Tag: پی آئی اے

کراچی: قومی ایئرلائن ( پی آئی اے ) کا ایک اور فضائی میزبان کینیڈا میں سلپ ہوگیا، جس کی تحقیقات شروع کردی گئی ہیں۔

تفصیلات کے مطابق قومی ایئرلائن کی نجکاری کے عمل شروع ہوتے ہی قومی ایئرلائن فضائی میزبانوں کے کینیڈا میں سلپ ہونے کا سلسلہ تیز ہوگیا۔

قومی ایئرلائن ( پی آئی اے ) کا کیبن کریو ممبر محسن رضا کینیڈا میں سلپ ہوگیا، جس کے بعد کینیڈا میں سلپ ہونے والے کیبن کریو ممبرز کی تعداد دس سے زائد ہوگئی۔

محسن رضا نے ٹورنٹو سے واپس پاکستان پہنچنا تھا لیکن ٹورنٹو سےکراچی کی پرواز کیلئے ڈیوٹی پر رپورٹ نہیں کیا۔

ترجمان قومی ایئرلائن کا کہنا ہے تحقیقات شروع کردیں ہیں ، قصوروارثابت ہونے پر کارروائی کرتے ہوئے ملازمت سے برخاست بھی کیا جاسکتا ہے۔

خیال رہے سال 2022 میں پانچ فضائی میزبان لاپتہ اور سال 2023 میں کینیڈا کی پروازوں پر سات فضائی کریو ممبرز سلپ ہوئے جبکہ سال 2024 میں یہ تعداد 10 سے تجاوز کرگئی ہے تاہم قومی ایئرلائن آج تک کسی بھی فضائی میزبان کو واپس لانے میں ناکام رہی۔

کراچی : ایران اسرائیل کشیدگی کے بعد پی آئی اے ایمرجنسی ریسپانس سینٹر میں بلو لیول کی ایمرجنسی نافذ کردی گئی اور تمام شعبہ جات کو تیار رہنے کی ہدایت کردی۔

تفصیلات کے مطابق ایران کے اسرائیل پر میزائل حملے کے بعد پی آئی اے نے اپنے ایمرجنسی ریسپانس سینٹر کو فعال کردیا، ہدایت پی آئی اے چیف آف سیفٹی کی طرف سے جاری کی گئی ہیں۔

ذرائع کا کہنا تھا کہ پی آئی اے ایمرجنسی ریسپانس سینٹر میں بلو لیول کی ایمرجنسی نافذ کردی گئی ہے اور تمام شعبہ جات کو ایران اسرائیل کشیدگی کے بعد تیار رہنے کی ہدایت کی گئی ہے۔

ذرائع نے بتایا کہ تمام شعبہ جات کو اپنی تمام ایمرجنسی پلان مرتب کرنے کی بھی ہدایت دے دی گئی۔

یاد رہے گذشتہ روز ایران کی جانب سے اسرائیل پرمیزائل حملے کے بعد قومی ایئرلائن نے اپنی تمام پروازوں کو ایرانی فضائی حدود استعمال کرنےسے روک دیا تھا۔

قومی ایئرلائن کے تمام کپتانوں اور فلائٹ آپریشن کو احکامات جاری کئے گئے، جس میں کہا کہ تمام پروازوں کا فلائٹ پلان ازسرنوترتیب دئیےجارہے ہیں۔

ترجمان کا کہنا تھا کہ جب تک صورتحال واضح نہیں ہوجاتی، ایران کی فضائی حدود استعمال نہیں کی جائیں گی۔

خیال رہےقومی ایئرلائن ایران کی فضائی حدود کے دو کوریڈور استعمال کرتا ہے، ناردرن کوریڈور کینیڈا، ترکی جانیوالی پروازیں استعمال کرتی ہیں جبکہ سدرن کوریڈور یواےای، بحرین، دوحہ اورسعودی عرب کیلئے استعمال کیا جاتا ہے۔

کراچی : پاکستان سے ترکیہ جانے والے مسافروں کے لئے بڑی خبر آگئی ، پی آئی اے نے اہم اعلان کردیا۔

تفصیلات کے مطابق قومی ایئرلائن ( پی آئی اے) نے 13 اکتوبر تک ترکیہ کیلئے فلائٹ آپریشن عارضی معطل کردیا، ذرائع نے بتایا کہ استنبول ایئرپورٹ پر انوینٹری اور سلوٹ کی عدم ادائیگی پرآپریشن بند کیا گیا ہے۔

ذرائع نے بتایا کہ اسلام آباد اور لاہور سے ہفتہ وار 4 پروازیں ترکیہ کیلئے آپریٹ کی جاتی ہیں۔

یاد رہے گذشتہ روز ایران کی جانب سے اسرائیل پرمیزائل حملے کے بعد قومی ایئرلائن نے اپنی تمام پروازوں کو ایرانی فضائی حدود استعمال کرنےسے روک دیا تھا۔

قومی ایئرلائن کے تمام کپتانوں اور فلائٹ آپریشن کو احکامات جاری کئے گئے، جس میں کہا کہ تمام پروازوں کا فلائٹ پلان ازسرنوترتیب دئیےجارہے ہیں۔

ترجمان کا کہنا تھا کہ جب تک صورتحال واضح نہیں ہوجاتی، ایران کی فضائی حدود استعمال نہیں کی جائیں گی۔

خیال رہےقومی ایئرلائن ایران کی فضائی حدود کے دو کوریڈور استعمال کرتا ہے، ناردرن کوریڈور کینیڈا، ترکی جانیوالی پروازیں استعمال کرتی ہیں جبکہ سدرن کوریڈور یواےای، بحرین، دوحہ اورسعودی عرب کیلئے استعمال کیا جاتا ہے۔

کراچی : پی آئی اے کے طیاروں میں فنی خرابیاں معمول بن گیا، انجینئرنگ کےشعبے میں نہ ڈھنگ سے کام ہورہا ہے اور نہ پرزے خریدے جارہے ہیں، مرمت نہ ہونے سے 50 فیصد سے زیادہ طیارے گراؤنڈ ہیں۔

تفصیلات کے مطابق شعبہ انجینئرنگ کی عدم توجہ کے باعث قومی ایئرلائن کا فلائٹ آپریشن بری طرح متاثر ہے ، روزانہ کی بنیادوں پر طیاروں میں خرابی آنے کے واقعات معمول بن گئے۔

جس سے مسافروں کو کرنا پڑا اذیت کا سامنا ہے، ذرائع نے بتایا کہ ایئرلائن کے 19 بوئنگ 777 طیاروں میں صرف 5 طیارے اڑان بھر رہے ہیں جبکہ طیاروں کی بروقت مینٹننس نہ ہونے کی وجہ سے گراوٴنڈ ہیں اور ایئر بس 320 کے 17 جہازوں میں سے صرف 9 طیارے آپریٹ ہورہے ہیں۔

ذرائع کے مطابق قومی ایئرلائن کی مبینہ نجکاری کے باعث انجینئرنگ کا شعبہ طیاروں کی مینٹننس پر توجہ نہیں دے رہا ہے، نہ ہی پرزہ جات کی خریداری کے لیے پلاننگ کی گئی۔

یاد رہے کچھ دن پہلے قومی ایئرلائن نے پشاورکاطیارہ کراچی میں اتاردیا، دبئی سے پشاور جانے والی پرواز کو فنی خرابی کے باعث اتوار کی شب کراچی ایئرپورٹ پر لینڈنگ کرنا پڑی تاہم کئی گھنٹے گزرنے کے بعد مسافروں کو متبادل پرواز سے پشاور روانہ کیا گیا تھا۔

اس سے قبل بھی قومی ایئر لائن کی دبئی سے پشاور آنے والی پرواز میں اڑان بھرتے ہی فنی خرابی پیدا ہوگئی تھی، جس کے بعد طیارے نے واپس ایمرجنسی لینڈنگ کی۔

ایوی ایشن ذرائع نے بتایا تھا کہ پروازپی کے 284 میں روانگی کے فوری بعدخرابی پیداہوئی، ایئرٹریفک کنٹرولر دبئی کی ہدایت پر طیارے نے 50 منٹ بعد واپس لینڈنگ کی اور مسافروں کو طیارے سےاتارکر لاونج منتقل کردیا گیا تھا۔