ARYNews.tv | Urdu – Har Lamha Bakhabar

Tag: پی ایس ایل تھری

  • پی ایس ایل تھری کا سب سے بڑا معرکہ آج ہوگا، انتظامات مکمل

    پی ایس ایل تھری کا سب سے بڑا معرکہ آج ہوگا، انتظامات مکمل

    کراچی: پاکستان سپر لیگ تھری کا آخری معرکہ پشاور زلمی اور اسلام آباد یونائیٹڈ کے درمیان آج نیشنل اسٹیدیم کراچی میں ہوگا، وزیر اعظم، چاروں گورنرز دیگر اہم شخصیات بھی میچ دیکھنے اسٹیڈیم آئیں گے، تمام انتظامت مکمل کرلیے گئے۔

    تفصیلات کے مطابق شہر قائد میں نو سال بعد آج کرکٹ کا میلہ سجے گا، جس میں دنیائے کرکٹ کے نامور کھلاڑی اپنی صلاحیتوں کے جوہر دکھائیں گے، پی ایس ایل تھری کے فائنل میچ میں اسلام آباد یونائیٹڈ اور پشاور زلمی مد مقابل ہوں گے، آج شام ساڑھے سات بجے ٹاس اور آٹھ بجے میچ شروع ہوگا۔

    وزیر اعظم شاہد خاقان عباسی اور چاروں صوبوں کے گورنرز بھی میچ دیکھنے اسٹیڈیم آئیں گے، چیئرمین پی سی بی نجم سیٹھی نے چیف جسٹس میاں ثاقب نثار اور چیئر مین پی ٹی آئی عمران خان کو بھی میچ دیکھنے کی دعوت دی ہے، وزیراعظم کل شام7بجےخصوصی طیارےسےکراچی میں فائنل دیکھنےآئیں گے۔

    ذرائع کا کہنا ہے کہ وزیر اعظم شاہد خاقان عباسی کے ساتھ وفاقی وزراء اور ارکان اسمبلی بھی موجود ہوں گے، شہر قائد کو اس انداز میں سجایا اور سنوارا گیا ہے جو پہلے کبھی نہیں ہوا، سڑکوں، چورنگیوں، انڈر پاسز، پلوں اور گرین بیلٹس پر کرکٹ ہیروز کی تصاویر آویزاں کی گئیں ہیں۔

    رنگا رنگ فینسی لائٹس نے ماحول اور بھی دلکش بنا دیا، شہریوں کا کہنا ہے کہ شہر قائد حقیقی معنوں میں روشنیوں کا شہر لگ رہا ہے، شائقین کو اسٹیڈیم تک پہنچانے کے لیے شٹل سروس بھی 12 بجے شروع ہو گی جس کے ذریعے لوگوں کو اسٹیڈیم کے قریب پہنچایا جائے گا، بسیں جہاں اتاریں گی وہاں سے پیدل اسٹیڈیم جائیں گے۔

    پی ایس ایل تھری فائنل کے موقع پر میئر کراچی وسیم اختر نے نیشنل اسٹیڈیم چورنگی کا افتتاح کردیا، چورنگی کو برقی قمقموں سے سجایا گیا ہے، وسیم اخترنے اسٹیڈیم چورنگی پر قومی پرچم بھی لہرایا، افتتاحی تقریب کے بعد شاندارآتشبازی کا مظاہرہ کیا گیا۔

    اس موقع پر سیکیورٹی کا خاص انتظام کیا گیا ہے، پولیس اور دیگر قانون نافذ کرنے والے اداروں نے نیشنل اسٹیڈیم کا کنٹرول سنبھال لیا ہے، بم ڈسپوزل اسکواڈ اور سراغ رساں کتوں کے ذریعے اسٹیڈیم کی تلاشی لینے کے بعد اسے کلیئر قرار دے دیا گیا ہے۔

    رنگا رنگ اختتامی تقریب شام چھ بجے شروع ہوگی

    پی سی بی اعلامیہ کے مطابق سیزن تھری کا اختتام یادگار بنانے کے لیے پی ایس ایل تھری کے فائنل کے موقع پر شائقین کرکٹ ایک ٹکٹ میں دومزے لیں گے، افتتاحی تقریب میں کئی نامور گلوکار اپنی آواز کاجادو جگائیں گے۔

    اختتتامی تقریب چھ بجے شروع ہوگی جبکہ میچ کا آغاز آٹھ بجے ہوگا، اس رنگا رنگ تقریب میں ملک کےمعروف گلوکار پرفارم کریں گے نیٹ اتوار کی شام چھ بجے شروع ہونے والی تقریب میں رنگ جمائیں گے۔

    مزید پڑھیں: فائنل دیکھنے کراچی کنگزکی نیلی شرٹ پہن کراسٹیڈیم پہنچیں، سلمان اقبال

    تقریب میں اسٹرنگز تینوں سیزن کا آفیشل سانگ دینے والے علی ظفر، شہزاد رائے، فرحان سعید اور نوجوان گلوکارہ عائمہ بیگ بھی اپنی آواز کا جادو جگائیں گی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔  

  • کراچی کنگز پہلے معرکے کی فاتح، کوئٹہ گلیڈی ایٹرز کو شکست

    کراچی کنگز پہلے معرکے کی فاتح، کوئٹہ گلیڈی ایٹرز کو شکست

    دبئی: پاکستان سپر لیگ کے تیسرے سیزن کے اہم میچ میں کراچی کنگز نے شاندار بیٹنگ ، باؤلنگ اور فیلڈنگ کے باعث گلیڈی ایٹرز کو پہلے میچ میں 19 رنز سے شکست دے دی۔

    تفصیلات کے مطابق پاکستان سپر لیگ کے تیسرے ایڈیشن کے دوسرے میچ میں کراچی کنگز اور کوئٹہ گلیڈی ایٹرز کی ٹیمیں مد مقابل تھیں، کراچی کنگز کی کپتانی عماد وسیم جبکہ سرفراز احمد نے کوئٹہ گلیڈی ایٹرز کی قیادت کی۔

    عماد وسیم نے پہلے ٹاس جیت کر بیٹنگ کا فیصلہ کیا، کراچی کنگز نے کولن انگرام اور خرم منظور کی شاندار اننگز کی بدولت پہلے بیٹنگ کرتے ہوئے کوئٹہ گلیڈی ایٹرز کو جیت کے لیے 150 رنز کا ہدف دیا۔

    ہدف کے تعاقب میں کوئٹہ کی ٹیم کا کوئی بھی کھلاڑی کراچی کے باؤلرز کے آگے زیادہ دیر تک ٹک نہیں پایا، شاہد آفریدی نے سرفراز الیون کے سب سے نمایاں اسکورر عمر امین کا باؤنڈری پر ناقابل یقین کیچ پکڑا۔

    گلیڈی ایٹرز کی جانب سے عمر امین 31 ، محمد نواز 30 جبکہ روسو 18 رنز بناکر نمایاں بلے باز رہے جبکہ کراچی کنگز کے عماد وسیم، ٹی ملز اور محمد عرفان نے 2 ، 2 کھلاڑیوں کو پویلین کی راہ دکھائی۔

    اسکور کارڈ

    کوئٹہ گلیڈی ایٹرز اننگز خلاصہ

    بیسویں اوور میں گلیڈی ایٹرز کی ٹیم نے 8 رنز ضرور حاصل کیے مگر وہ کسی کام نہ آسکے، دو گیندوں قبل سرفراز الیون کے 9ویں کھلاڑی بھی پویلین لوٹے جس کے بعد کراچی کنگز نے 19 رنز سے فتح اپنے نام کی۔

    انیسویں اوور میں کراچی کنگز کو ایک اور وکٹ ملی جس کے بعد جیت کی راہ مزید ہموار ہوئی، اوور اختتام پر گلیڈی ایٹرز نے 8 وکٹوں کے نقصان پر 122 رنز بنائے۔

    اٹھارواں اوور کی دوسری بال پر گلیڈی ایٹرز کے بیٹسمین محمد نواز کیچ آؤٹ ہوکر پویلین لوٹے، اس طرح سرفراز الیون کو ساتویں کھلاڑی کے نقصان کا سامنا کرنا پڑا، اوور اختتام پر ٹیم کا اسکور 118 تک پہنچا۔

    سولہویں اوور میں سرفراز الیون کے مجموعی اسکور میں 10 رنز کا اضافہ ہوا جس کے بعد مجموعی اسکور 6 وکٹوں کے نقصان پر 107 تک پہنچا جبکہ 17ویں اوور میں صرف 6 رنز کا اضافہ ہوا۔

    پندرہویں اوور میں گلیڈی ایٹرز نے مجموعی اسکور 6 وکٹوں کے نقصان پر 97 تک پہنچایا۔

    تیرہویں اوور کی تیسری بال پر شاہد آفریدی نے بالکل باؤنڈری لائن کے قریب عمر امین کا شاندار کیچ لے کر انہیں پویلین کی راہ دکھائی، عمر امین نے 31 گیندوں کا سامنا کرتے ہوئے 31 رنز بنائے، اوور اختتام پر سرفراز الیون کا مجموعی اسکور 6 وکٹوں کے نقصان پر 74 تک پہنچا۔

    شاہد آفریدی کی شاندار فیلڈنگ

    بارہواں اوور کراچی کنگز کے لیے مثبت ثابت ہوا کیونکہ گلیڈی ایٹرز کے کپتان سرفراز احمد آفریدی کی گیند کو نہ سمجھ سکے اور ایل بی ڈبلیو ہوکر 7 رنز کے بعد پویلین روانہ ہوئے، اوور اختتام پر سرفراز الیون کا اسکور 5 وکٹوں کے نقصان پر 67 تک پہنچا۔

    گیارہویں اوور میں ٹیم کا مجموعی اسکور 58 تک پہنچا۔

    دسویں اوور میں صرف پانچ رنز کا اضافہ ہوا۔

    سرفراز احمد اور عمر امین نے شاہد آفریدی کے نویں اوور کو محتاط انداز میں کھیلا اور 7 رنز حاصل کیے، اوور اختتام پر گلیڈی ایٹرز کا مجموعی اسکور چار وکٹوں کے نقصان پر 53 تک پہنچا۔

    عماد وسیم نے اننگزکا نواں اوور کروایا جس میں روسو گیند کو باؤنڈری کے باہر پھینکنے کے چکر میں کیچ آؤٹ ہوکر پویلین لوٹے، روسو نے ایک چھکے اور ایک چوکے کی مدد سے 19 گیندوں پر 18 رنز بنائے، اوور اختتام پر گلیڈی ایٹرز کا مجموعی اسکور چار وکٹوں کے نقصان پر 46 تک پہنچا۔

    شاہد آفریدی نے اپنا پہلا اور اننگز کا آٹھواں اوور کروایا جس میں گلیڈی ایٹرز کی ٹیم صرف ایک رن ہی لے سکی، اوور اختتام پر سرفراز الیون کا مجموعی اسکور تین وکٹوں کے نقصان پر 41 تک پہنچا۔

    ساتویں اوور میں گلیڈی ایٹرز کے بلے باز روسو کے چھکے اور عمر امین کے چوکے کی بدولت ٹیم کا مجموعی اسکور 40 تک پہنچا۔

    چھٹے اوور میں ایک چوکے کی مدد سے گلیڈی ایٹرز نے مجموعی اسکور تین وکٹوں کے نقصان پر 26 تک پہنچایا۔

    پانچویں اوور کی پہلی ہی بال پر پیٹریسن بغیر کھاتہ کھولے پہلی ہی بال پر ملز کا نشانہ بنے اور کیچ دے کر پویلین لوٹے، اوور اختتام پر گلیڈی ایٹرز کا مجموعی اسکور تین وکٹوں کے نقصان پر 22 تک پہنچا۔

    چوتھے اوور میں چار رن اضافے کے بعد مجموعی اسکور 15 تک پہنچا۔

    تیسرا اوور عماد وسیم نے کروایا جس کی پہلی ہی گیند کو باؤنڈری سے باہر پھینکنے کی کوشش میں اسد شفیق ہاتھوں میں کیچ دے کر پویلین روانہ ہوئے، اوپنر بلے باز نے 6 گیندوں پر 2 رنز بنائے، اوور اختتام پر سرفراز الیون کا مجموعی اسکور 2 کھلاڑیوں کے نقصان پر 11 تک پہنچا۔

    کراچی کنگز کے لیے محمد عامر کا پہلا اور اننگز کا دوسرا اوور مؤثر ثابت ہوا کیونکہ چوتھی گیند پر شین واٹسن رن لینے کی ناکام کوشش میں محمد رضوان کے ہاتھوں رن آؤٹ ہوکر پویلین روانہ ہوئے، واٹسن نے 6 گیندوں کا سامنا کرتے ہوئے صرف ایک رن بنایا۔

    سرفراز الیون کی جانب سے اننگز کا آغاز اسد شفیق اور شین واٹسن نے کیا جبکہ کراچی کنگز کے کپتان عماد وسیم نے پہلا اوور کروایا، اوور اختتام پر مجموعی اسکور بغیر کسی نقصان کے 3 رنز تک پہنچا۔

    کراچی کنگز اننگز خلاصہ

    اننگز خلاصہ

    کراچی کنگز نے مقررہ 20 اوورز میں پہلے بیٹنگ کرتے ہوئے کوئٹہ گلیڈی ایٹرز کو جیت کیلئے150 رنزکاہدف دیا، کولن انگرام 41 ، خرم منظور 35 اور روی بوپارا 24 رنز بنا کر نمایاں بلے باز رہے۔

    اننگز کا آخری اور بیسواں اوور کراچی کنگز کے لیے مؤثر ثابت نہ ہوا، شاہد خان آفریدی شین واٹس کی بال پر کلین بولڈ ہوئے جبکہ اگلی ہی بال پر محمد عرفان بھی آؤٹ ہوکر پویلین لوٹے اور پھر محمد رضوان بھی آؤٹ ہوئے، اوور اختتام پر 9 وکٹوں کے نقصان پر کراچی کنگ نے 149 رنز بنائے۔

    انسویں اوور کی چوتھی بال پر عماد وسیم 2 رنز بناکر پویلین روانہ ہوئے، یوں کراچی کنگز کا اوور اختتام پر مجموعی اسکور 6 وکٹوں کے نقصان پر 140 تک پہنچا۔

    اٹھارویں اوور کی تیسری بال پر روی بھوپارا 19 گیندوں پر 25 رنز بناکر پویلین لوٹے، اوور میں صرف چار رنز کا اضافہ ہوا جس کے بعد مجموعی اسکور 5 وکٹوں کے نقصان پر 135 تک پہنچا۔

    سترہویں اوور کی چوتھی بال پر انگرام کیچ آؤٹ ہوکر پویلین لوٹے، اوور اختتام پر ٹیم کا مجموعی اسکور چار وکٹوں کے نقصان پر 131 تک پہنچا۔

    سولہویں اوور میں دو چوکوں کی مدد سے ٹیم کا مجموعی اسکور تین کھلاڑیوں کے نقصان پر 122 رنز تک پہنچا۔

    پندرہویں اوور میں ایک چھکے اور دو چوکوں کی مدد سے مجموعی اسکور 111 تک پہنچا، روی بھوپارا اور کولن انگرام نے جارحانہ بیٹنگ کی۔

    چودہویں اوور میں صرف تین رنز بن سکے، مجموعی اسکور تین وکٹوں کے نقصان پر 93 تک پہنچا۔

    تیرہویں اوور کی دوسری بال پر خرم منظور 39 گیندوں پر 35 رنز بنا کر پویلین لوٹے، اوور اختتام پر مجموعی اسکور تین وکٹوں کے نقصان پر 90 تک پہنچا۔

    بارہویں اوور میں ٹیم کا مجموعی اسکور 2 وکٹوں کے نقصان پر 81 تک پہنچا۔

    گیارہوں اوور میں ایک چھکے اور ایک چوکے کی مدد سے ٹیم کا مجموعی اسکور تک پہنچا۔

    دسویں اوور میں کراچی کنگز کے بلے باز خرم منظور اور کولن انگرام کریز پر موجود رہے، اوور اختتام پر ٹیم کا مجموعی اسکور 2 کھلاڑیوں کے نقصان پر 60 تک پہنچا۔

    نویں اوور میں راحت علی کی بال پر بابر اعظم 12 گیندوں پر 10 رنز بناکر آؤٹ ہوئے۔

    پانچواں اوور: شین واٹسن

    0-4-w-0-0-1

    شین واٹسن نے ڈینلی کو رن آؤٹ کیا، انہوں نے 14 گیندوں کا سامنا کرتے ہوئے 1 چوکے کی مدد سے 14 ہی رن بنائے۔

    چوتھا اوور: محمد نواز

    1,1,0,1,1,1

    تیسرا اوور: شین واسٹن

    1.1.0.2.1.1

    دوسرا اوور: جوفرا

    1LB,1,4,2,1,4,

    پہلا اوور: انور علی

    1,4B,0,0,0,1,0

    کوئٹہ گلیڈی ایٹرز سے کراچی کنگز پاکستان سپر لیگ کا اپنا پہلا میچ کھیلے گی۔ ٹیم کراچی کنگز فاتحانہ آغاز کے لیے پرعزم ہے۔ پی ایس ایل سیزن تھری کی فیورٹ دلوں کے بادشاہ کراچی کنگز کی یہ پہلی آزمائش ہے۔

    مزید پڑھیں: پی ایس ایل کی افتتاحی تقریب

    کراچی کنگز کوئٹہ گلیڈی ایٹرز سے صف آرا ہونے کے لیے مکمل تیار ہیں۔ بیٹنگ، بولنگ اور فیلڈنگ کا شعبہ مضبوط ہوگیا اس حوالے سے ٹیم ڈائریکٹر راشد لطیف کا کہنا ہے کہ کراچی کنگز کا کامبینیشن مضبوط ہے۔

    یاد رہے کہ سرفراز احمد کی کپتانی میں کوئٹہ گلیڈی ایٹرز مسلسل دو بار ایونٹ کی رنراپ ٹیم رہ چکی ہے۔ کوئٹہ گلیڈی ایٹرز آسان حریف نہیں ہیں، دونوں ٹیموں کے درمیان دبئی کرکٹ اسٹیڈیم میں گھمسان کا رن پڑنے جارہا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • انتظار کی گھڑیاں‌ ختم، پی ایس ایل کا میگا ایونٹ آج شروع ہوگا، دبئی میں‌ میلہ سج گیا

    انتظار کی گھڑیاں‌ ختم، پی ایس ایل کا میگا ایونٹ آج شروع ہوگا، دبئی میں‌ میلہ سج گیا

    دبئی: شائقین کرکٹ کا انتظار ختم ہوا. سنسنی خیز مقابلوں اور تفریح‌ سے بھرپور پاکستان سپر لیگ سیزن تھری آج شروع ہوگا.

    تفصیلات کے مطابق دبئی کے صحرا میں‌ کرکٹ کا سب سے بڑا میلہ سج گیا.ایکشن سے بھرپور پاکستان سپر لیگ سیزن تھری کی رنگا رنگ تقریب آج منعقد ہوگی، جس کے بعد سنسنی خیز مقابلوں کا آغاز ہوگا، دنیائے کرکٹ کے سپراسٹارز سنہری ٹرافی کے لیے مدمقابل ہوں‌ گے.

    یاد رہے کہ پی ایس ایل تھری میں‌ چھ ٹیمیں‌ مدمقابل ہوں گی، ٹرافی کے لیے کراچی کنگز، لاہور قلندرز، اسلام آباد یونائیٹڈز، ملتان سلطانز، کوئٹہ گلیڈی ایٹرز اور پشاور زلمی ٹکرائیں‌گے. یہ ٹورنامنٹ 24دنوں پر محیط ہے، جس کے دوران 34 سنسنی خیز مقابلے ہوں گے۔

    مقابلوں کے آغاز سے قبل رنگا رنگ افتتاحی تقریب منعقد ہوگی، جس میں عابدہ پروین، علی ظفر اور شہزاد رائے سمیت نامور فنکار اپنے سروں‌ کا جادو جگائیں‌ گے۔ شان دار آتش بازی آسمان پر رنگ بکھیرے گی، توقع کی جارہی ہے کہ شائقین کی بڑی تعداد تقریب میں شریک ہوگی.

    یاد رہے کہ پاکستان کرکٹ بورڈ کے چیئرمین نجم سیٹھی نے کہا ہے کہ پی ایس ایل کی افتتاحی تقریب میں فنکاروں کی پرفارمنس کو شائقین کرکٹ مدتوں یاد رکھیں گے.

    پی ایس ایل کی افتتاحی تقریب شائقین مدتوں یاد رکھیں گے

    سیزن تھری کا پہلا مقابلہ دفاعی چیمپین پشاور زلمی ا ور پہلی بار مقابلہ کا حصہ بننے والی ملتان سلطانز کے مابین کھیلا جائے گا.

    تجزیہ کاروں‌ کے مطابق پی ایس ایل کا تیسرا سیزن کامیابی کے تمام ریکارڈ توڑ دے گیا اور اسے دنیا بھر کے شایقین بڑی تعداد میں‌ براہ راست دیکھیں گے. یہ بھی امید ظاہر کی جارہی ہے کہ اس بار ریکارڈ تعداد میں چھکے لگائے جائیں‌گے.

    ٹورنامنٹ کی سب سے بڑی ٹیم کراچی کنگز 23 فروری کو کوئٹہ گلیڈی ایٹرز سے ٹکرائے گی. ایونٹ کا فائنل معرکہ 25 مارچ کو نیشنل اسٹیڈیم کراچی میں منعقد ہوگا.

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • پی ایس ایل تھری:‌ دبئی میں‌ سنہری ٹرافی کی رونمائی

    پی ایس ایل تھری:‌ دبئی میں‌ سنہری ٹرافی کی رونمائی

    دبئی: پاکستان سپر لیگ سیزن تھری کی سنہری ٹرافی کی رنگا رنگ تقریب رونمائی دبئی میں معنقد ہوئی.

    تفصیلات کے مطابق دبئی انٹرنیشنل کرکٹ اسٹیڈیم میں پی ایس ایل ٹرافی کی رونمائی کے لئے خصوصی تقریب کا اہتمام کیا گیا، جس میں پاکستان کرکٹ بورڈ کے اعلیٰ‌ حکام، ٹیموں کے کپتان، فرنچائز مالکان اور مینجمنٹ نے شرکت کی.

    اس موقع پر پاکستان کرکٹ بورڈ کے چیئرمین نجم سیٹھی نے میگا ایونٹ میں شامل ٹیموں‌ کے کپتانوں کے ساتھ پریس کانفرنس کی. نجم سیٹھی کے کہنے پر سپراسٹار شاہد خان آفریدی نے بھی پریس کانفرنس میں شرکت کی.

    نجم سیٹھی

    پریس کانفرنس میں‌ نجم سیٹھی نے پی ایس ایل کو برانڈ بنانے پر تمام اسٹیک ہولڈرز کا شکریہ ادا کیا. ان کا کہنا تھا کہ فرنچائز مالکان کے بغیر پی ایس ایل ممکن نہیں تھا، اس بار بہترین بولر، بیٹسمین، وکٹ کیپر اور فیلڈر کو بھی ٹرافی دی جائیں گی.

    انھوں نے تمام کپتانوں کا بھی تعارف کروایا، انھوں‌ نے مصباح الحق کی خدمات کو ناقابل فراموش اور ڈیرن سیمی کو سپراسٹار قرار دیا، ان کا کہنا تھا کہ آل رائونڈر شعیب ملک اس بار ملتان سلطانزکے کپتان ہیں. سرفراز احمد پاکستان کے لئے نئی تاریخ رقم کر چکے ہیں۔

    کراچی کنگز کے فاسٹ بولر عثمان شنواری نے شعیب اختر کو اپنا رول ماڈل قرار دے دیا

    انھوں‌ نے کراچی کنگز کے نوجوان کپتان عماد وسیم کو سراہتے ہوئے کہا کہ عماد وسیم ابھرتے ہوئے کھلاڑی ہیں، ان میں پاکستان کا کپتان بنے کی بھرپور صلاحیت موجود ہے.

    انھوں نے امید ظاہر کی کہ مستقبل میں‌ لاہور کے کپتان برینڈن میک کلم کی مدد سے نیوزی لینڈ کی ٹیم پاکستان کا دورہ کرے گا.

    کپتانوں‌ کا عزم

    پریس کانفرنس میں‌ تمام ٹیموں‌ کے کپتانوں‌نے اظہار خیال کیا. کپتان پشاور زلمی ڈیرن سیمی نے کہا کہ ہم ٹائٹل کا دفاع کرنے کی بھرپور کوشش کریں گے، اسلام آباد یونائیٹڈز کے کپتان مصباح الحق نے کہا کہ ہم پی سی بی اور تمام عالمی کھلاڑیوں کا شکریہ ادا کرتے ہیں۔

    لاہور قلندرز کے کپتان برینڈن میک کلم کا کہنا تھا کہ سیزن میں عمدہ کارکردگی دکھانے کی کوشش کریں گے، فخرزمان ہماری ٹیم کے نائب کپتان ہوں گے. ملتان سلطان کے کپتان شعیب ملک کا کہنا تھا کہ پی ایس ایل نے نئےنوجوان کھلاڑیوں کے لئے کرکٹ کےدروازے کھولے.

    کراچی کنگز کے نوجوان کپتان آل رائونڈر عماد وسیم کا کہنا تھا کہ کراچی کنگز کی کپتانی میرے لئے اعزاز کی بات ہے. شاہد آفریدی اورمیں پی ایس ایل ٹرافی کراچی لے کر جائیں گے.

    معروف اداکارعدنان صدیقی کراچی کنگزکی حمایت میں میدان میں آگئے

    بوم بوم شاہد آفریدی کا کہنا تھا کہ پی ایس ایل ہمارا اپنا برانڈ ہے اسےسپورٹ کریں. انھوں‌نے تمام فرنچائز کا شکریہ ادا کیا.

    یاد رہے کہ پی ایس ایل تھری کی افتتاحی تقریب 22 فروری کو دبئی انٹرنیشنل کرکٹ اسٹیڈیم میں ہوگی، ایونٹ کا افتتاحی میچ پشاور زلمی اور ملتان سلطانز کے درمیان کھیلا جائے گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کراچی کنگز کے فاسٹ بولر عثمان شنواری نے شعیب اختر کو اپنا رول ماڈل قرار دے دیا

    کراچی کنگز کے فاسٹ بولر عثمان شنواری نے شعیب اختر کو اپنا رول ماڈل قرار دے دیا

    کراچی: کراچی کنگز کے پیسر، باصلاحیت کھلاڑی عثمان خان شنواری نے دنیا کے تیز تر بولر شعیب اختر کو اپنا رول ماڈل قرار دے دیا۔

    ان خیالات کا اظہار انھوں نے اے آر وائی اسپورٹس کو خصوصی انٹرویو دیتے ہوئے کیا۔ ان کا کہنا تھا کہ رفتار کے میدان میں وہ عظیم شعیب اختر کی پیروی کرتے ہیں۔ یاد رہے کہ شعیب اختر کو سو میل فی گھنٹے کی رفتار سے بولنگ کا انوکھا اعزاز حاصل ہے۔

    عثمان شنواری گذشتہ برس نومبر میں سری لنکا کے خلاف سیریز میں بیک انجری کا شکار ہوگئے تھے، جس کی وجہ سے چھ ماہ کرکٹ سے دور رہے، مگر اب وہ دوبارہ اپنی صلاحیتوں کا مظاہرہ کرنے کے لیے پر تول رہے ہیں۔ بائیں ہاتھ کے تیر رفتار بولر نے اپنی فٹنس حاصل کرلی ہے اور وہ کراچی کنگز کی جیت میں کلیدی کردار ادا کرنے کے لیے پر عزم ہیں۔

    اے آروائی اسپورٹس سے بات چیت کرتے ہوئے انھوں کہا،’میں سخت محنت کر رہا ہوں، کوشش ہے، خود کو زیادہ سے زیادہ بہتر بناﺅں، جب کپتان اور کوچ مجھے کھیلانے کا فیصلے کریں گے، میں بھرپور ایکشن میں نظر آﺅں گا۔‘

    23 سالہ پیسر عماد آل رائونڈر وسیم کی کپتانی میں کھیلنے کے لیے پرجوش ہیں۔ وہ ان کے ساتھ قومی ٹیم میں بھی کھیل چکے ہیں اور امید رکھتے ہیں کہ یہ تجربہ متاثر کن رہے گا۔ ’میں پہلے بھی ان کے خلاف اور ان کے ساتھ کھیل چکا ہوں، تو ان کے ساتھ کھیل کر مزہ آئے گا، وہ ایک جارح کپتان ہیں، امید ہے کہ نتائج مثبت رہیں گے۔‘

    معروف اداکارعدنان صدیقی کراچی کنگزکی حمایت میں میدان میں آگئے

    کراچی کنگز کے تمام نوجوانوں کھلاڑیوں کی طرح وہ بھی لیجنڈ کھلاڑی شاہد خان آفریدی کے ساتھ کھیلنے کے لیے پرجوش ہیں۔ انھیں خوشی ہے کہ وہ کراچی کنگز کا حصہ ہیں۔عثمان کے بہ قول،’شاہد بھائی لیجنڈ ہیں۔ ان کی ٹیم میں موجودگی ہی سے دوسری ٹیم دباﺅ میں آجاتی ہے۔ تو ہمیں خوشی ہے کہ وہ کراچی کنگز کی نمائندگی کر رہے ہیں۔‘

    انھیں اس بات کی بھی خوشی ہے کہ پی ایس ایل تھری کا فائنل کراچی میں ہورہا ہے اور انھیں یقین ہے کہ اگر کراچی کی ٹیم فائنل میں پہنچی تو عوام کی بڑی تعداد اسٹیڈیم کا رخ کرے گی۔

    پی ایس ایل 3: کس میں کتنا ہے دم، ایونٹ میں شریک ٹیموں کا ماہرانہ تجزیہ

    شنواری کہتے ہیں،’یہ کراچی والوں کے لیے اچھی خبر ہے کہ میگا ایونٹ کا فائنل کراچی میں ہوگا۔ اگر کراچی کنگر فائنل تو پہنچی، تو یہ سونے پر سہاگہ ہوگا اور مجھے امید ہے کہ ہم اچھا پرفام کریں گے۔‘

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی ایس ایل تھری : ٹرافی کی تقریب رونمائی آج دبئی میں ہوگی

    پی ایس ایل تھری : ٹرافی کی تقریب رونمائی آج دبئی میں ہوگی

    دبئی : ایچ بی ایل پی ایس ایل تھری کی ٹرافی کی نقاب کشائی کی تقریب آج دبئی میں منعقد ہوگی، اس موقع پر چیئرمین پی سی بی کے علاوہ ایونٹ میں شامل تمام ٹیموں کے کپتان بھی شریک ہوں گے۔

    تفصیلات کے مطابق پاکستان کرکٹ کی تاریخ کا سب سے بڑا ایونٹ شروع ہونے میں صرف دو دن رہ گئے ہیں، پاکستان سپر لیگ کے تیسرے ایڈیشن کی ٹرافی کی نقاب کشائی آج بروز منگل دبئی انٹرنیشنل کرکٹ اسٹیڈیم میں ہوگی۔

     تقریب میں چھ ٹیموں کے کپتان اور پی سی بی کے چیئرمین نجم سیٹھی موجود ہوں گے، اس موقع پر چیئرمین پی سی بی نجم سیٹھی نے شائقین کرکٹ کو پیغام دیا ہے کہ پی ایس ایل تھری میں بڑھ چڑھ کر حصہ لیں اور ایونٹ کی کامیابی کے لیے اپنا بھرپور کردار ادا کریں۔

    اس کے علاوہ نوید اصغراور چھ ٹیموں کپتان ڈیرن سیمی، سرفراز احمد، شعیب ملک، عماد وسیم، برینڈن میک کولم اور مصباح الحق پریس کانفرنس سے خطاب بھی کریں گے، تقریب میں تمام ٹیموں کے مالکان سمیت ٹیم مینجمنٹ بھی شرکت کرے گی۔

    یاد رہے کہ چوکوں اورچھکوں کی برسات کے ساتھ پاکستان سپرلیگ کے تیسرے ایڈیشن کا آغاز رواں ماہ 22 فروری کوعرب کےصحراؤں میں ہوگا۔

    ایونٹ کی رنگارنگ افتتاحی تقریب دبئی میں منقعد ہوگی، صوفیانہ کلام کی ملکہ عابدہ پروین اپنی آواز کا جادو جگائیں گی، اس کے علاوہ موسیقی کا شہزادہ شہزاد رائے بھی اپنے فن کا مظاہرہ کریں گے،پاکستان سپرلیگ کا آفیشل سانگ گانے والے علی ظفر بھی افتتاحی تقریب میں جلوہ گر ہوں گے۔

    واضح رہے کہ پی ایس ایل میں مجموعی طور پر34میچز دبئی، شارجہ اور لاہور میں کھیلے جائیں گے جبکہ فائنل میچ 25 مارچ کو کراچی کے نیشنل اسٹیڈیم میں کھیلا جائے گا۔

  • پی ایس ایل 3: کس میں کتنا ہے دم، ایونٹ میں شریک ٹیموں کا ماہرانہ تجزیہ

    پی ایس ایل 3: کس میں کتنا ہے دم، ایونٹ میں شریک ٹیموں کا ماہرانہ تجزیہ

    تجزیہ: شاہد ہاشمی

    پاکستان سپر لیگ کا تیسرا ایڈیشن اپنے جلو میں بے شمار ہنگامہ خیزی اوررنگینیاں لیے آیا ہی چاہتا ہے۔ اس بار ہوگا پہلے سے زیادہ ایکشن، تھرل اور پہلے سے زیادہ میچز، کیونکہ اس بار چھ ٹیمیں مدمقابل ہیں۔ ملتان سلطانز بھی میدان میں اتر چکے ہیں۔

    پاکستان کرکٹ بورڈ اس کو نئے افق پر لے جاکر ٹی ٹوئنٹی کرکٹ کو نئی دنیاؤں سے روشناس کرانے کے لیے پرعزم ہے۔ پاکستان کے سب سے بڑے اسٹیڈیم، نیشنل اسٹیڈیم کراچی میں بالآخر نو سال بعد ایک عالمی سطح کا ایونٹ منعقد ہوگا۔ سیزن کا فائنل اسی گرائونڈ میں کھیلا جائے گا۔ اس مقابلے کے لیے زور وشور سے تیاریاں جاری ہیں۔

    آئیں جائزہ لیتے ہیں کہ پی ایس ایل کی چھ ٹیموں میں سے کس کی کتنی استعداد ہے اور ان میں سے کون فائنل تک پہنچنے کی صلاحیت رکھتی ہے۔

    پشاور زلمی

    پشاور زلمی میں کامران اکمل، حارث سہیل ، تمیم اقبال، تیمور سلطان اور ابتسام شیخ جلوے دکھائیں گے، جب کہ آل راؤنڈرز میں محمد حفیظ، شکیب الحسن، ڈیوین براوو ، ڈیرن سیمی، حماد اعظم اور سعد نسیم اپنی صلاحیتوں کا مظاہرہ کریں گے۔

    باؤلنگ سائیڈ دیکھی جائے، تو اسپنرز میں محمد اصغر جب کہ فاسٹ باؤلرز میں وہاب ریاض ، حسن علی، کرس جارڈن اور سمین گل اپنے جوہر دکھائیں گے۔ دیگر اہم کھلاڑیو ں میں اینڈرے فلیچر، ایوین لوئیس، خالد عثمان اور محمد عارف کے نام موجود ہیں۔

    پشاور زلمی جو اس سال اپنے ٹائٹل کا دفاع کرے گی، وہ اس بار اسٹا رکرکٹر شاہد خان آفریدی سے محروم ہے۔ سپراسٹار کراچی کنگز میں شمولیت اختیار کرچکے ہیں۔ البتہ زلمی کے پاس ویسٹ انڈیز کو دو بار ورلڈ ٹی ٹوئنٹی جتوانے والے کپتان ڈیرن سیمی موجود ہیں۔

    یہ بات بھی پیش نظر رہے کہ بنگلا دیش کے تمیم اقبال اور شکیب الحسن پی ایس ایل کے کتنے میچز کھیل پائیں گے، کیوں کہ انہیں 8 تا 18 مارچ بنگلا دیش، سری لنکا اور بھارت کے مابین منعقدہ سہہ فریقی سیریز میں بھی شریک ہونا ہے، شاید یہ دونوں اہم کھلاڑی ابتدائی پانچ میچز کے بعد دستیاب نہ ہوں۔ ان کی جگہ کامران اکمل اور محمد حفیظ کو ٹاپ آرڈر جب کہ ڈیوین براوو اور حارث سہیل کو مڈل آرڈر پر ذمہ داری کا مظاہرہ کرنا ہوگا۔

    باؤلنگ سائیڈ میں اس سال ایک روزہ میچز میں سب سے زیادہ وکٹیں لینے والے حسن علی کی موجودگی پشاور زلمی کو مضبوط کرے گی۔ ان کے ہمراہ وہاب ریاض اور کرس جارڈن بھی اپنا بھرپور کردار ادا کرنے کا ارادہ رکھتے ہیں۔ اسپن اٹیک کے لیے حفیظ کا کردار اہم ہے۔

    لاہور قلندرز

    لاہور قلندرز کے پاس بلے بازی کے لیے برینڈن میک کیلم، فخر زمان، عمر اکمل، کرس لین، کیمرون ڈیل پورٹ اور سہیل اختر موجود ہیں، آل راؤنڈرز میں عامر یامین، امید یوسف اور بلال آصف سے امیدیں وابستہ ہیں۔

    باؤلنگ کی جانب نگاہ کی جائے تو سنیل نارائن، یاسر شاہ ،رضا حسن اور آغا سلمان جیسے مضبوط نام سامنے آتے ہیں، فاسٹ باولرز میں سہیل خان، مستفیظ الرحمان، شاہین شاہ آفریدی، غلام مدثر اور سلمان ارشان موجود ہیں۔ دیگر کھلاڑیوں میں مشعل میک کلنگھم اور گلریز صدف موجود ہیں۔

    بد قسمتی سے پی ایس ایل کی نمایاں ٹیموں میں شامل لاہور قلندرز گذشتہ دو ایڈیشنز میں کوئی خاطر خواہ کارکردگی نہیں دکھا سکی۔ البتہ اس بار ان کے پاس کرس لین جیسا کھلاڑی موجود ہے، جوٹی ٹوئنٹی میچز کو سنسنی خیز بنانے کا ہنر اچھی طرح جانتے ہیں۔ محمد رضوان کی جگہ آنے والے سہیل خان بھی یقیناً ٹیم میں ایک اچھا اضافہ ثابت ہوں گے۔

    کراچی میں پاکستان سپر لیگ کے انعقاد سے مثبت پیغام جائے گا: شاہد آفریدی

    اسپننگ سائیڈ بھی ٹیم میں سنیل نارائین اور یاسر شاہ کی موجود گی کے سبب مضبوط ہوئی ہے، تاہم بلال آصف فی الحال انجرڈ ہیں اور انہیں ریکور ہونے کے لیے وقت درکار ہے، فاسٹ باؤلنگ میں سہیل اور عامر یامین بھی اپنا جادو جگائیں گے۔ البتہ بلاول بھٹی کی انجری اور عرفان جونیئر کے کراچی کنگز جانے کے سبب یہ شعبہ مشکلات کا شکار رہے گا۔ کشمیر سے تعلق رکھنے والے سلمان ارشاد کی پرفارمنس کو اہم تصور کیا جارہا ہے۔

    لاہور کی خامی ان کا مڈل آرڈر ثابت ہوگی، تاہم اس سے عمر اکمل کو موقع ضرور ملے گا کہ وہ پی ایس ایل 2 کی طرح دھواں دھار کاکردگی دکھا کر قومی ٹیم میں اپنی واپسی کی راہ ہموار کریں۔

    ملتان سلطانز

    پی ایس ایل میں پہلی بار شامل ہونے والی ٹیم ملتان سلطانز کے پاس بلے بازوں کی فہرست میں جو نام ہیں، ان میں شعیب ملک، کمار سنگا کارا، صہیب مقصود، ڈیرن براوو، احمد شہزاد، شان مسعود، نک پوراںِ عبداللہ شفیق، سیف بدر اور عرفان خان شامل ہیں۔

    آل راؤنڈر کے طور پراس ٹیم میں صرف سہیل تنویر ہیں جب کہ باؤلنگ کی بات کی جائے تو عمران طاہر بطور اسپنر ہوں گے اور محمد عرفان، جنید خان اور محمد عباس بطور فاسٹ باؤلر اپنا جلوہ دکھائیں گے، دیگر کھلاڑیوں میں ہارڈس ول جوائن، عمر گل، عمر صدیق اور روز وائٹلے شامل ہیں۔

    کراچی !! پھر ملیں گے فائنل میں، کراچی کنگز کے روی بوپارہ پُرعزم

    پی ایس ایل کی یہ نئی فرنچائز سابقہ مہنگی ترین ٹیم، یعنی کراچی کنگز سے دگنی مالیت کی ہے۔ وسیم اکرم اور ٹام موڈی کے مشوروں پر متوازن ٹیم منتخب کی گئی ہے۔ شعیب ملک بھی اسی ٹیم کا حصہ ہیں، جنھوں نے سابق دو ایڈیشنز میں کراچی کنگز کی نمائندگی کی تھی، مگر ان کی کارکردگی غیر تسلی بخش رہی. اس بار انھیں اپنی پرفارمنس ثابت کرنی ہوگی۔ کیرن پولارڈ اور براوو ٹاپ آرڈر پر ٹیم کے لیے ایک اچھا کمبنی نیشن ثابت ہوں گے۔ احمد شہزاد اور صہیب مقصود کو بھی اپنی پرفارمنس ثابت کرنا ہوگی۔

    ملتان سلطان کی لائن اپ کا سقم یہ ہے کہ ان کے پاس محض ایک اسپنر ہے، یو اے ای کی وکٹ پر انھیں اسپینر کی کمی محسوس ہوگی۔

    کراچی کنگز

    کراچی کنگز کو پی ایس ایل کی سب سے زیادہ مقبول ٹیم تصور کیا جاتا ہے، ان کے پاس بلے بازی کےمیدان میں کولن انگرام، جو ڈینلے، خرم منظور، بابر اعظم اور محمد رضوان جیسے کھلاڑی موجود ہیں، جب کہ آل راؤنڈرز میں اسٹار کرکٹر شاہد آفریدی، روی بوپارا، عماد وسیم، ڈیوڈ ویزے اور حسن محسن جیسے اہم نام موجود ہیں، جن سے پی ایس ایل شائقین کو خاصی امیدیں‌ ہیں.

    باؤلنگ سائیڈ پر دیکھا جائے، تو اسپنرز میں اسامہ میر جب کہ فاسٹ باؤلرز میں محمد عامر، تیمل ملز، عثمان شنواری، تابش خان اورمحمد عرفان جونیئر جیسے نام شامل ہیں۔ دیگر کھلاڑیو میں لینڈل سائمنز، ایوین مورگن اور سیف اللہ بنگش موجود ہیں۔

    کراچی کنگز پی ایس ایل کی وہ ٹیم ہے، جس نے سب سے زیادہ تبدیلیاں کی گئیں، کرس گیل اور سہیل خان کو ڈراپ کرکے ان کی جگہ شاہد خان آفریدی جیسے سپراسٹار کو ٹیم میں شامل کیا گیا ہے۔ اس سے نہ صرف تماشائیوں کے جوش و خروش میں اضافہ ہوگا، بلکہ ٹیم کا مورال بھی بلند ہوگا. شاہد خان آفریدی کسی بھی ٹی ٹوئنٹی میچ میں محض چند گیندوں میں مقابلے کا پانسہ پلٹنے کی حیرت انگیز صلاحیت رکھتے ہیں۔

    سہیل خان کی کمی تیمل ملز پوری کریں گے، جب کہ محمد عامر بھی اپنا تیز رفتار فن دکھانے کے لیے میدان میں موجود ہوں گے۔ محمد عرفان جونیئر اور عثمان خان شنواری بھی کراچی کنگز کے حق میں ایک بڑے فیکٹر کا کردار ادا کرسکتے ہیں۔

    کولن انگرام، جو دینلے اور خرم منظور سے امید کی جارہی ہے وہ ٹیم کو ایک اچھا اسٹارٹ فراہم کریں گے تاہم بابر اعظم بھی ٹیم کو سنبھانے میں اہم کردار ادا کریں گے۔ تجزیہ کاروں کے مطابق اس آل راؤنڈرز بھی ٹیم کو کامیابی سے ہمکنار کرنے میں کلیدی کردار ادا کریں گے۔

    ٹیم میں شاہد آفریدی کی موجود گی، جب کہ نئے کپتان عماد وسیم کی مناظر میں آمد کراچی کنگز کی پرفارمنس پر گہرے اور مثبت کردار ادا کرسکتی ہے.

    اسلام آباد یونائیٹڈ

    پہلا سیزن اپنے نام کرنے والی اس ٹیم کے بلے بازوں میں مصباح الحق، افتخار احمد، آصف علی، جے پی ڈومینی، لیوک رونچی، سیم بلنگز، صاحبزادہ فرحان اور طلعت حسین شامل ہیں۔ آل راؤنڈرز میں اینڈرے رسل، شاداب خان اور فہیم اشرف اپنا ہنر آزمائیں گے۔

    اسپن اٹیک میں‌ سیموئل بدری اور ظفر گوہر موجود ہیں، فاسٹ باؤلرز میں محمد سمیع ، رومان رئیس اور عماد بٹ نمایاں‌ ہیں. دیگر کھلاڑیوں میں الیکس ہیلز، سمت پٹیل، اسٹیو فن محمد حسن اور محمد حسنین شامل ہیں۔

    اسلام آباد یونائیٹڈ کے مداح یقیناً شرجیل خان اور خالد لطیف کی کمی محسوس کریں گے، دونوں کھلاڑی گذشتہ سال اسپاٹ فکسنگ کے الزام کے سبب ٹیم سے باہر ہوگئے تھے۔ فرنچا ئز نے ڈیوین اسمتھ کو بھی اس سال ریلیز کردیا ہے، تاہم اینڈرے رسل کی واپسی یقینی طور پر خوش آئند ثابت ہوگی۔

    کراچی کنگزکے آفیشل گانے ’’ دے دھنا دھن ‘‘ کی ویڈیو ریلیز

    شین واٹس تو ٹیم میں‌ نہیں. ان کی جگہ جے پی ڈومنی، لیوک رونچی اور صحبزاداہ فرحان بلے بازی کے جوہر دکھائیں گے۔ سیم بلنگز بھی آخر کےمیچز میں میسر ہوں گے. ٹیم کی سب سے مضبوط اور قابل بھروسہ شخصیت مصباح الحق ہیں. دیکھنا یہ ہے کہ ریٹائرمنٹ کے بعد مصباح الحق کس طرح اپنی صلاحیتوں کا مظاہرہ کرتے ہیں.

    فہیم اشرف کا انتخاب انتہائی اہم ہے، آصف علی، طلعت حسین اور احمد بٹ کو ٹیم میں برقرار رکھا ہے، شاداب خان میچ کے ہر شعبے میں‌ اپنی پرفارمنس کا مظاہرہ کریں گے۔

    کوئٹہ گلیڈی ایٹرز

    پی ایس ایل کے پہلے ایڈیشن میں حیرت انگیز طور پر ابھر کر سامنے آنے والی کوئٹہ گلیڈی ایٹرز کے پاس بلے بازی کے میدان میں سرفراز احمد، کیون پیٹرسن، ریلی روشو، عمرامین، اسد شفیق، رمیز راجا جونیئر، سعد علی اور سعود شکیل شامل ہیں۔ آل راؤنڈرز کے طور پر شین واٹسن، محمد نواز اور انور علی ٹیم کا حصہ ہیں۔

    اسپنرز میں حسن خان، جب کہ فاسٹ بالرز میں میر حمزہ ، راحت علی اور جوفرہ آرکر اپنا جادو جگائیں گے۔ دیگر کھلاڑیوں میں جیسن رائے ، راشد خان، اعظم خان ، فراز احمد خان شامل ہوں گے۔

    کوئٹہ گلیڈی ایٹرز پی ایس ایل کی وہ ٹیم ہے جس کی تمام تر توجہ بڑے ناموں کے بجائے بہترین کمبی نیشن بنانے پر رہی ہے اور معین خان کی کوچنگ نے ٹیم کو یکجا کر رکھتا ہے۔ یہی وجہ ہے کہ پی ایس ایل کے دونوں سیزن میں کوئٹہ گلیڈی ایٹرز رنر اپ رہے۔ اگر یہ ٹیم ٹائٹل جیت جاتی ہے، تو حیرت نہیں ہوگی۔

    پی سی ایل تھری: کراچی کنگز اور معروف برانڈ نورپور میں‌ معاہدہ طے پا گیا

    کوئٹہ کی بیٹنگ لائن کیون پیٹرسن، رلی روشو، سرفراز، اسد شفیق اور محمد اللہ کی موجودگی کے سبب انتہائی مضبوط ہے اور یہی ٹیم کی طاقت ہے۔ سعد علی اور سعود شکیل بھی رن بنانے کی اپنی حیرت انگیز صلاحیت کے سبب ٹیم میں اہم کردار ادا کرسکتے ہیں۔

    شین واٹسن یقیناً پریرا کی جگہ پر کرنے میں اہم کردار ادا کریں گے۔ جبکہ انور علی کے پاس بھی اپنی کارکردگی منوانے کا بے مثال موقع ہے۔ عمر گل اور تیمل ملز کے جانے سے یقیناً ٹیم میں فاسٹ باؤلرز کی کمی محسوس ہو گی تاہم جوفرہ آرکر اگر اپنے گھٹنے کی انجری سے صحت یاب ہوجاتے ہیں تو وہ اس کمی کا مداوا کرتے نظر آئیں گے۔ راحت علی کو منتخب کرنے سے لگ رہا ہے کہ اس بار کوئٹہ زیادہ تر اسپنرز پر انحصارکرنے جارہی ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی ایس ایل تھری فائنل کے سیکیورٹی انتظامات مکمل کرلئے، آئی جی سندھ

    پی ایس ایل تھری فائنل کے سیکیورٹی انتظامات مکمل کرلئے، آئی جی سندھ

    کراچی : پولیس کے اعلیٰ حکام نے کہا ہے کہ پی ایس ایل تھری کے فائنل کے لیے سیکیورٹی انتظامات مکمل کرلیے ہیں، امید ہے ایونٹ کا فائنل کراچی میں ہی ہوگا۔

    تفصیلات کے مطابق آئی جی سندھ اے ڈی خواجہ اور ایڈیشنل آئی جی مشتاق مہر نے کہا ہے کہ پی ایس ایل تھری کے فائنل میچ کے سیکیورٹی انتظامات مکمل کرلیے گئے ہیں۔

    یہ بات انہوں نے اے آر وائی نیوز سے گفتگو کرتے ہوئے کہی، انہوں نے کہا کہ امید ہے پاکستان سپرلیگ کے تیسرے ایڈیشن کا فائنل کراچی میں ہی ہوگا۔

    انہوں نے کراچی کنگز سے نیک خواہشات کا اظہار بھی کیا، دریں اثناء ایڈیشنل آئی جی مشتاق مہر نے اس امید کا اظہار بھی کیا کہ پی ایس ایل فائنل کے بعد کراچی میں انٹرنیشنل کرکٹ بھی جلد لوٹے گی۔

    واضح رہے کہ پی ایس ایل تھری کا فائنل 25 مارچ کو نیشنل اسٹیڈیم کراچی میں شیڈول ہے۔

    مزید پڑھیں: پی ایس ایل کا فائنل 25 مارچ کوکراچی میں ہوگا، نجم سیٹھی

    پی سی بی کے چیئرمین نجم سیٹھی کراچی کے دورہ کے موقع پر پہلے ہی کہہ چکے ہیں کہ پی ایس ایل کا فائنل 25 مارچ کو کراچی میں ہوگا، ہماری پوری کوشش ہے کہ 15 فروری تک کراچی اسٹیڈیم تیار ہوجائے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔

     

  • پی ایس ایل تھری: کرس گیل کو کسی فرنچائز نے نہیں لیا

    پی ایس ایل تھری: کرس گیل کو کسی فرنچائز نے نہیں لیا

    لاہور : پی ایس ایل کے پچھلے دو ایڈیشنز میں مایوس کن کارکردگی دکھانے والے گنگنم اسٹائل کرس گیل کو کسی بھی فرنچائز نے خریدنے کی زحمت گوارا نہیں کی۔

    تفصیلات کے مطابق گنگنم اسٹائل والے کرس گیل پاکستان میں فیل ہوگئے، پی ایس ایل تھری کی ڈرافٹنگ میں ویسٹ انڈیز کے مایہ ناز کھلاڑی کرس گیل کو کسی بھی ٹیم نے چانس نہیں دیا۔

    یاد رہے کہ پی ایس ایل کے پہلے ایڈیشن میں لاہور قلندر کی ٹیم میں شامل کرس گیل کوئی قابل ذکر کاردگی دکھانے میں ناکام رہے تھے۔

    بعد ازاں کراچی کنگز میں شمولیت کے بعد بھی انہوں نے اپنے اسکور میں خاطر خواہ اضافہ نہ کیا، جس کے باعث شائقین کرکٹ کی شدید تنقید کا نشانہ بنتے رہے۔

    یاد رہے کہ ٹی ٹوئنٹی ہو یا ون ڈے میچز کرس گیل حریفوں کے چھکے چھڑا کر ڈانس بھی کرتے ہیں، پی ایس ایل میں ان کا بلا چلتا نہیں۔ شائقین کو فکر ہے اب گنگم اسٹائل کون کرے گا ؟

    مزید پڑھیں: کیا آپ نےکرس گیل کو اردو بولتے دیکھا ہے؟

    علاوہ ازیں ذرائع کے مطابق کرس گیل نے سیکورٹی رسک کی وجہ سے پاکستان آنے سے انکار کر دیا ہے، اس لیے کرس گیل کو کسی ٹیم میں بھی شامل نہیں کیا گیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پی ایس ایل تھری کا پلئیرز ڈرافٹ بارہ نومبرکولاہورمیں ہوگا

    پی ایس ایل تھری کا پلئیرز ڈرافٹ بارہ نومبرکولاہورمیں ہوگا

    لاہور : پی ایس ایل تھری کا پلئیرز ڈرافٹ بارہ نومبر کو لاہورمیں منعقد ہوگا، ایونٹ کی چھٹی ٹیم ملتان سلطان سمیت تمام ٹیمیں کھلاڑیوں کا انتخاب کریں گی۔

    تفصیلات کے مطابق دو ایڈیشنز کی شاندار کامیابی کے بعد اب پاکستان سپر لیگ کا تیسرا ایڈیشن اور بھی شاندار ہوگا، اس بار پی ایس ایل میں چھٹی ٹیم ملتان سلطان کی شمولیت سے مقابلے مزید رنگین ہوں گے۔

    پی ایس ایل تھری کے لئے کھلاڑیوں کا انتخاب بارہ نومبر کو لاہور میں کیا جائے گا، اس موقع پر پی ایس ایل کی تمام چھ ٹیمیں پلاٹینئیم ، ڈائمنڈ اور گولڈ کیٹگری میں ایک ایک کھلاڑی کا انتخاب کریں گی۔

    سلور اورایمرجنگ کٹیگری میں دو دو کھلاڑیوں کا انتخاب کیا جائے گا، سپلیمنٹری میں ہر ٹیم چار کھلاڑیوں کو منتخب کرے گی۔

    دوسرے ایڈیشن کی ناکام ٹیم لاہور قلندرز کی ہر کٹگیری میں پہلی باری ہے جبکہ کراچی کنگز تیسرے نمبر پر کھلاڑی کا انتخاب کرے گی، ملتان کو ہر کٹیگری میں کھلاڑی کے انتخاب کا موقع سب سے آخر میں ملے گا۔

    مزید پڑھیں: پی ایس ایل کے 4 میچز کراچی میں کروانے کا فیصلہ

    واضح رہے کہ تیسرے ایڈیشن میں آسٹریلیا کے مچل جونسن اورکرس لین، ویسٹ انڈیز کے ڈوین براوو، سری لنکا کے انجیلو میتھیوز، جنوبی افریقہ کے وائن پرنل ،کولن انگرم، عمران طاہر اور جے پی ڈومینی جبکہ نیوزی لینڈ کے لیوک رونچی بھی ایکشن میں دکھائی دیں گے۔