Tag: پی آئی اے

کراچی : قومی ائیر لائن نے جشن آزادی کے موقع پر سعودی عرب اور خلیجی ممالک جانے والے مسافروں کے لیے بڑے ریلیف کا اعلان کردیا۔

تفصیلات کے مطابق قومی ائیر لائن ( پی آئی اے) جشنِ آزادی کے موقع پر مسافروں کے لیے کرایوں میں خصوصی رعایت کا اعلان کردیا۔

ترجمان نے بتایا کہ قومی ایئرلائن 14 اگست کو سفر کرنے والے مسافروں کو فضائی ٹکٹس پر 14 فیصد ڈسکاؤنٹ فراہم کرے گی۔

رعایت کا اطلاق ڈومیسٹک، سعودی عرب، گلف ممالک، یو اے ای اور کویت کے ٹکٹس پر ہوگا، جبکہ لاہور سمیت ملک بھر کے ریزرویشن دفاتر کو اس حوالے سے ہدایات جاری کردی گئی ہیں۔

دوسری جانب نجی ایئر لائن نے بھی جشن آزادی کی مناسبت سے کرایوں میں 14فیصد رعایت کا اعلان کیا۔

ترجمان نجی ایئرلائن نے بتایا کہ 11 سے 17 اگست تک خریدے گئے ڈومیسٹک اور یو اے ای کے ٹکٹس پر 14 فیصد رعایت دی جائے گی، جو 11 اگست سے 30 ستمبر تک کے سفر کے لیے قابلِ استعمال ہوں گے۔

ترجمان کے مطابق رعایت ویب سائٹ اور موبائل ایپ کے ذریعے خریدے گئے ٹکٹس پر بھی لاگو ہوگی۔

پاکستان کی قومی فضائی کمپنی پی آئی اے کا 29 اپریل سے شروع ہونے والا قبل از حج آپریشن آج مکمل ہو گیا ہے۔

رواں برس مناسک حج کا آغاز بدھ 4 جون سے ہو رہا ہے اور دنیا بھر سے سعودی عرب پہنچنے والے عازمین جمعرات 5 جون کو حج کا فریضہ ادا کریں گے۔

پاکستان کی قومی فضائی کمپنی پی آئی اے کا 29 اپریل سے شروع ہونے والا قبل از حج آپریشن آج مکمل کر لیا گیا ہے۔ 33 دن پر مشتمل اس حج آپریشن میں 147 پروازوں کے ذریعہ 42 ہزار 400 عازمین کو حجاز مقدس پہنچایا گیا ہے۔

ترجمان کے مطابق پی آئی اے کے بعد از حج آپریشن کا آغاز 10 جون سے ہوگا۔

واضح رہے کہ سعودی عرب کی جانب سے رواں برس پاکستان کو ملنے والے حج کوٹہ میں نصف سرکاری اور نصف نجی ٹور آپریٹرز کو دیا گیا تھا۔

تاہم نجی ٹور آپریٹرز کے ذریعہ صرف 23 ہزار 620 عازمین ہی حج کے لیے سعودی عرب جا سکے ہیں۔ 67 ہزار سے زائد عازمین رقم کی ادائیگی کے باوجود رواں برس حج سے محروم رہیں گے۔

ملکی تاریخ میں حج سے متعلق اس بڑے اسکینڈل میں وزارت حج نے 67 ہزار سے زائد عازمین کے حج سے محروم رہنے کا ذمہ دار نجی حج ٹور آپریٹرز کو قرار دیا جب کہ نجی ٹور آپریٹرز نے اس کی ذمہ داری بیورو کریسی پر عائد کی ہے۔

https://urdu.arynews.tv/bureaucracy-is-responsible-for-failing-the-private-hajj-scheme-tour-operators/

پاکستان ایئر لائن (پی آئی اے) نے لاہور سے پیرس تک براہ راست فلائٹ آپریشن کا اعلان کر دیا ہے آغاز اگلے ماہ سے ہوگا۔

پاکستان ایئر لائن (پی آئی اے) نے لاہور سے پیرس تک براہ راست فلائٹ آپریشن کا اعلان کر دیا ہے پہلی پرواز اگلے ماہ 18 جون کو لاہور سے پیرس کے لیے اڑان بھرے گی۔

پی آئی اے انتظامیہ کے مطابق لاہور سے پیرس کے لیے ہفتہ وار پرواز چلائی جائے گی۔ اس سے مسافروں کو سفری سہولت کے ساتھ زرمبادلہ میں بھی اضافہ ہوگا۔

انتظامیہ کا کہنا ہے کہ پی آئی اے اسلام آباد سے ہفتہ وار دو پروازیں پہلے ہی آپریٹ کر رہی ہے۔

واضح رہے کہ پی آئی اے نے گزشتہ چند ماہ کے دوران 8 انٹرنیشنل روٹس بحال کیے تھے۔ جب کہ ساڑھے چار سال بعد رواں برس اسلام آباد ایئرپورٹس سے پیرس کے لیے پروازیں بحال کی گئی تھیں۔

پاکستان میں متعین فرانسیسی سفیر نے پاکستان انٹرنیشنل ایئرلائن کی پیرس کے لیے پروازوں کی بحالی کو خوش آئند قرار دیا تھا اور فرانسیسی سفارتکاروں نے وطن واپسی کیلیے پی آئی اے کی براہ راست پرواز کا انتخاب کیا تھا۔

https://urdu.arynews.tv/french-diplomats-chose-pia-to-travel-to-paris/

پاکستان انٹرنیشنل ایئر لائن (پی آئی اے) کی پرواز میں ایک مسافر سگریٹ نوشی سے منع کرنے پر آپے سے باہر ہوگیا اور فضائی میزبان پر تشدد کیا۔

اے آر وائی نیوز کے مطابق یہ واقعہ گزشتہ روز اسلام آباد سے پیرس جانے والی پی آئی اے کی پرواز پی کے 749 میں پیش آیا۔ سفیر نامی ایک مسافر دوران پرواز خلاف قانون تمباکو نوشی کر رہا تھا۔

خاتون فضائی عملے کی جانبسے منع کرنے کے باوجود مسافر نے تمباکو نوشی بند نہ کی اور بدتمیزی پر اترتے ہوئے آپے سے باہر ہو گیا اور فضائی میزبان پر تشدد شروع کر دیا۔

عملے اور کپتان کی جانب سے سگریٹ نوشی سے روکنے پر مسافر نے خاتون فضائی میزبان کا بازور پکڑ کر مروڑا اور کمر پر مکہ مارا جس سے وہ زخمی ہوگئی۔

مسافر نے فلائیٹ اسٹورٹ اور کپتان پر بھی حملہ کیا مگر انہوں نے محوظ رہ کر مسافر سے سگریٹ چھین لی۔

واقعہ کے بعد پیرس ایئرپورٹ پر لینڈنگ سے قبل کپتان نے ایئر ٹریفک کنٹرولر سے رابطہ کر کے سیکیورٹی طلب کی اور طیارے کے لینڈ کرتے ہی سیکیورٹی اہلکاروں نے جہاز میں پہنچ کر ملزم مسافر کو گرفتار کر لیا۔

سیکیورٹی فورس نے تشدد کا شکار فضائی میزبانوں کے بیانات ریکارڈ کر کے اور ان کا میڈیکل کروا کر پولیس رپورٹ درج کر لی ہے۔

ترجمان پی آئی اے نے واقعہ کی تصدیق کرتے ہوئے کہا ہےکہ مذکورہ مسافر کو پی آئی اے پر بلیک لسٹ کر دیا گیا ہے اور اب وہ دوبارہ قومی ایئر لائن پر سفر نہیں کر سکے گا۔

ترجمان کا کہنا تھا پی ائی اے کے عملے نے اپنے فرائض منصبی کی ادائیگی میں پروفیشنلزم سے کام لیا اور اب قانون اپنا کام کرے گا۔ فرانسیسی قوانین اس معاملے میں بہت سخت ہیں اور امید ہے کہ مسافر سے کسی قسم کی رعایت نہیں برتی جائے گی۔

کراچی : قومی ایئرلائن ( پی آئی اے) کی جانب سے قبل از حج آپریشن کا اعلان کردیا گیا، آپریشن 29 اپریل سے یکم جون تک جاری رہے گا۔

تفصیلات کے مطابق پاکستان انٹرنیشنل ایئرلائن (پی آئی اے) نے حج آپریشن کی تیاریاں مکمل کرلیں ، قبل از حج آپریشن 29 اپریل سے یکم جون تک جاری رہے گا۔

اس دوران قومی ایئرلائن مجموعی طور 56 ہزار سے زائد عازمین حج کو 280 پروازوں سےحجازمقدس پہنچائے گی۔

قومی ایئرلائن کا بعد از حج آپریشن 12 جون سے 10 جولائی تک جاری رہےگا ، حج آپریشن میں بوئنگ 777 اور ائیر بس 320 طیارے آپریٹ کرے گا۔

ذرائع کے مطابق رواں سال 20 ہزار عازمین سرکاری حج اسکیم کے تحت جب کہ 36 ہزار پرائیویٹ اسکیم کے تحت پی آئی اے کی پروازوں سے سفر کریں گے۔

ترجمان کا کہنا ہے کہ تمام پروازیں وقت پر اور محفوظ طریقے سے مکمل کرنے کے لیے خصوصی انتظامات کیے گئے ہیں اور عازمین حج کو کسی بھی زحمت سے بچانے کے پیش نظر ہر ممکن سہولت فراہم کی جائے گی۔

کراچی : پی آئی اے انتظامیہ نے ایئر کرافٹ ٹیکنیشنز کو ڈیلی ویجز بنیاد پر بھرتی کرنے کا فیصلہ کرلیا، کنٹریکٹ پر بھرتی کے لیے انٹرویو شروع کردیے ہیں۔

تفصیلات کے مطابق قومی ائیرلائن میں 110 انجینئرز اور ٹیکنیشنز کے استعفوں کے معاملے پر ایئرلائن انتظامیہ نے ایئر کرافٹ ٹیکنیشنز کو ڈیلی ویجز بنیاد پر بھرتی کرنے کا فیصلہ کرلیا۔

پی آئی اے شعبہ انجینئرنگ حکام نے اپرنٹس شپ کرنے والے امیدواروں کو طلب کر لیا، ذرائع نے بتایا کہ کنٹریکٹ پر بھرتی کے لیے انٹرویو شروع کردیے۔

ذرائع کا کہنا ہے کہ ایئر کرافٹ انجینئرز کو بھرتی کرنے کے لیے فیصلہ نہیں کیا گیا، ایئر کرافٹ انجینئرز کا آخری فریش بیچ 2016 میں بھرتی کیا گیا تھا۔

مزید پڑھیں : پی آئی اے سے چند ماہ میں سیکڑوں استعفے جمع کرائے جانے کا انکشاف

یاد رہے قومی ایئر لائن پی آئی اے سے چند ماہ میں سیکڑوں استعفے جمع کرائے جانے کا انکشاف ہوا تھا۔

سوسائٹی آف ایئر کرافٹ انجینئرز آف پاکستان (سیپ) ‏کے سیکریٹری جنرل نے پی آئی اے انتظامیہ کو ایک خط لکھا تھا، جس میں کہا گیا تھا کہ قومی ایئر لائن سے انتہائی ہنر مند ایئر کرافٹ انجینئرز، آفیسر انجینئرز، اور تکنیکی ماہرین کے خیرباد کہنے کا معاملہ انتہائی خطرناک ہے۔

خط میں یہ تشویش ناک نشان دہی کی گئی ہے کہ حالیہ کچھ ماہ کے دوران سیکڑوں استعفے جمع کروائے جا چکے ہیں، اور بہت سے دیگر ہنر مند مستفعی ہونے کا ارادہ کر چکے ہیں، اتنی بڑی تعداد کا قومی ادارے کو چھوڑنا ہنر مند افرادی قوت کی سنگین کمی کا سبب بن سکتا ہے۔