کراچی : ایف آئی اے کارپوریٹ کرائم سرکل نے جعلی ڈگری سے ملازمت حاصل کرنے والے پی آئی اے کے 3 ملازمین کو گرفتار کرلیا۔
تفصیلات کے مطابق ایف آئی اے کارپوریٹ کرائم سرکل نے کراچی میں کامیاب کارروائی کرتے ہوئے جعلی ڈگری استعمال کرنے پر پی آئی اے کے 3 ملازمین کو گرفتار کرلیا۔
ترجمان ایف آئی اے نے بتایا کہ ہوئے ملزم زاہد رضا، منظور حسین اور وحید جمالی کو گرفتار کیا گیا ، ملزمان نے جعلی ڈگری سے پی آئی اے میں ملازمت حاصل کی۔
ملزمان کے خلاف پریوینشن آف کرپشن ایکٹ کے تحت مقدمہ درج تھا ، مقدمے کی مزید تفتیش جاری ہے۔