دبئی : بوم بوم آفریدی کے زخمی ہونے کے باعث پی ایس ایل کے فائنل میں شرکت مشکوک ہوگئی، شاہد آفریدی کے ہاتھ میں بارہ ٹانکے آئے ہیں۔
تفصیلات کے مطابق دبئی میں کراچی کنگز اور پشاور زلمی کے درمیان کھیلے جانے والے پی ایس ایل کے اہم میچ میں پشاورزلمی کے کھلاڑی شاہد آفریدی کیرون پولارڈ کا کیچ لینے کی کوشش میں سے شدید زخمی ہوگئے۔
Chat Conversation End
کھیل کے دوران کیرون پولارڈ کا زور دار شاٹ آفریدی کے دائیں ہاتھ پر لگا جس کے بعد آفریدی گراؤنڈ سے باہر چلے گئے۔
ذرائع کے مطابق شاہد آفریدی کے ہاتھ میں بارہ ٹانکے لگے ہیں، اور ان ہاتھ پر پٹی بندھی ہوئی ہے، جس کے باعث قوی اندیشہ ہے کہ وہ لاہور میں کھیلے جانے والے پی ایس ایل کے فائنل میچ میں شرکت نہیں کر سکیں گے۔کیونکہ اس حالت میں وہ نہ تو بیٹنگ کرسکتے ہیں اور نہ بالنگ کرا سکیں گے۔
ملتان:سابق وزیراعظم و پیپلز پارٹی کے رہنما یوسف رضا گیلانی نے کہا ہے کہ پاکستان سپر لیگ کا فائنل میچ لاہور میں منعقد کروانے کے فیصلے کی حمایت کرتا ہوں، سیکیورٹی میں کوئی سقم نہ چھوڑا جائے، فائنل کو سیکیورٹی فراہم کرنا پنجاب حکومت کی ذمہ داری ہے۔
اپنے ایک بیان میں انہوں نے کہا کہ پی ایس ایل سے ملک کے وقار میں اضافہ ہوگا، ملک کے امن کے لیے کسی بھی کوشش پر ساتھ ہیں تاہم فول پروف سیکیورٹی فراہم کرنا حکومت کی ذمہ داری ہے،لاہور میں پی ایس ایل فائنل کی حمایت کرتا ہوں پی ایس ایل فائنل گراؤنڈ میں نہیں گھر میں دیکھوں گا۔
دریں اثنا پاناما لیکس کے مقدمے پر ان کا کہنا تھا کہ فیصلے کے بعد الیکشن کا صحیح لائحہ عمل سامنے آئے گا۔
پی ایس ایل فائنل کی سیاسی بنیادوں پر مخالفت ہوئی، احسن اقبال
اس ضمن میں مسلم لیگ ن کے وفاقی وزیر احسن اقبال نے کہا ہے کہ پی ایس ایل کا فائنل لاہور میں ہونا خوش آئند ہے،اس سے پوری دنیا میں پاکستان کا مثبت پیغام جائے گا،پاکستان عالمی کرکٹ واپس لارہا ہے۔
انہوں نے کہا کہ دکھ ہوا کہ چند لوگوں نے سیاسی بنیادوں پر اس کی مخالفت کی،پی ایس ایل قومی ایونٹ ہے، سب کو اسے کامیاب کرنا چاہیے،پاکستانی قوم دہشت گردوں کے آگے ہتھیار نہیں پھینکے گی۔
اسلام آباد : تحریک انصاف کے چیئرمین عمران خان نے کہا ہے کہ پی ایس ایل فائنل کا لاہور میں انعقاد کا فیصلہ احمقانہ ہے جس سے فائدہ ہونے کے بجائے الٹا نقصان ہو گا۔
وہ اسلام آباد میں ایک تقریب سے خطاب کررہے تھے انہوں نے پی ایس ایل فائنل پر ایک بار پھر اپنے موقف کو دہراتے ہوئے کہا کہ پی ایس ایل فائنل لاہور میں کرانےکا فیصلہ احمقانہ ہے۔
عمران خان نے کہا کہ اسٹیڈیم میں تیس ہزار افراد کی سیکیورٹی کے لیے60 ہزار پولیس کو تعینات کیا جائے گا اور پوری پنجاب پولیس لاہور میں تعینات ہو گی اس طرح اگر تحفظ دیا گیا تو اس سے دنیا میں کون سا مثبت پیغام جائےگا؟
انہوں نے کہا کہ اگر حالات نارمل ہوتے اور غیر معمولی اقدامات نہ اٹھانے پڑتے تب اگر پی ایس ایل کا فائنل لاہور میں ہوتا تو اس سے پاکستان کے امیج میں بہتری آتی اس طرح سخت سیکیورٹی میں فائنل کرا بھی دیا جائے تو نیک نامی کے بجائے ہماری کمزوری ظاہر ہوگی۔
سربراہ تحریک انصاف نے کہا کہ اس طرح کی سخت سیکیورٹی میں تو عراق وشام میں بھی میچ ہوسکتا ہے دہشتگردی کیخلاف اگرجنگ جیتنی ہے توپولیس اور تھانے کو مضبوط کرناہوگا کیوں کہ حالات نارمل ہونے پر ہی انٹرنیشنل کرکٹ پاکستان آئے گی۔
راولپنڈی: عوامی مسلم لیگ کےسربراہ شیخ رشید کاکہناہےکہ پی ایس فائنل کے دو ٹکٹ خریدلیے ہیں۔انہوں نےکہاکہ عوام کےساتھ میچ دیکھوں گااور سیٹیاں بھی بجاؤں گا۔
تفصیلات کےمطابق پاکستان سپرلیگ کا فائنل لاہور میں کرانے کا فیصلہ سامنے آتے ہی عام عوام کے ساتھ ساتھ اہم سیاسی شخصیات نے بھی فائنل لاہور کے قذافی اسٹڈیم میں دیکھنے کےحوالےسےدلچسپی ظاہرکی ہے۔
عوامی مسلم لیگ کےسربراہ شیخ رشید احمد نےبھی5 مارچ کو قذافی اسٹیڈیم میں ہونے والے پی ایس ایل فائنل کے ٹکٹ خرید لیے ہیں،ان کا کہنا ہے کہ میں نے فائنل دیکھنے کےلیے پانچ سو والے دو ٹکٹ لیے ہیں۔
شیخ رشید کا کہناتھاکہ پانچ سو کے دو ٹکٹ کےعلاوہ 8ہزار کا ایک اورٹکٹ بھی لیاہے،میچ دیکھنے کےلیےساتھ ایک آدھ بندہ توہونا چاہیے،اکیلا برا لگتا ہے۔
انہوں نےکہاکہ نجم سیٹھی نےبتایا ہےکہ آپ کووی آئی پی نشست دی جائے گی،مگر میں عوامی آدمی ہوں،عوام کےساتھ مل کرمیچ دیکھوں گا اور سیٹیاں بھی بجاؤں گا۔
شیخ رشید نے کہا کہ میں ہمیشہ عوام میں ہوتا ہوں،پانچ مارچ کو بھی عوام کےساتھ ہوں گا، پہلی بار پاکستان میں کسی اسٹیڈیم میں میچ دیکھنےجاؤں گا۔
سکھر : قائد حزب اختلاف قومی اسمبلی سید خورشید احمد شاہ نے پاکستان سپر لیگ کا فائنل پاکستان میں کرانے کے فیصلے کو خوش آئند قرار دیا ہے۔
ایک بیان میں انہوں نے کہا ہے کہ ہم دہشت گردی سے خوف زدہ ہو کر زندگی کے معمولات کو معطل نہیں کر سکتے اور نہ ہی دنیا سے کسی معاملے میں پیچھے رہ سکتے ہیں۔
انہوں نے کہا کہ لاہور میں پی ایس ایل فائنل کے انعقاد سے ہم دنیا پر ثابت کریں گے کہ ہم بزدل نہیں ہیں اور ہر طرح کے مشکل حالات کے باوجود ہم اپنے عزم و ہمت سے دشمن کا مقابلہ کر سکتے ہیں۔
قومی اسمبلی میں قائد حزب اختلاف نے کہا کہ کرکٹ کسی ایک پارٹی یا صوبے کا کھیل نہیں ہےاور ہمیں اس کو سیاست سے بالا ہو کر قومی نقطہ نظر سے دیکھنا ہوگا۔
اس موقع پر انہوں نے پی ایس ایل کے فائنل میں شرکت کرنے والے کھلاڑیوں کو بھی خراج تحسین پیش کرتے ہوئے کہا کہ ہم سب کو اس ایونٹ میں شریک کھلاڑیوں کو خوش آمدید کہنا چاہیے۔
خورشید شاہ نے کہا کہ دنیا کو بآور کرانے کے لیے یہ بہترین موقع ہے کہ پاکستان کرکٹ کے کتنے بڑے مداح ہیں اور ہم ہر طرح کے خطروں سے نمٹنے کے لیے مکمل طور پر تیار ہی نہیں بلکہ کسی بھی ایونٹ کو کامیابی کے ساتھ منعقد کرنے کی صلاحیت رکھتے ہیں۔
دوسری جانب سینیٹر قمر زمان کائرہ نے کہا ہے کہ فائنل لاہور میں کرانے کافیصلہ اچھا ہے، حکومت کی جانب سے مشکل فیصلہ کیا گیا ہے اور اس فیصلے پر پاکستان کرکٹ بورڈ کو مبارکباد پیش کرتا ہوں۔
پاکستان پیپلز پارٹی پنجاب کے صدر قمر الزماں کائرہ نے کہا کہ پی ایس ایل فائنل کے لیے پر جوش ہوں اور اگر ٹکٹ ملا تو فائنل دیکھنے ضرور جاؤں گا۔
لاہور: پاکستان سپر لیگ کے چیئرمین نجم سیٹھی نے کہا ہے کہ پی ایس ایل فائنل کے ٹکٹ آج سے ملنا شروع ہوجائیں گے، آئی سی سی سمیت 8 کرکٹ بورڈز کے سیکیورٹی ایکسپرٹ لاہور کا فائنل دیکھنے پہنچ رہے ہیں، جوغیر ملکی کھلاڑی پاکستان نہیں آئے گا اس کا متبادل لانا پڑےگا۔
لاہورمیں میڈیا سے بات کرتے ہوئے انہوں نے کہا کہ پی ایس ایل کا فائنل لاہورمیں ہونا عوام کی حوصلہ افزائی اوراللہ تعالیٰ کا فضل و کرم ہے کیوں کہ اس کے بغیر کچھ نہیں ہوتا ساتھ عوام کی خواہش ہے جس کے مطابق ہونے جارہا ہے۔
انہوں نے کہا کہ اللہ تعالیٰ خیرکرے گا، جو کچھ ہورہا ہے عوامی امنگوں کے مطابق ہونے جارہاہے ، اس وقت قوم نے اپنا عزم اور یکجہتی دکھائی ہے، میں نے اتنی خوشی کبھی نہیں دیکھی کیوں کہ پاکستانی قوم ایک پرامن قوم ہے اور دکھانا چاہتی ہے کہ ہم بلیک میل نہیں ہوں گے، ہم دباؤ میں نہیں آئیں اور دہشت گردی کو ختم کرکے ہی دم لیں گے۔
انہوں نے مزید کہا کہ انشاللہ 8 انٹرنیشنل سیکیورٹی ایکسپرٹ نے لاہورآنے پر رضامندی ظاہر کردی ہے ان میں انگلینڈ، آسٹریلیا، نیوزی لینڈ،سری لنکا، آئی سی سی کے دو افراد شامل ہیں۔
انہوں نے عزم ظاہر کیا کہ کامیاب پی ایس ایل کے عالمی کرکٹ پاکستان واپس آئے گی، اس کامیابی میں صرف ایک بورڈ کا ہاتھ ہیں، فرنچائزز اور غیر ملکی کھلاڑیوں کی معاونت شامل ہے جس کے بغیر یہ ممکن نہیں ساتھ ہی میڈیا کی سپورٹ حاصل ہے، میں چاہتا ہوں سوالات کم سے کم ہوں اور کام زیادہ ہو۔
ایک سوال پر انہوں نے کہا کہ آئی سی سی سے باب نکلسن اور شان کیرل، انگلینڈ کرکٹ بورڈ سے رچ ڈکلسن، آسٹریلیا سے جولین ڈکسن اور شان مارس جبکہ بنگلہ دیش اور سری لنکا سے بھی ایک ایک سیکیورٹی انچارج آرہے ہیں۔
انہوں نے بتایا کہ فائنل کے لیے 500 سو، 4 ہزار، 8 ہزار اور 12 ہزار روپے مالیت کے ٹکٹ ہیں جن کی فروخت کل سے شروع ہوجائے گی جوکہ آن لائن اور آؤٹ لیٹس سے بھی ملیں گی۔
انہوں نے کہا کہ تین مارچ کو پتا چلے گا کہ کون سے دو ٹیمیں فائنل میں آرہی ہیں سب کے پلیئرز کے ساتھ بات چیت ہوچکی ہے، وہ انتظار میں تھے کہ حتمی فیصلہ ہو کہ لاہور میں فائنل ہو پھر وہ ہامی بھریں، اب یہ فیصلہ ہوگیا، ہم بات کریں گے اب اگر کوئی کھلاڑی منع کرتا ہے تو اس کا متبادل دیکھیں گے تاہم امید ہے تمام کھلاڑی پاکستان آئیں گے۔
اے آر وائی نیوز سے بات کرتے ہوئے چیئرمین پی ایس ایل نجم سیٹھی نے کہا کہ یہ بہت خوش آئند فیصلہ ہے جسے وزیراعلیٰ پنجاب اور ان کی ٹیم نے کیا ہے ہم ان کے مشکور ہیں جب کہ وزیراعظم نے بھی ہامی بھری ہے۔
دہشت گردی پوری دنیا میں ہے اس کا مطلب یہ نہیں کہ معمول کی زندگی بدل دی جائے۔
انہوں نے بتایا کہ آئی سی سی، آسٹریلیا، نیوزی لینڈ، انگلینڈ سمیت آٹھ ممالک کے کرکٹ بورڈ کے سیکیورٹی ایکسپرٹ لاہور کا فائنل دیکھنے یہاں آرہے ہیں جو اپنی اپنی رپورٹ اپنے ممالک کو پیش کریں گے جس کے بعد یقیناً یہاں عالمی کرکٹ کا راستہ کھل جائے گا
ویڈیو دیکھئے
انہوں نے مزید کہا کہ آٹھ سال تک پاکستان عالمی کرکٹ سے محروم رہا ہے اس کا بڑا نقصان ہوا اب یہ سلسلہ ختم ہونا چاہیے۔
ایک سوال پر انہوں نے کہا کہ دو ٹیمیں فائنل میں ہوں گی، ہر ٹیم میں چار غیر ملکی کھلاڑی ہیں یعنی آٹھ کھلاڑی پاکستان آئیں گے، دو ٹیموں کے فائنل میں پہنچنے کے بعد ٹیم اپنے کھلاڑیوں سے پوچھے گی کہ وہ پاکستان جائیں گے یا نہیں ،منع کرنے پر ان کا متبادل دیکھا جائےگا۔
اسلام آباد : پاکستان تحریک انصاف کے سربراہ عمران خان نے کہا ہے کہ پی ایس ایل کا فائنل لاہور میں کرانے کا فیصلہ پاگل پن کے سوا کچھ نہیں، سڑکیں بند کرنے سے ملک کا کیا تاثر جائے گا؟
یہ بات انہوں نے پی ایس ایل کا فائنل لاہور میں ہی کروانے کے فیصلے پر ردعمل دیتے ہوئے کہی، عمران خان نے سوال اٹھایا کہ بند دکانوں اور سخت سیکیورٹی کے درمیان کروائے گئے فائنل میچ سے امن کا پیغام کیسے جائے گا؟ اگر حالات نارمل ہوتے تو الگ بات تھی۔
سربراہ تحریک انصاف نے کہا کہ اگر خدا نخواستہ کوئی چھوٹا سا واقعہ بھی رونما ہو گیا تو پاکستان میں بین الاقوامی کرکٹ مزید 20 برس کے لیے رک جائے گی اور اس کا خمیازہ پورا تقریبآ نا ممکن ہو گا۔
عمران خان نے کہا کہ بین الاقوامی کرکٹ کی پاکستان میں واپسی کے لیے پی ایس ایل کا فائنل لاہور میں کرانے کے لیے یہ مناسب وقت نہیں تھا کیوں کہ اس موقع پر کاروبار بند کرایا جائے گا ، سخت سیکیورٹی اور جگہ جگہ چیکنگ کرائی جائے گا تو کیا اس سے یہ پیغام جائے گا کہ ملک میں مکمل امن کی بحالی ہو چکی ہے؟
لاہور: حکومت نے دہشت گردی کے تمام تر خدشات کو مسترد کرتے ہوئے پی ایس ایل کا فائنل لاہور میں کرانے کی منظوری دے دی، اعلان کل یا پرسوں وزیراعلیٰ پنجاب کریں گے۔
ذرائع نے بتایا ہے کہ پاکستان سپر لیگ کے حوالے سے حکومت نے تمام تر سیکیورٹی خدشات کو مسترد کرتے ہوئے جرات مندانہ قدم اٹھایا ہے، جس کی ایک بڑی وجہ پاک فوج کی جانب سے فائنل میچ کو سیکیورٹی فراہم کرنے کی پیش کش کرنا ہے۔
اطلاعات ہیں کہ اس حوالے سے کئی روز سے بات چیت جاری تھی تاہم اب حتمی فیصلہ کرلیا گیا ہے قبل ازیں صرف اطلاعات ہی تھیں۔
وزیر قانون پنجاب رانا ثنا للہ نے تصدیق کرتے ہوئے کہا کہ ایک اعلیٰ سطح اجلاس میں تمام سیکیورٹی اداروں کے اعلیٰ افسران نے شرکت کی اور فائنل کی سیکیورٹی کی یقین دہانی کرائی، اجلاس میں باہمی مشاورت سے فیصلہ کیا گیا کہ پی ایس ایل کا فائنل دبئی کے بجائے لاہور میں ہی کرایا جائےگا جس کے لیے تمام تر وسائل استعمال کیے جائیں گے۔
اے آر وائی نیوز کے نمائندہ لاہور خواجہ نصیر نے بتایا کہ وزیراعلیٰ پنجاب نے ایک دم واضح فیصلہ دیا ہے کہ میچ لاہور میں ہی ہوگا، سیکیورٹی سخت رکھی جائے۔
رپورٹر کے مطابق پاک فوج کے ساتھ ساتھ رینجرز اور پولیس کے 3 ہزار جوان خدمات انجام دیں گے، اس بات کا اعلان وزیراعلیٰ پنجاب کل یا پرسوں کریں گے۔
چیئرمین پی سی بی نے کہا ہے کہ یہ فیصلہ خوش آئند ہے،ہماری کوششیں رنگ لے آئیں، فیصلے سے ملک میں انٹرنیشنل کرکٹ کی بحالی میں مدد ملے گی۔
واضح رہے کہ پی ایس ایل کا فائنل میچ پانچ مارچ کو ہونا تھا ، لاہور میں فائنل کے انعقاد کے اعلان کےساتھ ہی ملک بھر میں 13 فروری سی دہشت گردی کی نئی لہر شروع ہوئی جس کی وجہ سے لاہور میں فائنل کا انعقاد کھٹائی میں پڑ گیا تھا، غیر ملکی کھلاڑیوں کی آمد مشکوک ہوگئی تھی۔
کئی اجلاسوں کے بعد بالآخر حتمی فیصلہ کرلیا گیا حکومت اپنے اعلان سے پیچھے نہیں ہٹے گی، غیر ملکی کھلاڑی پاکستان آئیں یا نہ آئیں فائنل لاہور میں ہی ہوگا۔
اطلاعات ہیں کہ کھلاڑیوں کو ہوٹل سے اسٹیڈیم تک لانے کے لیے انہیں وزیراعظم کی سطح کی وی آئی پی سیکیورٹی دی جائے گی، سڑکیں ٹریفک کے لیے بند کردی جائیں گی۔
لاہور: وزیر اعلیٰ پنجاب شہباز شریف کی زیرِ صدارت اجلاس میں پی ایس ایل فائنل کے لیے سیکیورٹی پلان طے پایا گیا ہے جس کے تحت غیر ملکی کھلاڑیوں اور وی آئی پیز کی حفاظت پر ایلیٹ فورس کو مامور کیا جا ئے گا۔
تفصیلات کے مطابق اجلاس میں وزیر اعلیٰ پنجاب کو پی ایس ایل کے فائنل کے لیے لاہور میں سیکیورٹی کے حوالے سے بریفنگ دی گئی جس میں سیکیورٹی پلان کی منظوری لی گئی۔
اجلاس میں فیصلہ کیا گیا ہے کہ شہر کے اہم مقامات پر 3 ہزار سے زائد پولیس اہلکار تعینات کیے جائیں گے جب کہ قذافی اسٹیڈیم آنے والے راستوں پر چار مقامات پر چیکینگ کی جائے گی اور تمام راستوں کی سی سی ٹی وی کیمروں کی مدد سے نگرانی بھی کی جا تی رہے گی۔
جب کہ اسٹیڈیم میں موجود ہر شخص پر کیمرے کی نظر ہو گی جس کے لیے اسٹیڈیم کے اندر 70 کیمرے نصب کردیے گئے ہیں جب کہ اسٹیڈیم کے بیرونی دروازوں پر 30 سے 40 کیمرے نصب کیے جائیں گے اس طرح اسٹیڈیم میں داخل ہونے والے ہر شخص پر نگاہ رکھی جا سکے گی۔
وزیر اعلیٰ پنجاب کو بتایا گیا کہ غیر ملکی کھلاڑیوں اور وی آئی پیز کی سیکیورٹی کی ذمہ داری ایلیٹ فورس کو سونپی جائے گی جب کہ پورے شہر کی اور بالخصوص اسٹیڈیم کے باہر سیکیورٹی پاک فوج اوراسپیشل برانچ پولیس سنبھالیں گی۔
دریں اثناء اجلاس میں یکم مارچ کو نشتر اسپورٹس کمپلیکس کو بند ہوگا اور سینٹر پوائنٹ سے لبرٹی چوک تک کا راستہ عام تریفک کے بند ہوگا اس لیے شہریوں کو متبادل گذر گاہیں استعمال کرنے کی ہدایت جاری کی گئی ہیں۔
دبئی : چیئرمین پی ایس ایل نجم سیٹھی نے کہا ہے کہ پی ایس ایل کے فائنل کی دونوں ٹیموں میں چارچارغیر ملکی کھلاڑی ہوں گے، کوئی غیرملکی کھلاڑی نہیں آتا تو ہمارے پاس اس کا متبادل کا انتظام ہے، لاہور میں ہونے والے فائنل کے ٹکٹس 26 فروری سے ملیں گے۔
ان خیالات کا اظہارانہوں نے اے آر وائی نیوز سے خصوصی گفتگو کرتے ہوئے کیا، نجم سیٹھی نے کہا کہ پی ایس ایل کے فائنل میچ کیلئے 50 غیرملکی کھلاڑیوں کی فہرست تیارکی ہے تاہم ان کھلاڑیوں کوسیکیورٹی خدشات ہیں۔
غیرملکی کھلاڑیوں کے سیکیورٹی ماہرین پاکستان آئیں گے، کھلاڑیوں کو ہیڈآف اسٹیٹ کے برابرسیکیورٹی دی جائے گی، انہوں نے بتایا کہ غیرملکی کھلاڑیوں کو زیادہ میچ فیس دی جائے گی اور ان کی انشورنس بھی کروا رہےہیں۔
کھلاڑیوں کو ہیڈ آف اسٹیٹ کے برابر سیکیورٹی دی جائےگی۔ چیئرمین پی ایس ایل کا کہنا تھا کہ 26 فروری سے لاہور میں کھلے جانے والے فائنل میچ کے ٹکٹوں کی آن لائن فروخت شروع کردیں گےانہوں نے کاہ کہ ٹکٹ باکس آفس کےآؤٹ لیٹ،اسٹیڈیم کےقریب دستیاب ہونگے، جس کےپاس ٹکٹ ہوگا وہی اسٹیڈیم آسکےگا۔
