Tag: پی آئی اے

لاہور میں طوفانی بارش کے سبب پی آئی اے کا طیارہ ائیرپورٹ پر لینڈ نہ کرسکا اور بھارتی فضائی حدود میں داخل ہو گیا۔

تفصیلات کے مطابق پروازپی کے 248 سعودی شہر دمام سے لاہور آرہی تھی، طوفانی بارش کے باعث طیارہ لاہور ایئرپورٹ پر لینڈ نہ کرسکا جس کے بعد پرواز کا رخ ملتان موڑتے وقت بارش کے سبب پرواز نے بھارتی فضائی حدود استعمال کیا۔

لاہور میں طوفانی بارش، پی آئی اے پرواز کا بھارتی فضائی حدود کا استعمال#ARYNews #PIA pic.twitter.com/TSO8h9hruc

— ARY NEWS (@ARYNEWSOFFICIAL) May 4, 2023

ذرائع نے بتایا کہ پی آئی اے پرواز کے کپتان نے بھارتی سی اے اے کو صورتحال سے آگاہ  کیا، بھارتی سی اے اے نے طیارے کو اپنی  حدود کے استعمال کی اجازت دی۔

ذرائع نے بتایا کہ پرواز کو ملتان کی طرف موڑنے کیلئے بھارتی شہر فیروز پور  تک جانا پڑا، لاہور جانے والی پی آئی اےکی  پرواز کو ملتان ایئرپورٹ پر لینڈ کرایا گیا۔

کراچی : پی آئی اے کی فضائی میزبانوں کی نجی ہوٹل میں بدتمیزی کی ویڈیو وائرل ہوگئی ، جس کے بعد  فضائی میزبانوں کو گراؤنڈ کردیا گیا۔

تفصیلات کے مطابق پی آئی اے میزبانوں کی اسلام آباد کے نجی ہوٹل میں بدتمیزی کی ویڈیو سامنے آگئی۔

ہوٹل مینجر کی ویڈیو ثبوت کیساتھ پی آئی اے انتظامیہ کو شکایت کردی گئی ، جس پر پی آئی اے انتظامیہ نے عملے کے ناروا سلوک پر اظہار ناپسندیدگی کیا۔

جی ایم فلائٹ آپریشن نے دونوں فضائی میزبانوں کو شوکاز نوٹس جاری کرتے ہوئے 2ماہ کیلئےگراؤنڈ کردیا ہے۔

نوٹس میں اسلام آباد ہوٹل استقبالیہ پرغیر مناسب رویے پر سنجیدگی اور تشویش کا اظہار کرتے ہوئے کہا ہے کہ ہوٹل عملے سے بدتمیزی اور نازیبا رویہ مکمل طور پر ناقابل قبول ہے۔

پی آئی اے انتظامیہ کا کہنا تھا کہ ایسا سلوک پی آئی اے تنظیمی ساکھ پر بھی برا اثر ڈالتا ہے، آئندہ کسی بھی واقعے کی صورت میں سخت انتظامی کارروائی کی جائے گی۔

خاتون ائیرہوسٹس کو 60 دن بطور سزا آف لوڈ کرنے کا بھی حکم دیا گیا ہے۔

اسلام آباد : ڈی جی سول ایوی ایشن نے انکشاف کیا ہے کہ پی آئی اے کے سارے پائلٹس ادارہ چھوڑنا چاہتے ہیں کیونکہ پائلٹس کی تنخواہوں پر تقریباً 35 ٹیکس لگا دیئے ہیں۔

تفصیلات کے مطابق سینیٹ قائمہ کمیٹی برائے ایوی ایشن کے اجلاس میں ڈی جی سول ایوی ایشن نے نیا انکشاف کیا کہ پی آئی اے کے سارے پائلٹس ادارہ چھوڑنا چاہتے ہیں کیونکہ پائلٹس کی تنخواہوں پر تقریباً 35 ٹیکس لگا دیئے ہیں۔

ڈی جی سی اے اے نے بتایا کہ پائلٹس کے فلائنگ آورز پر بھی ٹیکس لگا دیئےگئے، اکثرفلائٹس کی منسوخی کا آپ سنتےہیں اس وجہ پائلٹس کی کمی ہے۔

سینیٹر محسن عزیز نے سوال کیا کہ کیا پی آئی اے کبھی ہماری زندگی میں منافع میں جائےگی، جس پر سی ای اوپی آئی اے نے کہا کہ ہم آپریشنل منافع میں ہیں تو سینیٹر محسن عزیز کا کہنا تھا کہ آپریشنل کی بات نہ کریں اورمجموعی طورپربات کریں، ہرسال اربوں کاخسارہ پھرکہاں سےآجاتا ہے۔

سی ای او پی آئی اے نے بتایا کہ 141پائلٹس کے لائسنسز میں مسائل تھےجن میں سے 69کلیئرہوگئے جبکہ ڈی جی سی اےاے نے اجلاس میں کہا کہ غلط لائسنسز لینے اور جن لوگوں نے مدد کی ان کےخلاف کارروائی کی جارہی ہے، دراصل کوئی بھی لائسنسز جعلی نہیں تھا، سابق وزیر غلام سرور نے اسمبلی کے فلور پریہ بات کی تھی۔

جس پر سینیٹر شیری رحمان کا کہنا تھا کہ پی آئی اے پر پابندی وغیرہ کےایشوز اس بیان کےبعد لگے تھےنا تو ،ڈی جی سی اےاے نے کہا جی ایسا ہی ہے زیادہ مسائل اسی وجہ سے ہوئے۔

کراچی: پاکستان انٹرنیشنل ایئرلائن (پی آئی اے) نے یوم پاکستان پر عام تعطیل کا اعلان کیا ہے۔

پاکستان انٹرنیشنل ایئرلائن کی سرکلر کے مطابق 23 مارچ کو ہیڈ آفس سمیت تمام دفاتربند رہیں گے، لیکن ایئرپورٹس سمیت مختلف شعبہ جات میں کام کرنے والے ملازمین کام جاری رکھیں گے۔

یاد رہے کہ ’یوم پاکستان‘ پاکستان کی تاریخ کا بہت اہم دن ہے۔ 23 مارچ 1940 کو قرارداد پاکستان پیش کی گئی تھی۔

قرارداد پاکستان کی بنیاد پر ہی مسلم لیگ نے برصغیر میں مسلمانوں کے جدا گانہ وطن کے حصول کیلئے تحریک شروع کی تھی اور سات برس کے بعد اپنا مطالبہ منظور کرانے میں کامیاب رہی۔

اسی قرار داد کے نتیجے میں اسلامی جمہوریہ پاکستان 14 اگست 1947 کو دنیا کے نقشے پر ابھرا۔

کراچی : پی آئی اے کے یورپی ملکوں میں فضائی آپریشن  کی بحالی  کے معاملے پر یورپی ایوی ایشن سیفٹی ایجنسی کی جانب سے پی آئی اے کے آن لائن آڈٹ کا پہلا مرحلہ مکمل ہوگیا۔

منگل کو دن بھر ایاسا کی جانب سے پی آئی اے سے آن لائن آڈٹ کے دوران تیکنیکی نوعیت کے سوالات و معاملات زیربحث رہے۔

ذرائع نے بتایا کہ  ایاسا ٹیم کی جانب سے فلائٹ سیفٹی، انجینئرنگ، فلائٹ آپریشنز کی مجموعی صورتحال کے حوالے سے آگاہی لی گئی اور پی آئی اے نے سیفٹی اور دیگر انتظامی امور سے متعلق ایاسا ٹیم کو آگاہ کیا۔

ذرائع کے مطابق ایاسا ممبرز کی ٹیم ممبران یورپ(اٹلی اور فرانس )سے آن لائن آڈٹ کے حوالے سے قومی ائرلائن سے منسلک تھے۔

ذرائع نے کہا کہ اگلے مرحلے میں ایاسا ٹیم پاکستان آکر پی آئی اے کا آن سائٹ آڈٹ کرے گی، آن سائٹ آڈٹ پی آئی اے پر یورپی ملکوں کے فلائٹ آپریشن کی راہ میں حائل پیچیدگیوں کے لیے معاون ثابت ہوگا۔

ذرائع کے مطابق کپتانوں کے مبینہ جعلی لائسنس اسکینڈل کے سبب پی آئی اے پر جولائی 2020 سے یورپی ملکوں کے براہ راست فضائی آْپریشن پر پابندی عائد ہے۔

کراچی : پی آئی اے انتظامیہ نے یورپی ممالک میں فضائی آپریشن بحالی کے معاملے پر ایاسا کی جانب سے آڈٹ کی تیاریاں مکمل کرلیں۔

تفصیلات کےمطابق  پی آئی اے کے یورپی ممالک میں فضائی آپریشن بحالی کے معاملے پر یورپی ایوی ایشن سیفٹی ایجنسی کل سے آن لائن سیفٹی آڈٹ شروع کرے گی۔

،ذرائع کا کہنا ہے کہ  پی آئی اے حکام سے فلائٹ سیفٹی سے متعلق سوالات کیےجائیں گے، پی آئی اے انتظامیہ نے ایاسا کی جانب سے آڈٹ کی تیاریاں مکمل کرلیں۔

پی آئی اے حکام ایاسا  کو فلائٹ سیفٹی، انجینئرنگ اور دیگر شعبوں میں اٹھائےگئے اقدامات سے آگاہ کریں گے۔

آن لائن آڈٹ میں کامیابی کےبعدایاساٹیم پاکستان آکرپی آئی اےکی تیاریوں کاآن سائٹ آڈٹ کرے گی اور آن سائٹ آڈٹ میں کامیابی کے بعد یورپی ملکوں کے فلائٹ آپریشن پر عائد پابندی ہٹ جائے گی۔

پی آئی اے پر جولائی 2020 سے یورپی ممالک کے براہ راست فضائی آپریشن پر پابندی عائدہے ، یورپ اور برطانیہ کے روٹس پر پابندی سے پی آئی اے کو اربوں روپے کا نقصان ہوچکا ہے۔