Tag: پی آئی اے

کراچی : سال دوہزار تیئس قومی ایئرلائن ( پی آئی اے) کیلئے اچھا ثابت نہیں ہوا، ادارے کو 120 ارب روپے سے زائد خسارے کا سامنا رہا لیکن انتظامیہ کا دعویٰ ہے کہ پی آئی اے نے ریکارڈ بزنس کیا۔

تفصیلات کے مطابق قومی ایئرلائن ( پی آئی اے) کی شاہانہ اڑان کو انتظامیہ کی بدنظمی اور ناقص حکمت عملی لے ڈوبی، سال 2023ء میں قومی ایئرلائن اپنے تاریخ کے سنگین ترین مالی مشکلات کا شکار رہا۔

ایف بی آر اور پی ایس او کے ساتھ واجبات کے جھگڑوں نے ادارے شدید مالی نقصان سے دوچار کیا اور غیر یقینی صورتحال کے باعث پی آئی اے کو ہونیوالی ادائیگیاں بھی متاثر ہوئیں۔

سال 2023ء میں قومی ایئرلائن کے بوئنگ 777، A320 طیارے کئی دنوں تک گراونڈ رہے جبکہ قومی ایئرلائن ایف بی آر اور پی ایس او کو اربوں روپے کے واجبات ادا کرنے میں بھی قاصر رہا۔

دوسری جانب پی آئی اے انتظامیہ کا دعویٰ ہے کہ سال 2023ء میں ریکارڈ ریونیو حاصل کیا۔

سال 2023ء میں حکومت کی جانب سے قومی ایئرلائن کی نجکاری کے عمل میں تیزی آئی تو ملازمین نے ادارے کی نجکاری کیخلاف احتجاجی تحریک بھی شروع کی۔

سال کے آخری ماہ میں یورپی سیفٹی ایجنسی نے پی آئی اے کا آڈٹ بھی کیا، جس کے بعد پی آئی اے انتظامیہ نے امید ظاہر کی ہے کہ سال 2024ء میں پی آئی اے کا برطانیہ اور یورپ کیلئے فلائٹ آپریشن بحال ہوگا۔

کراچی: پاکستان انٹرنیشنل ایئرلائن کا ایک اور فضائی میزبان کینیڈا میں لاپتہ ہوگیا، فلائٹ اسٹیورڈ پی کے 784 پر سوار تھا۔

تفصیلات کے مطابق پی اے آئی کے فضائی میزبانوں کے کینیڈا میں سلپ ہونے کے واقعات تواتر سے سامنے آرہے ہیں۔ اس بار ایاز قریشی نامی فلائٹ اسٹیورڈ کینیڈا جانے والی پی آئی اے فلائٹ سے لاپتہ ہوا ہے۔

ذرائع نے بتایا کہ فلائٹ اسٹیورڈ ایاز قریشی لاہور سے پرواز پی کے 784 پر کینیڈا پہنچا۔ فضائی میزبان ایاز کینیڈا پہنچ کرسلپ ہوا۔

پی آئی اے ذرائع کا کہنا ہے کہ فضائی میزبان نے ٹورنٹو سے واپسی کی پرواز پر ڈیوٹی پر رپورٹ نہیں کیا۔ گزشتہ ماہ بھی 2 فضائی میزبان کینیڈا میں سلپ ہوئے تھے۔

ذرائع نے کہا کہ رواں سال بیرون ملک سلپ ہونے والے عملے کی تعداد 5 ہوگئی ہے۔ فضائی میزبان ایاز قریشی کا تعلق پی آئی اے لاہور بیس سے ہے۔

کراچی: یورپ اور برطانیہ کے لیے پاکستانی طیاروں اور پی آئی اے پر سے عائد پابندی ہٹنے کے امکانات روشن ہوگئے، یورپی سیفٹی ایجنسی ایاسا کی ٹیم 26 نومبر کو اسسمنٹ کے لیے کراچی پہنچے گی۔

تفصیلات کے مطابق یورپ اور برطانیہ میں پاکستانی اور پی آئی اے کے طیاروں پر پابندی کا ہٹنے کے امکانات بڑھ گئے ہیں، یورپی سیفٹی ایجنسی ایاسا کی ٹیم 26 نومبر کو کراچی پہنچے گی جہاں ٹیم سول ایوی ایشن اور پی آئی اے کے اہم شعبوں کی مکمل جانچ پڑتال کرے گا۔

ترجمان سی اے اے کے مطابق ایاسا کی ٹیم سول ایوی ایشن اتھارٹی کے لائسنسنگ، فلائٹ سیفٹی، فلائٹ اسٹینڈرڈ، ایئر وردننس، ایئر ٹرانسپورٹ سمیت دیگر اہم شعبوں کا اسسمنٹ (جانچ پڑتال)کرے گی۔

یورپی سیفٹی ایجنسی سول ایوی ایشن اتھارٹی کے بعد پی آئی اے کے سیفٹی مینجمنٹ سسٹم، فلائٹ اسٹینڈرڈ، شعبہ انجینئرنگ سمیت دیگر اہم شعبوں کا بھی اسسمنٹ کریگی۔

ذرائع کے مطابق یورپی سیفٹی ایجنسی کے کامیاب اسسمنٹ کے بعد پاکستانی ایئرلائن، پی آئی اے کی یورپ اور برطانیہ میں پروازیں بحالی ہونے کا امکان ہے۔

ترجمان پی آئی اے  عبداللہ خان نے اے آروائی نیوز کو بتایا کہ  پی آئی اے نے یورپی سیفٹی ایجنسی ایاسا کی جانب سے دیئے گئے اہداف کافی عرصہ قبل مکمل کرلئے ہیں۔

 ترجمان نے کہا کہ پی آئی اے ایاسا کی جانچ پڑتال سے متعلق مکمل تیاری سے ہے ہم امید کرتے ہیں کہ ایاسا کی کامیاب آڈٹ کے بعد ہماری یورپ اور برطانیہ میں پروازوں کی اجازت مل جائے گی۔

واضح رہے کہ برطانیہ کا روٹ پی آئی اے کیلئے انتہائی اہم ہے پی آئی اے اپنے بزنس کے تحت اہم زر مبادلہ حاصل کرتا ہے، جولائی2020ء سے پی آئی اے سمیت تمام پاکستانی ایئرلائنز کی پروازوں پر یورپی اور برطانیہ پر پابندی ہے۔

کراچی : قومی ایئرلائن (پی آئی اے ) کا اندرون وبیرون ملک آپریشن 90 فیصد بحال ہوگیا، پی آئی اے آج 61 پروازیں آپریٹ کرے گی، جس مین بیشتر تعداد بین الاقوامی فلائٹس کی ہے۔

تفصیلات کے مطابق قومی ایئرلائن (پی آئی اے ) کا متاثرہ فلائٹ آپریشن ایندھن کی فراہمی کے بعد بحالی کی طرف گامزن ہے ، پی آئی اے کی آج 61 پروازیں آپریٹ کی جا رہی ہیں۔

ترجمان نے بتایا کہ پی آئی اے کا اندرون و بیرون ملک آپریشن90فیصد بحال ہواہے، بدھ کو 51 پروازوں کے ذریعے مسافروں کی آمد وروانگی ہوئی تھی، پروازوں میں بیشتر تعداد بین الاقوامی فلائٹس تھی۔

ترجمان پی آئی اے کے مطابق چھوٹے سیکٹرکی پروازوں کی روانگی بھی ممکن بنائی گئی ہے۔

گذشتہ روز پی آئی اے مجموعی طور پر اندرون و بیرون ملک 51 پروازیں آپریٹ کی گئیں، ترجمان کے مطابق اندرون ملک کے دورافتادہ مقامات گلگت،اسکردو اور کراچی سے کوئٹہ کی پروازیں بھی آپریٹ کی گئی جبکہ پی آئی اے کی کراچی کوئٹہ پروازیں 8 دن بعد بحال ہوئیں تاہم کچھ پروازیں منسوخ کردی گئیں تھیں۔

شدید معاشی بحران کا شکار قومی ائیر لائن پی آئی اے کا فلائٹ آپریشن انتہائی محدود کر دیا گیا ہے تاہم آج  بھی متعدد پروازیں منسوخ کردی گئی ہیں۔

پاکستان کی قومی ایئر لائن پی آئی اے کا فلائٹ آپریشن ایندھن کی عدم فراہمی کے باعث شدید متاثر ہے۔ گذشتہ کئی روز سے پاکستان اسٹیٹ آئل (پی ایس او) سے ایندھن کی فراہمی نہ ہونے کی وجہ سے پی آئی اے کی پروازیں منسوخ کی جا رہی ہیں۔

ایئر لائن ذرائع کے مطابق پی آئی اے کی آج 15 پروازیں آپریٹ ہوگی جبکہ کل سے فلائٹ آپریشن معمول پر آنا شروع ہوگا، 13 دن میں پی آئی اے کی منسوخ پروازوں کی تعداد 650 ہوگئی۔

ایئر لائن ذرائع کا بتانا ہے کہ آج کراچی سے اسلام آباد کی 6 پروازیں پی کے 300، 368، 308، 301، 369، 309، جبکہ کراچی سے لاہور کی  پی کے 306، 307، گوادر 503، 504 اور سکھر 536، 537 منسوخ ہیں۔

اندرون ملک کے علاوہ کراچی سے دمام اور اسلام آباد سے دبئی جانے والی آٹھ بین الاقوامی پروازیں بھی منسوخ کر دی گئی ہیں۔

ذرائع کا کہنا ہے کہ پی آئی اے آج 15 پروازیں چلائے گی جبکہ پاکستان اسٹیٹ آئل سے ایندھن کی فراہمی کے بعد کل سے فلائٹ آپریشن معمول پر آجائے گا۔

یاد رہے کہ پی آئی اے کے ترجمان نے بتایا کہ پاکستان انٹرنیشنل ایئرلائنز (پی آئی اے) اور پاکستان اسٹیٹ آئل (پی ایس او) کے درمیان دیرینہ تنازعہ بالآخر حل ہو گیا ہے۔، آئندہ چند روز میں ایندھن کی سپلائی معمول پر آنا شروع ہو جائے گی۔

پی آئی اے نے معاملے کو حل کرنے میں تعاون پر پی ایس او کی اعلیٰ انتظامیہ کی طرف سے ادا کیے گئے اہم کردار کو سراہا۔