Tag: پی آئی اے

ملتان : پی آئی اے کا مسافر طیارے حادثے سے بچ گیا، جس کے باعث مدینہ جانے والی پرواز بھی تاخیر کا شکار ہوگئی۔

تفصیلات کے مطابق جدہ سے ملتان پہنچنے والی پی آئی اے کی پرواز کی لینڈنگ کے دوران ٹائر سے ہوا نکل گئی۔ترجمان پی آئی اے کا کہنا ہے کہ واقعے کے فوری بعد طیارہ ملتان ایئرپورٹ پر گراؤنڈ کردیا گیا ہے۔

ترجمان پی آئی اے نے بتایا کہ طیارے کے 18 ٹائروں میں سے ایک ٹائر میں سے لینڈنگ کے دوران ہوا نکلی ہے۔ بوئنگ777طیارے کے ساتویں ٹائر کو نقصان پہنچا، بوئنگ 777طیارے کا ٹائر لاہور سے ملتان پہنچایا جائے گا۔

دوسری جانب ملتان سے مدینہ منورہ جانے والی پرواز 4گھنٹے سے زائد تاخیر کا شکار ہوگئی، ناکارہ ٹائر تبدیل کرنے کے بعد پرواز کو مدینہ منورہ روانہ کردیا جائے گا۔

علاوہ ازیں پی آئی اے کی اسلام آباد سے کراچی جانے والی پرواز بھی 2 گھنٹے تاخیر کا شکار ہے، فیول نہ ہونے کے باعث پرواز کی روانگی میں تاخیر ہورہی ہے۔

پی آئی آے انتظامیہ کا کہنا ہے کہ پی ایس او سے سے بات چیت جاری ہے، معاملات حل ہوتے ہی پرواز اپنی منزل کی جانب روانہ کردی جائے گی۔

کراچی : قومی ایئرلائن پی آئی اے کے بوئنگ777طیاروں کی فنی خرابیوں میں مسلسل اضافہ سامنے آرہا ہے جس کے نتیجے میں مسافروں کو شدید مشکلات درپیش ہیں۔

اس حوالے سے ذرائع کا کہنا ہے کہ پی آئی اے کے شعبہ انجینئرنگ کی جانب سے طیاروں کی دیکھ بھال اور مرمت صحیح طریقے سے نہیں کی جارہی۔

ذرائع کے مطابق سعودی عرب جانے والی پروازوں میں مسلسل خرابی پیدا ہورہی ہے، ایک طیارے کے اوپر پی آئی اے کو لاکھوں ڈالر کے اخراجات برداشت کرنا پڑ رہے ہیں۔

بوئنگ777کے دو طیارے جو سعودی عرب کے لئے آپریٹ ہورہے ہیں ان میں مسلسل فنی خرابی پیدا ہورہی ہے،جدہ سے لاہور آنے والی پی آئی اے کی پرواز پی کے760کے اے پی یو میں فنی خرابی پیدا ہوگئی۔

طیارہ اڑان بھرنے کیلئے بورڈنگ برج سے پش بیک ہورہا تھا کہ معاون پاور یونٹ(اے پی یو) ہیٹ اپ ہوگیا، کپتان نے ایمرجنسی بریک لگا کر فائر بوٹل کا استعمال کیا۔

ترجمان پی آئی اے کا کہنا ہے کہ اس موقع پر مسافروں کو لاؤنج منتقل کردیا گیا تھا فائر بوٹل پاکستان سے روانہ کردی گئی ہیں اور طیارے کو گراونڈ کردیا گیا ہے۔

پی آئی اے انتظامیہ کے مطابق پرواز 24گھنٹے سے زائد تاخیر کا شکار ہوئی، مسافروں کو ہوٹل منتقل کردیا گیا ہے۔

گذشتہ چوبیس گھنٹوں کے دوران پی آئی اے کا یہ دوسرا 777بوئنگ طیارہ ہے، سیالکوٹ سے جدہ جانے والے طیارے کے کاک پٹ میں بار بار اسموگ وارننگ آئی تھی،۔

ترجمان پی آئی اے کا مزید کہنا ہے کہ مسافروں کو سعودی عرب کے وقت کے مطابق جدہ سے لاہور کیلئے روانہ کردیا جائے گا۔

کراچی: سول ایوی ایشن نے پی آئی اے کو آیاٹا کے ڈیفالٹ سےبچالیا، پی آئی اے نے سی اے اے سے ملنے والے ایک ارب روپے آیاٹا کو ادا کردیئے۔

تفصیلات کے مطابق قومی ایئرلائن (پی آئی اے) کو نادہندہ ہونے سے بچانے میں سول ایوی ایشن کا اہم کردار رہا، پی آئی اے کو آیاٹا سے ڈیفالٹ ہونے کا خطرہ تھا تاہم سی اے اے نے بچالیا۔

سول ایوی ایشن سے ملے ایک ارب روپے سے پی آئی اے نے آیاٹا کو ادائیگی کر دی ، اگر ایک ارب روپے فوری ادانہ ہوتے تو پی آئی اے ایاٹا کا نادہندہ ہوجاتا۔

ذرائع نے بتایا کہ آیاٹا کا نادہندہ ہونے سے پی آئی اے کے ٹکٹوں کی دنیا بھر میں فروخت بند ہو جاتی، پی آئی اے سی اےاے سے ملے ایک ارب ایاٹا کو ادا کرکے ڈیفالٹ سے بچ گیا، پی آئی اے مالی بحران کی وجہ سے آیاٹا کو سروس چارجز ادا نہیں کر سکی تھی۔

ڈائریکٹر جنرل سی اے اے کا کہنا تھا کہ سی اے اےنےمشکل وقت میں قومی ایئرلائن کی مدد کی اور وزارت خزانہ کی ہدایت پر پی آئی اے کو ایک ارب روپے دیے گئے، پی آئی اے ایک ارب روپے اگلے ہفتہ سی اے اے کو واپس کرے گا۔

ذرائع کے مطابق پی آئی اے خود سول ایوی ایشن کے کئی ارب روپے کے واجبات کی نادہندہ ہے۔

کراچی : قومی ایئرلائن (پی آئی اے) کے مالی بحران کے باعث فلائٹ آپریشن بند ہونے کا خدشہ پیدا ہوگیا ، 2دن میں رقم نہ ملنے پر 15 طیارے گراؤنڈ کرنا پڑیں گے۔

تفصیلات کے مطابق قومی ایئرلائن (پی آئی اے) کا مالی بحران مزید سنگین ہوگیا اور نگران حکومت تذبذب کا شکار ہے، ذرائع نے بتایا کہ فنڈز نہ ہونےکی وجہ سے فلائٹ آپریشن بند ہونے کا خدشہ ہے۔

ذرائع پی آئی اے کا کہنا ہے کہ 2دن میں فنڈز نہ ملے تو فلائٹ آپریشن شدید متاثر ہو گا اور اندورون و بیرون ملک جانے والی 30 سے زائد پروازیں معطل ہونے کا خدشہ ہے۔

ذرائع نے کہا ہے کہ رقم فوری طور پر مہیا نہ ہونے سے 15 طیارے گراؤنڈ کرناپڑیں گے، پی ائی اے کو فلائٹ آپریشن جاری رکھنے کیلئے فنڈز کی فوری اشد ضرورت ہے اور نگران حکومت نے پی آئی اے کو فنڈ دینے سے انکار کردیا ہے۔

ذرائع کے مطابق پی آئی اے کو قرضوں ،سود، طیاروں ،انجن کی لیز ،پرزہ جات کی ادائیگیوں پر مشکلات کا سامنا ہے، جس میں پی ائی اے کو 20 ارب روپے سے زائد ادائیگیوں میں فیول،فیڈرل ایکسائز ڈیوٹی ،لیز پر طیاروں کی ادائیگیاں شامل ہیں۔

ذرائع نے بتایا ہے کہ پی آئی اے کی تنظیم نو کے اعلان کے بعد وزارت خزانہ مزید فنڈز یا قرضوں میں تعاون کوتیار نہیں۔

وزرات ہوابازی کا کہنا تھا کہ پی آئی اے تنظیم نو پیچیدہ عمل ہے جسےمکمل کرنے میں ایک سال درکار ہوگا ، تنظیم نو کے دوران پی آئی اے کا آپریشنل رہنا ضروری ہے ورنہ سنجیدہ سرمایہ کاری نہیں آسکےگی۔

دوسری جانب ترجمان پی آئی اے عبداللہ خان نے کہا کہ ہم نے حکومت پاکستان کے تعاون سے بینکوں کے ذریعے قرضی حاصل کرنے کے لئے اقدامات کر لیے ہیں، فنڈز کا اجرا ہوتے ہی طیاروں کے پرزہ جات، انجن اور سود کی ادائگیاں کی جائیں گی

عبداللہ خان کا کہنا تھا کہ پی آئی اے اپنی تاریج کا بلند ترین رینویو کمارہا ہے لیکن بنک اور لیزنگ کمپنیوں اس کو پہلے ہی اٹھا لیتی ہیں۔

کراچی: پی آئی اے ملازمین تاحال اگست کی تنخواہوں سےمحروم ہیں، مالی مشکلات کے باعث پاکستان انٹرنیشنل ایئرلائن کے تمام ملازمین کو تنخواہوں کی ادائیگی نہ ہوسکی۔

تفصیلات کے مطابق پی آئی اے کی مالی مشکلات سنگین ہوگئی ہے، جس کے سبب اب تک تمام ملازمین کو تنخواہوں کی ادائیگی نہیں کی جاسکی ہے۔ ایف بی آر کی جانب سے پی آئی اے اکائونٹس منجمند کرنے کے باعث ادارے کو مشکلات کا سامنا ہے۔

ذرائع نے انکشاف کیا ہے کہ موجودہ مہنگائی کی وجہ سے تنخواہوں کی عدم ادائیگی کے باعث پی آئی اے کے ملازمین کو پریشانی کا سامنا ہے۔

ترجمان پی آئی اے نے کہا کہ نگران وفاقی حکومت نے فنڈز دینے کا وعدہ کیا ہے۔ امید ہے اسی ہفتے پی آئی اے ملازمین کو تنخواہوں کی ادائیگی کردی جائے گی۔