Tag: پی آئی اے

کراچی : سول ایوی ایشن (سی اے اے) نے پی آئی اے کو ہوا بازوں کی ڈیوٹیز میں کمی کے احکامات جاری کر دیے۔

تفصیلات کے مطابق سول ایوی ایشن اتھارٹی نے ہوا بازوں اور فضائی میزبانوں سے زائد ڈیوٹی کرائے جانے کے معاملے کا سخت نوٹس لے لیا۔

سی اےاے نے پی آئی اے کو ہوا بازوں کی ڈیوٹیز میں کمی کے احکامات جاری کردیے۔

سول ایوی ایشن اتھارٹی نے کہا کہ گزشتہ 7 ماہ پی آئی اے کپتانوں نے اے این او کی خلاف ورزی کی ، جس کے باعث پروازیں تاخیر کا شکار بھی ہوئیں۔

سی اےاے کا کہنا تھا کہ ایک سال میں 55 پروازوں میں کپتانوں سے 12 گھنٹے سے زائد ڈیوٹی کرائی گئی ، ہوا بازوں کے مسلسل ڈیوٹی کرنے سے ان کی کارکردگی شدید متاثر ہوئی۔

سول ایوی ایشن نے مزید کہا کہ ہوابازوں کی مسلسل ڈیوٹیز کسی بڑے نقصان کاسبب بن سکتی ہے، پی آئی اے میں فضائی میزبانوں سے بھی 16 گھنٹے سے زائد ڈیوٹی کرائی جارہی ہے۔

دوسری جانب ترجمان پی آئی اے نے اس حوالے سے کہا ہے کہ سی اے اے کا خط موصول ہوچکا ہے اس پر ہم تجزیہ کر رہے ہیں۔

اسلام آباد : قومی ایئرلائن (پی آئی اے ) نے پاکستان کے لئے سفری سہولت میں نرمی کے بعد برطانیہ اور یورپی ممالک کے لیے چار ٹرڈ فلائٹ آپریشن وسیع کرنے کا فیصلہ کرلیا۔

تفصیلات کے مطابق بر طانیہ کی جانب سے پاکستان کےلئےسفری سہولت میں نرمی کے معاملے پر پی آئی اے نے برطانیہ اور یورپی ممالک کے لیے چارٹرڈ فلائٹ آپریشن وسیع کرنے کا فیصلہ کرلیا۔

اس سلسلے میں فلائٹ آپریشن جاری رکھنے کے لیے چارٹر طیارہ کمپنیوں سے درخواستیں طلب کرلیں گئیں ہیں۔

پی آئی اے کا کہنا ہے کہ چارٹرسروس کے لیے 250نشستوں والے جہازدرکار ہوں گے، پروازیں لندن، مانچسٹر ،برمنگھم، پیرس ، میلان کےلیےچلائی جائیں گی۔

خیال رہے برطانیہ نے پاکستانی شہریوں کو نادرا کا کرونا ویکسین سرٹیفکیٹ دکھا کر برطانیہ کے سفر کی اجازت دی ہے، برطانوی حکام کا کہنا ہے کہ منظور شدہ ویکسین لگوانے والے افراد بغیر قرنطینہ برطانیہ آسکیں گے۔

واضح رہے کہ برطانیہ کی منظور شدہ ویکسینز میں برطانیہ کی تیار کردہ ویکسین ایسٹرازینیکا، جونسنز اینڈ جونسنز، امریکی کمپنی کی تیار کردہ ویکسین موڈرنا اور فائزر شامل ہیں۔

کراچی : قومی ایئرلائن پی آئی اے نے فیصل آباد سے اسکردو کیلئے پروازیں شروع کرنے کا اعلان کردیا ، 7جولائی سے اسکردو کے لئے پروازوں کا آغاز کیا جائے گا۔

تفصیلات کے مطابق وزیراعظم کے سیاحت کے وژن کوفروغ دینے کیلئے پی آئی اے کی جانب سے اقدامات کا سلسلہ جاری ہے ، پی آئی اے نے فیصل آباد سے اسکردو کیلئے پروازیں شروع کرنے کا اعلان کردیا۔

پی آئی اے 7جولائی کو فیصل آباد سے اسکردو کے لئے پرواز اڑان بھرے گی ، انتظامیہ کا کہنا ہے کہ پی آئی اے سیالکوٹ سے اسکردو کیلئے پروازیں شروع کررہی ہے ، سیالکوٹ سےاسکردوکیلئے3جولائی کوپروازروانہ ہوگی۔

پی آئی اے نے اسکردوسے چیری لانے پر بھی 50فیصد رعایت کااعلان کیاہے ، کراچی ، لاہور، اسلام آباد، سیالکوٹ اور فیصل آباد کیلئے چیری لانے پر رعایت
دی گئی ہے۔

خیال رہے پی آئی اے کراچی اسلام آباد اور لاہور سے پہلے ہی اسکردو پروازیں آپریٹ کررہی ہے۔

یاد رہے 19 جون کو پی آئی اے کی پہلی ایئر سفاری پرواز اسلام آباد سے روانہ ہوئی تھی ، پرواز نے پاکستان کی خوبصورت پہاڑی چوٹیوں کے ٹو، نانگا پربت، براڈ پیک، اور جھیل سیف الملوک سے گزر کر اسکردو میں لینڈ کیا۔