ARYNews.tv | Urdu – Har Lamha Bakhabar

Tag: پی ایس ایل

  • پی ایس ایل 2017: دوسرے پلے آف میں کراچی کنگز اور اسلام آباد یونائیٹڈ کا ٹاکرا

    پی ایس ایل 2017: دوسرے پلے آف میں کراچی کنگز اور اسلام آباد یونائیٹڈ کا ٹاکرا

    شارجہ: پاکستان سپر لیگ کا دوسرا پلے آف آج کراچی کنگز اور دفاعی چیمپیئن اسلام آباد یونائیٹڈ کے درمیان کھیلا جائے گا۔

    پاکستان سپر لیگ کے دوسرے پلے آف میں آج کمار سنگا کارا کی کراچی کنگز اور مصباح الحق کی اسلام آباد یونائیٹڈ آپس میں مدمقابل ہوں گی۔

    جیتنے والی ٹیم تیسرا پلے آف میچ کھیلے گی جبکہ ہارنے والے ٹیم گھر جائے گی۔ کراچی کنگز گروپ کے دونوں میچز میں اسلام آباد یونائیٹڈ کو شکست کا مزا چکھا چکا ہے۔ کراچی کے شیروں کے پاس جیت کی ہیٹ ٹرک مکمل کرنے کا موقع ہے۔

    اہم میچ کے لیے کراچی کنگز کے شیروں کی تیاری جاری ہے۔ شارجہ کی شدید گرمی میں کھلاڑی سخت پریکٹس کر رہے ہیں۔

    بولنگ کوچ اظہر محمود کا کہنا ہے کہ آخری 2 میچز جیت کر ٹیم کا مورال بلند ہے۔ پلےآف جیتنے کی کوشش کریں گے۔

    کراچی کنگز اور اسلام آباد یونائیٹڈ کے درمیان دوسرا پلے آف آج رات 9 بجے شروع ہوگا۔

  • کوئٹہ گلیڈی ایٹرز کے 4 غیر ملکی کھلاڑیوں کا لاہور آنے سے انکار

    کوئٹہ گلیڈی ایٹرز کے 4 غیر ملکی کھلاڑیوں کا لاہور آنے سے انکار

    پاکستان سپر لیگ فائنل کے لیے کوالیفائی کرنے والی ٹیم کوئٹہ گلیڈی ایٹر کو بڑا دھچکہ لگ گیا۔ کوئٹہ کے 4 غیر ملکی کھلاڑیوں نے فائنل کے لیے لاہور آنے سے انکار کر دیا۔

    کوئٹہ کی ٹیم مسلسل دوسری بار پاکستان سپر لیگ کے فائنل میں پہنچ گئی ہے لیکن اس بار کوئٹہ کے اہم کھلاڑی فائنل میں ٹیم کا حصہ نہیں ہوں گے۔

    کوئٹہ کے 4 غیر ملکی کھلاڑیوں نے لاہور آنے سے معذرت کرلی ہے۔

    انگلینڈ کے کیون پیٹرسن لندن روانہ ہوگئے ہیں جس کا اعلان انہوں نے اپنے سماجی رابطوں کی ویب سائٹ ٹوئٹر پر کیا۔

    ٹائمل ملز اور لیوک رائٹ نے بھی فائنل میں شرکت نہ کرنے کا اعلان کردیا۔

     ذرائع کے مطابق ناتھن میک کلم بھی لاہور نہیں آرہے۔ رلی روسو کے آنے کا امکان ہے۔ غیر ملکی کھلاڑیوں کے ٹیم چھوڑ جانے کے بعد کوئٹہ کی ٹیم میں افغانستان سے تعلق رکھنے والے محمد نبی کو شامل کیے جانے کا امکان ہے۔

    پاکستان سپر لیگ سیزن 2 کا فائنل 5 مارچ کو لاہور میں کھیلا جائے گا۔

  • پی ایس ایل فائنل کے ٹکٹس کی آن لائن بکنگ شروع

    پی ایس ایل فائنل کے ٹکٹس کی آن لائن بکنگ شروع

    لاہور: پاکستان سپر لیگ کے فائنل کے ٹکٹس کی آن لائن بکنگ شروع ہوتے ہی قذافی اسٹیڈیم کے مختلف انکلوژر تیزی کے ساتھ بھرتے چلے گئے۔ ٹکٹس کی قیمت 38، 76 اور 114 ڈالر رکھی گئی ہے۔

    تفصیلات کے مطابق لاہور میں ہونے والے پی ایس ایل کا فائنل دیکھنے کے لیے لوگوں میں جوش و خروش بڑھتا جا رہا ہے۔ پی ایس ایل فائنل کے لیے ٹکٹوں کی رات گئے شروع ہونے والی فروخت جاری ہے۔

    رات 2 بجے کے بعد آن لائن ٹکٹس کی فروخت شروع ہوتے ہی قذافی اسٹیڈیم کے انکلوژرز ایک کے بعد ایک تیزی سے پر ہونے لگے۔ لوگوں کی بڑی تعداد نے پی ایس ایل فائنل کے ٹکٹس خرید لیے۔

    مزید پڑھیں: یس آئی ایم پاگل، ڈینی موریسن کی گلابی اردو

    سعید انور اور سرفراز نواز انکلوژر کے 500 روپے والے ٹکٹ خریدنے کے خواہش مند افراد کو مشکلات کا سامنا کرنا پڑا۔ پی ایس ایل انتظامیہ نے پہلے مہنگے ٹکٹ فروخت کے لیے پیش کیے۔ آن لائن فروخت کے علاوہ میچ کے ٹکٹ بینک آف پنجاب کی مخصوص شاخوں پر بھی دستیاب ہوں گے۔

    یاد رہے کہ پاکستان سپر لیگ کا فائنل 5 مارچ کو ہوگا۔

  • پلے آف کا پہلا میچ، کوئٹہ گلیڈی ایٹرز کی فائنل تک رسائی

    پلے آف کا پہلا میچ، کوئٹہ گلیڈی ایٹرز کی فائنل تک رسائی

    شارجہ: پی ایس ایل پلے آف راؤنڈ کے پہلے میچ میں احمد شہزاد اور کیوین پیٹرسن کی 40 بالز پر 90 رنز کی پارٹنر شپ کی بدولت کوئٹہ گلیڈی ایٹرز نے سنسنی خیز میچ کے بعد پشاور زلمی کو شکست دے کر فائنل تک رسائی حاصل کرلی۔

    تفصیلات کے مطابق پاکستان سپرلیگ کے پلے آف راؤنڈ مرحلے کے پہلے میچ میں کوئٹہ گلیڈی ایٹرز نے مقررہ 20 اوورز میں 200 رنز بناکر کوئٹہ گلیڈی ایٹرز کو 201 رنز کا ہدف دیا۔

    پشاور زلمی نے اننگز کا آغاز کیا تو اوپننگ کا آغاز اچھا رہا، شاہد آفریدی کی 13 گیندوں پر 4 چھکوں اور 1 چوکے کی مدد سے 34 رنز بناکر پویلین لوٹے تو اُس وقت تک میچ میں سیمی الیون کی جیت یقینی تھی مگر سرفراز کی عمدہ کپتانی کی بدولت اُن کی ٹیم کامیاب ہوئی۔

    گلیڈی ایٹرز کی جانب سے محمد نواز تین وکٹیں حاصل کیں اور نمایاں بالر رہے جبکہ زلمی کے ڈیوڈ میلائن اور محمد حفیظ کی نصف سنچریوں سمیت شاہد آفریدی کی برق رفتار بیٹنگ بھی ٹیم کو فتح دلوانے میں کارآمد ثابت نہ ہوسکی۔

    زلمی کو آخری اوور میں 7 رنز درکار تھے تو سرفراز نے اسپینر محمد نواز کو موقع دیا، اوور میں ایک چوکے کے بعد سیمی الیون کو جیت کے لیے 3 بالز پر صرف 3 رنز درکار تھے تاہم محمد نواز نے آخری اوور میں ایک وکٹ حاصل کر کے یک بعد دیگرے دو کھلاڑیوں کو اسٹمپ کروایا اور سرفراز نے پھرتی دکھاتے ہوئے ٹیم کو فائنل تک رسائی دلوائی۔

    گلیڈی ایٹرز نے ابتدائی 10 اوورز تیز رنز کرتے ہوئے احمد شہزاد کی نصف سنچری کی بدولت 121 رنز بنائے تاہم ان کے آؤٹ ہونے کے بعد سرفراز الیون کی بٹینگ لائن سنبھل نہ سکی اور رنز بننے کی اوسط بھی کم ہو کر رہ گئی۔

    گلیڈی ایٹرز کی جانب سے احمد شہزاد اور کیوک رائٹ نے کیا، سرفراز الیون نے ابتدائی چار اوورز میں 10 کی ایوریج سے رن بنائے کر مجموعی اسکور 40 تک پہنچایا تاہم کیوک رائٹ ایک چھکے اور ایک چوکے کی مدد سے 12 رنز بنا کر پویلین لوٹے۔

    score

    سرفراز الیون نے آخری کے دس اوورز میں ٹیم کے مجمودی اسکور میں  80 رنز کا اضافہ کرنے میں کامیاب رہی، احمد شہزاد 38 بالز پر 71 رنز اسکور کر کے نمایاں کھلاڑی رہے زلمی کے وہاب ریاض تین وکٹیں حاصل کرکے نمایاں باؤلر رہے۔

    پلے آف راؤنڈ کے پہلے میچ میں فتح حاصل کرنے والی ٹیم فائنل تک رسائی حاصل کرلے گی جبکہ شکست کا سامنا کرنے والی ٹیم کے لیے ایک چانس اور ہوگا کہ وہ پوائنٹس میں تیسری پوزیشن پر موجود ٹیم سے مقابلہ کرسکے گی۔

    پشاور زلمی: ڈیرن سیمی(کپتان)، محمد حفیظ، ڈیوڈ ملان، کامران اکمل، حارث سہیل، مارلن سیمیولز، شاہد آفریدی، حسن علی، محمد اصغر، کرس جارڈن اور وہاب ریاض

    کوئٹہ گلیڈی ایٹرز: سرفراز احمد(کپتان)، کیون پیٹرسن، احمد شہزاد، رلی روسو، لیوک رائٹ، سعد نسیم، ٹائمل ملز، حسان خان، انور علی، ذوالفقار بابر اور محمد نواز۔

  • پی ایس ایل کا پہلا پلے آف : زلمی اورگلیڈی ایٹرز آج مد مقابل

    پی ایس ایل کا پہلا پلے آف : زلمی اورگلیڈی ایٹرز آج مد مقابل

    دبئی : پاکستان سپرلیگ کا پہلا پلےآف میچ آج پشاور زلمی اور کوئٹہ گلیڈی ایٹرز کےدرمیان کھیلاجائےگا۔ جیتنےوالی ٹیم فائنل میں جائے گی تو ہارنے والی ٹیم کو ایک اور موقع ملےگا۔ میچ پاکستانی وقت کے مطابق رات نو بجے شروع ہوگا۔

    تفصیلات کے مطابق پی ایس ایل کے پہلے پلے آف کے سپر مقابلے میں سرفراز احمد کی کوئٹہ گلیڈی کا ٹاکرا ڈیرن سیمی کی پشاور زلمی سے ہوگا۔ ایک ٹیم میں سیر تو دوسری میں سوا سیر ہے۔

    دونوں ٹیموں کےدرمیان پی ایس ایل ٹو کےآخری میچ میں شاہد آفریدی نے کوئٹہ گلیڈی ائیٹرز کے منہ سے فتح چھینی تھی۔ پشاور زلمی نےآخری دو میچز جیت کر پلے آف میں پہنچی ہے تو کوئٹہ گلیڈی ایٹرز کو آخری دونوں میچز میں ناکامی کا سامنا کرناپڑا۔

    پہلا پلےآف جیتنے والی ٹیم براہ راست فائنل کا ٹکٹ بک کرلے گی، جو لاہور میں کھیلا جائے گا جبکہ ہارنے والی ٹیم کو ایک اور موقع ملے گا۔

    دوسرے پلے آف میں یکم مارچ کو اسلام آباد یونائیٹڈ کا کراچی کنگز سے ٹاکرا ہوگا۔ ناکام ٹیم ٹورنامنٹ سے باہر ہو جائے گی جبکہ جیتنے والی ٹیم کا 3 مارچ کو پہلے پلے آف کی ناکام الیون سے جوڑ پڑے گا۔

    آخری پلے آف کی فاتح سائیڈ پہلے پلے آف کی کامیاب ٹیم سے 5 مارچ کو فائنل کھیلے گی۔ پشاور زلمی اور کوئٹہ گلیڈی ایٹرز کے درمیان میچ پاکستانی وقت کے مطابق رات نو بجے شروع ہوگا۔

  • وزیراعلیٰ پنجاب کےزیرصدارت ایپکس کمیٹی کااجلاس

    وزیراعلیٰ پنجاب کےزیرصدارت ایپکس کمیٹی کااجلاس

    لاہور: وزیراعلیٰ پنجاب شہباز شریف کی زیرصدارت اپیکس کمیٹی کے اجلاس میں آپریشن ’ردالفساد‘ اورپی ایس ایل فائنل سے متعلق اہم فیصلے کیے جانے کا امکان ہے۔

    تفصیلات کےمطابق وزیراعلیٰ پنجاب کی زیرصدارت ایپکس کمیٹی کےاجلاس میں مشیر قومی سلامتی ناصرجنجوعہ، کورکمانڈر لاہوراور دیگر اعلیٰ سول وعسکری حکام شریک ہیں۔

    اجلاس میں پی ایس ایل کا فائنل لاہور میں کرانے یا نہ کرانے سمیت ملک میں حالیہ دہشت گردی کی لہر کے بعد شروع کیے گئے آپریشن ’ردالفساد‘ کے تناظر میں ہونے والی کامیابیوں کا بھی تفصیلی جائزہ لیاجائےگا۔

    مزید پڑھیں:آپریشن ردالفساد سےدہشت گردی کےناسورکاخاتمہ ہوگا‘شہبازشریف

    ایپکس کمیٹی کے اجلاس سے قبل ڈی جی رینجرز پنجاب اور کو کمانڈر لاہور نے وزیر اعلیٰ شہباز سے ملاقات کی،جس دوران پی ایس ایل کے فائنل، صوبے کی سیکیورٹی صورت حال اور رینجرز آپریشن سمیت دیگر معاملات پر تبادلہ خیال کیاگیا۔

    خیال رہےکہ اب سے کچھ دیر قبل وزیر اعظم نواز شریف نےلاہور میں پی ایس ایل فائنل کے لیے گرین سگنل دے دیا،انہوں نےپی سی بی کو سیکورٹی انتظامات میں ہرممکن تعاون کی یقین دہانی کرادی۔

    پی ایس ایل فائنل کےلیے مکمل تعاون کریں گے، آرمی چیف

    یاد رہےکہ لاہور دھماکے کےبعد آرمی چیف جنرل قمر جاوید باجوہ نے دہشت گردوں کے خلاف جنوبی پنجاب میں آپریشن کی ہدایت کی تھی،ان کا کہناتھاکہ لاہور دھماکے کا مقصد پی ایس ایل کے فائنل کو سبوتاژ کرنا ہے،فائنل کا لاہور میں انعقاد یقینی بنایا جائےگا۔

    مزید پڑھیں:پنجاب میں کالعدم جماعتوں کےخلاف رینجرز کارروائی کرے گی:ایپکس کمیٹی

    واضح رہےکہ اپیکس کمیٹی کے19 فروری کوہونے والےاجلاس میں پنجاب میں رینجرز کی مدد حاصل کرنےکافیصلہ کیاگیا تھا۔

  • کوئٹہ گلیڈی ایٹرز کو شکست دے کر پشاور زلمی پہلی پوزیشن پر

    کوئٹہ گلیڈی ایٹرز کو شکست دے کر پشاور زلمی پہلی پوزیشن پر

    دبئی : شاہد آفریدی کی دھواں دار بیٹنگ کی بدولت پشاور زلمی نے کوئٹہ گلیڈی ایٹرز کو سنسنی خیز مقابلے کے بعد دو وکٹوں سے شکست دیدی۔ پشاور زلمی نے پوائٹنس ٹیبل پر کوئٹہ گلیڈی ایٹرز سے پہلی پوزیشن بھی چھین لی۔

    تفصیلات کے مطابق پی ایس ایل ایڈیشن ٹو کا ایک اور میچ سنسنی خیز مقابلے کے بعد اختتام پذیر ہوگیا۔ پاکستان سپر لیگ ٹو کے سلسلے کا انیسواں میچ کوئٹہ گلیڈی ایٹرز اور پشاور زلمی کے مابین کھیلا گیا۔

    زلمی نے ٹاس جیت کر پہلے فیلڈنگ کرنے کا فیصلہ کیا، گلیڈی ایٹرز نے مقررہ اوورز میں 9 وکٹوں کے نقصان پر 128 رنز بنائے، جواباً زلمی نے 8 وکٹوں کے نقصان پر 19 اعشاریہ 2 اوورز میں مقررہ ہدف حاصل کر لیا۔

    شاہد آفریدی نے چھکے اور چوکے کی برسات کرکے میلہ لوٹ لیا۔ شاہد آفریدی نے 3 چھکوں اور 3 چوکوں کی مدد سے 23 گیندیں کھیل کر 45 رنز بنائے اور ناٹ آؤٹ رہے۔

    کوئٹہ گلیڈی ایٹرز کے دیگر بلے باز بہترین کارکردگی دکھانے میں ناکام رہے۔ کیون پیٹرسن اکتالیس اور روسوو نے اڑتیس رنز کی اننگز کھیل سکے، جیت کیلئے پشاور زلمی کو ایک سو انتیس رنز کا ہدف ملا، مطلوبہ ہدف تک پہنچنا پشاور زلمی کیلئے آسان ثابت نہیں ہوا۔

    کامران اکمل چھبیس، محمد حفیظ بائیس رنز کی اننگز کھیلی۔ شاہد آفریدی نے گراؤنڈ میں قدم جماتے ہی بولرز کے چھکے چھڑا دیئے، پینتالیس رنز کی دھواں دار اننگز کھیل کر شاہد آفریدی نے پشاور زلمی کو دو وکٹوں سے فتح دلا دی۔ جیت کے ساتھ ہی پشاور زلمی نے پوائٹنس ٹیبل پر کوئٹہ گلیڈی ایٹرز سے پہلی پوزیشن چھین لی ہے۔

  • اسلام آباد یونائیٹڈ نے کوئٹہ گلیڈی ایٹرز کو1رن سے ہرا دیا

    اسلام آباد یونائیٹڈ نے کوئٹہ گلیڈی ایٹرز کو1رن سے ہرا دیا

    دبئی : اسلام آباد یونائیٹڈ نے کوئٹہ گلیڈی ائیٹرز کو سنسنی خیز مقابلے کے بعد ایک رن سے شکست دے دی۔ کوئٹہ گلیڈی ایٹرز کی ٹیم کو جیت کے لیے 166 رنز درکار تھے۔ احمد شہزاد اور کیون پیٹرسن کی نصف سنچری بھی کام نہ آسکی۔

    تفصیلات کے مطابق اسلام آباد یونائیٹڈ نے کوئٹہ گلیڈی ایٹرز کے منہ سے فتح چھین لی، دلچسپ مقابلے کے بعد کوئٹہ کو ایک رن سے ہرادیا۔ پہلے بیٹنگ کرتے ہوئے اسلام آباد یونائیٹڈ کا آغاز اچھا نہ ہوا، پہلے ہی اوور میں ڈیوئن اسمتھ کھاتہ کھولے بغیر پویلین لوٹ گئے۔

    پہلا میچ کھیلنے والے حسین طلعت نے دھواں دھار ففٹی بنائی۔ مصباح الیون مقررہ اوورز میں ایک سو پنسٹھ رنزبناسکی۔ ذوالفقاربابر اورانورعلی نے دودو وکٹیں حاصل کیں۔

    ہدف کے تعاقب میں کوئٹہ کو بھی ابتدا میں ہی نقصان اٹھانا پڑا، ابتدائی نقصان کے بعد کوئٹہ سنبھل گیا۔ احمد شہزاد اور کیون پیٹرسن کے درمیان ایک سو تینتس رنز کی شراکت نے میچ یکطرفہ بنادیا۔

    شاداب خان نے کیون پیٹرسن کو 69 رنز پر ایل بی ڈبلیو کر دیا۔ لیکن میچ میں انہونی اس وقت ہوئی، جب کوئٹہ کو بارہ گیندوں پر صرف سات رنز درکار تھے، لیکن کوئٹہ ایک رن سے ہارگیا۔

    محمد سمیع کو ان کی کارکردگی پر مین آف دی میچ کا اعزاز ملا۔ کوئٹہ گلیڈی ایٹرز کی طرف سے ذوالفقار بابر نے 17 رنز دے کر دو وکٹیں حاصل کیں لیکن دوسری جانب انور علی بہت مہنگے ثابت ہوئے اور اپنے چار اوورز میں 51 رنز کے عوض تین وکٹیں لیں۔

  • ایسا کچھ نہیں کیا جس سے ملک کا نام خراب ہو، شرجیل خان

    ایسا کچھ نہیں کیا جس سے ملک کا نام خراب ہو، شرجیل خان

    کراچی : پی ایس ایل میں اسپاٹ فکسنگ کیس میں ملوث اسلام آباد یونائیٹڈ کے سابق کھلاڑی شرجیل خان نے اپنی بے گناہی کا دعویٰ کرتے ہوئے کہا ہے کہ میں بے قصور ہوں میں نے ایسا کچھ نہیں کیا جس سے ملک کا نام خراب ہو۔

    ان خیالات کا اظہارانہوں نے کراچی میں یو ابی ایل اسپورٹس کمپلکیس سے اپنے والد کے ہمراہ واپس جاتے ہوئے میڈیا سے مختصر سی گفتگو کرتے ہوئے کیا۔

    شرجیل خان نے کہا کہ پی سی بی نے انہیں میڈیا سے بات کرنے سے منع کیاہے۔ حقائق جلد سامنے آجائیں گے۔ یاد رہے کہ شرجیل خان سے قبل خالد لطیف بھی بے قصور ہونے کا دعویٰ کرچکے ہیں۔

    پی ایس ایل میں کرپشن اسکینڈل سامنے آنے کے بعد شرجیل خان اور خالد لطیف کو بورڈ نے معطل کرتے ہوئے چارج شیٹ جاری کردی تھی۔ دونوں معطل کرکٹرز نے چارج شیٹ کا جواب دینے کے لیے اپنے وکلاء کے ساتھ مشاورت شروع کر دی ہے۔

  • پی ایس ایل : لاہورقلندرز نے اسلام آباد یونائیٹڈ کو شکست دے دی

    پی ایس ایل : لاہورقلندرز نے اسلام آباد یونائیٹڈ کو شکست دے دی

    شارجہ : پی ایس ایل کے میچ میں لاہور قلندرز نے اسلام آباد یونائیٹڈ کو ایک وکٹ سے شکست دے دی، عمر اکمل 66رنز کے ساتھ نمایاں رہ کر مین آف دی میچ قرار پائے ۔

    تفصیلات کے مطابق شارجہ کرکٹ اسٹیڈیم میں کھیلے جا نے والے پاکستان سپر لیگ (پی ایس ایل) کے 14 ویں میچ میں سنسنی خیز مقابلے کے بعد لاہور قلندر نے اسلام آباد یونائیٹڈ کو ایک وکٹ سے ہرا دیا۔گرانٹ ایلیٹ نے چھکا لگا کر لاہور قلندرز کو شاندار کامیابی دلوائی۔

    ہدف کے تعاقب میں لاہور قلندرز کاآغازمایوس کن تھا، کوئی بھی بلےباز بڑی اننگز نہ کھیل پایا۔ گرانٹ نے سترہ گیندوں پر چھبیس رنزبنائے۔

    لاہور قلندر نے اسلام آباد کے  146 رنز کا ہدف 9 وکٹوں پر حاصل کیا، لاہور قلندرز کے عمراکمل چھیاسٹھ رنز کے ساتھ نمایاں رہے، عمر اکمل نے زبردست بیٹنگ کی لیکن شاداب خان کی گیند پر آؤٹ ہو گئے۔

    اس سے قبل اسلام آباد یونائیٹڈ نے پہلے کھیلتے ہوئے مقررہ 20 اوورز میں 8 وکٹوں کے نقصان پر 145 رنز بنائے۔ نوجوان کھلاڑی شاداب خان نے شاندار بلے بازی کا مظاہرہ کرتے ہوئے بیالیس رنز بنائے اور ناٹ آؤٹ رہے۔

    لاہورقلندرز کی جانب سے عامر یامین 3 وکٹیں لے کر کامیاب باؤلر رہے۔ دیگر گیند بازوں میں یاسر شاہ نے 2 جبکہ سہیل تنویر اور سنیل نارائن نے ایک ایک وکٹ حاصل کی۔ لاہور قلندر کے عمر اکمل کو مین آف دی میچ قرار دیا گیا۔