اسلام آباد : صدرمملکت ممنون حسین نے پاکستان میڈیکل اینڈ ڈینٹل کونسل کو تحلیل کردیا۔
تفصیلات کے مطابق صدرمملکت ممنون حسین کی جانب سے جاری صدارتی حکم نامے کے تحت پاکستان میڈیکل اینڈ ڈینٹل کونسل (پی ایم ڈی سی) کو تحلیل کردیا گیاہے۔
ذرائع کے مطابق پی ایم ڈی سی کا نظم ونسق چلانے کیلئے ایک انتظامی کونسل قائم کر دی گئی ہے، جبکہ آئندہ ایک سو بیس دن میں نئی کونسل کا انتخاب عمل میں لایا جائے گا۔
صدارتی حکم میں ہدایت کی گئی ہے کہ انتخابات میں شفافیت کو یقینی بنایا جائے۔
لاہور: پنجاب اسمبلی میں ن لیگ کے شیخ علاؤ الدین نے انکشاف کیا ہے کہ فاطمہ جناح میڈیکل کالج آئندہ چند روز میں بند ہونے کا امکان ہے۔
تفصیلات کے مطابق پی ایم ڈی سی نے فیکلٹی مکمل نہ ہونے پر کالج بند کرنے کا نوٹس جاری کردیا ہے، نوٹس کے مطابق 19پروفسیر کالج میں حاضر نہیں ہو تے ہیں۔
شیخ علاؤ الدین کا کہنا ہے کہ کالج بند ہو نے سے 300طالبات کا مستقبل خطرے میں ہے۔ پارلیمانی سیکرٹری صحت خواجہ عمران نے بھی شیخ علاؤ الدین کی تشویش کی تصدیق کی ہیں۔ خواجہ عمران پی ایم ڈی سی کا نوٹس روٹین کا مسئلہ ہے، فیکلٹی ممبر پورے کرلیں گے۔
شیخ علاؤ الدین نے کہا کہ پاکستان میں چین اور کرغستان کے ڈاکٹر کام کر رہے ہیں اور ہمارے ڈاکٹر مڈل ایسٹ میں جا کر نوکریاں کرتےہیں۔ انھوں نے کہا کہ میڈیکل کی تعلیم حاصل کرنے والی لڑکیاں شادی کے بعد پریکٹس کی بجائے گھروں میں بیٹھ جاتی ہیں، جس سے قومی خزانے کا ضیاع ہو رہاہے۔
پنجاب اسمبلی کا اجلاس جاری ہے اور اجلاس کی صدارت اسپیکر رانا محمد اقبال کر رہے ہیں اجلاس کے موقع پر سیکیورٹی کے سخت انتظامات کئے گئے ہیں۔
