Tag: پی آئی اے کی پرواز

لاہور : دبئی جانے والا پی آئی اے کا طیارہ بڑے حادثے سے بال بال بچ گیا، طیارے میں 150 سے زائد مسافر سوار تھے۔

تفصیلات کے مطابق پی آئی اے کا لاہور سے دبئی جانے والا طیارہ حادثے سے بال بال بچ گیا، پی آئی اے کی پرواز 203 سے پرندہ ٹکرایا۔

جس کے بعد کپتان نے ایئر ٹریفک کنٹرولر سے رابطہ کیا اور طیارے کی ہنگامی لینڈنگ کی اجازت مانگی ، اجازت ملنے پر کپتان نے طیارہ بحفاظت لینڈ کرا دیا اور 150 سے زائد مسافر محفوظ رہے۔

ذرائع نے بتایا کہ قومی ایئرلائن کی انجینئرنگ ٹیم کراچی سے پی کے 304 سے لاہورروانہ ہوگی، انجینئرز کی ٹیم طیارے کی بورواسکوپک انسپکشن کرے گی۔

ذرائع کا کہنا ہے کہ انسپکشن سے طیارے کے انجن کو پہنچنے والے نقصان کا اندازہ لگایا جائے گا۔

یاد رہے گذشتہ ماہ قومی ایئرلائن کے پائلٹ کی مبینہ غفلت و لاپرواہی نے مسافروں کی جانوں کو خطرے میں ڈال دیا تھا۔

ذرائع نے بتایا تھا قومی ایئرلائن کی پرواز پی کے 150 دمام سے ملتان جارہی تھی تاہم ملتان میں موسم کی خرابی دھند کے باعث پرواز کا رخ موڑا گیا، جس کے بعد لاہور کیلئے کپتان نے مرکزی رن وے پر لینڈنگ کے بجائے غلط رن وے پر اتار دیا۔

کراچی : دبئی جانے والے پی آئی اے کی ایک اور پرواز میں اچانک خرابی کے باعث کپتان نے طیارے کو بحفاظت کراچی میں لینڈ کرادیا۔

تفصیلات کے مطابق پشاور سے دبئی جانے والی پی آئی اے کی پرواز میں اچانک تکنیکی خرابی پیدا ہوگئی، ذرائع نے بتایا کہ پی کے 283 پرواز کے طیارے کےکارگوکمپارٹمنٹ میں آگ کی انڈیکیشن آئی تھی تاہم کپتان نے طیارے کو بحفاظت کراچی میں لینڈکرایا، پرواز میں 170 سے زائد مسافر سوار تھے۔

ذرائع کا کہنا ہے کہ قومی ایئرلائن کے طیاروں میں پرزہ جات کی کمی کے باعث خرابیاں معمول بن چکی ہیں۔

قومی ایئرلائن کے ترجمان نے بتایا کہ دوران پرواز طیارے کے کپتان کو تکنیکی خرابی کی وارننگ موصول ہوئی تاہم وارننگ غلط ثابت ہوئی، ضروری چیکس کے بعد طیارہ دبئی روانہ ہوگیا۔

ترجمان کا کہنا تھا کہ مسافروں کی حفاظت اولین ترجیح ہے اور اس پر کوئی سمجھوتہ نہیں ہوگا۔

اس سے قبل قومی ایئرلائن کی دبئی سے ملتان آنے والی پرواز کے طیارے کے ٹائرپھٹ گئے تھے ، طیارے کے ٹائر پھٹنےکے باعث پرواز کے 172 مسافروں کو لاؤنج منتقل کردیا گیا۔

قومی ایئرلائن ترجمان نے بتایا تھا کہ دبئی سے اڑان بھرنے کے دوران رن وے پر انجن میں خرابی کی وارننگ ملی، کیپٹن نے ایمرجنسی بریک سسٹم استعمال کرکے طیارے کو بحفاظت روکا۔

خیال رہے ذرائع نے بتایا تھا کہ ایئرلائن کے 19 بوئنگ 777 طیاروں میں صرف 5 طیارے اڑان بھر رہے ہیں جبکہ طیاروں کی بروقت مینٹننس نہ ہونے کی وجہ سے گراوٴنڈ ہیں اور ایئر بس 320 کے 17 جہازوں میں سے صرف 9 طیارے آپریٹ ہورہے ہیں۔

کراچی : جدہ سے کراچی آنے والی پی آئی اے کی پرواز بڑے حادثے سے بال بال بچ گئی، کپتان نے کمال مہارت سے طیارے کو ہنگامی طور پرواپس جدہ ایئرپورٹ اتارلیا۔

تفصیلات کے مطابق جدہ سےکراچی کی پرواز میں اچانک فنی خرابی ہوئی ، جس کے باعث پرواز کو جدہ ایئرپورٹ پرواپس اتارلیا گیا

ذرائع نے بتایا کہ پی آئی اے کی پرواز پی کے 732 کے طیارے کاکیبن پریشر اچانک کم ہو گیا، جس پر کپتان احد حسینی نے کمال مہارت سے طیارے کو ہنگامی طور پرواپس جدہ ایئرپورٹ اتارا۔

ہنگامی حالات میں ایئر بس 320طیارے کو واپس اتارنے کے دوران مسافر ،عملہ محفوظ رہے۔

ذرائع کا کہنا تھا کہ کیبن پریشرختم ہونےپرطیارےکو 4منٹ میں35 ہزارسے10ہزارفٹ بلندی پرلایاجاناضروری ہے اور بلندی فوری کم نہ پر آکسیجن کی عدم دستیابی سے مسافروں اور عملے کی موت واقع ہو سکتی ہے۔