ARYNews.tv | Urdu – Har Lamha Bakhabar

Tag: پی ایس ایل فور

  • پی ایس ایل4: کراچی کنگز اورلاہورقلندرزآج آمنے سامنے

    پی ایس ایل4: کراچی کنگز اورلاہورقلندرزآج آمنے سامنے

    دبئی: پاکستان سپرلیگ کے سیزن فورمیں آج دو اہم میچز کھیلے جائیں گے، کراچی کنگز کا مقابلہ لاہورقلندرز سے ہوگا جبکہ ملتان سلطانز پشاور زلمی سے ٹکرائے گی۔

    تفصیلات کے مطابق پی ایس ایل 4 کے پہلے میچ میں ملتان سلطانز اورپشاور زلمی پنجہ آزمائی کریں گے، دوسرے میچ میں کراچی کنگز اور لاہور قلندرز آمنے سامنے ہوں گے۔

    دبئی انٹرنیشنل اسٹیڈیم میں پہلا میچ پاکستانی وقت کے مطابق شام ساڑھے چار بجے ہوگا جبکہ دوسرا میچ رات 9 بجے کھیلا جائے گا۔

    پی ایس ایل فور میں ملتان سلطانز 6 میچز کھیل چکی ہے جس میں سے وہ 2 میچز میں کامیاب رہی جبکہ پشاور زلمی کی ٹیم 5 میں سے 3 میچز میں فاتح رہی ہے۔

    ایونٹ میں کراچی کنگز 6 میں سے 2 میچز میں کامیاب ہوئی ہے جبکہ لاہور قلندرز 6 میں سے 3 میچز میں فاتح رہی ہے۔

    پوائنٹس ٹیبل پرپشاور زلمی 6 پوائنٹس کے ساتھ تیسرے نمبر پر ہے، لاہور قلندرز 6 پوائنٹس کے ساتھ چوتھے ، ملتان سلطانز 4 پوائنٹس کے پانچویں اور کراچی کنگز 4 پوائنٹس کے ساتھ آخری نمبر پر ہے۔

    اسلام آباد یونائیٹڈ نے کراچی کنگز کو 5 وکٹوں سے شکست دے دی

    یاد رہے کہ گزشتہ روز پی ایس ایل سیزن فور کے 18ویں میچ میں اسلام آباد یونائیٹڈ نے کراچی کنگز کو 5 وکٹوں سے شکست دی تھی، آصف علی نے 70 رنز کی شاندار اننگز کھیلی تھی۔

  • اسلام آباد یونائیٹڈ نے کراچی کنگز کو 5 وکٹوں سے شکست دے دی

    اسلام آباد یونائیٹڈ نے کراچی کنگز کو 5 وکٹوں سے شکست دے دی

    دبئی: پی ایس ایل سیزن فور کے 18ویں میچ میں اسلام آباد یونائیٹڈ نے کراچی کنگز کو 5 وکٹوں سے شکست دے دی، آصف علی نے 70 رنز کی شاندار اننگز کھیلی۔

    تفصیلات کے مطابق دبئی میں کھیلے جانے والے میچ میں کراچی کنگز کی جانب سے دیا جانے والا 169 رنز کا ہدف اسلام آباد یونائیٹڈ نے آخری اوور میں 5 وکٹوں کے نقصان پر حاصل کرلیا، عمر خان نے دو وکٹیں حاصل کیں۔

    اسلام آباد یونائیٹڈ کی پہلی وکٹ ایک رن پر گری جب ڈیلپورٹ صفر پر پویلین لوٹ گئے، لک رونکی 26 رنز بنا کر آؤٹ ہوئے، حسین طلعت کو ایک رن پر عمر خان نے اسٹمپڈ آؤٹ کیا۔

    حسین طلعت اور فل سلت کے درمیان شاندار شراکت داری قائم ہوئی، آصف علی نے کیچ ڈراپ ہونے کے بعد 70 رنز کی اننگز کھیلی انہیں محمد عامر نے آؤٹ کیا، فل سلت 46 رنز بنا کر آؤٹ ہوئے۔

    اسلام آباد یونائیٹڈ کے کپتان شاداب خان 11 رنز بنا کر ناٹ آؤٹ رہے، آل راؤنڈر فہیم اشرف نے 8 رنز بنائے۔

    کراچی کنگز کے اسپنر عمر خان نے دو کھلاڑیوں کو پویلین کی راہ دکھائی، عماد وسیم، محمد عامر اور عثمان شنواری نے ایک، ایک وکٹ حاصل کی۔

    قبل ازیں دبئی میں کھیلے جانے والے میچ میں کراچی کنگز نے مقررہ اوورز میں 8 وکٹوں کے نقصان پر 168 رنز بنائے اور اسلام آباد یونائیٹڈ کو جیت کے لیے 169 رنز کا ہدف دے دیا، رومان رئیس نے تین وکٹیں حاصل کیں۔

    کراچی کنگز کی پہلی وکٹ 23 رنز پر گری جب کولن منرو 4 رنز بنا کر پویلین لوٹ گئے، لیونگ اسٹون 56 رنز بنا کر شاداب خان کا نشانہ بنے، کولن انگرم 13 رنز بنا کر آؤٹ ہوئے، بین ڈنک 12 رنز بنا کر رن آؤٹ ہوئے۔

    بابر اعظم نے 68 رنز کی شاندار اننگز کھیلی انہیں فہیم اشرف نے آؤٹ کیا، عماد وسیم 2 رنز بنا کر پویلین لوٹ گئے، عامر یامین 3 رنزبنا کر آؤٹ ہوئے، محمد عامر 6 رنز بنا کر رن آؤٹ ہوئے۔

    اسلام آباد یونائیٹڈ کے رومان رئیس نے تین وکٹیں حاصل کیں، لیگ اسپنر شاداب خان، عماد بٹ اور فہیم اشرف نے ایک، ایک وکٹ حاصل کی۔

    قبل ازیں دبئی میں کھیلے جانے والے میچ میں اسلام آباد یونائیٹڈ کے کپتان شاداب خان نے ٹاس جیت کراچی کنگز کو بیٹنگ کی دعوت دی ہے، کراچی کنگز کے کپتان عماد وسیم نے کہا کہ ہمیں پہلے بیٹنگ کرنے میں کوئی مسئلہ نہیں ہے، اچھا ہدف دینے کی کوشش کریں گے۔

    کراچی کنگز اسکواڈ

    عماد وسیم کپتان ہیں دیگر کھلاڑیوں میں کولن منرو، بین ڈنک، کولن انگرم، افتخار، بابر اعظم، محمد عامر، عثمان خان شنواری، عامر یامین، لیام ڈوسن، عمر خان شامل ہیں۔

    اسلام آباد یونائیٹڈ اسکواڈ

    شاداب خان کپتانی کے فرائض انجام دے رہے ہیں دیگر کھلاڑیوں میں لک رانکی، کیمرون ڈیلپورٹ، حسین طلعت، آصف علی، فہیم اشرف، فل سلت، سمیٹ پٹیل، رومان رئیس، محمد موسیٰ، عماد بٹ شامل ہیں۔

    واضح رہے کہ اب سے کچھ دیر قبل کھیلے جانے والے میچ میں لاہور قلندرز نے کوئٹہ گلیڈی ایٹرز کو 8 وکٹوں سے شکست دی تھی، اسپنر سندیپ لمی چانے کو شاندار بولنگ پر میچ کا بہترین کھلاڑی قرار دیا گیا تھا۔

  • لاہور قلندرز نے کوئٹہ گلیڈی ایٹرز کو 8 وکٹوں سے شکست دے دی

    لاہور قلندرز نے کوئٹہ گلیڈی ایٹرز کو 8 وکٹوں سے شکست دے دی

    دبئی: پی ایس ایل سیزن فور کے 17ویں میچ میں لاہور قلندرز نے کوئٹہ گلیڈی ایٹرز کو 8 وکٹوں سے شکست دے دی، سندیپ لمی چانے کو شاندار کارکردگی پر میچ کا بہترین کھلاڑی قرار دیا گیا۔

    تفصیلات کے مطابق دبئی میں کھیلے جانے والے میچ میں کوئٹہ گلیڈی ایٹرز کی جانب سے دیا جانے والا 107 رنز کا ہدف لاہور قلندرز نے 16.3 اوورز میں 2 وکٹوں کے نقصان پر حاصل کرلیا۔

    لاہور قلندرز نے ہدف کے تعاقب میں اننگز کا آغاز کیا تو فخر زمان 4 رنز بنا کر محمد حسنین کی گیند پر احسن علی کو کیچ دے بیٹھے، گوہر علی 21 رنز بنا کر گرنی کی گیند پر آؤٹ ہوئے۔

    لاہور کے کپتان اے بی ڈیویلیرز نے 47 رنز کی ناقابل شکست اننگز کھیلی، حارث سہیل 33 رنز بنا کر ناٹ آؤٹ رہے۔

    کوئٹہ گلیڈی ایٹرز کے محمد حسنین اور گرنی نے ایک، ایک وکٹ حاصل کی۔

    قبل ازیں دبئی میں کھیلے جانے والے میچ میں لاہور قلندرز نے ٹاس جیت کر سرفراز الیون کو پہلے بیٹنگ کی دعوت دی، کوئٹہ گلیڈی ایٹرز کی ٹیم 19.1 اوورز میں 106 رنز پر ڈھیر ہوگئی اور لاہور قلندرز کو جیت کے لیے 107 رنز کا ہدف دے دیا، سندیپ لمی چانے نے 4 وکٹیں حاصل کیں۔

    کوئٹہ گلیڈی ایٹرز کی پہلی وکٹ 33 رنز پر گری جب شین واٹسن 7 رنز بنا کر آؤٹ ہوئے، روسو 8 رنز بنا کر پویلین لوٹ گئے، احسن علی 33 رنز بنا کر رن آؤٹ ہوئے۔

    عمر اکمل 1 رن بنا سندیپ کی گیند پر بولڈ ہوئے، دانش عزیز بھی ایک رن بنا کر پویلین لوٹ گئے، کپتان سرفراز احمد نے 29 رنز کی اننگز کھیلی انہیں یاسر شاہ نے آؤٹ کیا۔

    محمد نواز 12 رنز بنا کر حارث رؤف کی گیند پر اے بی ڈیویلیرز کو کیچ دے بیٹھے، فواد احمد نے صفر پر حارث رؤف نے بولڈ کیا، محمد حسنین بغیر صفر پر رن آؤٹ ہوکر پویلین لوٹ گئے۔

    لاہور قلندرز کے سندیپ لمی چانے نے 4 کھلاڑیوں کو پویلین کی راہ دکھائی، حارث رؤف نے 2 وکٹیں حاصل کیں جبکہ یاسر شاہ کے حصے میں ایک وکٹ آئی۔

  • پاکستان سپرلیگ سیزن فور میں آج دو میچز کھیلے جائیں گے

    پاکستان سپرلیگ سیزن فور میں آج دو میچز کھیلے جائیں گے

    دبئی: پاکستان سپرلیگ کے سیزن فور میں آج دو اہم میچز کھیلے جائیں گے، لاہور قلندر ز کا مقابلہ کوئٹہ گلیڈی ایٹرز سے ہوگا جبکہ کراچی کنگز اسلام آباد سے ٹکرائے گی۔

    تفصیلات کے مطابق پی ایس ایل 4 کے پہلے میچ میں لاہور قلندر اور کوئٹہ گلیڈی ایٹرز پنجہ آزمائی کریں گے، دوسرے میچ میں کراچی کنگز اور اسلام آباد یونائیٹڈ آمنے سامنے ہوں گے۔

    ٹیموں نے تیاریاں مکمل کرلیں، میدان میں جم پر پریکٹس کیا، کھلاڑیوں نے بھرپور کھیل کا مظاہرہ کرتے ہوئے جیت کے عزم کا اظہار کیا ہے۔

    دوسری جانب گذشتہ روز کھلیے جانے والے پی ایس ایل سیزن فور کے 16 ویں میچ میں ملتان سلطانز نے اسلام آباد یونائیٹڈ کو 6 وکٹوں سے شکست دے کر ایونٹ میں دوسری کامیابی حاصل کی۔

    فتح کے بعد ڈینئل کرسچن کو آل راؤنڈ کارکردگی پر میچ کا بہترین کھلاڑی قرار دیا گیا تھا۔

    ملتان سلطانز کی دوسری کامیابی، اسلام آباد یونائیٹڈ کو 6 وکٹوں سے شکست

    خیال رہے کہ میچ میں اسلام آباد یونائیٹڈ کی جانب سے دیا جانے والا 122 رنز کا ہدف ملتان سلطانز کی ٹیم نے 18.1 اوورز میں 4 وکٹوں کے نقصان پر حاصل کیا، عمر صدیق نے شاندار 46 رنز کی اننگز کھیلی۔

    واضح رہے کہ پوائنٹس ٹیبل پر ملتان سلطانز کے دو پوائنٹس ہیں جبکہ اسلام آباد یونائیٹڈ نے تین میچز جیت کر 6 پوائنٹس حاصل کررکھے ہیں۔

  • ملتان سلطانز کی دوسری کامیابی، اسلام آباد یونائیٹڈ کو 6 وکٹوں سے شکست

    ملتان سلطانز کی دوسری کامیابی، اسلام آباد یونائیٹڈ کو 6 وکٹوں سے شکست

    دبئی: پی ایس ایل سیزن فور کے 16 ویں میچ میں ملتان سلطانز نے اسلام آباد یونائیٹڈ کو 6 وکٹوں سے شکست دے کر ایونٹ میں دوسری کامیابی حاصل کرلی، ڈینئل کرسچن کو آل راؤنڈ کارکردگی پر میچ کا بہترین کھلاڑی قرار دیا گیا۔

    تفصیلات کے مطابق دبئی میں کھیلے جانے والے میچ میں اسلام آباد یونائیٹڈ کی جانب سے دیا جانے والا 122 رنز کا ہدف ملتان سلطانز کی ٹیم نے 18.1 اوورز میں 4 وکٹوں کے نقصان پر حاصل کرلیا، عمر صدیق نے شاندار 46 رنز کی اننگز کھیلی۔

    ہدف کے تعاقب میں ملتان سلطانز کے اوپنرز نے 54 رنز کا عمدہ آغاز فراہم کیا، جیمز ونس 28 رنز بنا کر سمیٹ پٹیل کی گیند پر پارنیل کے ہاتھوں کیچ آؤٹ ہوئے، جانسن چارلس 4 رنز بنا کر شاداب خان کی گیند پر ایل بی ڈبلیو آؤٹ ہوئے۔

    عمر صدیق نے 46 رنزکی شاندار اننگز کھیلی، ونس ایک رن بنا کر محمد موسیٰ کی گیند پر بولڈ ہوئے، شعیب ملک 23 رنز بنا کر ناٹ آؤٹ رہے، ڈینئل کرسچن نے ناقابل شکست 16 رنز کی اننگز کھیلی۔

    ملتان سلطانز کی جانب سے کپتان شاداب خان رومان رئیس، محمد موسیٰ اور سمیٹ پٹیل نے ایک، ایک وکٹ حاصل کی۔

    قبل ازیں دبئی میں کھیلے جانے والے میچ میں اسلام آباد یونائیٹڈ کی ٹیم 17.4 اوورز میں 121 رنز پر آل آؤٹ ہوگئی اور ملتان سلطانز کو جیت کے لیے 122 رنز کا ہدف دیا، شاہد آفریدی نے 2 وکٹیں حاصل کیں۔

    اسلام آباد یونائیٹڈ کی پہلی وکٹ 5 رنز پر گری جب کیمرون ڈیلپورٹ 4 رنز بنا کر آؤٹ ہوئے، صاحبزادہ فرحان بھی 4 رنز بنا کر نعمان علی کی گیند پر اسٹمپڈ آؤٹ ہوئے۔

    سمیٹ پٹیل 20 رنز بنا کر آفریدی کا نشانہ بنے، حسین طلعت کو 8 رنز پر شاہد آفریدی نے بولڈ کیا، وین پارنیل 5 رنز بنا کر پویلین لوٹ گئے، آصف علی 22 رنز بنا کر نمایاں رہے انہیں ڈینئل کرسچن نے آؤٹ کیا۔

    کپتان شاداب خان 4 رنز بنا کر نعمان علی کی گیند پر بولڈ ہوئے، رومان رئیس بغیر کوئی رن بنائے پویلین لوٹ گئے، فہیم اشرف 16 رنز بنا کر ناٹ آؤٹ رہے۔

    ملتان سلطانز کے ڈینئل کرسچن نے تین کھلاڑیوں کو پویلین کی راہ دکھائی، شاہد خان آفریدی، محمد الیاس، نعمان علی نے دو، دو وکٹیں حاصل کیں جبکہ محمد عرفان کے حصے میں ایک وکٹ آئی۔

    قبل ازیں دبئی میں کھیلے جانے والے میچ میں شعیب ملک نے ٹاس جیت کر اسلام آباد یونائیٹڈ کو پہلے بیٹنگ کی دعوت دی ہے، ملتان سلطانز کی ٹیم میں دو تبدیلیاں کی گئی ہیں، حماد اعظم اور گرین کی جگہ نعمان اور ایونس کو ٹیم میں شامل کیا گیا ہے۔

    اسلام آباد یونائیٹڈ کی ٹیم میں کوئی تبدیلی نہیں کی گئی ہے، شاداب خان اسلام آباد یونائیٹڈ کی ٹیم کی قیادت کررہے ہیں۔

    اسلام آباد یونائیٹڈ اسکواڈ

    شاداب خان کپتانی کے فرائض انجام دے رہے ہیں دیگر کھلاڑیوں میں لک رانکی، صاحبزادہ فرحان، کیمرون ڈیلپورٹ، حسین طلعت، آصف علی، فہیم اشرف، وین پارنیل، سمیٹ پٹیل، رومان رئیس اور محمد موسیٰ شامل ہیں۔

    ملتان سلطانز اسکواڈ

    ملتان سلطانز کی قیادت شعیب ملک کررہے ہیں دیگر کھلاڑیوں میں جیمز ونس، ایونس، عمر صدیق، ڈینئل کرسچن، جانسن چارلس، نعمان علی، جنید خان، محمد الیاس، محمد عرفان اور شاہد آفریدی شامل ہیں۔

    واضح رہے کہ پوائنٹس ٹیبل پر ملتان سلطانز کے دو پوائنٹس ہیں جبکہ اسلام آباد یونائیٹڈ نے تین میچز جیت کر 6 پوائنٹس حاصل کررکھے ہیں۔

  • پی ایس ایل 4: اسلام آباد یونائیٹڈ اورملتان سلطانز آج آمنے سامنے

    پی ایس ایل 4: اسلام آباد یونائیٹڈ اورملتان سلطانز آج آمنے سامنے

    دبئی: پاکستان سپر لیگ کے چوتھے سیزن میں آج اسلام آباد یونائیٹڈ اور ملتان سلطانز مدمقابل ہوں گے۔

    تفصیلات کے مطابق پاکستان سپر لیگ کے چوتھے سیزن میں دبئی کے اسٹیڈیم میں اسلام آباد یونائیٹڈ اور ملتان سلطانز آج ٹکرائیں گے، میچ مقامی وقت کے مطابق رات 9 بجے کھیلا جائے گا۔

    پی ایس ایل فور میں دونوں ٹیمیں 5،5 میچز کھیل چکی ہیں، اسلام آباد یونائیٹڈ پانچ میں سے تین جبکہ ملتان سلطانز 5 میں سے ایک میچ میں فتح حاصل کرسکی ہے۔

    اسلام آباد یونائیٹڈ کے کپتان محمد سمیع انجری کے باعث میچ نہیں کھیل رہے، ان کی جگہ آل راؤنڈر شاداب خان ٹیم کی قیادت کریں گے۔

    پوائنٹس ٹیبل پر اسلام آباد یونائیٹڈ 6 پوائنٹس کے ساتھ تیسرے جبکہ ملتان سلطانز 2 پوائنٹس کے ساتھ آخری نمبر پر ہے۔

    ملتان سلطانز نے اسلام آباد یونائیٹڈ کو 5 وکٹوں سے شکست دے دی

    یاد رہے کہ دبئی میں 16 فروری کو کھیلے گئے پی ایس ایل سیزن فور کے چوتھے میچ میں ملتان سلطانز نے اسلام آباد یونائیٹڈ کو شکست دی تھی۔

  • پی ایس ایل فور: پاکستان میں شیڈول میچز کے ٹکٹوں کی فروخت آج سے شروع

    پی ایس ایل فور: پاکستان میں شیڈول میچز کے ٹکٹوں کی فروخت آج سے شروع

    لاہور: پی ایس ایل فور کے پاکستان میں شیڈول 8 میچز کے ٹکٹوں کی دوسرے مرحلے کی فروخت آج سے شروع ہوگی۔

    تفصیلات کے مطابق پاکستان سپر لیگ کے چوتھے ایڈیشن میں 8 میچز ملک میں کھیلے جائیں گے، ٹکٹوں کی فروخت آج سے شروع ہوگی۔

    ٹکٹس ملک بھر کے ٹی سی ایس سینٹرز سے خریدے جاسکیں گے، ٹکٹوں کی فروخت سینٹرز پر صبح 8 بجے شروع ہوگی۔

    کراچی میں سب سے زیادہ 27سینٹرز پر ٹکٹوں کی فروخت ہوگی جبکہ لاہور میں پی ایس ایل میچز کے لیے 12سینٹرز پر ٹکٹوں کی فروخت ہوگی۔

    گوجرنوالہ کے 3، حیدرآباد اور راولپنڈی کے2،2 سینٹرز پر ٹکٹ فروخت ہوں گے، فیصل آباد، اسلام آباد، ملتان اور پشاور میں ایک،ایک سینٹر پر ٹکٹوں کی فروخت ہوگی۔

    کولن انگرم کی سنچری، کراچی کنگز نے کوئٹہ گلیڈی ایٹرز کی فتح‌ کو بریک لگادیا

    لاڑکانہ، سکھر، سیالکوٹ اور کوئٹہ بھی ایک،ایک سینٹر پر ٹکٹوں کی فروخت ہوگی، شہری ایک شناختی کارڈ پر 5ٹکٹس حاصل کرسکتے ہیں۔

    پی ایس ایل کے لاہور میں 3 اور کراچی میں فائنل سمیت 5 میچز شیڈول ہیں۔ گروپ، کوالیفائر اور ایلیمنیٹر میچز کے ٹکٹس 500سے3ہزار میں دستیاب ہوں گی، نیشنل اسٹیڈٰیم کراچی میں شیڈول فائنل کی ٹکٹس 500 سے8ہزار میں دستیاب ہوں گی۔

    دوسری جانب آج کھیلے جانے والے پی ایس ایل سیزن فور کے 15ویں میچ میں کولن انگرم کی شاندار سنچری کی بدولت کراچی کنگز نے کوئٹہ گلیڈی ایٹرز کو سنسنی خیز مقابلے کے بعد 6 وکٹوں سے شکست دے دی۔

  • کوئٹہ گلیڈی ایٹرز نے سنسنی خیز مقابلے کے بعد لاہور قلندرز کو 3 وکٹوں سے شکست دے دی

    کوئٹہ گلیڈی ایٹرز نے سنسنی خیز مقابلے کے بعد لاہور قلندرز کو 3 وکٹوں سے شکست دے دی

    شارجہ: پی ایس ایل فور کے بارہویں میچ میں کوئٹہ گلیڈی ایٹرز نے کپتان سرفراز احمد کی ناقابل شکست نصف سنچری کی بدولت لاہور قلندرز کو 3 وکٹوں سے شکست دے دی۔

    تفصیلات کے مطابق شارجہ میں کھیلے جانے والے میچ میں لاہور قلندرز نے کوئٹہ گلیڈی ایٹرز کو جیت کے لیے 144 رنز کا ہدف دیا جسے کوئٹہ گلیڈی ایٹرز نے 7 وکٹوں کے نقصان پر حاصل کرلیا۔

    کوئٹہ کی پہلی وکٹ 1 رن پر گری جب شین واٹسن بغیر کوئی رن بنائے راحت علی کی گیند پر آؤٹ ہوئے، گلیڈی ایٹرز کی دوسری وکٹ 26 رنز پر گری، روسو 17 رنز بنا کر یاسر شاہ کی گیند پر بولڈ ہوگئے۔

    سرفراز احمد نے ناقابل شکست 52 رنز کی ناقابل شکست اننگز کھیلی جبکہ محمد نواز 19 رنز بنا کر آؤٹ ہوئے، انور علی ایک رن پر ویسے نے بولڈ کیا۔

    عمر اکمل کو 9 رنز پر حارث رؤف نے پویلین روانہ کیا، ڈیوین اسمتھ کو 2 رنز پر فخر زمان نے رن آؤٹ کیا، احسن علی نے 29 گیندوں پر 40 رنز کی شاندار اننگز کھیلی۔

    کوئٹہ گلیڈی ایٹرز کے حارث رؤف نے دو جبکہ راحت علی، یاسر شاہ، لمن چانے نے ایک، ایک وکٹ حاصل کی۔

    قبل ازیں پی ایس ایل سیزن فور کے بارہویں میچ میں سرفراز احمد نے لاہور قلندرز کو ٹاس جیت کر پہلے بیٹنگ کی دعوت دی، لاہور قلندرز نے مقررہ اوورز میں 7 وکٹوں کے نقصان پر 143 رنز بنائے اور کوئٹہ گلیڈی ایٹرز کو جیت کے لیے 144 رنز کا ہدف دیا۔

    فخر زمان نے 3 رنز بنا کر محمد نواز کی گیند پر عمر اکمل کو کیچ دے بیٹھے، سلمان بٹ آج بھی خاطر خواہ کارکردگی نہ دکھا سکے اور صرف 5 رنز بنا کر پویلین لوٹ گئے۔

    کورے اینڈرسن کو 19 رنز پر انور علی نے آؤٹ کیا، کل کے میچ کے ہیرو ڈیوڈ ویسے 20 رنز بنا کر پویلین لوٹ گئے، گوہر علی کو 5 رنز پر غلام مدثر نے ایل بی ڈبلیو آؤٹ کیا، یاسر شاہ ایک رن بنا کر سہیل تنویر کا نشانہ بنے۔

    لاہور قلندرز کے کپتان اے بی ڈیولیرز نے ناقابل شکست 45 رنز کی اننگز کھیلی، سندیپ لمن چانے 5 رنز بنا کر ناٹ آؤٹ رہے۔

    کوئٹہ گلیڈی ایٹرز کے غلام مدثر نے تین کھلاڑیوں کو پویلین کی راہ دکھائی، سہیل تنویر نے دو وکٹیں حاصل کیں، انور علی، اور محمد نواز نے ایک، ایک وکٹ حاصل کی۔

    قبل ازیں پاکستان سپر لیگ کے سیزن 4 میں کوئٹہ گلیڈی ایٹرز اور لاہور قلندرز مدمقابل ہیں۔ گلیڈی ایٹرز نے قلندرز کے خلاف ٹاس جیت کر فیلڈنگ کا فیصلہ کیا ہے۔

    لاہور قلندرز کی ٹیم میں 3 جبکہ کوئٹہ گلیڈی ایٹرز کی ٹیم میں ایک تبدیلی کی گئی ہے۔

    قلندرز نے گزشتہ روز ملتان سلطانز کو سنسنی خیز مقابلے کے بعد 6 وکٹوں سے شکست دی تھی جس کے بعد آج ان کا مورال بلند ہے۔

    پوائنٹس ٹیبل پر قلندرز کی ٹیم آخری نمبر سے چوتھے نمبر پر آگئی ہے۔ لاہور قلندر اب تک 4 میچز کھیل چکی ہے جس میں سے 2 میں شکست اور 2 میں فتحیاب ہوچکی ہے۔

    قلندرز کی میچز کی یہ تعداد اسلام آباد یونائیٹڈ اور پشاور زلمی کے برابر ہوگئی ہے تاہم رن ریٹ کی وجہ سے دونوں ٹیمیں لاہور سے آگے ہیں۔

    دوسری جانب کوئٹہ گلیڈی ایٹرز پوائنٹس ٹیبل پر سرفہرست ہے۔ کوئٹہ نے اب تک 3 میچز کھیلے ہیں اور تینوں میں ہی ناقابل شکست رہی۔

    میچ جیتنے کی صورت میں لاہور قلندرز کی پوائنٹس ٹیبل پر پوزیشن مزید بہتر ہوجائے گی۔

  • پی ایس ایل 4: کراچی کنگزاوراسلام آباد یونائیٹڈ آج مدمقابل ہوں گے

    پی ایس ایل 4: کراچی کنگزاوراسلام آباد یونائیٹڈ آج مدمقابل ہوں گے

    شارجہ : پاکستان سپر لیگ کے چوتھے سیزن میں آج کراچی کنگز اوراسلام آباد یونائیٹڈ مدمقابل ہوں گے جبکہ لاہور قلندرزاورکوئٹہ گلیڈی ایٹرز بھی آج ہی ایک دوسرے سے ٹکرائیں گے۔

    تفصیلات کے مطابق پاکستان سپر لیگ کے چوتھے سیزن میں آج 2 میچز کھیلے جائیں گے۔ شارجہ کے اسٹیڈیم میں پہلا میچ لاہور قلندرز اور کوئٹہ گلیڈی ایٹرزکا ہوگا، میچ مقامی وقت کے مطابق 5 بجے کھیلا جائے گا۔

    ایونٹ کا دوسرا میچ کراچی کنگز اوراسلام آباد یونائیٹڈ کے درمیان ساڑھے 9 بجے کھیلا جائے گا۔

    لاہور قلندرز نے دلچسپ مقابلے کے بعد ملتان سلطانز کو شکست دے دی

    خیال رہے کہ گزشتہ روز پاکستان سپرلیگ کے دسویں میچ میں لاہور قلندرز نے دلچسپ مقابلے کے بعد ملتان سلطانز کو 6 وکٹوں سے شکست دے دی تھی۔

    پی ایس ایل میں اب تک ٹورنامنٹ میں دونوں ٹیمیں تین، تین میچ کھیل چکی ہیں اور ان میں سے دو، دو میچوں میں انہیں شکست کا سامنا کرنا پڑا ہے اور یہ ایک، ایک میچ جیتی ہیں۔

    یاد رہے کہ گزشتہ روز پی ایس ایل کے چوتھے ایڈیشن کے 11 ویں میچ میں اسلام آباد یونائیٹڈ نے پشاور زلمی کو 12 رنز سے ہرا دیا تھا۔

    اسلام آباد یونائیٹڈ نے پشاور زلمی کو 12 رنز سے شکست دے دی

    پشاور زلمی 159 رنز کے ہدف کے تعاقب میں مقررہ 20 اوورز میں 146 رنز ہی بناسکی تھی۔

  • پی ایس ایل 4: لاہور قلندرز اور ملتان سلطانز آج آمنے سامنے

    پی ایس ایل 4: لاہور قلندرز اور ملتان سلطانز آج آمنے سامنے

    شارجہ : پاکستان سپر لیگ کے چوتھے سیزن میں آج لاہور قلندرز اور ملتان سلطانز، جبکہ اسلام آبادیونائیٹڈ اور پشاورزلمی آپس میں مدمقابل ہوں گے۔

    تفصیلات کے مطابق پاکستان سپر لیگ کے چوتھے سیزن میں آج 2 میچز کھیلے جائیں گے۔ شارجہ کے اسٹیڈیم میں پہلا میچ لاہور قلندرز اور ملتان سلطانز کا ہوگا، میچ مقامی وقت کے مطابق 5 بجے کھیلا جائے گا۔

    ایونٹ کے دوسرے میچ اسلام آبادیونائیٹڈ اورپشاورزلمی کے درمیان ساڑھے 9 بجے کھیلا جائے گا۔

    پشاور زلمی نے کراچی کنگز کو 44 رنز سے شکست دے دی

    یاد رہے کہ گزشتہ روز پی ایس ایل کے چوتھے ایڈیشن کے نویں میچ میں پشاور زلمی نے کراچی کنگز کو 44 رنز سے شکست دی تھی

    پشاور زلمی کی جانب سے دیے جانے والے 154 رنز کے تعاقب میں کراچی کنگز کی ٹیم 9 وکٹوں کے نقصان پر 109 رنز بناسکی تھی، حسن علی اور وہاب ریاض نے ایک، ایک وکٹ حاصل کی تھی۔

    کراچی کنگز اور پشاور زلمی ٹورنامنٹ میں اب تک تین، تین میچز کھیل چکی ہیں، کراچی کنگز کو 2 میچ میں شکست اور ایک میں کامیابی ملی جبکہ پشاور زلمی دو میچز میں فاتح رہی اور ایک میں ناکامی کا سامنا کرنا پڑا۔ پوائنٹس ٹیبل پر پشاور زلمی دوسرے نمبر پرموجود ہے۔