Tag: پی آئی اے

کراچی :پی آئی اے کا ایک اور فضائی میزبان ٹورنٹو میں لاپتہ ہوگیا، جس کے بعد لاپتہ مرد و خواتین فضائی میزبانوں کی تعداد 14 ہو گئی ہے۔

تفصیلات کے مطابق پی آئی اے کا ایک اور فضائی میزبان ٹورنٹو پہنچ کر مبینہ طور پر لاپتہ ہوگیا، نور شیراسلام آباد سے ٹورنٹو کی پرواز نمبر پی کے سیون ایٹ ون پر تعینات تھا۔

نور شیر کے لاپتہ ہونے کا علم واپسی کی پرواز کے لئے رپورٹ نہ کرنے پر ہوا، جس کے بعد پی آئی اے کے ٹورنٹو میں لاپتہ مرد و خواتین فضائی میزبانوں کی تعداد چودہ ہو گئی ہے۔

ذرائع نے بتایا کہ لاپتہ فضائی میزبانوں نے کینیڈا میں مبینہ طور پر سیاسی پناہ کیلئے درخواست دے رکھی ہے۔

ترجمان پی آئی اے کا کہنا ہے کہ موجودہ واقعہ سے پہلے لاپتہ تمام فضائی میزبانوں کو ملازمت سے برطرف کر دیا گیا ہے۔

ترجمان نے کہا کہ نور شیر کے حوالے سے بھی محکمانہ کارروائی کا آغاز کر دیا گیا ہے، حنا ثانی نامی  میزبان کی تعیناتی سے متعلق کمیٹیوں کی رپورٹ کا انتظار ہے۔

کراچی : پی آئی اے سے یورپ میں پروازوں پر پابندی ہٹنے سے متعلق آج اہم فیصلہ متوقع ہے، جس میں 4 سال بعد پابندی ہٹنے کے امکانات روشن ہیں۔

تفصیلات کے مطابق پی آئی اے سے یورپ میں پروازوں پر 4 سال بعد پابندی ہٹنے کے امکانات روشن ہوگئے۔

یورپی یونین کی جانب سے قومی ایئرلائن سے پابندی ہٹانے سےمتعلق اہم فیصلہ آج متوقع ہے، یورپی سیفٹی ایجنسی پابندی ختم کرنے سے متعلق سی اے اے کو آج فیصلے سے آگاہ کرے گا۔

سی اے اے نے اکاؤ کے یونیورسل ایوی ایشن سیکیورٹی آڈٹ میں بھی کامیابی حاصل کررکھی ہے، سول ایوی ایشن نے ایاسا کے اہم شعبوں کا اسسمنٹ (جانچ پڑتال) میں کامیابی حاصل کی تھی۔

آئی کیو کا 2023 کیلئے 80 فیصد ہدف تھا جبکہ پاکستان کو86.73 فیصد سے کامیابی ملی تھی۔

سی اےاےٹیم نے رواں ماہ برسلز میں یورپی سیفٹی ریویو بورڈ اجلاس میں شرکت کی تھی، جس میں پائلٹس لائسنس سمیت سیفٹی اوور سائیڈ سے متعلق اقدامات پر یورپی یونین کو بریفنگ دی گئی تھی۔

قومی ایئرلائن نے پیرس کو یورپی فلائٹ آپریشن کیلئے حب بنانے کیلئے تیاریاں بھی مکمل کررکھی ہیں۔

کراچی : پی آئی اے کی یورپ میں پروازوں کی بحالی کیلئےسی اےاےوفدبرسلزپہنچ گیا، اجلاس میں پروازوں کی بحالی کے امکانات روشن ہے۔

تفصیلات کے مطابق پی آئی اے کی یورپ میں پروازوں کی بحالی کیلئےسی اےاےوفدبرسلزپہنچ گیا، سی اے اے وفد کی سربراہی سیکریٹری ایوی ایشن کررہے ہیں۔

ڈپٹی ڈی جی ریگولیٹری نادرشفیع، ڈاریکٹرلائسنسنگ ایئرکموڈورضیا خان ، ڈائریکٹرایئر ٹرانسپورٹ عثمان گل، ڈاریکٹر فلائٹ اسٹنڈرڈ اور ڈائریکٹر ایئروردیننس وفد میں شامل ہیں۔

سی اے اے ٹیم 14 سے 16 مئی تک یورپی ایئر سیفٹی کمیٹی کےبورڈ آف ریویو اجلاس میں شریک ہوگی۔

پاکستان سی اے اے کے پائلٹس لائسنس سمیت سیفٹی اوورسائٹ سے متعلق اقدامات پرآگاہ کیا جائے گا، یورپی ممالک میں پی آئی اے کی پروازوں کی بحالی کے امکانات روشن ہے۔

یاد رہے قومی ایئرلائن کی انتظامیہ نے پیرس کو اپنے یورپی فلائٹ آپریشن کے لیے حب بنانے کا فیصلہ کیا تھا، پی آئی اے کے اعلیٰ افسران کی ٹیم پیرس کا دورہ بھی کر چکی ہے۔

ذرائع کا کہنا تھا کہ پی آئی اے انتظامیہ نے چار سال کے انتظار کے بعد یورپی ملکوں کے لیے فضائی آپریشن شروع کرنے کی منصوبہ بندی تیز کر دی ہے۔

پی آئی اے انتظامیہ کو یقین ہے کہ مئی کے وسط کو ہونے والے یورپی ایئر سیفٹی کمیٹی اجلاس میں پی آئی اے کو یورپی فضائی آپریشن بحال کرنے کی اجازت مل جائے گی۔

کراچی : چیئرمین اور سی ای او قومی ایئرلائن (پی آئی اے) کا کہنا ہے کہ پی آئی اے جون سے یورپ اور برطانیہ کا آپریشن شروع کرنے کا ارادہ رکھتا ہے۔

تفصیلات کے مطابق قومی ایئرلائن (پی آئی اے) کے غیر معمولی سالانہ اجلاس کا پی آئی اے ٹریننگ سینٹر کراچی میں انعقاد ہوا۔

پی آئی اے کارپوریشن لمیٹڈ کے شیئر ہولڈرز کی پی آئی اے ہولڈنگ لمیٹڈ میں منتقلی کیلئے ووٹنگ ہوئی، قومی ایئرلائن کے شئیر ہولڈرز نے کثرت رائے سے ہولڈنگ کمپنی کے حق میں ووٹ ڈالا۔

سی ای او پی آئی اے نے اجلاس کے شرکا سے خطاب میں کہا کہ پی آئی اے انتظامیہ نے شئیر ہولڈرز کی آرا استعمال کرتے ہوئے ادارے کی بہتری کیلئے اقدامات کئے، گزشتہ برس کی پرفارمنس کے باعث ادارے نے 13 سال بعد آپریٹنگ منافع دیا۔

ان کا کہنا تھا کہ پی آئی اے کے حصص کے کاروبار میں اضافہ ہوااس کی مالیت میں 700 گنا اضافہ دیکھنے میں آیا، ایاسا آڈٹ کلیئر ہونے کے بعد قومی ایئرلائن جون سے یورپ اور برطانیہ کا آپریشن شروع کرنے کا ارادہ رکھتا ہے۔

سی ای او پی آئی اے نے مزید کہا کہ حکومت سنجیدگی سے قومی ایئرلائن کی بہتری کیلئے مشکل اقدامات کررہی ہے۔

یاد رہے قومی ایئرلائن کی انتظامیہ نے پیرس کو اپنے یورپی فلائٹ آپریشن کے لیے حب بنانے کا فیصلہ کیا تھا، پی آئی اے کے اعلیٰ افسران کی ٹیم پیرس کا دورہ بھی کر چکی ہے۔

ذرائع کا کہنا تھا کہ پی آئی اے انتظامیہ نے چار سال کے انتظار کے بعد یورپی ملکوں کے لیے فضائی آپریشن شروع کرنے کی منصوبہ بندی تیز کر دی ہے۔

پی آئی اے انتظامیہ کو یقین ہے کہ مئی کے وسط کو ہونے والے یورپی ایئر سیفٹی کمیٹی اجلاس میں پی آئی اے کو یورپی فضائی آپریشن بحال کرنے کی اجازت مل جائے گی، یہ اہم اجلاس 14 سے 16 مئی کو ہوگا۔