اسلام آباد : مشرق وسطیٰ کی بحری صورتحال کے پیش نظر پاک بحریہ کے جہاز پی این ایس طغرل خلیج عدن میں تعینات کردیا گیا ہے۔
تفصیلات کے مطابق پاک بحریہ کے ترجمان کی جانب سے بیان میں کہا گیا ہے کہ مشرق وسطیٰ کی بحری صورتحال کے پیش نظر پاک بحریہ کے جہاز پی این ایس طغرل خلیج عدن میں تعینات کردیا گیا ہے۔
ترجمان کا کہنا تھا کہ پاکستانی تجارتی جہازوں کو کشیدہ صورتحال سے درپیش خطرات سے بچانے کیلئے پاک بحریہ نے پی این ایس طغرل کو تعینات کیا گیا ہے۔
پاک بحریہ نے کہا ہے کہ پی این ایس طغرل کی تعیناتی کا مقصد پاکستانی تجارتی بحری جہازوں کی آمدورفت کی حفاظت کو یقینی بنانا ہے،پاک بحریہ کے جنگی بحری جہازریجنل میری ٹائم سیکیورٹی پٹرول پرباقاعدگی سے فرائض سرانجام دیتے ہیں۔
پاک بحریہ سمندر میں امن وامان کے قیام کیلئےکمبائنڈ میری ٹائم فورسز کےتحت بھی کام کرتی ہے اور خطے میں بحری امن و امان برقراررکھنے کے حوالے سےاپنی قومی ذمہ داری سے بخوبی آگاہ ہے۔
