Tag: پی ایس ایل

کراچی:‌اسلام آباد یونائیٹڈ کے نوجوان کپتان شاداب خان کو سابق کپتان محمد سمیع کی کمی محسوس ہونے لگی۔

پی ایس ایل کے افتتاحی میچ کے حوالے سے اسلام آباد یونائیٹڈ کے کپتان شاداب خان اور کوئٹہ گلیڈی ایٹرز کے سرفراز احمد نے نیشنل اسٹیڈیم کراچی میں مشترکہ پریس کانفرنس کی۔

شاداب خان نے کہا کہ ہماری ٹیم دو مرتبہ پی ایس ایل چیمپئن رہ چکی ہے، ہمارےتمام غیرملکی کھلاڑی افتتاحی میچ کیلئے تیار ہیں۔

یہ بھی پڑھیں: گراؤنڈ میں میرا کوئی دوست نہیں ہوتا، شاداب خان

انہوں نے کہا کہ ہماری ٹیم متوازن ہے لیکن محمد سمیع کو مس کر رہے ہیں، بڑےکھلاڑیوں کے ساتھ کھیل چکاہوں اس لیےکپتانی کادباؤ نہیں ہے۔

شاداب خان نے کہا کہ غیرملکی کھلاڑیوں کوعلم ہےکرکٹ پاکستان میں پسند کی جاتی ہے،غیر ملکی پلیئرز پاکستان میں کھیلنے کے لیے بے قرار ہیں ۔

اس موقع پر سرفراز احمد کا کہنا تھا کہ عوام پی ایس ایل کی ٹیموں کو بھرپور سپورٹ کر رہےہیں، گزشتہ 4 سال سے بہترین کرکٹ کھیل رہےہیں اور کوشش ہے اعزاز کا دفاع کریں گے۔

کراچی: اسلام آباد یونائیٹڈ کے کپتان شاداب خان نے کہا ہے کہ ویسے تو قومی ٹیم کے اور نوجوان پلیئرز میرے اچھے دوست ہیں لیکن میچ کے دوران گراؤنڈ میں میرا کوئی دوست نہیں ہوتا۔

ایک انٹرویو میں شاداب خان نے کہا کہ حسن علی سمیت کسی کو گراؤنڈ میں اپنا دوست نہیں سمجھتا، گراؤنڈ کے باہر دوستی رکھتا ہوں میچ کے دوران صرف کھیل پر توجہ ہوتی ہے۔

جب ان سے پوچھا گیا کہ گزشتہ سیزن میں پشاور زلمی نے آپ کو ہرا کر ٹائٹل کی دوڑ سے باہر کردیا تھا تو کیا بدلہ لیں گے؟ جس پر کپتان نے کہا کہ پشاور سمیت ہر ٹیم سے بدلہ لیں گے، سب ٹیموں کے خلاف ڈٹ کر کھیلیں گے اور گزشتہ ہار کا بدلہ ضرور لیں گے۔

پی ایس ایل کے کم عمر ترین کپتان بننے پر شاداب خان نے کہا کہ یہ میرے لیے اعزاز کی بات ہے کہ دو بار کی چیمپئن ٹیم کا کپتان ہوں، پہلا اور تیسرا سیزن جیتا تھا، پوری کوشش ہوگی کہ پانچواں سیزن بھی جیتیں۔

کپتانی کے دباؤ کو مسترد کرتے ہوئے شاداب خان نے کہا کہ میں کبھی کسی چیز کا پریشر نہیں لیتا، جو مقدر میں ہو وہی ہوتا ہے اس لیے کوئی ٹینشن لینے کی ضرورت نہیں۔

پاکستان سپرلیگ کو دنیا کی دیگر لیگز سے بہتر قرار دیتے ہوئے شاداب خان نے کہا کہ بہت سے لیگز کھیلی ہیں لیکن پی ایس ایل کا اسٹینڈر سب سے اچھا ہے، یہاں ہر ٹیم کے پاس تیز رفتار بولرز ہیں جن کی بولنگ اسپیڈ 140 سے اوپر ہے جب کہ دیگر لیگز میں بولنگ کا ایسا معیار نہیں ہے۔

کراچی: کوئٹہ گلیڈی ایٹر کے اہم ہتھیار نسیم شاہ کی فٹنس سوالیہ نشان بن گئی، پیسر کے مکمل فٹ نہ ہونے پر ٹیم میں تشویش کی لہر دوڑ گئی۔

بنگلادیش کے خلاف راولپنڈی ٹیسٹ میں ہیٹ ٹرک کر کے کم عمر ترین بولر کا اعزاز پانے والے نسیم شاہ سے میچ کے اختتام پر رمیز راجہ نے فٹنس سے متعلق سوال کیا تو بولر نے بتایا کہ معمولی انجری ہے ایک دو دن میں ٹھیک ہو جائے گی۔

Naseem turned the match on its head as he accounted for the wickets of Najmul Hossain Shanto (38), Taijul Islam (0) and Mahmudullah (0) after he was recalled into the attack by Pakistan captain Azhar Ali in the final minutes of the evening session.#PAKvBAN https://t.co/OVtGEsQIcl pic.twitter.com/ubE0MLUvQx

— Pakistan Cricket (@TheRealPCB) February 10, 2020

نسیم شاہ کے حوالے سے کوئٹہ گلیڈی ایٹر کے کپتان سرفراز احمد سے جب پوچھا گیا کہ ٹیم کے اہم ہتھیار کیا پی ایس ایل کھیلیں گے تو کپتان نے کہا کہ نسیم شاہ جیسے ہی فٹ ہوں گے تو کھیلیں گے۔

یہ بھی پڑھیں: کیا نسیم شاہ انجری کا شکار تھے؟

سرفراز احمد کا کہنا تھا کہ ٹائٹل کا دفاع کرنےکی کوشش کریں گے جس طرح کی کرکٹ کھیلتے آ رہےہیں، ویسا ہی کھیلیں گے۔

ان کا کہنا تھا کہ اس بار ساری ٹیمیں بہت اچھی ہیں مقابلہ سخت ہوگا، پی ایس ایل سےپاکستان میں کرکٹ کی واپسی کوبہت فائدہ ہوگا جب کہ کراچی:کوئٹہ کی عوام ہوم گراونڈ پر کرکٹ مس کر رہی ہے۔

کراچی: پاکستان کے سابق اسٹار آل راؤنڈر عبدالرزاق نے پاکستان سپر لیگ کو انڈین پریمیئر لیگ سے بہتر قرار دیتے ہوئے کہا ہے کہ پی ایس ایل کے بہترین کھلاڑیوں پر مشتمل ٹیم آئی پی ایل کے بیسٹ پلیئرز کی ٹیم کو شکست دیدے گی۔

کرکٹ ویب سائٹ کو انٹرویو دیتے ہوئے عبدالرزاق نے کہا کہ پی ایس ایل فائیو کے تمام میچز پاکستان میں ہونا خوش آئند ہے، یہ پاکستان کرکٹ کے لیے ایک بڑی کامیابی ہے، ملک میں ہونے والے میچز سے ہمارے پلیئرز کو بہت فائدہ ہوگا۔

یہ بھی پڑھیں: عبدالرزاق نے دنیا کےنمبرون پیسر کو ’بے بی‘ بولر قرار دیدیا

سابق آل راؤنڈر نے کہا کہ بھارت کے دورہ پاکستان کے دور رس اثرات مرتب ہوں گے، اگر ایک بار بھارتی ٹیم پاکستان آگئی تو دیگر ٹیمیں انگلینڈ، جنوبی افریقا، آسٹریلیا اور نیوزی لینڈ بھی پاکستان ضرور آئیں گی، اگرچہ کے بھارتی ٹیم کے دورہ پاکستان کے امکانات معدوم ہیں اگر وہ آجاتے ہیں تو ملک میں بین الاقوامی کرکٹ کی بحالی کے نئے دروازے کھل جائیں گے۔

عبدالرزاق کا کہنا تھا کہ اگر پی ایس ایل اور آئی پی ایل کا موازنہ کیا جائے تو پاکستان سپر لیگ کرکٹ اسٹینڈر کے لحاظ سے زیادہ بہتر ہے کیونکہ پی ایس ایل کی پچز کھلاڑیوں کے لیے اچھی ہیں جب کہ آئی پی ایل میں استعمال ہونے والی پچز ٹھیک سے تیار نہیں کی جاتیں، کبھی گیند بہت زیادت ٹرن ہونے لگتی ہے اور اور کبھی نیچے رہتی ہے جو کہ کھیل کے لیے اچھی بات نہیں، اس لیے دونوں لیگز کا موازنہ کیا جائے تو کرکٹ کے حساب سے پی ایس ایل زیادہ بہتر ہے۔

جوہانسبرگ: انگلینڈ کے اسٹار آل راؤنڈر معین علی نے خود ساختہ پابندی ختم کرتے ہوئے ٹیسٹ کرکٹ میں واپسی کا فیصلہ کیا ہے۔

معین علی نے بہترین سیزن اور ٹیسٹ کرکٹ میں اچھی کارکردگی کے باوجود ایشیز سے ڈراپ کیے جانے پر خود کو ٹیسٹ کرکٹ سے الگ کر لیا تھا، کرکٹر نے غیر معینہ مدت کے لیے ٹیسٹ کرکٹ سے ناطہ توڑ لیا تھا۔

اب طویل وقفے کے بعد معین علی ٹیم میں واپسی کے لیے پر امید ہیں اور انہوں نے دورہ سری لنکا پر نظریں جما لی ہیں۔

یہ بھی پڑھیں: ایشز سیریز، معین علی دوسرے میچ سے ڈراپ

معین علی کا کہنا ہے کہ وہ طویل دورانیے کی کرکٹ میں واپسی کے لیے تیار ہیں، اس سلسلے میں ہیڈکوچ اور کپتان سے بات کریں گے، کرکٹر کا کہنا ہے کہ میں کسی کو یہ کہنے کا موقع نہیں دینا چاہتا کہ معین علی کو اپنے وطن کی طرف سے کھیلنا پسند نہیں، ملک کے لیے کھیلنا سب سے بڑا اعزاز ہوتا ہے۔

معین علی جنوبی افریقا کے خلاف ٹیسٹ سیریز کا حصہ نہیں تھے تاہم اب وہ ون ڈے اور ٹی ٹوئنٹی سیریز کے لیے ٹیم جو کو جوائن کر چکے ہیں۔

یہاں قابل غور بات یہ ہے کہ معین علی اگر دورہ سری لنکا کے لیے ٹیسٹ ٹیم کا حصہ بن جاتے ہیں تو کیا وہ پی ایس ایل کھیل سکیں گے؟ انگلش کرکٹر کا پی ایس ایل کی فرنچائز ٹیم ملتان سلطان سے معاہدہ ہے تاہم پی ایس ایل اور سری لنکا ٹیسٹ سیریز کی تاریخیں کرکٹر کے لیے متصادم ہیں۔