ARYNews.tv | Urdu – Har Lamha Bakhabar

Tag: پی ایس ایل 9

  • پی ایس ایل 9: شعیب ملک اپنی اہلیہ کے ہمراہ ملتان پہنچ گئے

    پی ایس ایل 9: شعیب ملک اپنی اہلیہ کے ہمراہ ملتان پہنچ گئے

    پاکستان سُپر لیگ کے سیزن 9 کے آغاز سے قبل آج قومی کرکٹ ٹیم کے سابق کپتان شعیب ملک اپنی اہلیہ ثنا جاوید کے ہمراہ ملتان پہنچ گئے۔

    پی ایس ایل کی فرنچائز کراچی کنگز کی نمائندگی کرنے والے شعیب ملک اپنی اہلیہ کے ہمراہ ملتان پہنچ گئے، جس کی ویڈیو سوشل میڈیا پر وائرل ہے۔

    پی ایس ایل کی افتتاحی رنگارنگ تقریب کا آغاز آج لاہور میں ہوگا، میگا ایونٹ کا افتتاحی میچ دفاعی چیمپئن لاہور قلندرز اور دو بار کی چیمپئن اسلام آباد یونائیٹڈ کے درمیان قذافی اسٹیڈیم لاہور میں کھیلا جائے گا۔

    افتتاحی تقریب میں گلوکار علی ظفر، آئمہ بیگ، عارف لوہار اور نوری پرفارم کریں گے۔ اس کے علاوہ افتتاحی تقریب میں آتش باری اور لیزر شو کا اہتمام بھی کیا گیا ہے۔

    واضح رہے کہ ملتان سلطانز اور کراچی کنگز کے درمیان میچ کل ملتان انٹرنیشنل کرکٹ اسٹیڈیم میں کھیلا جائے گا۔

  • پی ایس ایل 9 میں کون سے غیر ملکی سپر اسٹارز ایکشن میں نظر آئیں گے؟

    پی ایس ایل 9 میں کون سے غیر ملکی سپر اسٹارز ایکشن میں نظر آئیں گے؟

    پاکستان سپر لیگ (پی ایس ایل) سیزن 9 کا میلہ آج لاہور میں سجے گا جہاں ملکی کھلاڑیوں کے ساتھ غیر ملکی سپر اسٹارز بھی ایکشن میں نظر آئیں گے۔

    پی ایس ایل نائن میں غیر ملکی سپر اسٹارز جیمزونز، ٹم سائفرڈ، ایلکس ہیلز، جیسن روئے ریزا ہینڈرکس اور کئی غیر ملکی کھلاڑی سیزن کی شان بڑھائیں گے۔

    پی ایس ایل کی فرنچائز کراچی کنگز میں جیمز ونز، ٹم سائفرڈ جیسے جارح مزاج بیٹرز شامل ہیں جبکہ ڈینیل سیمز بال اور بلے دونوں سے کمال دکھائیں گے جبکہ شمسی اپنی لیگ اسپن سے وکٹیں اڑاتے ہیں۔

    اسلام آباد کی ٹیم کو بھی غیر ملکی کھلاڑی مضبوط بنائیں گے جس میں ایلکس ہیلز، کولن منرو، میتھیو فورڈ اور جوردن کاکس جیسے بڑے نام شامل ہیں ۔

    اس کے علاوہ جیسن روئے کوئٹہ گلیڈی ایٹرز کے مضبوط ہتھیار ہوں گے، رائلی روسو، شرفین ردھر فوردڈ اور عقیل حسین بھی حریف ٹیموں کیلئے بڑا خطرہ ہوںگے جبکہ اس سیزن میں رائلی روسو کوئٹہ گلیڈی ایٹرز کے کپتان بھی مقرر کیے گئے ہیں۔

    رومن پوول اور ٹام کوہلر کیڈمور پشاور زلمی کا حصہ ہیں جبکہ ریزا ہینڈرکس، ڈاوڈ ملان، ڈیوڈ ولی، جانس چارلس اور ریز ٹوپلے جیسے بڑے غیر ملکی اسٹارز ملتان کی نمائندگی کریں گے۔

    اس کے علاوہ 2 سال کی فاتح ٹیم لاہور قلندرز میں غیر ملکی سپر اسٹارز میں وین ڈرڈوسن، سکندر رضا، ڈیوڈ ویزے اور شائے ہوپ قلندرز کی نمائندگی کریںگے۔

  • پی ایس ایل 9 کا پہلا ٹاکرا، لاہور کیلئے ٹریفک ایڈوائزری پلان جاری

    پی ایس ایل 9 کا پہلا ٹاکرا، لاہور کیلئے ٹریفک ایڈوائزری پلان جاری

    پاکستان سپر لیگ ( پی ایس ایل) کے نویں ایڈیشن کے پہلے مرحلے کیلئے  لاہور ٹریفک پولیس نے ٹریفک ایڈوائزری پلان جاری کر دیا ہے۔

    تفصیلات کے مطابق ایچ بی ایل پی ایس ایل سیزن 9 کا میلہ آج سجے گا، افتتاحی میچ قذافی اسٹیڈیم لاہور میں 2 بار کی چیمپئن اسلام آباد یونائیٹڈ اور میزبان دفاعی چیمپئین لاہور قلندرز کے مابین کھیلا جائے گا۔

    اس کے لیے سٹی ٹریفک پولیس(سی ٹی او) نے ٹریفک کی موثر روانی اور شائقین کرکٹ کی آگاہی کیلئے ٹریفک پلان جاری کردیا، اس دوران 4 ایس پیز، 12 ڈی ایس پیز، 90 انسپکٹرز فرائض سر انجام دیں گے۔

     سی ٹی او لاہور عمارہ اطہر نے بتایا کہ قذافی اسٹیڈیم، ٹیموں کے روٹس، متبادل راستوں پر 900 سے زائد وارڈنز تعینات ہوں گے جبکہ رانگ پارکنگ کے خاتمے کیلئے 20 فورک لفٹرز، 5 بریک ڈاؤنز بھی تعینات ہونگے۔

     عمارہ اطہر کا کہنا ہے کہ شائقین کرکٹ کی سہولت اور باآسانی اسٹیڈیم تک رسائی کیلئے 3 پارکنگ اسٹینڈز مختص کیے گئے ہیں، میچ کے دوران کسی بھی روڈ کو ٹریفک کیلئے بند نہیں رکھا جائے گا، مال روڈ، کینال روڈ، جیل روڈ،مین بلیوارڈ روڈ گلبرگ ٹریفک کیلئے کھلی رہیں گیں۔

    انہوں نے کہا کہ سٹی ٹریفک پولیس روایتی انداز میں شائقین کرکٹ کو خوش آمدید کہے گی۔

    واضح رہے کہ پی ایس ایل شیڈول کے مطابق پی ایس ایل کا یہ سیزن 17 مارچ تک جاری رہے گا پہلے مرحلے میں میچ لاہور اور ملتان میں کھیلے جائیں گے جبکہ دوسرے مرحلے کے میچز کراچی اور راولپنڈی میں ہوں گے۔

  • انڈر19 کپتان سعد بیگ کراچی کنگز کی جانب سے جگمگانے کے لیے تیار

    انڈر19 کپتان سعد بیگ کراچی کنگز کی جانب سے جگمگانے کے لیے تیار

    کراچی سے تعلق رکھنے والے پاکستان انڈر19 کے کپتان سعد بیگ پی ایس ایل میں کراچی کنگز کی نمائندگی کے لیے تیار ہیں۔

    تفصیلات کے مطابق انڈر19 ورلڈکپ میں اپنی بیٹنگ صلاحیتوں کے جوہر دکھانے والے قومی جونیئر ٹیم کپتان سعد بیگ پاکستان سپر لیگ کے نویں ایڈیشن میں اپنے آبائی شہر کی فرنچائز سے کھیلتے نظر آئیں گے۔

    سعد کی پیدائش کراچی کی ہے اور وہ اس شہر کی گلیوں میں ہی کرکٹ کھیلتے ہوئے بڑے ہوئے ہیں۔ وکٹ کیپر بیٹر نے اپنی قائدانہ صلاحیتوں سے پاکستان کو آئی سی سی انڈر 19 ورلڈ کپ 2024 کے سیمی فائنل میں پہنچایا تھا۔

    پچھلے سال ان کی قیادت میں پاکستان انڈر 19 ٹیم کو اے سی سی انڈر 19 ایشیا کپ کے سیمی فائنل میں بھی پہنچنے کا اعزاز حاصل ہوا تھا۔

    کراچی کنگز کی جانب سے منتخب کیے جانے پر سعد کا کہنا ہے کہ کسی بھی نو جو ان کے لیے یہ لیگ کھیلنا ایسا ہی ہے جیسے کوئی خواب پورا ہوگیا ہو۔

    نوجوان کرکٹر نے کہا کہ کراچی کنگز کی جانب سے منتخب ہونے کو اپنے لیے ایک بڑا اعزاز سمجھتا ہوں، اس لیے یہ میرے لیے بہت بڑا لمحہ تھا۔ میں ایک بہت ہی تجربہ کار ڈریسنگ روم کا حصہ بنوں گا اور اپنے کھیل کو بہتر بنانے کی کوشش کروں گا۔

    سعد بیگ نے کہا کہ میں شعیب ملک اور کیرون پولارڈ جیسے سینئرز سے کرکٹ کے بارے میں مزید جاننے کی کوشش کروں گا۔

    دونوں کرکٹرز نے دنیا بھر میں بہت ٹی ٹونٹی کرکٹ کھیلی ہے اس لیے ان سے سیکھنا میرے مستقبل کے لیے بھی سود مند ثابت ہوگا۔

    واضح رہے کہ کراچی کنگز نئے کوچ اور کپتان کے ساتھ پی ایس ایل میں پر اعتماد انداز کے ساتھ آغاز کرنے جارہی ہے ٹیم میں مقامی ٹیلنٹ کے ساتھ ساتھ عالمی اسٹار پلیئرز بھی جادو جگانے کے لے تیار ہیں۔

    کراچی کنگز اپنی مہم کا آغاز 18 فروری سے ملتان سلطانز کے خلاف کریگے، دنوں ٹیموں کے مابیں ملتان کرکٹ اسٹیڈیم میں میچ شیڈول ہے۔

    کراچی کنگز ویسٹ انڈیز کے سپر اسٹار کیرون پولارڈ، آسٹریلیا کے ڈینیئل سامس، تجربہ کار شعیب ملک، میر حمزہ اور انور علی جیسے پلیئر بھی موجود ہیں۔

  • پی ایس ایل 9 افتتاحی تقریب: اس بار کون سے فنکار اپنا جادو جگائیں گے؟

    پی ایس ایل 9 افتتاحی تقریب: اس بار کون سے فنکار اپنا جادو جگائیں گے؟

    دنیا کی بہترین لیگز میں سے ایک پی ایس ایل کا آئندہ ایڈیشن ہفتے سے شروع ہوگا، ایونٹ کی افتتاحی تقریب کے لیے بھرپور تیاریاں کی جارہی ہیں۔

    پاکستان کرکٹ بورڈ کی جانب سے پی ایس ایل سیزن 9 کا اینتھم گزشتہ دنوں جاری کیا گیا تھا جس میں معروف گلوکار علی ظفر اور آئمہ بیگ نے گلوکاری کے جوہر دکھائے ہیں۔ اینتھم کی تھیم ’کھل کے کھیل‘ ہے جبکہ گانے کے بول ’کھل کے کھیل پیارے کب تو ڈرے گا‘ ہیں۔

    پی ایس ایل کی افتتاحی تقریب 17 فروری کو شام ساڑھے چھ بجے لاہور کے قذافی اسٹیڈیم میں منعقد ہوگی جبکہ شائقین کرکٹ کا اسٹیڈیم میں داخلہ دوپہر ساڑھے تین بجے شروع ہوگا۔

    عالمی شہرت یافتہ گلوکار علی ظفر، آئمہ بیگ، عارف لوہار اور نوری پی ایس ایل کی افتتاحی تقریب میں اپنے سر بکھیریں گے۔ افتتاحی تقریب میں آتش باری اور لیزر شو کا مظاہرہ بھی کیا جائے گا۔

    خیال رہے کہ ایونٹ کے لیے غیرملکی کھلاڑیوں کی آمد کا سلسلہ بھی شروع ہوچکا ہے۔ پہلا میچ 17 فروری کو اسلام آباد یونائیٹڈ اور دفاعی چیمپئن لاہور قلندرز کے درمیان ہوگا۔

    شیڈول کے مطابق پی ایس ایل 9 کا آغاز 17 فروری سے ہوگا جبکہ 17 مارچ تک جاری رہنے والے ایونٹ میں 34 میچز کھیلے جائیں گے۔

    پی ایس ایل شیڈول کے مطابق پہلے مرحلے میں میچ لاہور اور ملتان میں کھیلے جائیں گے جبکہ دوسرے مرحلے کے میچز کراچی اور راولپنڈی میں ہوں گے۔

  • پی ایس ایل 9 : میچز کے دوران کون کون سے راستے بند رہیں گے؟

    پی ایس ایل 9 : میچز کے دوران کون کون سے راستے بند رہیں گے؟

    لاہور: پاکستان سپر لیگ (پی ایس ایل) سیزن 9 کا ٹریفک ایڈوائزری پلان جاری کردیا گیا ، سی ٹی او لاہور کا کہنا ہے کہ میچ کے دوران کسی بھی روڈکو ٹریفک کیلئے بند نہیں رکھا جائے گا۔

    تفصیلات کے مطابق پی ایس ایل9 کے پیش ںظر عوامی سہولت، ٹریفک کی مؤثرروانی اورشائقین کی آگاہی کیلئے ٹریفک پلان جاری کردیا گیا ، سی ٹی او لاہور عمارہ اطہر نے بتایا کہ 4ایس پیز،12 ڈی ایس پیز،90ا نسپکٹرز فرائض انجام دیں گے۔

    عمارہ اطہر کا کہنا تھا کہ ٹیموں کےروٹس اورمتبادل راستوں پر900سے زائد وارڈنز تعینات ہوں گے ، رانگ پارکنگ کے خاتمے کیلئے 20فورک لفٹرز،5بریک ڈاؤنزتعینات ہوں گے۔

    سی ٹی او لاہور نے کہا کہ  شائقین کرکٹ کی سہولت اورباآسانی اسٹیڈیم تک رسائی کیلئے 3 پارکنگ اسٹینڈز مختص کئے گئے ہیں ، سٹی ٹریفک پولیس روائتی انداز میں شائقین کرکٹ کو خوش آمدید کہے گی۔

    انھوں نے مزید بتایا کہ مال روڈ، کینال روڈ، جیل روڈ،مین بلیوارڈ روڈ گلبرگ ٹریفک کیلئےکھلی رہیں گی اور میچ کے دوران کسی بھی روڈکو ٹریفک کیلئے بند نہیں رکھاجائے گا۔

    عمارہ اطہر نے کہا کہ شہری مزید رہنمائی اور مددکیلئے ہیلپ لائن15پرکال کرسکیں گے، شہری قذافی اسٹیڈیم کی طرف غیر ضروری سفر سے گریز کریں ساتھ ہی پارکنگ اوراسٹیڈیم میں داخلے کیلئے ٹریفک کےعملے سے رہنمائی لیں۔

  • پی ایس ایل 9: پنجاب پولیس کے سیکیورٹی اور ٹریفک انتظامات مکمل

    پی ایس ایل 9: پنجاب پولیس کے سیکیورٹی اور ٹریفک انتظامات مکمل

    پاکستان سپر لیگ (پی ایس ایل) سیزن 9 کے لیے سیکیورٹی اور ٹریفک انتظامات کو حتمی شکل دے دی گئی۔

    آئی جی پنجاب ڈاکٹر عثمان انور نے کہا کہ محفوظ ماحول میں میچز کا انعقاد یقینی بنانے کیلئے انتظامات کیے گئے ہیں، پنجاب میں میچز پر 20 ہزار سے اہلکار ڈیوٹی دیں گے، میچز کے دوران سیکیورٹی اور ٹریفک کے فول پروف اقدامات یقینی بنائے جائیں۔

    آئی جی پنجاب نے کہا کہ شائقین کرکٹ میچز سے لطف اندوز ہونے کیلئے پولیس کی ہدایات پرعمل کریں۔

    واضح رہے کہ پاکستان سپر لیگ کا نواں ایڈیشن 17 فروری سے شروع ہوگا، ابتدائی مرحلے کے میچز لاہور اور ملتان میں کھیلے جائیں گے۔

  • نوجوان پاکستانی اسٹارز پی ایس ایل 9 میں پرفارم کرنے کو بے تاب

    نوجوان پاکستانی اسٹارز پی ایس ایل 9 میں پرفارم کرنے کو بے تاب

    ایچ بی ایل پاکستان سپر لیگ(پی ایس ایل) کے آغاز میں صرف دو روز باقی ہے اس میگا ایونٹ میں نوجوان پاکستانی کھلاڑی بھی پرفارم کرنے کے لیے بے تاب ہیں۔

    پی ایس ایل سیزن 9 میں چھوٹے کھلاڑی بھی بڑے عزائم کے ساتھ پرفارم کرنے کے لیے بے تاب ہیں، اس سال نوجوان کھلاڑیوں میں سعد بیگ، عبید شاہ، حسین، ذیشان، خواجہ نافع ڈیبیو کریں گے۔

    انڈر19 ٹیم کے کپتان سعد بیگ پی ایس ایل کی فرنچائز کراچی کنگز کی نمائندگی کریں گے، انہوں نے کہا کہ پی ایس ایل میں کھیلنا خواب تھا۔

     انڈر 19 ورلڈ کپ میں عبیدشاہ نے شانداربولنگ سے سب کو متاثر کیا میگا ایونٹ میں دراز قد فاسٹ بولر محمد ذیشان پربھی سب کی نظریں ہوں گی۔

    ٹورنامنٹ میں پشاور زلمی کے بھی اہم ہتھیار ہوں گے، جارح مزاج بیٹر خواجہ نافع گلیڈی ایٹرز کا حصہ ہیں جبکہ انڈر 19 ٹیم کے اوپنر شامل حسین بھی اسلام آباد یونائیٹڈ کی نمائندگی کریں گے۔

  • پی ایس ایل 9 کی ٹرافی کی رونمائی کب ہوگی؟ فیصلہ کرلیا گیا

    پی ایس ایل 9 کی ٹرافی کی رونمائی کب ہوگی؟ فیصلہ کرلیا گیا

    پاکستان سُپر لیگ (پی ایس ایل) 9 کی ٹرافی کی رونمائی 13 فروری کو لاہور میں کی جائے گی جبکہ ایونٹ کا باقاعدہ آغاز 17فروری سے ہوگا۔

    پاکستان سُپر لیگ (پی ایس ایل) کے آغاز میں وقت بہت کم رہ گیا ہے، ٹرافی کی رونمائی کی تقریب گزشتہ برس کی طرح لاہور میں ہوگی۔ ایونٹ کے افتتاحی میچ سے قبل لیگ کی ٹرافی کی رونمائی کی تقریب 13 فروری کو رکھنے کا فیصلہ کیا گیا ہے۔

    پی ایس ایل 9 کی افتتاحی تقریب کے موقع پر جدید اتش بازی کا مظاہرہ بھی کیا جائے گا۔ افتتاحی تقریب میں پی ایس ایل کے ترانے کے گلوکار علی ظفر اور آئمہ بیگ کے ساتھ دیگر فنکار بھی فن کا مظاہرہ کریں گے۔

    ذرائع کا اس حوالے سے کہنا ہے کہ ٹرافی کی رونمائی کے لیے گولف کورس اور تفریحی پارک کے مقامات پر غور کیا جارہا ہے، اگلے ایک دو روز میں رونمائی کے لیے وینیو کو حتمی شکل دے دی جائے گی۔

    محمد رضوان نے بابر اعظم کے ساتھ اوپننگ جوڑی ٹوٹنے پر کیا کہا؟

    ٹرافی کی رونمائی کی تقریب تمام ٹیموں کے کپتانوں اور فرنچائز مالکان کو مدعو کیا جائے گا، پی ایس ایل کرٹین ریزر تقریب پہلے میچ سے قبل ہو گی، اس کے ساتھ پی ایس ایل کی افتتاحی تقریب کا قذافی اسٹیڈیم میں انعقاد ہوگا۔

  • پی ایس ایل کی آن لائن ٹکٹ بکنگ ویب سائٹ بحال ہوگئی

    پی ایس ایل کی آن لائن ٹکٹ بکنگ ویب سائٹ بحال ہوگئی

    لاہور: پاکستان سپر لیگ (پی ایس ایل) سیزن 9 کی آن لائن ٹکٹ بکنگ ویب سائٹ بحال کر دی گئی۔

    تفصیلات کے مطابق پی ایس ایل کی انتظامیہ نے سماجی رابطے کی ویب سائٹ ایکس پر نوٹیفکیشن جاری کردیا ہے، جس کے مطابق ویب سائٹ بحال کردی گئی ہے، شائقین کرکٹ اب بغیر کسی رکاوٹ کے آن لائن ٹکٹ بک کر سکتے ہیں۔

    پاکستان کرکٹ بورڈ (پی سی بی) نے پی ایس ایل کے ٹکٹوں کی فروخت کے لیے نجی کورئیر کمپنی کے ساتھ معاہدہ کیا ہے۔

    واضح رہے کہ پی ایس ایل کی آن لائن ٹکٹ بکنگ ویب سائٹ پر 6 فروری کی شام 5 بجے سے آن لائن ٹکٹ بکنگ شروع ہونا تھی جس کے چند گھنٹوں بعد ہی اس پر سائبر حملہ کیا گیا۔