Tag: پی آئی اے
-
پیرس: پی آئی اے کی پرواز3گھنٹے تاخیر کا شکار،مسافروں کو مشکلات
پیرس ائیرپورٹ پر پی آئی اے کی پرواز تین گھنٹے تک تاخیر کا شکار رہی، جس کے باعث مسافروں کو شدید مشکلات کا سامنا کرنا پڑا۔
ذرائع کے مطابق پیرس ائیرپورٹ پر پی آئی اے کی پرواز پی کے سیون تھری فور سیکیورٹی کلیئرنس نہ ملنے کی وجہ سے تاخیر کا شکار ہوئی، جس کے باعث تین گھنٹوں تک مسافروں کو شدید مشکلات کا سامنا کرنا پڑا۔
ائیر پورٹ انتظامیہ کیجانب سے سیکیورٹی کلیئرنس نہ دئیے جانے کی وجوہات معلوم نہ ہوسکیں۔
-
اکرم شیخ نے پی آئی اے کا ہزاروں کا نقصان کردیا
وطن عزیز میں عوام کیلئے قانون کچھ اور لیکن معروف ترین قانون دان کیلیے قانون کچھ اور ہی ہے، اس کی تازہ ترین مثال لاہور ایئرپورٹ پر دیکھنے میں آئی جہاں قومی ایئرلائن کسی مسافر کو پینتالیس کلو سے زائد وزن نہیں لے جانے دیتی لیکن اکرم شیخ بلا معاوضہ سو کلواضافی سامان لے گئے۔معروف قانون اکرم شیخ قومی ایئرلائن کی پرواز پی کے سات پانچ پانچ سے سعودی عرب روانہ ہوئے، اور جاتے جاتے قومی ادارے کو ہزاروں روپے کا ٹیکہ لگا گئے۔
پی آئی اے نے اکرم شیخ کو سو کلو اجافی سامان مفت لے جانے کی اجازت دیدی پی آئی اے قوانین کے مطابق بین الاقوامی پرواز پر کسی مسافر کوپینتالیس کلو تک سامان مفت لے جانے کی اجازت ہوتی ہے، لیکن لاجواب لوگوں کی باکمال سروس نے اکرم شیخ کو سو کلو اضافی سامان لے جانے کی سہولت دیدی۔معروف قانون دا ن اکرم شیخ سابق صدر پرویز مشرف کیخلاف آرٹیکل چھ کے مقدمہ میں وفاق کے وکیل بھی ہیں۔
-
قومی ایئر لائن میں بھی جلی ڈگریوں پر ملازمتیں حاصل کرنے کا انکشاف
قومی اور صوبائی اسمبلیوں کے بعدقومی ایئر لائن میں بھی جلی ڈگریوں پر ملازمتیں حاصل کرنے کا انکشاف ہوا ہے،سولہ ہزار سے زائد ملازمین کی ڈگریاں چیک ہوں گی۔
جعلی ڈگریوں کی گونج قومی ایئر لائن جیسے حساس ادارے میں بھی سنائی دی جارہی ہے، پی آئی اے کے بورڈ آف ڈائریکٹر کا اجلاس چیئرمین اور سیکریٹری ایوی ایشن محمد علی گردیزی کی صدارت میں لاہور میں ہوا جس میں جعلی ڈگری کے حامل ملازمین کے خلاف سخت کارروائی کی ہدایت کی گئی۔
ذرائع کے مطابق سولہ ہزار سے زائد ملازمین کی ڈگریاں تصدیق کیلئے جامعات کو روانہ کردی گئی ہیں، چار ہزار ڈگریوں میں سے دو سو چھبیس ملازمین کی ڈگریاں جعلی نکلیں،جعلی ڈگری رکھنے والوں میں کپتان ، منیجرز ، اور گرو پ چار سے پانچ کے ملازمین شامل ہیں۔ ،
بورڈ آف ڈائریکٹرز کے اجلاس میں تین ماہ کے بجٹ کی منظوری دی گئی اورملازمین کی ترقی کیلئے مینجمنٹ کورس کرانے کا فیصلہ کیا گیا ، کورس پاس کرنے والے کو اگلے گریڈ میں ترقی دی جائے گی۔
-
لندن:پی آئی اے کی پرواز758فنی خرابی،24گھنٹے تاخیر کا شکار
لندن کے ہیتھرو ائیرپورٹ پر پی آئی اے کی پرواز پی کے سات سو اٹھاون فنی خرابی کے باعث چوبس گھنٹے بعد بھی لاہور کیلئے روانہ نہ ہوسکی۔
ذرائع کے مطابق کرسمس تعطیلات کے باعث پی آئی اے کے انجنئیرز غائب ہیں، جسکی وجہ سے پرواز میں موجود خرابی تاحال دور نہیں کی جاسکی، تاخیر سے تین سو زائد مسافر مشکلات کا شکار ہیں۔
مسافروں کا کہنا ہے کہ انہیں دو مرتبہ جلد روانگی کی یقین دہانی کے باوجود تاحال اس پر عملدرآمد نہیں ہوسکا، سہولیات کی عدم فراہمی پر مسافروں نے شدید احتجاج بھی کیا۔
پرواز لیٹ ہونے پر برطانوی سول ایوی ایشن نے پی آئی اے پر لاکھوں پاؤنڈز کا جرمانہ عائد کر دیا ہے، ذرائع کا کہنا ہے کہ فلائٹ کی روانگی میں مزید ایک دن کی تاخیر ہوسکتی ہے۔
-
لندن میں پی آئی اے کا طیارہ خراب، سیکڑوں مسافر پھنس گئے
لندن میں کرسمس کی تعطیلات کے باعث پی آئی اے کی پرواز کی خرابی دو رنہ کی جاسکی، سیکڑوں مسافر ایئرپورٹ پر پھنس کر رہ گئے۔
لندن میں ان دنوں کرسمس کی تعطیلات ہیں اور پورے ملک میں لوگ کرسمس منا رہے ہیں ،ا یسے میں لندن سے کراچی آنے والے پی آئی اے کے طیارہ میں خرابی پیدا ہو گئی تو کوئی ٹھیک کرنے والا نہ تھا، پی آئ اے کا لندن میں موجود عملہ خود طیارہ کو ٹھیک کرنے میں ناکام رہا۔
جس کے باعث سیکڑوں مسافر ایر پورٹ پر پھنس کر رہ گئے، ترجمان پی آئی اے کا کہنا ہے کہ پی آئی اے انجینئرز کی کوشش ہے کہ طیارے کو لندن کے وقت کے مطابق شام چھ بجے تک روانہ کردیا جائے۔
