Tag: پی آئی اے

کراچی : پی آئی اے کو ایمسٹرڈیم میں واقع عمارت کی بحالی کیلئے سرمایہ کار کی تلاش ہیں، چار منزلہ عمارت سنہ 2016 میں فضائی آپریشن بند ہونے کے بعد سے غیر فعال ہے۔

تفصیلات کے مطابق پی آئی اے ایمسٹرڈم میں واقع اپنی عمارت کی بحالی کیلئے سرمایہ کاردھونڈ رہی ہے،عمارت کی بحالی کیلئے ڈیڑھ سےدولاکھ یورو درکار ہیں۔

سرمایہ کار کی تلاش اورمذاکرات کیلئے پی آئی اےکی دو رکنی ٹیم ایمسٹرڈیم روانہ ہوگئی ہے ، چار منزلہ عمارت سنہ دوہزارسولہ میں فضائی آپریشن بند ہونے کے بعد سے غیر فعال ہے۔

سرمایہ کار کو ڈھونڈنے جانے والی ٹیم میں ڈائریکٹرپراجیکٹس اورجنرل منیجرجہانگیربلوچ شامل ہیں، ذرائع کے مطابق پی آئی اےکی نجکاری کے باوجود ملکیتی عمارت فروخت نہیں کی جا سکتی۔

ترجمان پی آئی اے نے عمارت بحالی کے لئے سرمایہ کار تلاش کئے جانے کی تصدیق کردی ہے۔

کراچی: ایوی ایشن سے متعلق ایاسا نے پی آئی اے کا سیفٹی آڈٹ مکمل کرلیا، آڈٹ میں کامیابی پر یورپ کیلئے پروازیں بحال ہونگی۔

تفصیلات کے مطابق ایاسا کی جانب سے بحرانوں میں گھری پاکستان انٹرنیشنل ایئرلائن کا سیفٹی آڈٹ مکمل کرلیا گیا ہے۔ آیاسا نے نجی ایئرلائن ایئر بلو اور چارٹر کارگو سروس ویژن ایئرکا بھی آڈٹ کیا ہے۔

ذرائع کا کہنا ہے کہ آڈٹ میں کامیابی پر پی آئی اے اور دیگر ایئرلائنز کی برطانیہ اور یورپ کیلئے پروازیں بحال ہو جائیں گی۔

ترجمان پی آئی اے کا کہنا ہے کہ ایاسا کی ٹیم نے 6 ماہ پہلے کیے جانے والے ریموٹ آڈٹ کی آبزرویشن کی جانچ کی ہے۔

پی آئی اے ترجمان نے بتایا کہ پاکستان کے دورے پر آئی ایاسا ٹیم 4 سے 5 ہفتوں میں رپورٹ دے گی۔ آیاسا کے آڈٹ میں کامیابی کیلئے پُر امید ہیں۔

پی آئی اے انتظامیہ نے گلگت اور اسکردو میں پھنسے سیاحوں کو نکالنے کیلئے آج اسلام آباد سے 6 پروازیں بحال کی ہیں۔

تفصیلات کے مطابق شدید معاشی بحران کا شکار قومی ائیر لائن پی آئی اے کا فلائٹ آپریشن انتہائی محدود کر دیا گیا ہے تاہم اب انتظامیہ نے گلگت اور اسکردو میں پھنسے سیاحوں کو نکالنے کیلئے آج اسلام آباد سے 6 پروازیں بحال کی ہیں۔

حکام کے مطابق ایندھن بحران کے باعث کئی روز سے یہ پروازیں منسوخ کی جارہی تھیں، پرواز پی کے 601، 605 مقرر وقت پر گلگت روانہ ہوگی، جبکہ اسلام آباد اسکردو کی پرواز پی کے 451 اور پی کے 452 بھی آپریٹ ہورہی ہیں۔

حکام کا بتانا ہے کہ گلگت اسلام آباد کی 2 پروازیں پی کے 602 اور پی کے 606 بھی شیڈول پر ہیں، گلگت اسکردو سے پی آئی اے پروازیں پھنسے مسافروں کو اسلام آباد لائیں گی۔

حکام کا کہنا ہے کہ پروازوں کی منسوخی سے سینکڑوں ملکی و غیر ملکی سیاح گلگت اور اسکردو میں پھنسے ہوئے ہیں، پشاور کے باچاخان انٹرنیشل ایئرپورٹ سے بھی پی آئی اے کی تمام پروازیں منسوخ کردی گئیں۔

ایئرپورٹ حکام کا کہنا ہے منسوخ ہونیوالی پانچوں بین الاقوامی پروازیں تھیں،  بائیس دنوں میں پشاور سے 72 پروازیں منسوخ ہوچکی ہیں۔