ARYNews.tv | Urdu – Har Lamha Bakhabar

Tag: پی ایس ایل

  • پشاور میں پی ایس ایل اور بین الاقوامی میچز کرائے جائیں، شاہد آفریدی

    پشاور میں پی ایس ایل اور بین الاقوامی میچز کرائے جائیں، شاہد آفریدی

    (31 اگست 2025): سابق قومی کپتان شاہد آفریدی نے چیئرمین پی سی بی سے پشاور میں پی ایس ایل سمیت بین الاقوامی کرکٹ میچز کرانے کا مطالبہ کیا ہے۔

    اے آر وائی نیوز کے مطابق پاکستان کرکٹ ٹیم کے سابق کپتان جنہوں نے سیلاب زدگان کے لیے عمران خان اسٹیڈیم میں کھیلے گئے چیریٹی میچ میں لیجنڈز الیون کی قیادت کی۔ انہوں نے آج پشاور پولیس لائن کا دورہ کیا اور شہدا کی یادگار پر پھول رکھنے کے ساتھ ان کی قربانیوں کو خراج عقیدت پیش کیا۔

    اس موقع پر میڈیا سے گفتگو میں سابق قومی کپتان نے پشاور میں بھی پی ایس ایل اور انٹرنیشنل میچز کے انعقاد کی خواہش ظاہر کرتے ہوئے یہاں کے گراؤنڈ کا معیار انٹرنیشل معیار کا ہے۔

    انہوں نے چیئرمین پی سی بی محسن نقوی سے درخواست کی کہ پاکستان سپر لیگ اور بین الاقوامی کرکٹ میچز پشاور کے اسٹیڈیم میں بھی کرائے جائیں۔

    سابق کپتان نے خیبر پختونخوا حکومت کی جانب سے سیلاب زدگان کی مدد کے لیے چیریٹی میچ کے انعقاد کو احسن اقدام کراتے ہوئے کہا کہ اسٹیڈیم میں شائقین کی بڑی تعداد سے اندازہ ہوا کہ عوام اس طرح کی سرگرمیوں کو دیکھنا چاہتی ہے۔

    شاہد آفریدی نے قومی ٹیم کی کارکردگی سے متعلق کہا کہ اس وقت تو پاکستان ٹیم اچھی کارکردگی دکھا رہی ہے۔ آگے ایشیا کپ ہے، جس کا شدت سے انتظار ہے۔

    https://urdu.arynews.tv/peshawar-zalmi-vs-legend-xi-floods-relief-match/

  • پی سی بی کا پی ایس ایل کے 10 سالوں پر ڈاکومنٹری بنانے کا فیصلہ

    پی سی بی کا پی ایس ایل کے 10 سالوں پر ڈاکومنٹری بنانے کا فیصلہ

    لاہور (23 اگست 2025): پاکستان کرکٹ بورڈ (پی سی بی) نے پاکستان سپر لیگ (پی ایس ایل) کے 10 سالوں پر ڈاکومنٹری بنانے کا فیصلہ کیا ہے۔

    ذرائع کا اس حوالے سے کہنا ہے کہ پی ایس ایل کے 10 سالوں پر جدید عالمی معیار کی دستاویزی فلم بنائی جائے گی، یہ دستاویزی فلم پاکستان سپر لیگ پی ایس ایل کے 2016ء سے 2025ء تک کے سفر کے اتار چڑھاؤ اور کامیابیوں پر مبنی ہو گی۔

    دستاویزی فلم میں پی ایس ایل کی دبئی سے پاکستان منتقلی اور غیر ملکی کھلاڑیوں کو لانے جیسے چیلنجز پر روشنی ڈالی جائے گی جبکہ کووڈ کے ایام میں پی ایس ایل کو درپیش چیلنجز اور ان مقابلوں کا بھی خصوصی ذکر کیا جائے گا۔

    رپورٹس کے مطابق دستاویزی فلم میں پی ایس ایل دنیا کی بڑی لیگوں میں ٹاپ پر کیسے آئی اس کا سارا خلاصہ کیا جائے گا۔

    پاکستان سپر لیگ پی سی بی کا ڈاکومنٹری کے لیے خواہشمند افراد اور کمپنیوں سے اگلے ہفتے پیش کش طلب کرنے کا امکان ہے۔ پی سی بی شہرت یافتہ اور ماہر کمپنیوں کی خدمات حاصل کرنے کا خواہشمند مند ہے۔

    دوسری جانب راشد لطیف نے بابر اعظم اور محمد رضوان کے ایشیا کپ اسکواڈ سے اخراج کو اندرونی سیاست کا شاخسانہ قرار دیا ہے۔

    اگلے ماہ یو اے ای میں ہونے والے ایشیا کپ کے لیے قومی اسکواڈ میں پاکستان کے سابق کپتان اور ریکارڈ ساز بلے باز بابر اعظم اور محمد رضوان کو ڈراپ کیا گیا ہے، جس پر مختلف حلقے تعجب کا اظہار اور سلیکشن کمیٹی کے فیصلے پر تنقید کر رہے ہیں۔ اب پاکستان ٹیم کے سابق کپتان اور بے لاگ اپنا موقف پیش کرنے والے راشد لطیف بھی اس پر بول پڑے ہیں۔

    راشد لطیف نے خلیج ٹائمز کو دیے گئے ایک انٹرویو میں بابر اعظم اور محمد رضوان کے ٹیم سے اخراج کو اندرونی سیاست کا شاخسانہ قرار دیتے ہوئے کہا ہے کہ دونوں کی حالیہ کارکردگی میں کمی ضرور آئی ہے، لیکن انہیں صرف کرکٹنگ وجوہات نہیں بلکہ سیاست کی بنا پر ایشیا کپ کے اسکواڈ سے باہر کیا گیا ہے۔

    قومی ٹیم سے ڈراپ بابر اعظم نے بیٹنگ پریکٹس کا آغاز کردیا

    سابق کپتان کا کہنا تھا کہ پاکستان اس وقت آئی سی سی ٹی 20 رینکنگ میں آٹھویں نمبر پر ہے۔ ایسے وقت میں بابر اور رضوان جیسے کھلاڑیوں کو نظر انداز کرنا سمجھ سے بالاتر ہے، کیونکہ ہمارے پاس کوئی ڈان بریڈ مین جیسا بلے باز تو ہے نہیں۔

  • محمد رضوان نے اپنی کرکٹ تباہ کرلی، باسط علی

    محمد رضوان نے اپنی کرکٹ تباہ کرلی، باسط علی

    پاکستان کے سابق کرکٹر باسط علی کا کہنا ہے کہ محمد رضوان نے اپنی کرکٹ تباہ کرلی۔

    اے آر وائے پوڈ کاسٹ میں گفتگو کرتے ہوئے سابق کرکٹر باسط علی کا کہنا تھا کہ جب محمد رضوان نے پاکستان سپر لیگ (پی ایس ایل) میں اوپننگ کی تو میں نے کہا کہ تم اوپننگ کیوں کررہے ہو؟ تو اُس نے کہا کہ مجھے این سی اے سے حکم آیا ہے۔ جس پر میں نے کہا کہ تم نے اپنی کرکٹ تباہ کرلی۔

    باسط علی کا کہنا تھا کہ محمد رضوان نے اس کے بعد رنز بھی کئے، کیونکہ اوپنر کے پاس تو بہت چانس ہوتے ہیں، دائرہ مل رہا ہے، اپنے اپنے لئے کھیل رہے ہیں۔

    باسط علی کا کہنا تھا کہ ٹی ٹوئنٹی میں یہ دیکھنا ہوگا کہ میچ فنشر کون ہے؟ گیم چینجر کون ہے؟ کس کے 10 بالز پر 20 رنز ہیں؟

    سابق کرکٹر کا کہنا تھا کہ آپ سمجھتے ہیں کہ شاید میچ اوپنر جتواتا ہے، ایسا نہیں ہے، میچ نیچے والے جتواتے ہیں، وہ نظر آجاتے ہیں، جیسے نیازی نظر آگیا کہ یہ بہت اچھا بلے باز ہے، آپ کی اپروچ ایسی ہونی چاہئے، مگر یہاں اپروچ نہیں ہے۔

    سابق کرکٹر کا کہنا تھا کہ 90 کی دہائی سے بھی پہلے کی بات ہے، مجھے ایک دو بڑے بڑے ناموں نے کہا کہ یار اپنی جگہ مت دو، تو میں نے کہا کہ جو اچھا ہے وہ کھیلے گا، جسے اپنے بازو پر یقین ہے وہ کھیلے گا۔ وہاں پر میں نے انہیں شٹ اپ کال دی تھی، مگر اب وہی چیز ادھر سامنے آرہی ہے۔

    انہوں نے کہا کہ نئے نام جیسے یہ حسن نواز ہے، یا معاذ اور نعیم، اگر آپ انہیں ابھی ٹیم میں لے لو گے تو ہم بولیں گے یار یہ تو کچا توڑ لیا۔۔ ہم پکا پلیئر نہیں بنا پا رہے۔

    دورۂ بنگلادیش سے قبل پاکستانی ٹیم کے لیے بری خبر

    باسط علی کا کہنا تھا کہ انڈین پکا پلیئر بناکر لاتے ہیں، جیسے جسوال ہوگیا، گِل ہوگیا، یہ پکے پلیئر ہیں، اُن کے پاس ٹیلنٹ ہم سے بہت زیادہ ہے۔

  • آئندہ بھی پی ایس ایل کا حصہ بننا چاہتا ہوں، ڈیوڈ وارنز

    آئندہ بھی پی ایس ایل کا حصہ بننا چاہتا ہوں، ڈیوڈ وارنز

    پی ایس ایل 10 میں کراچی کنگز کی کپتان کرنے والے ڈیوڈ وارنر نے پاکستان سپر لیگ آئندہ بھی کھیلنے کی خواہش ظاہر کی ہے۔

    آسٹریلیا سے تعلق رکھنے والے جارح مزاج بلے باز ڈیوڈ وارنر نے پاکستان سپر لیگ کے دسویں ایڈیشن میں لیگ کی سب سے مقبول ٹیم کراچی کنگز کی نمائندگی کی اور ٹیم کو فائنل فور مرحلے تک پہنچایا۔

    ڈیوڈ وارنر کہتے ہیں کہ پاکستان آکر ان کا دل بہت خوش ہوا اور وہ آئندہ بھی پاکستان سپر لیگ کا حصہ بننا چاہتے ہیں۔

    ان کا کہنا تھا کہ ایلیمنیٹرز میں توقع کے مطابق نتیجہ نہ آ سکا، لیکن اس ٹیم پر فخر ہے۔ ہمارے ٹیم کے مالک بہت سادہ لوح ہیں اور انہوں نے بے حد سپورٹ کیا۔

    واضح رہے کہ گزشتہ روز ایلیمنیٹرز میں لاہور قلندرز نے کراچی کنگز کو شکست دے کر پی ایس ایل 10 سے باہر کر دیا تھا۔

    ڈیوڈ وارنر جو پاک بھارت کشیدگی کے باعث پاکستان سپر لیگ ملتوی ہونے کے بعد وطن واپس چلے گئے تھے۔ وہ پہلے غیر ملکی کھلاڑی تھے، جنہوں نے پی ایس ایل ری شیڈول ہونے پر پاکستان واپسی پر آمادگی ظاہر کی تھی۔

    انہوں نے 11 میچز کی 11 اننگز میں تین نصف سنچریوں کی مدد سے 368 رنز بنا کر اب تک چوتھے اس سیزن کے چوتھے ٹاپ بیٹر ہیں۔

  • لاہور قلندرز نے وہ کر دکھایا جو پی ایس ایل میں‌ کوئی اور ٹیم نہ کر سکی!

    لاہور قلندرز نے وہ کر دکھایا جو پی ایس ایل میں‌ کوئی اور ٹیم نہ کر سکی!

    پاکستان سپر لیگ کا ٹائٹل دو بار جیتنے والی لاہور قلندرز کی ٹیم نے ایسا کارنامہ انجام دے دیا جو اب تک کوئی دوسری ٹیم نہ دے سکی۔

    پاکستان سپر لیگ 10 میں لاہور قلندرز آج کوالیفائر 2 میں دفاعی چیمپئن اسلام آباد یونائیٹڈ کا مقابلہ کر رہی ہے۔ جیتنے والی ٹیم اتوار 25 مئی کو کوئٹہ گلیڈیئٹرز سے فائنل کھیلے گی۔

    تاہم آج کے میچ کے نتیجہ سے قطع نظر لاہور قلندرز نے پی ایس ایل میں ایسا منفرد کارنامہ انجام دیا ہے، جو اس سے قبل آج تک کوئی دوسری ٹیم انجام نہ دے سکی ہے۔

    لاہور قلندرز پی ایس ایل کے دو سیزن میں چھکوں کی سنچری مکمل کرنے والی پہلی ٹیم بن گئی ہے۔

    گزشتہ روز کراچی کنگز کے خلاف ایلیمینٹرز مقابلے میں لاہور قلندرز کے بلے بازوں نے 12 چھکے لگائے۔ اس کے ساتھ ہی رواں پی ایس ایل سیزن میں لاہور قلندرز کے بلے بازوں کی جانب سے لگائے گئے چھکوں کی تعداد 103 ہوگئی۔

    اس سے قبل 2023 کے سیزن میں لاہور قلندرز کے بیٹرز نے 100 چھکے لگائے تھے۔

    واضح رہے کہ لاہور قلندرز نے 2022 اور 2023 میں لگاتار پی ایس ایل چیمپئن بننے کا اعزاز حاصل کیا تھا۔

    https://urdu.arynews.tv/psl-10-sahibzada-farhan-equal-virat-kohli-record/

  • سعود شکیل نے پی ایس ایل کا منفرد ریکارڈ اپنے نام کر لیا

    سعود شکیل نے پی ایس ایل کا منفرد ریکارڈ اپنے نام کر لیا

    پی ایس ایل 10 میں کوئٹہ گلیڈیئٹرز کی کپتانی کرنے والے سعود شکیل نے پاکستان سپر لیگ کا منفرد ریکارڈ اپنے نام کر لیا۔

    پاکستان سپر لیگ 10 میں کوئٹہ گلیڈیئٹرز کی کارکردگی انتہائی متاثر کن رہی ہے اور وہ فائنل میں پہنچ چکی ہے۔ اس کے ساتھ ہی ٹیم کے کپتان سعود شکیل نے پی ایس ایل کے ایک سیزن مں مسلسل فتوحات کا ریکارڈ اپنے نام کر لیا ہے۔

    گزشتہ روز پی ایس ایل کے پہلے کوالیفائر میں کوئٹہ کی ٹیم نے دفاعی چیمپئن اسلام آباد کو شکست دے کر فائنل کے لیے کوالیفائی کیا۔

    یہ بطور کپتان رواں سیزن میں سعود شکیل کی مسلسل ساتویں کامیابی تھی۔ اس کے ساتھ ہی وہ پی ایس ایل کے کسی ایک سیزن میں اپنی ٹیم کو مسلسل سب سے زیادہ میچز جتوانے والے کپتان بن گئے ہیں۔

    اس سے قبل یہ ریکارڈ مصباح الحق اور محمد رضوان کے پاس مشترکہ طور پر تھا۔
    مصباح الحق نے 2018 میں اسلام آباد یونائیٹڈ کی قیادت کرت ہوئے مسلسل 6 فتوحات حاصل کی تھیں اور 2022 میں محمد رضوان نے ملتان سلطانز کو لگاتار 6 میچز جتوائے تھے۔

    واضح رہے کہ پی ایس ایل 10 کا فائنل 25 مئی کو قذافی اسٹیڈیم لاہور میں کھیلا جائے گا۔ کوئٹہ گلیڈیئٹرز کل دوسرے کوالیفائر کی فاتح ٹیم سے مقابلہ کرے گی۔

    https://urdu.arynews.tv/psl-10-sahibzada-farhan-equal-virat-kohli-record/

  • ’’پنڈی سے پی ایس ایل دوبارہ شروع کر کے ثابت کیا ہم بزدل نہیں‘‘، شعیب اختر

    ’’پنڈی سے پی ایس ایل دوبارہ شروع کر کے ثابت کیا ہم بزدل نہیں‘‘، شعیب اختر

    پاکستان کے سابق فاسٹ بولر شعیب اختر نے کہا ہے کہ پنڈی کرکت اسٹیڈیم سے دوبارہ پی ایس ایل شروع کر کے بتا دیا کہ ہم بزدل نہیں۔

    پاکسان کے سابق فاسٹ بولر شعیب اختر نے بھارتی میڈیا کے منفی پروپیگنڈےکا دبنگ جواب دیتے ہوئے کہا ہے کہ بھارت کی جانب سے پنڈی کرکٹ اسٹیڈیم پر حملے کے بعد پی ایس ایل کے میچز دوبارہ وہیں سے شروع کرنا دنیا کو پیغام ہے کہ ’’پاکستانی بزدل قوم نہیں ہے۔‘‘

    شعیب اختر جو پاک بھارت حالیہ کشیدگی میں کئی بار بھارت کو آئینہ دکھا چکے ہیں۔ ان کے اس حالیہ بیان کو صارفین کی جانب سے بے حد سراہا جا رہا ہے۔

    واضح رہےکہ پہلگام واقعہ کی آڑ میں بھارت نے پاکستان کے شہری علاقوں پر جو بزدلانہ حملے کیے تھے۔ اسی میں 8 مئی کو پنڈی کرکٹ اسٹیڈیم کے قریب فوڈ اسٹریٹ میں ڈرون حملہ کیا گیا تھا۔ جس میں ایک غریب محنت کش نوجوان بھی شہید ہوا تھا۔

    مذکورہ واقعہ کے بعد پی ایس ایل کے میچز ملتوی کر دیے گئے تھے۔ تاہم پاک فوج کی جانب سے آپریشن بنیان مرصوص کے ذریعہ دشمن کو دندان شکن جواب ملنے کے بعد بھارت چند گھنٹوں میں گھٹنے ٹیکنے پر مجبور ہوا تھا۔

    جنگ بندی کے بعد پاکستان نے پی ایس ایل وہیں سے شروع کی جہاں رُکی تھی اور پنڈی اسٹیڈیم میں ری شیڈول پہلے میچ میں آرمی چیف جنرل عاصم منیر، چیئرمین پی سی بی سمیت ہزاروں شائقین نے اسٹیڈیم پہنچ کر میچ دیکھا تھا۔

    پی ایس ایل 10 کے گروپ میچز آج مکمل ہو جائیں گے۔ پلے آف مرحلہ اور فائنل میچ لاہور کے قذافی اسٹیڈیم میں ہوں گے۔

    https://urdu.arynews.tv/pahalgam-indian-media-is-lying-cricket-continue-at-pindi-cricket-stadium/

  • بابر اعظم نے پی ایس ایل میں سب کو پیچھے چھوڑ دیا، نئی تاریخ رقم

    بابر اعظم نے پی ایس ایل میں سب کو پیچھے چھوڑ دیا، نئی تاریخ رقم

    پاکستان کے اسٹار بلے باز بابر اعظم جن کے پاس کئی عالمی ریکارڈ ہیں اب انہوں نے پاکستان سپر لیگ میں منفرد اعزاز حاصل کر کے تاریخ رقم کر دی ہے۔

    پاکستان کی موجودہ کرکٹ ٹیم کے سب سے باصلاحیت بلے باز بابر اعظم جن کے پاس کئی عالمی ریکارڈز ہیں۔ وہ اپنی ٹیم کو رواں برس فائنل فور ٹیموں میں تو نہ پہنچا سکے لیکن پی ایس ایل 10 کا آخری میچ کھیل کر نئی تاریخ ضرور رقم کر دی۔

    بابر اعظم نے گزشتہ روز لاہور قلندرز کے خلاف پنڈی اسٹیڈیم میں میچ کھیلنے اترے تو یہ ان کا پاکستان سپر لیگ کا 100 واں میچ تھا۔ وہ پی ایس ایل میں میچوںکی سنچری کرنے والے پہلے کرکٹر بن گئے ہیں۔

    پاکستان سپر لیگ میں ان کے پیچھے آل راؤنڈر عماد وسیم ہیں، جنہوں نے 98 میچز کھیل رکھے ہیں جب کہ فخر زمان نے 94 میچز کھیلے ہیں۔

    پی ایس ایل میں اپنے سفر کا آغاز انہوں نے کراچی کنگز سے کیا تھا تاہم دو سال سے وہ پشاور زلمی کی نمائندگی کر رہے ہیں۔

    بابر اعظم کو یہ سنگ میل عبور کرنے پر پشاور زلمی کی جانب سے خصوصی جرسی کا تحفہ بھی دیا گیا جس پر 100 کا ہندسہ درج تھا۔

    اسٹار بلے باز جو طویل عرصہ سے آؤٹ آف فارم ہیں۔ پی ایس ایل 10 میں بھی وہ شائقین کرکٹ کی توقعات کے مطابق تو کارکردگی نہ دکھا سکے۔ ایونٹ کے 10 میچز کھیل کر تین نصف سنچریوں کے مدد سے 288 رنز بنائے۔ ان کا بہترین انفرادی اسکور 94 رہا۔

  • بنگلہ دیش کے سابق کپتان شکیب الحسن کی 8 سال بعد پی ایس ایل میں واپسی، کس ٹیم کا حصہ؟

    بنگلہ دیش کے سابق کپتان شکیب الحسن کی 8 سال بعد پی ایس ایل میں واپسی، کس ٹیم کا حصہ؟

    پی ایس ایل 10 کے بقیہ میچز کا 17 مئی سے آغاز ہو رہا ہے بنگلہ دیش کے سابق کپتان شکیب الحسن 8 سال بعد پاکستان سپر لیگ کھیلیں گے۔

    مودی کے جنگی جنون کے باعث ملتوی ہونے والے پاکستان سپر لیگ دونوں ممالک میں جنگ بندی کے بعد دوبارہ شیڈول کر دی گئی ہے اور بقیہ میچز کا 17 مئی سے آغاز ہو رہا ہے۔

    پی ایس ایل کے بقیہ میچز کھیلنے کے لیے جہاں مختلف فرنچائز کے غیر ملکی کھلاڑی دوبارہ پاکستان آ رہے ہیں۔ وہیں بنگلہ دیش کے سابق کپتان اور مایہ ناز آل راؤنڈر شکیب الحسن بھی 8 سال بعد ایک بار پھر پی ایس ایل کا حصہ بن رہے ہیں۔

    لاہور قلندرز نے شکیب الحسن کو اپنے اسکواڈ کا حصہ بنا لیا ہے۔ بنگلہ دیشی آل راؤنڈر کو ڈیرل مچل کی جگہ شامل کیا گیا ہے جو کراچی کنگز کے خلاف میچ کے دوران ہاتھ کی انجری کے باعث ٹورنامنٹ سے باہر ہوگئے تھے۔

    شکیب نے 2017 میں آخری بار پشاور زلمی کی طرف سے لیگ میں حصہ لیا تھا جبکہ 2016 میں کراچی کنگز کا حصہ تھے، یہ انکی ٹورنامنٹ میں 8 سال بعد واپسی ہے۔

     بنگلہ دیش میں سیاسی تبدیلی کے بعد شکیب الحسن کے ستارے بھی گردش میں ہیں اور وہ طویل عرصہ سے کرکٹ کے میدانوں سے دور ہیں۔

    اسٹار کرکٹر نے 6 ماہ قبل آخری میچ کھیلا تھا جبکہ آخری بین الاقوامی میچ بنگلہ دیش کیلیے 2023 میں ایشیا کپ میں کھیلا تھا۔

     

    View this post on Instagram

     

    A post shared by Lahore Qalandars (@lahoreqalandars)

    واضح رہے کہ پی ایس ایل کے فائنل اور پلے آف مرحلے سمیت 8 میچز ری شیڈول کرنے کے بعد بقیہ ٹورنامنٹ کا آغاز 17 مئی کو پنڈی اسٹیڈیم سے ہو رہا ہے۔

    پی ایس ایل 10 کا فائنل 25 مئی کو قذافی اسٹیڈیم لاہور میں کھیلا جائے گا۔

    اب تک پوائنٹس ٹیبل کے مطابق کوئٹہ گلیڈیئٹرز نے پلے آف مرحلے  کے لیے کوالیفائی کر لیا ہے جب کہ مسلسل چار فائنلز کھیلنے والی ملتان سلطانز ٹورنامنٹ سے باہر ہو گئی ہے۔

    پلے آٖف مرحلے کی مزید تین ٹیموں کے لیے کراچی کنگز، اسلام آباد یونائیٹڈ، لاہور قلندرز اور پشاور زلمی کے درمیان جنگ ہے۔

  • پی ایس ایل کے بقیہ میچوں کے شیڈول کا اعلان کب ہوگا؟ بڑی خبر آگئی

    پی ایس ایل کے بقیہ میچوں کے شیڈول کا اعلان کب ہوگا؟ بڑی خبر آگئی

    پاک بھارت جنگ بندی کے بعد پاکستان کی سب سے بڑی لیگ پاکستان سپر لیگ (پی ایس ایل) کے بقیہ میچز کرانے کی تیاریاں شروع ہوگئی۔

    ذرائع کے مطابق پی ایس ایل انتظامیہ فرنچائز مالکان سے بھی مشاورت کر رہی ہے، غیر ملکی کھلاڑیوں سےدستیابی پربات چیت کی جا رہی ہے ساتھ ہی غیر ملکی کھلاڑیوں سے بھی رابطے شروع کر دئیے گئے ہیں۔

    ذرائع کا کہنا ہے کہ غیر ملکی کھلاڑیوں کی دستیابی کےمطابق پی ایس ایل کےبقیہ میچز کا شیڈول بنایا جائے گا جبکہ کل تک بقیہ میچوں کے شیڈول کا اعلان متوقع ہے۔

    ذرائع کا یہ بھی کہنا ہے کہ بقیہ 8 میچز کا شیڈول انٹرنیشنل سیریز کو مدنظر رکھتے ہوئے بنایا جائے گا جس کی حتمی منظوری چیئرمین پی سی بی محسن نقوی دینگے۔

    پاک بھارت جنگ بندی: پی ایس ایل 10 کے بقیہ میچز کہاں ہوں گے؟ اہم خبر

    واضح رہے کہ پاکستان میں پی ایس ایل 10 اور بھارت میں آئی پی ایل جاری تھیں لیکن مودی سرکار کا جنگی جنون کرکٹ کو لے ڈوبا اور دونوں لیگز کو ملتوی کر دیا گیا تھا۔ تاہم پاک بھارت جنگ بندی کے بعد اب پی ایس ایل 10 کے بقیہ میچز پاکستان میں کرانے پر غور کیا جا رہا ہے۔

    اس حوالے سے ذرائع نے بتایا کہ پی ایس ایل 10 کے بقیہ میچز لاہور اور راولپنڈی میں ہی کرائے جائیں گے۔ جب کہ کا فائنل قذافی اسٹیڈیم میں کھیلا جائے گا۔

    خیال رہے کہ پاکستان سپر لیگ اختتامی مراحل میں جاری ہے۔ پی ایس ایل کے فائنل اور پلے آف مرحلے کے تین میچز سمیت مجموعی طور پر 8 میچز کھیلے جانے ہیں، پاک بھارت کشیدگی کے باعث دو روز قبل پی ایس ایل کے بقیہ میچز ابتدائی طور پر دبئی منتقل کر دیے گئے تھے۔ بعد ازاں اسے غیر معینہ مدت تک ملتوی کر دیا گیا تھا۔