کراچی: کامران اکمل اور ارشد اقبال کا کرونا ٹیسٹ مثبت آ گیا ہے۔
تفصیلات کے مطابق پی ایس ایل سیزن 7 کی ٹیم پشاور زلمی کے کھلاڑیوں کامران اکمل اور ارشد اقبال کرونا وائرس کا شکار ہو گئے ہیں۔
ریزرو کھلاڑیوں میں سے امام الحق اور عماد بٹ کو جزوی متبادل کے طور پر زلمی ٹیم میں شامل ہونے کی اجازت دے دی گئی۔
#HBLPSL7 update: Peshawar Zalmi’s Kamran Akmal and Arshad Iqbal have tested positive for Covid-19
Imam-ul-Haq and Ammad Butt, from the reserve pool of players, have been allowed to join Zalmi as partial replacement#CricketTwitter pic.twitter.com/JXpBvFVBEt
— Cricket Pakistan (@cricketpakcompk) January 24, 2022
واضح رہے کہ پاکستان سپر لیگ (پی ایس ایل) کے ساتویں ایڈیشن کے آغاز میں صرف 2 روز باقی ہیں لیکن کرونا وائرس کا خوف اس کے سر پر منڈلا رہا ہے۔
یہی وجہ ہے کہ پی ایس ایل کی پلیئنگ کنڈیشنز میں بھی تبدیلی کا فیصلہ کیا گیا ہے، پی سی بی ذرائع کا کہنا ہے کہ 13 کھلاڑیوں کے کرونا ٹیسٹ منفی آنے پر میچ کھیلا جائے گا۔ غیر ملکی کھلاڑی دستیاب نہ ہوں تو بھی ٹیم قومی کھلاڑیوں پر مشتمل ہوگی، اور 8 ملکی اور 3 غیر ملکی کھلاڑیوں کے ساتھ بھی ٹیمیں میدان میں اتر سکتی ہیں۔
پی ایس ایل2022کی پلیئنگ کنڈیشنز میں ترامیم کردی گئی
کسی کھلاڑی کا کرونا ٹیسٹ مثبت آ نے کی صورت میں مذکورہ ٹیم ٹیکنکل کمیٹی کی اجازت سے ریزرو پول میں موجود کسی بھی کھلاڑی کو متبادل کھلاڑی کی حیثیت سے اپنے اسکواڈ میں شامل کر سکتی ہے۔
یاد رہے کہ پی ایس ایل کا ساتواں ایڈیشن 27 جنوری سے کراچی میں شروع ہو رہا ہے۔
