Tag: پی آئی اے

کراچی : دمشق ائیرپورٹ پر اسرائیلی فورسز کی بمباری سے رن وے مکمل طور پر غیر فعال ہونے کے باعث پی آئی اے نے تمام پروازیں منسوخ کردیں۔

تفصیلات کے مطابق دمشق ائیرپورٹ پر اسرائیلی فورسز کی جانب سے بمباری سے آپریشن مکمل طور پر معطل کردیا گیا اور دونوں رن وے غیر فعال ہوگئے۔

ایئرپورٹ پر آپریشن معطل ہونے کے باعث پی آئی اے کو بھی کراچی تا دمشق پرواز کو منسوخ کرنا پڑا، پی آئی اے کی پرواز پی کے 135 170 مسافروں کو لے کر کل علی الصبح روانہ ہونی تھی۔

دمشق سے واپسی کی پرواز پی کے 136 نے بھی 169 مسافروں کو لے کر واپس آنا تھا تاہم رن وے مکمل طور پر غیر فعال ہونے کے باعث ان پروازوں کو منسوخ کردیا گیا ہے۔

ترجمان پی آئی اے کاکہنا ہے کہ مسافروں کو پیش آنے والی زحمت کیلیے معذرت خواہ ہیں تاہم آپریشنل حالات کی بنا پر یہ فیصلہ ناگزیر تھا

ترجمان نے کہا کہ رن وے کے بحال ہوتے ہی پرواز کی دوبارہ تیاری کرلی جائے ورنہ متبادل ذرائع سے مسافروں کو روانہ کیا جائے گا، اس حوالے سے پی آئی اے کال سینٹر کے ذریعے سے تمام مسافروں کو مطلع کیا جارہا ہے۔

کراچی : قومی ایئرلائن نے ملک کے سب سے بڑے پری حج فلائٹ آپریشن کا اعلان کردیا ، پی آئی اے کی پہلی پرواز 6 جون کو اسلام آباد سے مدینہ کیلئے روانہ ہوگی۔

تفصیلات کے مطابق قومی ایئرلائن نے ملک کے سب سے بڑے پری حج فلائٹ آپریشن کا اعلان کردیا ، پی آئی اے سرکاری و پرائیوٹ 40ہزار سے زائد عازمین کو حجاز مقدس پہنچائے گی۔

پی آئی اے کی پہلی پرواز 6 جون کو اسلام آباد سے مدینہ کیلئے روانہ ہوگی ، پی آئی اے اپنے پری اور پوسٹ حج آپریشن میں 400پروازیں آپریٹ کرے گی۔

پی آئی اے انتظامیہ نے کہا کہ 200 پروازوں کے ذریعے 5 بڑے شہروں اسلام آباد،کراچی ، لاہور ،ملتان اور کوئٹہ سے عازمین کو حجاز مقدس پہنچائے گی جبکہ 200پروازوں کے ذریعے حجاج کرام کی وطن واپسی ہوگی۔

حج فلائٹ آپریشن میں پی آئی اے کے بوئنگ777 اور کوئٹہ کیلئے ایئربس 320 طیارے استعمال ہوں گے، 15جون تک عازمین کو مدینہ اور15 سے 3جولائی تک عازمین کو جدہ پہنچایا جائے گا۔

وزارت مذہبی امور کی جانب سے فلائٹ شیڈول نہ دینے کی وجہ سے حج آپریشن تاخیر کا شکار ہوا۔

دوسری جانب نجی ایئرلائن سرین ایئر نے پری حج فلائٹ آپریشن کا اعلان کردیا ہے ، پہلی پرواز 4اور5جون کی درمیانی شب اسلام آباد سے جدہ کیلئے روانہ ہوگی۔

سی ای اوائیر وائس مارشل (ر)محمد صفدر ملک کا کہنا ہے کہ سرین ایئر 42 پروازوں کے ذریعے 13ہزار سے زائد عازمین کو حجاز مقدس پہنچائے گی۔
.
محمد صفدر ملک نے بتایا کہ جدہ اور مدینہ کیلئے اپنے جدید طیارے ائیر بس 330 استعمال کرے گا، سرین ایئرنے عازمین کی سہولت کیلئے تمام تر انتظامات مکمل کرلئے ہیں۔

کراچی : پی آئی اے نے جدہ کے نارتھ ٹرمینل پر رش کے باعث 4 خصوصی پروازوں کی اجازت لے لی ، پروازوں سے400سے زائد مسافروں کو واپس لایا جائے گا۔

تفصیلات کے مطابق جدہ کے نارتھ ٹرمینل پر غیر معمولی رش اور پروازوں کی تاخیر کے باعث پی آئی اے نے 4خصوصی پروازوں کی اجازت لے لی۔

ترجمان پی آئی اے کا کہنا ہے کہ پروازوں کی تاخیر سے متاثرہ مسافروں کو ہوٹل میں منتقل کردیا ہے ، مسافروں کو خصوصی کوسٹرز کےذریعے مدینہ منتقل کیا گیا۔

ترجمان نے بتایا کہ خصوصی پروازوں سے400سے زائد مسافروں کو واپس لایا جائے گا ، پی آئی اے خصوصی پروازوں کیلئے ایئر بس 320طیارے استعمال کررہی ہے۔

یاد رہے سعودی عرب میں جدہ ائیرپورٹ پر مسافروں کے غیر معمولی رش کے باعث پی آئی اے کی تمام پروازوں کو حج ٹرمینل منتقل کر دیا گیا تھا۔

تمام پروازیں میں 4 سے 5 گھنٹے تاخیر مسافروں کو مشکلات کا سامنا رہا جبکہ سینکڑوں مسافروں نے دروازے بند ہونے کے باعث رات باہر گزاری۔

وفاقی وزیر سعد رفیق نے سی ای او پی آئی اے کو مسافروں کو سہولیات فراہمی کی ہدایات کر دی۔

ترجمان پی آئی اے کا کہنا تھا کہ ایجنٹس اور کال سینٹر کے ذریعے ٹرمینل منتقلی کی اطلاع کا کام شروع کردیا، شیڈول پروازوں کے مسافر اب حج ٹرمینل پر جائیں، شمالی ٹرمینل پر موجود مسافروں کو بسوں سے حج ٹرمینل لے جایا جائے گا۔

کراچی: قومی ایئرلائن (پی آئی اے) نے اس بار عید کے موقع پر مسافروں کیلئے کرایوں میں کمی کا اعلان نہیں کیا، ماضی میں عید کے موقع پرہر سال 25فیصد کرایوں میں کمی کا اعلان کرتی تھی۔

تفصیلات کے مطابق نئی حکومت آنے کے بعد پی آئی اے نے عید کے موقع پر مسافروں کو کوئی ریلیف فراہم نہیں کیا، اس بارپی آئی اے کی جانب سے عید کے موقع پر مسافروں کیلئے کرایوں میں کمی نہیں کی گئی۔

اندرون ملک جانیوالی پرواز پر اضافی کرائے وصول کئے جارہے ہیں ، اس حوالے سے پی آئی اے انتظامیہ کا کہنا ہے کہ پی آئی اے نے فیول پر 70ڈالر کی بجٹنگ کی ہوئی تھی لیکن فیول120ڈالر جا پہنچا ہے، اس سال پی آئی اے نے اندرون ملک پروازوں کے کرایوں میں کمی نہیں کی۔

ایدھن کی قیمتوں کی وجہ سے پی آئی اے نے اپنی پروازوں کے شیڈول میں بھی کمی کی ہوئی ہے ۔

دوسری جانب نجی ایئرلائن انتظامیہ کی جانب سے عید کے موقع پر مسافروں کی سہولت کیلئے 17 سے 20 فیصد کرایوں میں کمی کی گئی ہے۔

نجی ایئرلائن انتظامیہ کا کہنا ہے کہ کرایوں میں کمی کا مقصد مسافروں کو عید پر اپنے اہل خانہ کے ساتھ خوشیوں میں شریک کرنا ہے۔

خیال رہے ماضی میں پی آئی اے عید کے موقع پر ہر سال 25 فیصد کرایوں میں کمی کا اعلان کرتی تھی۔