Tag: پی آئی اے

کراچی : پاکستان سے برطانیہ جانے والے مسافروں کے لئے اہم خبر آگئی ، اسلام آباد سے براہ راست مانچسٹر پرواز چلانے کی منصوبہ بندی کا آغاز کردیا گیا۔

تفصیلات کے مطابق پی آئی اے  نے برطانیہ کیلئے پروازوں کی تیاریاں شروع کردی ، برطانوی محکمہ ٹرانسپورٹ کے سیفٹی ریوروو بورڈ کا اجلاس پندرہ مارچ کو متوقع ہے، ائندہ اجلاس میں پاکستانی ائیرلائنز کو اجازت نامہ ملنے کی توقع ہے۔

پہلے مرحلے میں قومی ائیرلائن اٹھائیس مارچ سے اسلام آباد سے براہ راست مانچسٹر پرواز چلانے کی منصوبہ بندی کررہی ہے اور دوسرے مرحلے میں پی آئی اے اسلام آباد اور لاہور سے لندن،برمنگھم شروع کرے گی۔

قومی ائیرلائن انتطامیہ نے برطانوی فلائٹ آپریشن کے انتظامات مکمل کرنے کے لیے گراونڈ ہینڈلنگ،کیٹرئنگ،کریو ہوٹلز کے ٹینڈرز جاری کردیے۔

قومی ایئرلائن ترجمان کا کہنا ہے کہ برطانوی محکمہ ٹرانسپورٹ ڈی ایف ٹی کی جانب سے فیصلے کا انتظار کررہے ہیں۔ مثبت فیصلہ انے کی صورت میں فل فور آپریشن کا آغاز کردیا جائے گا۔

ترجمان نے بتایا کہ برطانوی مارکیٹ پی آئی اے نیٹ ورک ایک انتہائی اہم روٹ ہے، مسافروں کو بین الاقوامی میعار کی اطمینان بخش سروسز مہیا کی جائیں گی۔

ترجمان کا کہنا تھا کہ پابندیوں سے قبل قومی ائیرلائنز کا یورپ برطانیہ روٹ کل آمدن 37 فیصد تھا، قومی ائیرلائن برطانیہ فلائٹس آپریشن کے لیے بوئنگ 777 طیارے استعمال کرے گی۔

قومی ایئرلائن نے کہا ہے کہ برطانیہ فلائٹ آپریشن کے لیے پہلے مرحلے میں ہفتہ وار تین پروازیں آپریٹ کی جائیں گی۔

کراچی : پاکستان سے براہ راست برطانیہ جانیوالے مسافروں کی بڑی مشکل آسان ہوگئی، پی آئی اے کو برطانیہ میں جلد پروازوں کے لیے اجازت ملنے کی امید ہے۔

تفصیلات کے مطابق قومی ایئرلائن پی آئی اے نے برطانیہ کے فلائٹ آپریشن کی تیاری تیز کردی ، فلائٹ آپریشن سے قبل پی آئی اے نے فلائٹ کیٹرنگ سروس کے لیے ٹینڈر جاری کردیا۔

پی آئی اے نے برطانیہ کے 3 اسٹیشن پرفلائٹ کیٹرنگ سروس کے لیے درخواست طلب کرلی ہے ، لندن، مانچسٹر اور  برمنگھم اسٹیشن پرکیٹرنگ سروس کے لیے رجسٹرڈکمپنیوں سےدرخواست طلب کی گئی۔

دلچسپی رکھنے والی کمپنیوں کو کنٹری منیجر برطانیہ کو درخواست بھیجنے کی ہدایات کردی گئیں ہیں۔

پی آئی اے کو برطانیہ میں جلد پروازوں کے لیے اجازت ملنے کی امید ہے ، اس وقت برطانوی سی اےاے،محکمہ ٹرانسپورٹ کی ٹیم پاکستان دورےپرآڈٹ کر رہی ہے۔

سی اے اے اور پی آئی اے کے آڈٹ میں کامیابی پر پی آئی اے کوجلد پروازوں کی بحالی کی امید ہے۔

مزید پڑھیں : پاکستان سے برطانیہ کے لیے براہ راست پروازوں کے حوالے سے اہم پیش رفت

یاد رہے قومی ایئرلائن برطانیہ کیلئے مارچ کے وسط سے براہ راست اپنا فلائٹ آپریشن شروع کرنے جارہی ہے، اس سلسلے مین ایئرلائن نے لندن کے ہتھروایئرپورٹ پر اپنے سلاٹ کی فعالی اور ٹریمنل 4سے آپریشن شروع کرنے کے حوالے سے کام کا آغاز کردیا ہے۔

قومی ایئرلائن انتظامیہ کا کہنا تھا کہ برطانوی کی آڈٹ ٹیم پی آئی اے فلائٹ سیفٹی شعبہ انجینئرنگ اور دیگر فضائی حفاظتی شعبوں کا آڈٹ کررہی ہے قوی امید ہے کہ پی آئی اے کامیابی حاصل کرے گا، جس کے بعد برطانیہ کیلئے اپنے بوئنگ 777طیارے استعمال ہوں گے۔

قومی ایئرلائن میں احتساب کا عمل جاری ہے، فون کی اسمگلنگ میں ملوث پائے جانے پر ادارے نے دو ملازمین کو نوکری سے نکال دیا۔

پاکستان انٹرنیشنل ایئرلائن نے موبائل فون اسمگل کرنے پر اپنے دو ملازمین کو ملازمت سے برخاست کردیا ہے، دونوں ملازمین غیرقانونی طور پر موبائل فون اسمگل کرنے میں ملوث پائے گئے تھے۔

انتظامیہ نے قواعد و ضوابط کے تحت انکوائری کے بعد مذکورہ دونوں ملازمین کو ملازمت سے برخاست کیا۔ پی ائی اے اپنے اور ملکی قوانین کی خلاف ورزی پر کسی قسم کی رعایت نہیں برتے گا۔

اس سے قبل گزشتہ دنوں قومی ایئرلائن پی آئی اے سے چند ماہ میں سیکڑوں استعفے جمع کرائے جانے کا انکشاف بھی سامنے آچکا ہے۔

پی آئی اے کا ساڑھے 4 سال بعد یورپ کیلئے فلائٹ آپریشن بحال، پہلی پرواز روانہ

سوسائٹی آف ایئر کرافٹ انجینئرز آف پاکستان (سیپ) ‏کے سیکریٹری جنرل نے پی آئی اے انتظامیہ کو ایک خط لکھا تھا، جس میں کہا گیا تھا کہ پی آئی اے سے انتہائی ہنر مند ایئر کرافٹ انجینئرز، آفیسر انجینئرز اور تکنیکی ماہرین کے خیرباد کہنے کا معاملہ انتہائی خطرناک ہے۔

خط میں یہ تشویش ناک نشان دہی کی گئی تھی کہ حالیہ کچھ ماہ کے دوران سیکڑوں استعفے جمع کروائے جا چکے ہیں، اور بہت سے دیگر ہنر مند مستفعی ہونے کا ارادہ کر چکے ہیں۔

اتنی بڑی تعداد کا قومی ادارے کو چھوڑنا ہنر مند افرادی قوت کی سنگین کمی کا سبب بن سکتا ہے، خط میں کہا گیا تھا کہ ان عوامل کے نتیجے میں فضائی بیڑے کی حفاظت اور فضائی قابلیت کو برقرار رکھنے میں سنگین چیلنجز پیدا ہو رہے ہیں۔

اس رجحان کی بنیادی وجہ 2016 سے تنخواہوں میں عدم اضافہ اور ناکافی فوائد ہیں، موجودہ مہنگائی اور ٹیکسز کے حساب سے تنخواہوں اور دیگر مراعات کو ایڈجسٹ نہیں کیا گیا۔