Tag: پی این ایس اصلت

کراچی : یمن کےپورٹ سے چار روز پہلے پاکستان کیلئے روانہ ہونے والا پاک بحریہ کا جہاز پی این اصلت کراچی پہنچ گیا۔ جہاز میں ایک سو سینتالیس پاکستانی اور چھبیس غیر ملکی سوار ہیں۔ یہ وہ لوگ ہیں جو یمن میں پھنسے ہوئے تھے۔

غیر ملکییوں میں گیارہ بھارتی شہری بھی شامل ہیں۔ جنہیں انسانی ہمدردی کی بنیاد پر یمن سے باحفاظت نکالا گیا ہے۔ دیگر غیر ملکیوں میں برطانیہ، کنیڈا، شام، اردن، مصر، انڈونیشیا اور فلپائن کے شہری شامل ہیں۔

تازہ ترین اطلاعات کے مطابق محصورین کو لانے والے کی جہاز سکیورٹی کے لئے کراچی بندر گاہ کے چینل میں کشتیوں اور جہازوں کی آمدو رفت روک دی گئی ہے۔ اور پاک بحریہ کے جوان حفاظتی کشتیوں میں سمندر میں گشت کر رہے ہیں ۔

کراچی پورٹ پر محصور پاکستانیوں کے رشتہ داروں کی بڑی تعداد موجود ہے۔ جو اپنے پیاروں کی ایک جھلک دیکھنے کیلئے بیتاب ہیں۔

غیر ملکی مسافروں کے استقبال کے لئے برطانیہ ۔ کنیڈا، چین ، انڈونیشیا، شام، مصر، اردن اور بھارت سمیت کئی ملکوں کے سفارتکار بھی بندرگاہ پر موجود ہیں۔

جبکہ پاک بحریہ کاجہاز پی این ایس شمشیر چھتیس پاکستانیوں سمیت پندرہ غیرملکیوں کو یمن کےشہر الحدیدہ سےلےکر آج جبوتی پہنچے رہا ہے ۔

پاک بحریہ کے مطابق کی پاکستانیوں کی محفوظ واپسی کو یقینی بنانے کےلئےپاک بحریہ نےجہازوں پرمکمل انتظامات کئےگئے ہیں۔