نے کہا انہوں نے اس لیے کم بڈ لگائی کہ 45 ارب کا انہیں ٹیکہ لگنا تھا تو سیکریٹری نجکاری کمیشن نے کہا اس وقتد قومی ائیر لائن کی بک میں 155 ارب کے ٹوٹل بقایا جات ہیں۔

جس پر چیئرمین کمیٹی فاروق ستار نے کہاد قومی ائیر لائن کے ملازمین پر تو آپ کوئی سودا نہیں کر رہے نا تو سیکریٹری نجکاری کمیشن نے بتایا ملازمین کو تو ہر صورت بچانے کی کوشش کر رہے ہیں، ملازمین کی وجہ سے تو گزشتہ بار دو بڈر چلے گئے تھے۔